龍點心 (Eastcore)

營業中

休息中

👩🏻之前試業期食過一次覺得唔錯，所以母親節帶咗媽媽嚟食。🥢番茄蛋春卷$32上次食完今次再encore🤤。新鮮炸起香脆可口，餡料有唔少彈牙嘅蝦肉，勁重茄汁嘅甜味。🥢鳳爪拼金錢肚$36鳳爪夠腍夠入味。金錢肚有咬口又唔會韌。🥢笑口叉燒包$32叉燒半肥瘦，軟腍易咬，甜度比平時食開嘅略低。🥢龍餃子$42一籠四款餃，始終係傳統蝦餃最得媽媽歡心🤣。另一款野菌餃味道濃郁重菇類鮮味，值得散叫多籠。🥢龍燒賣$38懷舊燒賣鮮甜彈牙冇得輸🤩。龍蝦汁墨魚燒賣同樣爽彈，充滿墨魚甜味，係比較出色嘅一款。🍮豆腐布丁$22香滑豆香重，食完點心會覺得好清新。值得一人一杯😍。📍龍點心 (觀塘)觀塘觀塘道398-402號Eastcore1樓4號舖

今日約左個朋友傾野，佢又想飲啖茶食下點心，揾揾下見到呢間龍點心，好似坐得幾舒服，點心又多選擇。黑金流沙包3隻（$32）見到枱枱都有叫呢款包，造型的確唔差，一搣開啲奶黃餡就流晒出嚟，鹹蛋黃既鹹香同奶黃既香甜好平衡，食哂成個都唔算膩，好正！鳳爪拼金錢肚 （$36）又想食鳳爪又想食金錢肚，又驚食唔晒？呢個拼盤就可以一次過可以滿足兩個願望，過口癮！金錢肚好爽口好入味，大讚！酸菜魚鳳眼餃 4隻（$36）一入口就係酸菜味，咬落係較軟身既魚肉，鐘意食酸菜魚既朋友不妨一試。韭黃鮮蝦腸粉（$42）腸粉皮好香滑，但比較厚，餡料既原隻鮮蝦夠彈牙同韭黃夠香，豉油碟好grand，古銅色加木製手柄，好似食緊fancy pancake倒糖漿甘！呢間點心專門店主打特色新式嘅點心，價錢唔算平但款式好多好新穎，鐘意試新嘢既朋友可以黎試下！

依家多左好多新派點心店 飲茶食點心都可以好後生好型㗎今次就去左觀塘Eastcore嘅龍點心造型有特式得嚟又好味各位孝順仔女同daddy mammy去飲茶又多個選擇晚市仲有8折 更加抵食心大心細咩都想試嘅 推介可以叫佢地嘅拼盤一龍大滿足/龍燒賣每款一粒唔會重覆 全部都好食當中我最鍾意嘅係：💜松露野菌晶瑩餃如果鍾意黑松露嘅一定要試好重好重黑松露香味 仲有好多菇菌好鮮薄薄嘅紫色餃皮又靚又煙韌好好食好味到最後再單點一籠🧡龍蝦汁墨魚燒賣呢個好得意 咬落去會爆龍蝦汁 墨丸滑又夠彈牙 馬拉小籠包有陣淡淡地嘅肉骨茶味 幾有特色拉絲菠蘿包可惜唔夠熱 做唔到心目中拉絲嘅效果但菠蘿皮做得幾脆 麵包夠鬆軟脆脆富貴紅米腸粉腸粉入面有脆脆再包住蝦肉 加上沙律醬超好食熱辣辣多重口感 推介！一口鹹水角味道同平時食到嘅差唔多 勝在一口造型夠得意

