鼎泰豐

營業中

休息中

我地是日晚餐就响呢度解決,第1次食,感覺唔錯~酸辣小黃瓜,唔錯,唔太辣,作為頭盤幾開胃.小籠包,d肉有d"梅",呢個唔得.擔擔麵,ok,不過不失.抄手,ok.蝦炒飯,1般.餛飩湯麵,好淡,好1般.芥蘭,好食,剛剛熟,好清爽.荔芋包,大推介!!個人認為最好食係佢,芋蓉好食,唔太甜,令芋頭的香氣更突出.我地連續叫咗2籠.豆沙包,1般過1般,好甜,食過荔芋包就唔會想食佢.感想:份量好細,我地2男3女唔夠飽.另外,服務好好,好有禮貌.洗手間簡直超級好,好乾淨,有專人响度幫你開門,我入厠所前佢居然幫我抺個厠板整體我覺得服務比食物要好.

看Aska前, 來了這兒.五時半左右, 不用等位, 但肚子也未餓.點了蟹粉小籠, 牛肉湯, 滷水牛肚, 菜肉包.蟹粉小籠多汁, 可口.牛肉湯清甜, 牛展淋. 牛肚五香味濃但不口渴. 菜肉包無吃(你要吃嘛).washroom服務... 真的有開埋門比我!

這家褒貶不宜的店。親自去吃了之後，有些低於期望。相比西門町，都是做台灣食物，這一家很顯然有些店大欺客。分量沒有很大。小籠包味道一般，擔擔麵無甚出奇~個人最喜歡的是青菜……只可以填肚子，不適合作為食客親自來食~

慕名而來....試左小籠包,擔擔麵,牛肉麵,個小籠包食左兩個就食唔落....因為可能我果籠包左過多肥膏...佢地既麵反而唔錯...麵質好好....但佢地既服務簡直一流.....由攞飛開始到埋單走人...個個都好有禮貌.....

昨天早上有事去了尖沙咀，之後在海港城遊盪，太太說不如去鼎泰豐。當時不過11:40分，它11:30分剛剛開門，所以馬上有位不用等。小籠包是指定動作。皮薄不易穿，湯量足和味道也好。我叫了一碗紅燒牛肉麵，太太叫了擔擔麵，水準都好。不過以50多元一碗來說，份量有些不夠。太太說小籠包是很好，不過擔擔麵來說，翡翠比它好。我覺得以價錢及食物種類來說，翡翠比它好，只輸小籠包一項。值得一提是服務非常好，洗手間也乾淨。此店確實是值得一讚，怪不得我們走時門口已經擠滿人。

鼎鼎大名的鼎記終於名正言順回歸香港了，還掀起了等位風潮。是日週末，又到文化中心看表演，是以要早吃飯，於是決定搏一搏拿張票試試看。六點正到場，拿票時知客姐姐已細心說明等位規則，特別是不齊人不給檯。結果約六點二十分已叫到我們的四人檯，只是… 四人之中只有小弟一人到場，照例不可進場，於是只好乖乖地等候。事實上也沒有食客因為如此而發老脾，可見只要有規有舉，香港人也可以很有耐性和禮貌的，平常都只是被縱慣而已。當然店方派出充足的職員姐姐，一早說明，再加上嚴格而有禮地執行檢查人數，令客人等得順氣，也是十分重要的。我想此等台式方法很值得推廣，各大長龍食肆(和食客)也應該多多學習。等齊人結果要到七點才可以坐下，號碼都已過了四十多個，看來在此時段返檯速度也算頗快。時間關係也要快快點菜。蟹粉小籠包，眾口一詞的意見是感覺不到蟹粉，不過以包論包的確是水準以上的佳作，皮薄得來又不易穿，湯的含量和味道也十分適中。唯獨是不知何故籠中出現了一顆似是麵粉的小粒，以致賣相有點奇怪。蒸素餃雖然飽滿，但餃皮相對較為硬了一點，不含是否較少人吃，蒸過了時間的緣故？油豆腐粉絲湯是其中一道最讚的，粉絲剛好吸盡了油豆腐的油膩，又令粉絲變

