影片
更多
2022-05-31
63 瀏覽
有一段時間冇去觀塘搵食，原來都開左唔少新餐廳！今次就同朋友試左呢間新派嘅手工點心❤️有別於傳統酒樓嘅點心，佢地嘅點心多數都混合左不同嘅原素，創意十足，每款都比到人驚喜。✨一龍大滿足（$58）話明一龍大滿足，就當然係一次過試晒餐廳最signature 嘅幾款點心喇❤️一籠入面分別有筍尖蝦餃皇、 酸菜魚鳳眼餃、 松露野菌晶瑩餃、 蟹粉菠菜香蝦餃、 糯米燒賣、 豌豆桃子，每款都好睇又好食！我自己就特別鍾意松露野菌晶瑩餃，食落好重松露香。蟹粉菠菜香蝦餃亦幾有驚喜，嫩綠嘅餃皮上加左魚子，食落鮮味十足，絕對可以encore😆✨脆脆富貴紅米腸粉（$42）呢款都係必叫！滑溜嘅紅米腸粉包裹住脆卟卟嘅蝦春卷，成個combination 好完美😋✨龍蝦汁墨魚燒賣（$36）有別於一般燒賣以豬肉做餡，呢款燒賣就用左手打嘅墨魚滑，食落口感彈牙，而且一咬有龍蝦汁係口腔爆開，非常有驚喜😍✨拉絲菠蘿包（$36）菠蘿包上枱嘅時候仲係微暖，拉開中間有芝士，味道都唔錯。餐廳仲有好多款點心我好想試，而且價錢相宜，所以絕對會encore😋
✨一龍大滿足（$58）
話明一龍大滿足，就當然係一次過試晒餐廳最signature 嘅幾款點心喇❤️一籠入面分別有筍尖蝦餃皇、 酸菜魚鳳眼餃、 松露野菌晶瑩餃、 蟹粉菠菜香蝦餃、 糯米燒賣、 豌豆桃子，每款都好睇又好食！我自己就特別鍾意松露野菌晶瑩餃，食落好重松露香。蟹粉菠菜香蝦餃亦幾有驚喜，嫩綠嘅餃皮上加左魚子，食落鮮味十足，絕對可以encore😆
✨脆脆富貴紅米腸粉（$42）
呢款都係必叫！滑溜嘅紅米腸粉包裹住脆卟卟嘅蝦春卷，成個combination 好完美😋
✨龍蝦汁墨魚燒賣（$36）
有別於一般燒賣以豬肉做餡，呢款燒賣就用左手打嘅墨魚滑，食落口感彈牙，而且一咬有龍蝦汁係口腔爆開，非常有驚喜😍
✨拉絲菠蘿包（$36）
菠蘿包上枱嘅時候仲係微暖，拉開中間有芝士，味道都唔錯。
餐廳仲有好多款點心我好想試，而且價錢相宜，所以絕對會encore😋
張貼