今日又來到觀塘搵食啦，朋友喺觀塘收工，約左佢黎呢間食點心嘅餐廳，呢間點心好啱打卡，所以我有部份嘅點心係為咗打卡而選擇嘅。茶有兩款，菊花普洱同鐵觀音，菊花普洱比較特別，所以我地揀左呢個，菊花味好清香，侍應都勤力加茶。龍餃子：原味蝦餃：皮薄餡靚，蝦大大隻又彈牙爽口酸菜魚鳳眼餃：好得意，真係食到有酸菜魚嘅味道蟹粉菠菜香蝦餃：我最鍾意呢個，入邊蟹粉好多，好鮮甜龍燒賣：麻辣牛肉燒賣：有山竹牛肉嘅感覺，而且好juicy龍蝦汁墨魚燒賣：感覺好似食緊墨魚丸，都好爽口彈牙馬拉小籠包：小籠包好多汁，而且肉味鮮甜鳳爪拼排骨：呢嗰點心我覺得係為我呢啲唔食鳳爪嘅人而設嘅，因為我係完全唔食而朋友係超級鍾意食，呢個雙併可以令朋友唔洗一個人食曬一碟鳳爪，朋友話鳳爪好林好入味，而金錢肚都好好味，佢唔會好似出面啲酒樓咁有個好厚嘅芡汁，真係可以食到金錢肚嘅味道口水汁龍利魚腸粉：腸粉好滑身，而且龍利魚又多又嫩滑，佢同口水雞嘅醬汁估唔到咁夾，有驚喜大澳蝦醬鮮魷卷：有六件，炸得好脆身，而且有蝦醬嘅味道，好特別黃椒醬排骨：排骨份量好多，而且都好林，底下仲有好多菇，索哂味好正呢間餐廳原本諗住來打卡，食物質素冇特別期待，結果好有驚喜，

觀塘新打卡飲茶點，成間店裝修好有特色，開放式廚房見到師傅不停處理客人點心。間店雖然款式唔算很多，但推出唔同拼盤，客人可以一次過嘗試到唔同款式點心。我地2個人叫左6款野食：🍚臘味糯米燒賣🦀蟹粉菠菜香蝦餃🥯黑金流沙包🦐脆脆富貴紅米腸粉🍡一口鹹水角🦢櫻花果凍天鵝酥燒賣平時用肉類整食得多，見到用糯米整甘特別試試佢，食到好香蝦米粒。蝦餃上面鋪滿蟹仔，咬落脆卜卜。流沙包好香蛋黃味，熱辣辣唔甜，食晒成個都唔膩。腸粉好香脆口加埋爽口彈牙蝦粒，好味。鹹水角整成圓轆轆一個個，賣相吸引。我最鐘意係甜食天鵝酥，入面係紅豆蓉但會食到完粒紅豆，一d都唔死甜，外皮酥炸到卜卜脆加埋白芝麻超香口，下次再試其他新野。😋

.上次食過一次後覺得意猶未盡，今次帶埋屋企人一齊黎食，可以叫多啲試多啲。平時飲茶食傳統點心食得多，試下新式fusion 點心。除左下午茶有八折優惠外，晚市都有，其實幾抵食。如果中午黎一定要打電話訂定枱，否則walk-in唔知要等幾耐。今次叫左八籠點心，樣樣都高質既，屋企人都讚好食😋🔸脆脆富貴紅米腸粉 ($33.6）同上次食一樣，腸粉滑，入面既蝦炸得好脆口🔸椒鹽雞軟骨 ($46.4)呢碟份量超多，食極都仲有咁，我覺得味道唔似茶記或者酒樓食既椒鹽味，呢碟係扁咸啲，雞軟骨每粒size都均勻，有少少雞肉，骨炸到岩岩好，唔會好硬咬到好攰，亦都唔會好淋以為自己只係食緊炸雞肉🔸蟲草花滑雞粥 ($41.6)蟲草花就唔見有好多，但係雞肉就有好多，同埋粥底雞味係重嘅，粥就唔似係熬左好耐嘅粥，但都夠綿滑🔸鰻魚荷葉飯 ($62.4)啲飯有荷葉香，仲有一啲冬菇碎，感覺有少少似珍珠雞，但係啲飯係粒粒分明嘅，味道唔會太咸。鰻魚有三大塊，好滑啖啖肉，冇骨冇刺，好好食😋仲有佢放咗一啲金箔喺鰻魚上面做點綴，成個presentation高級左🤣🔸馬拉小籠包 ($28.8)味道依舊好食，小籠包汁有藥膳味道，一咬落去都有爆汁嘅

