鼎泰豐

營業中

休息中

今天下午又再到此一嘗至愛的蟹粉小籠包,除此之外還叫了網友推介的紅油抄手,果然好好味,,裡面既醬油充滿台式"老"水的味道..而醉雞亦一如以往水準.....不過..點解????個價錢?????記得第一次食只不過係$48,過一排再去己經加到$58,今天個價錢竟然係!!!!!!!$68..仲貴個籠蟹粉小籠包.....SIZE同味道都冇乜分別咋WOR...

兩個人叫了小籠包 , 排骨湯麵 , 菜肉雲吞麵 , $48 一碗麵 , 又要加一又要收茶錢 , lunch來說也算貴 , 兩點多來到 , 以為有下午茶 , 點知沒有 , 而且 , 炒粉麵也沒有供應 , 選擇極少 . 排骨湯麵 , 菜肉雲吞麵 , 排骨和雲吞也可以 , 但是 , 個湯完全沒有味道 , 好淡 , 一定要加調味料 . 小籠包皮好薄 , 有 6 個 , 好好味 , 一定要試 . 服務員好有禮貌 , 有些好像是台灣人呢 . 下次如果再來 , 也會選擇晚上 , lunch 實在有些貴 .

這裡給我印象很深刻，或者真的太久沒有到過一間有禮貌的食肆吧~!侍應、員工笑容可供，辜勿論是否真心，卻確實令人滿意，無論是在門口的知客，帶位的還是落單上菜的員工都很有禮貌，"唔好意思"、"可唔可以"、"幫你"、"多謝"這些耳熟的語句終於在這裡聽得到。即使臨走時，員工看到你也會客氣用國語講一聲"謝謝，慢走"。我認為食飯不單止要食物美味可口，服務都是同樣重要，這樣好的服務夫復可求?至於食物，我們五人點了:一客醉雞一客菜肉餃子一客小籠包、一客蟹粉小籠包一個香葱撈麵一個蛋香肉絲炒飯一個排骨湯麵基本上所有菜色賣相及美味程度均屬中上，值得一讚的是菜肉餃子及香葱撈麵，雖然是尋常菜色，但勝在新鮮和細心，有點像帶了家的溫暖到餐廳一樣。也許我有點誇張，但我們的確吃得愉快~!

可能是分店多了 食物素質比以前只有台灣的店差 昨晚一行六人醉雞 - 是否處理時間不夠? 完全吃不到酒的味道小籠包 - 應該是招牌菜但個人比較喜歡更有湯汁的那種素菜餃 香菇餃 - 街邊的小店會更好吃糯米燒賣 - 不錯 夠乾炸醬麵 蔥拌麵 麻醬拌麵 - 味道不錯可惜份量太小排骨菜飯 - 個人推介!荔芋小包 - 既然是甜點那應該多少也要有甜味吧埋單每人$115 下次會轉吃樓下的峰壽司

Went to this restaurant with my friends for late lunch, environment is clean, bright decor. We ordered the soup dumplings with crabmeat, the dumplings were very juicy, excellent! We also ordered noodles and Shanghainese fish, noodles were pretty standard, the fish was very good. Taro buns were outstanding, must try! The service was very good, we didn't wait too long for table (4 of us), very good impression overall, would come back!

受鼎泰豐的大名吸引，今又特地到尖沙咀打算一嚐美食。坐下來二話不說就點了享負盛名的小籠包，另外再點了原味水晶肉、排骨湯麫、菜肉雲吞、紅油抄手和受好評的荔芋小包。侍應快速地上菜。水晶肉都算ok, 帶五香味，份量也ok。不過建議多人吃會比較好，作為2-3人的前菜會比較膩了點。小籠包都算ok，皮薄多汁，但稍嫌肉餡和湯汁的調味不夠好。試到紅油抄手，還真的不錯喔，紅油的甜味和辣味都夠，夠香，吃起來很惹味。排骨湯麫和菜肉雲吞不算十分特出，但是不過不失啦。最後等了很久，終於到荔芋小包出場! 蒸蘢一打開，急不及待地夾起一個小包先嚐為快。裏面的荔芋很膠，已經和包皮”結合”， 口感很彈牙，很煙韌，值得推介。價錢方面，作為這種水準的餐廳是貴了點。若再看看侍應和餐廳的服務就可以理解了。在點菜單上，會mark下你的國籍。也許你會奇怪為什麼? 據我推斷，若你是外國人或內地人，便會派會說英語或國語的侍應來serve你!哈，真細心! (因為坐在我旁邊”答枱”的是一個外國人)。值得再讚的是，那裡的厠所的清潔度和服務足可比美五星級的大酒店!!