19.12.2008平時睇食評, 同埋聽人講要等好耐.. 今日終於去左啦~可能因為過左LUNCH TIME, 等o既人少左d.. 見到門口有位, 但係都要等位..不過最後有近窗口o既大檯兩個人坐, 等左十分鐘都係值得o既~~侍應好好服務, 由一入黎, 點菜, 茶, 所有野都令食客覺得受尊重, 同重視!我地擺左d野o係隔離位, 即刻有侍應用布幫我地蓋住, 唔會dirty!因為已經下午二時, 都未食晏.. 所以兩個人叫左四樣野 前菜 馬蘭頭-- 好爽好開胃的一個前菜, 馬蘭頭混合豆腐碎, 好細粒混合而成, 好有口感同埋好fresh! 小籠包--吃過台灣的鼎泰豐, 香港的小籠包都係原汁原味, 湯多, 味清, 仲有個皮好薄好細緻。聽過有朋友講鼎泰豐小籠包o既頂部個皮太厚, 有d乾, 尋日食就無咁O既現象, 可能因為呢個時間真係唔太full, d野食無咁求其上gwa~ 不過整體而言, 這裡的小籠包算係香港最好食! 原盅牛肉湯-- 因為想食d清清地o既野, 所以叫左一盅原盅牛肉湯, 湯味甜美, 有少少酒味, 湯同料o既分量一半一半, 再加上牛肉煮得岩岩好, 夠林, 又入味, 飲左個牛肉湯真係好

好幾年前去過紅磡的鼎泰豐, 還記得那一次是失望而回. 因為小籠飽的味道跟台灣的泰豐相差甚遠. 而且當時紅磡的分店安排的只是十二人枱. 即是局限我們要跟陌生人搭枱. 令我有種如坐針氈的感覺. 昨天剛好經過尖沙咀分店. 決定給它多一次機會. 大約五時半到, 門口已有一條少少的人龍. 等了大概數分鐘便被安排入坐. 先點了一客小籠飽(六隻), 一碗擔擔麵, 一碟海蜇小籠飽: size十分小. 但皮薄餡靚. 只是48元. 六隻似乎昂貴了一點.擔擔麵: 說真的, 是水準之下, 而且一點也不辣, 只有花生味, 好像吃了一瓶花生醬.海蜇: 加了少許白蘿蔔絲, 味道不錯.由於份量太少, 我和友人先後再點了一客四季豆, 一碗西米露和三客小籠飽 (別笑我大食, 因為小籠包實在太小了).尖沙咀店安排很多二人坐位, 而且很多也是sofa seat. 環境頗舒服. 我被安排坐在金魚缸旁, 看著幾十條魚游來游去, 感覺不錯.最後結帳, 每人160元. 總括而言, 小籠包較'翡翠"好吃, 但"翡翠"比較化算 + 而且麵較好吃. 相信不會再光顧鼎泰豐了.

昨日去食咗啦，only 蟹粉小籠包係最好味，其他都係一般，而且份量好小，價錢又貴！我諗我下次都唔會去食！

每天都要加班, 真的吃不消了!剛剛過去的 HAPPY FRIDAY, 實在想離開公司出外呼吸一下新鮮空氣! (嘻~!)準時離開公司, 到達餐廳時才不過 6:45PM....可能因為入坐時需要齊人的關係, 加上時間尚早, 所以 2 個人所需等候入坐的時間為 0. (哈!)「正宗小籠包」.....$46 (6隻)來到鼎泰豐, 這個當然是必選啦!水準真的不錯呀!! YUMMY~~~~~~!皮薄而不易破, 完全乎合 "皮薄餡靚" 的美譽.絕對值得一試!!「排骨蛋炒飯」..... $48排骨鬆化, 入口時很有口感.炒飯有香濃的蛋味, 飯亦炒得粒粒分明.是一個不錯的選擇!除此以外, 我們還點選了擔擔麵及淨雲吞.可惜, 兩者都沒有什麼驚喜!

昨晚與靚女友人又再出動, 今次的目標為鼎泰豐. 雖然已在台北吃過但難得它在香港開業, 當然想與它一會看是否跟在台北所嘗到的一模樣.雖然不接受訂位但可能是星期一的關係, 加上只有2人所以只等了約15分鐘便被安排入座, 值得一提是接待的女侍應們全都笑容滿面, 十分親切有禮, 真的久違了這種以客為先的服務態度.我們點選了以下的菜餚:1. 醉雞 - 沒有甚麼酒味, 但啖啖肉. 十分啱我口味.2. 小籠包 - 當然是皮薄料靚名不虛傳.3. 清炒荳苗 - 友人的說法是麻麻地, 但不關鼎泰豐事, 是現在的荳苗與以往相比已今非昔比但也不便宜, 盛惠68.00.4. 排骨旦炒飯 - 大力推介, 十分足料和好味, 特別是那件排骨即豬扒, 很鬆脆惹味.5. 牛肉清湯 - 牛肉即牛展, 湯味清新不混濁, 又一推介必食.總括而言, 今餐十分美味加上靚女友人為維持美好身材所以吃得不多, 這便益了我, 因此覺得十分完滿, very nice!!!