之前去食NUTMAD嘅時候，發現旁邊呢間新式點心舖「龍點心」都幾多人等位，所以就已經決定咗再嚟觀塘嘅時候要試一試佢～😛佢哋裝修風格比較新潮，用咗橙紅色+湖水綠做主色，再配埋啲有香港傳統特色嘅鐵閘花紋同瓷磚，真係幾有特色同幾打卡😆 仲配合返佢哋menu上面嘅fusion點心，傳統得嚟又有啲新意～ 不過整體價錢都偏貴㗎～茶芥每位$8，但茶好似只有兩款可以揀：鐵觀音/菊普～今次同朋友2個人食，所以試到嘅款式比較少，有機會嘅話都想再試埋其他點心😋•🥢 龍燒賣 $38鍾意食燒賣又貪心嘅我，第一時間揀咗呢個，一次過試到4款口味嘅燒賣，以下由最好食嘅開始講🤣～ 懷舊燒賣(右上)：蝦肉同豬肉比例啱啱好，蝦肉彈牙👍🏼麻辣牛肉燒賣 (左下)：聞落都幾麻，但食落好香，帶微辣，幾惹味😋龍蝦汁墨魚燒賣(左上)：呢款食唔到龍蝦汁😬 食到墨魚味為主，所以似食緊燒賣皮包墨魚丸🤣番茄海鮮燒賣 (右下)：燒賣嘅上面有一小片帶子～呢款個番茄味有啲假，似番茄味薯片嘅嗰種番茄味😂 (可以一試，但好似都係食返傳統燒賣開心啲🤣)•🥢 蟹粉菠菜香蝦餃 $56呢個諗返真係幾貴，連埋加一嘅話，除返開每隻餃要$20🥲 蝦餃皮係綠色嘅，可能

.依家有好多新派點心店，啲點心造型精緻又靚😍未食望到都流口水🤤今次去左觀塘一間人氣點心店朝聖一下🤣咁岩係下午茶時間，全單有8折優惠，好抵食😋我同母親大人點左四樣點心，每樣都好好食，母親大人表示十分滿意😆一龍大滿足($46.4)一籠六件 - 筍尖蝦餃王、酸菜魚鳳眼餃、松露野菌晶瑩餃、蟹粉菠菜香蝦餃、糯米燒賣、碗豆桃子每件點心造型精緻，五顏綠色，好吸睛，而且好足料，味道正常，又熱辣辣，正👍🏼馬拉小籠包 ($28.8) 呢款同我地平時食開既好唔同，佢既包汁係帶點藥膳既味道，但唔令人抗拒的，好特別。黃椒醬排骨 ($25.6)另一推介點心，第一排骨份量多，第二排骨好入味，生粉比例剛好，唔會食粉漿，因為排骨肉都多，冇雪藏味。不過就有啲辣既，但我地食到，所以ok!脆脆富貴紅米腸粉 ($33.6)勁大份，有6件腸份，每件都好大卷，紅米腸粉好滑，皮薄，包住脆炸蝦，食落卜卜脆，仲要炸蝦都大隻，肉唔霉的，少少彈牙，唔錯。另外腸粉本身已沾上沙律醬，但佢都另附甜酸醬、醬油、蛋黃沙律醬比你自行調配味道👍🏼我自己中意甜酸醬同醬油，中和返沙律醬好似冇咁油🤣🤣🤣佢既裝修都好新穎，係有好多霓虹燈，座位都好舒服。店員服務好

中午時間光顧，不用排隊，想坐卡位，但服務員說沒有了，安排了我們到嘉賓房，裏面只有兩枱，傾偈唔會太嘈。這次點了一盒有4件的龍燒賣、叉燒腸粉、鳳爪拼金錢肚，肉鬆馬拉糕，再加甜品豆腐布丁，上菜快，每款都即叫即蒸，款式傳統之餘也有新配搭，賣相精緻，特別推薦豆腐布丁，滑口軟軟的，有豆腐味，絕對有下次

這間的點心十分創新，有好多唔同味道的燒賣同餃子，連酸菜魚餃子都有，真係估佢唔到。每粒燒賣餃子份量比較細粒，味道不算突出，未食過可以去試下，但如果喜歡傳統感覺的點心，呢間餐廳就不太合適

星期日突然間想去飲茶，驚朋友介紹所以嚟咗試吓。我哋兩個人冇叫拼盤，叫咗三四個點心，同埋一碗擔擔麵～馬來小籠包、酸菜魚餃、黑松露餃！馬來小籠包用肉骨茶作為湯頭，啡色嘅外皮令人有種神秘感，平常一般都係白色。湯汁濃香肉骨茶，我好鍾意，佢都好重口味。黑松露餃外皮煙韌，而且賣相十分吸引應該用了碟豆花上色，而且加入木薯粉令到外皮不像一般點心皮般沒有彈性。黑松露餡足料好香黑松露味，我好推薦一定要試吓。而酸菜魚餃係好食，但係冇頭先嗰兩種咁有驚喜。整體我好滿意，又好食又創新的點心店。