Went to have lunch with gf at this restaurant ytd, we ordered a "darm darm noodle", a pork chop fired egg rice, siu lung bao and vegetables. The darm darm noodles is very very good, the noodle is cooked just nice not too soft and not too stiff its very darn ar. The soup base is very good, has very strong taste and the noodle has absorbed the taste of the soup base very very good. The pork fried egg rice is very good too, the pork chop is very soft and juicy and has a very taste of its seasoning

張台唔夠big 坐到好鬼迫一行十二人尼左食飯但係....佢provide 的台...只係一張六人台....冇計...反正一早話尼食...同埋又坐低左...所以就照食叫左好多好多野食分開兩輪叫左以下的野食羅白絲海蜇 + 特色小籠包 + 蟹粉小籠包 + 菜肉蒸餃 + 香菇素餃 + 糯米燒賣 + 蝦仁燒賣+ 菜肉包 + 鮮肉包 + 酸辣湯 + 香蔥拌面 + 台式擔擔面 + 牛汁湯面 + 酸肉湯面 + 紅燒牛肉面+ 蔥蛋炒飯 + 肉絲蛋飯 + 排骨蛋飯 + 肴肉食得很瘋狂的!!!成日都聽呢間野好味食落...有幾味的確係要推介一下蔥蛋炒飯...雖然係一度極為普通的野食沒有極級的材料...只考師傅的功夫呢度的蔥蛋炒飯又真係抵食兼好食咸味剛好 亦沒有過多的油食完碟上亦沒有過多的肥油但係火喉又夠...真係和味!!第二樣推介的野係佢的排骨我地叫的係排骨蛋飯d 飯固然係好味...但係最精髓在於佢的排骨香噴噴的....味濃而不膩雖然d肉唔係話香嫩...但係勝在味道搭夠呢第三則是他的 擔擔面麻油花生的味道濃郁食落則覺得濃稠適中入口帶嚼頭...食完想再食呢~~第四就係佢的肴肉精緻可口的...皮係肥...但係絕

前日下午3點鍾，兩人逛到尖沙咀有點累，其實一點不餓，記起蔡瀾介紹的《鼎泰豐》在附近，便上去找個位置坐下。店鋪裝修清簡利落。遵照蔡瀾先生在節目中的教路，我們點了『小籠包』，制作算有水准，包皮薄餡靚多汁。而隨後的『紅燒牛肉面』幾塊牛肉幾箸面，非常一般化了。至於『油炸排骨』全沒無特色可言，一巴掌大的薄豬扒，賣相不靚肉質又乾又粗糙，與西式日式吉列豬扒的口感相差太遠，連大家樂的『一哥豬扒』也比不上。這餐簡單的下午茶，連茶位5元/人加服務費176元。看餐牌及實物：青瓜28，炒白菜40，咸肉粽一小條36等等，許多食品對不起收費。《鼎泰豐》這樣的食肆吃完就走，像快餐店多一些，文化氛圍不同於西餐廳、粵式酒樓及港式茶餐廳，可以悠閑聊上個把兩個鍾頭。香港人雖然錢多消費力強，同時亦有精明的頭腦，並非任何人拿個『名氣招牌』來隨便晃晃便會接受；凡是物非所值的或想混水摸魚的，都難以長期在香港立足---除非來個大改革。希望兩年後在這裡還見到生意興隆的《鼎泰豐》吧。

之前去台灣錯過左.今次去返香港呢間試一試星期日下午點幾同媽媽.細佬三人行去食.等 5 mins就有位(比想像中快.聽人講次次都要等 30mins ) 仲有有卡位...入到去個個侍應都好有禮貌.環境唔錯(可能坐卡位啦 ~ )我地點左以下幾樣: 1.水晶肉-頭盤.冷食.好咬口..不過味道淡左少少(食開重口味)2.招牌小籠飽-每隻小籠飽 2 0 摺.即叫即做.夾上來唔會爆.上湯亦唔會燙口3.糯米燒賣-糯米煙軔-份量適中.食完唔會有好飽感覺4.蝦仁炒飯-飯有少少濕.蝦仁大大隻配合蔥花.蛋炒埋.好味5.紅油炒手-上碟時見佢好紅.以為會好辣.入口.蝦同肉好好彈口.完全唔係辣味入口.而係鮮味入口.之後先有少辣的感覺6.泥芋小飽-侍應好細心同我講話呢樣係甜品最後先上.仲幫我地換埋碟先食.淡淡芋頭味非常之香口.整體環境.食物.服務真係唔錯.一定會食第二次.因為仲有好多食物想食鼎泰豐呢個服務真係冇邊間可以做到.