想食香港鼎泰豐好耐‧睇下同台灣有咩唔同上星期六特登去攞位‧哩晚排幾耐都要食佢還好廿張檯等左9個字左右‧比我想像中算快先講service‧行入去每個待應都會面帶笑容講"裡面請"‧已經覺得好好禮貌落order後拎住個相機周圍影‧個經理見我想影玻璃廚房‧特登叫人讓開俾我‧好得誇張講番食物‧小籠包唔少得‧叫埋蟹粉小籠包‧蟹粉就無乜湯汁‧但一D都唔腥‧食到蟹味‧小籠包就好多湯汁‧唔算好滾‧剛剛好再叫左個擔擔面‧唔似得一般上海舖好多湯‧D湯又唔希‧lo暈哂D面剛剛好‧不過份量唔多‧剛剛好分3小碗仲有個蝦旦炒飯同紅油炒手‧哩2個無乜大特別‧但都唔差最後就係個荔芋包‧朋友指定要order既‧本黎唔食芋頭既野‧但都覺得好味‧唔太甜‧又唔(漏)‧幾好味總括黎講哩餐都好滿意‧但唔知係咪隔離飯香‧覺得好似台灣好食D‧係咪錯覺???最後都要講下SERVICE‧toilet都有一個人負責serve‧干淨唔駛講‧幫我開埋廁格門‧好似好魏過份左D

我地星期日...五點幾去到...唔洗排隊..但走果陣..六點三...已經有成棚人係度等位勒.我地只叫了3樣野食...但3樣都禁好味. 豬扒蛋炒飯....成個碟禁大既豬扒.......好似$58..... 擔擔麵.....湯底好夠味..但好細碗...$30 小籠包....係最好味既... $48

今次真的不計成本瘋狂點了一些網友推介過的菜 ：特色小籠包 ~ 和台灣的水準差不多 元盅牛肉湯 ~ 湯很清，但很有牛肉味~ 紅油抄手 ~ 少辣，很滑，怕辣的我也忍不住吃了兩塊 雜錦豆幹 ~ 小吃，豆乾香香的 烤夫 ~ 乾了一點，但味道不錯 排骨蛋炒飯 ~ 排骨比想像中大，蛋飯也抄得很香 紅燒牛肉湯麵 ~ 牛肉香，湯很甜 骨膠原肉凍 ~ 就是上海菜中的肴肉，肉香但少少偏鹹 豆漿 ~ 要$16一杯, 但是大杯的, 所以只叫了一杯 豆沙小包 ~ 豆沙不太甜，美味甜品 杏仁豆腐 ~ 很滑, 很有杏仁味 本來還點了醉雞和醺魚，卻己沽清，無緣試吃 說是台灣菜，我倒覺得更像是上海菜，菜式味道也是大同小異~上網查看網友平均消費是約$100~$150，我和男朋友二人去結帳是$520，即是每個人都吃了兩個人的份量，似乎實在太誇張了‥‥‥‥記著要早一點到，因那裡總是人山人海的‥‥‥我們約7時到, 但都要等了個半小時才可進入‥‥

星期日6點左右，唔洗等位，兩個人坐張大圓檯~叫左小籠包，清炒白菜，牛肚，紅燒牛肉麵，蝦雲吞麵同一個黑芝麻包~服務確一流，每個人都笑面迎人，有禮貌~值得一讚~小籠包皮好薄，見到有湯係入面，$48/6粒~個人比較喜歡翡翠既~牛肚好重酒味，係冷盤黎~牛肉麵有好大舊牛筋，我鐘意~不過o的麵就麻麻地，冇咩彈性同咬頭~湯底既味道亦都好古怪~雲吞麵不值一試~芝麻包就ok，幾新鮮，即叫即整，熱辣辣~不過芝麻味好淡~白菜用上湯炒，幾翠綠爽甜~