龍點心🥟觀塘新開既新派手工點心。CP值都幾高👍🏻😋 另外幾中意佢所用既仿汝窯餐具（？！有無講錯😂），別有一番風雅。1 - 芥末蝦球；皮薄脆兼蝦肉爽彈👍🏻甜與wasabi微辣既口味非常開胃。2 - 一龍大滿足；包括多款創意點心，一次試曬招牌自家點心，例如酸菜魚鳳眼餃、蟹粉菠菜香蝦餃等，幾新奇幾正。3 - 黑金流沙包餡料就比較稀，同埋味道比較淡，可以改進。4 - 脆脆富貴紅米腸粉；層次感幾豐富，個人相當喜歡。必叫🔥🔥🔥

黑金流沙包（$42）賣相：🐧🐧🐧味道：🐧🐧🐧🐧賣相方面，全黑的流沙包頂端配以金箔不規則花紋點綴，外型小巧圓潤，十分吸引。流沙包以膠盒盛放，由於未有透氣孔導致倒汗水非常多，扣分。味道方面，流沙包內的流沙餡濃稠適中，流心效果理想。流沙餡奶黃味足又不會過甜，當中帶有鹹蛋黃香，十分惹味。流沙包包身軟潤，不會過乾過硬。龍餃子（$58)🥟蟹粉菠菜香蝦餃（左上）、酸菜魚鳳眼餃（右上）、松露野菌晶瑩餃（右下）、筍尖蝦餃皇（左下）賣相：🐧味道：🐧🐧🐧賣相方面，4隻餃子堆在一起放進外賣膠兜內，餃子造型凌亂，膠兜更見倒汗水。味道方面，蟹粉菠菜香蝦餃鮮蝦爽甜，蟹粉香氣一般，菠菜味則欠奉。酸菜魚鳳眼餃内的酸菜魚酸辣中帶一點咸香，頗為特別。松露野菌晶瑩餃內，主打的黑松露量略少，味道並不明顯。筍尖蝦餃皇與一般蝦餃無異，蝦餃皮不算過厚，蝦仁足料大隻，爽滑彈牙。外送等候時間：🐧🐧🐧在平日下午下單，約需45分鐘送達，與預計時間相約。🐧❤️結語：建議堂食，比外賣賣相好多了。

港女都可以喜歡飲茶，今日幫襯咗喺觀塘嘅「龍點心」，聽講係主打新派手工點心，創意十足餐廳環境佈局都幾有心思 都靚 都坐得舒服 喜歡飲茶嘅朋友仔又有一個新選擇啦~好多點心都好想試呀， 奈何暫時堂食只可兩個人， 為免浪費食物 唔敢點太多 我今次食咗 蟹粉菠菜香蝦餃，黑金流沙包，馬拉小籠包，松隆野菌晶瑩餃，脆脆富貴紅米腸，一口豆腐。環境舒適 點心又靚 又好味！！唔錯唔錯！

位置方便到達，Eastcore有個停車場，管理員服務很好，姓陳的電話訂座，十分方便。餐廳空間感很好，座位不擠逼，照明充足光猛。茶位8蚊位，鐵觀音和菊花普洱。選擇了菊花普洱，有菊花香普洱亦順滑。QR code叫點心，上點心時間很快，約5分鐘今次選擇了7款點心和1款甜品1。龍餃子 特式餃子，4款也十分好食，鮮味足。2。龍燒賣 4款各有特式，十分足料，麻辣牛肉竹欠缺少少牛肉味，夠辣。3。黑金流沙包，超流沙，奶黃足，好味。4。馬拉小籠包，肉骨茶味道好足夠，比傳統小籠包多一點突破。5。脆脆富貴紅米腸粉，必試，3款醬料，超脆，特別。6。大澳蝦醬鮮魷卷，魷魚味不太突出，夠脆，偏鹹。7。拉絲菠蘿包，芝士拉絲，好味。8。豆腐布丁，樣貌與餐牌上有少少不同，缺少糖漿，賣相差少少，布丁質地滑，但吾夠香唔夠滑，預期應該好似豆腐花咁滑。價錢有點昂貴，但值得一試的精緻點心