我哋係佢開張之後第三日已嚟過, 覺得食物水準和服務 其實同台灣本店差不多, 但一直想再嚟但怕人多, 直到禽曰再想食,就叫波波先到攞飛等位, ....等咗一陣, 嗰d好有禮的waitress帶我哋入坐.特式小寵包 - 有6個, 新鮮熱辣, 一口一個, 又多汁, 但今次覺得d肉有小小實, 唔夠鬆, 但比起其他上海店, 佢算好好食辣味小黃瓜 - 青瓜夠脆, 辣味適中, 好開胃籮白絲拼海折 - 味道..hm...好味啦, 食不停口炒油麥菜 - 菜夠"亂"口, 炒得啱啱好, 只係油多咗小小排骨面 - 排骨夠入味, 個湯都好甜豆沙小包 - 6個, 皮夠溥, 豆沙不會太甜, 剛剛好總括來說, 招呼好, 地方好(只係有點嘈), 食物有水準, 價錢適中兩人埋單HKD270.

無論是在紅磡黃埔新天地己結業的那間或是尖沙咀廣東道那間都從來沒有光顧過。有兩次偶然與老公在周末到深圳一天遊，沿途經過羅湖區人民南路的佳寧娜友誼廣場，在無心插柳下便光顧上此間鼎泰豐 。看過很多有關鼎泰豐的食評，介紹的食物大多是擔擔麵、小籠包、酸辣湯、燻魚、醉雞、糯米燒賣、紅燒牛肉麵......我不太清楚香港的鼎泰豐是否食物種類就是這麼多，但從朋友那裡聽聞香港的鼎泰豐不是那樣超值，但肯定的是，深圳的鼎泰豐價錢是非常經濟抵吃。今回寫了一篇有關深圳鼎泰豐的食評，主要因為個人認為深圳此店的味道應不會相距甚遠吧!茶干鮮笋拌黃螺(RMB 3):此乃是前菜小吃，要是沒看過脹單上此小吃的名稱，真的難已差估這些帶黃色醋酸的東西，原來就是黃螺。同樣地帶有醋酸味的鮮笋，味道清新爽口蝦湯麵(RMB 25):蝦沒甚鮮味，是雪藏蝦的味道;反之麵條做得很滑，而湯底也同樣清徹夠味酸辣湯(RMB 12) :都是那些竹筍、肉絲、木耳、豆腐干及豬紅等材料。酸醋味足夠，但辣度不夠便形成味道不平衡擔擔麵(RMB 15):材料包括蔥花、原粒花生、冬茹絲等。麵條頗挺身，湯底亦不乏傳統花生醬味但可惜欠缺蝦米碎的獨有咸香，令湯底顯得失色

好耐已經好想食嫁喇~終於黎到喇~好多人丫,7點已經,不過我地揀搭檯,所以即入得叫左花鵰醉雞:麻麻地啦,都有酒味,不過雞肉就好似地咁小籠包: ok呀,不過d湯唔係好夠多紅燒牛肉麵: d肉一d都唔夠林,唔好,個湯底又唔得如果以呢三樣,我係唔會再黎既~不過佢既服務好好,由入門口"全體人員笑容+歡迎"到坐低,跟住落單上菜不斷講"謝謝",到走忽然間以為自己去左日本...咁有禮貌既可以...但我地點左個荔芋小包~係甜點~好~第一次食~好新奇,為左呢6個小包我會再黎不過兩個人食就有d覺得滯(每人三粒)但都幾貴,d野又細細碟,4樣野$221,唔係好抵

今晚，同男朋友及屋企人，共5個去鼎泰豐。6點半去到，唔知幾時開始，呢到唔洗等齊人先入得去呢？今晚我地其中3個早到，都比我地入去坐住先。瘋狂地食醉雞燻魚1籠蟹粉小籠包3籠普通的小籠包糯米燒賣炸排骨擔擔面蝴仁肉絲蛋炒飯清炒菜心清炒白菜荔芋小包白色的千層糕 (唔記得咩名)埋單$740感覺：都係普通灌湯小籠包好哇，蟹粉其實麻麻地...服務仍然一流

因為試過台灣個個好好味.. 所以決定唻呢間試下.. 睇下有咩分別.. 去之前再望望呢間有咩好味.. 所以我就叫左一杯凍豆漿(淡左d)同下列食物勒... ...1. 糯米燒賣 -- 好味呀.. 真係皮薄"咸"靚.. 有驚喜..2. 排骨炒飯 -- 睇食評個個都話好味.. 但我就覺得豬扒真係幾香.. 應該試下.. 但個飯就普通.. 多油左d..3. 鮮肉小籠包 -- 幾好味喎.. 同台灣比就係差d.. 不過都幾好味.. ^^4. 油豆腐粉絲湯 -- 淡.. 一個字淡..唔.. 會唔會再唻呀.. 或者呢.. 但有得揀.. 就當然去台灣個間啦~~~ 但不得不提佢地d service真係好好.. 見我熱即刻奉上一杯冰水.. 連wc都有人隨時清潔.. gd!!!