黑蒜 (太古廣場) (已結業)

同事無意中發現有一間沒有堂食，只有外賣嘅餐廳位於金鐘太古廣場三期，我地喺灣仔行過去都係10分鐘左右，所以提議一試。套餐價$80 (Wholesome rice bowl combo)，包一個主菜+雜穀飯+有營蔬菜+自家湯/飲品，每日都有8-9個菜式，有牛、豬、魚、即使唔食肉嘅人仕都有一款素肉可選擇，全部菜式都好健康，少油少鹽。我揀左飽魚冬菇炆雞～雞肉嫩，完全無雞骨，冬菇都好入味，炆得夠軟身，最驚喜就係有隻原隻飽魚仔，超足料，味道好。同事揀左茄汁豬扒～豬扒切到細細件，方便食，煮得又夠鬆，平時最挑剔嘅同事都讚好。仲要一提嘅就係粒魚蛋，唔係講笑，成粒乒乓波咁大，爽口彈牙，配上咖哩嘅辛辣，美味可口。雖然係外賣飯餐，但係食得好滿足。

黑蒜 網址: 地址: 金鐘皇后大道東1號太古廣場三座B3樓6號舖電話: 23689102===================第一次路過見到黑蒜呢個店名，仲以為是專賣黑蒜相關產品。後來見係賣飯同飲品，見d人買外賣我都試了第一次。每星期都會轉菜式，自由組合，在玻璃櫃後放了一兜兜的餸試了阿麻豉油雞同黑豬豬頸肉，跟蔬菜同雜殼飯，同要了飲品。豉油雞好入味，食了豉油看呀！本是比較高油脂架豬頸肉，用了黑醋調和了陣油膩感。飯健康照顧了protein, carbohydrate 同有蔬菜。有點期待下星期的新menu

落雨濕濕，最好就係叫外賣返office食🤪叫得黑蒜，應該係出名黑蒜卦😂一於叫個黑蒜清湯牛肋條飯加個住家湯試吓啦😼一打開見到好多菜已經好興奮🤩🤩畢竟出街食飯都比較少食菜🥲食落個汁都幾有黑蒜味，甜甜酸酸得嚟又有少少牛味，配埋脆卜卜嘅飯素，真係想加飯😂😂牛肋條肉質好腍，唔會太痴牙，又入味💯湯就一般啦🈴至少飲完唔口渴咁囉惟一美中不足係因為飯盒設計係間隔可言，碗底索汁索到爛晒🥲

偶然睇到相熟食友對「黑蒜」嘅食評，主打健康、有營嘅便當，都幾感興趣。店家只做外賣生意，無任何堂食座位，甚至可立食嘅地方都無，星期六、日亦休息，明顯喺做附近寫字樓嘅白領生意，尤其OL，就更講求健康，目標明確，客路亦不愁問題。店內裝修簡約，木系裝潢，光亮親和，如絕大多數外賣店般，近門口喺落單及收銀處，跟住就取食物，一路咁順入去。而另一邊有個開放式凍櫃，擺咗好幾款飲品，都喺比較相對健康凍飲，不過，店家亦有提供唔同嘅意式咖啡。基本上，包裝時都會俾埋紙巾及餐具，如果需要額外嘅，晌收銀位前有得拎，不過，可以嘅話，就盡量環保啲，走餐具。起錶消費喺$68，1款主菜+1款蔬菜+雜穀飯，配樽裝飲品或咖啡就需額外加錢。追求健康條數唔使咁複雜，1+1+1就等於一份有營健康便當。不過，較多人會揀嘅喺另一款「全包」套餐，主菜5選1（有魚、有肉、有素），再配上雜穀飯、有機蔬菜、住家湯或精選飲品，定價$80（揀M1就需要加多$10）。亦可以額外再加錢加餸，加錢轉咖啡。雖然顧客多，但流程都快，印有店家名字「黑蒜」大紙袋，袋穩所有食物，而飲品更加有穩定紙架托住，絕對唔會搖瀉或打翻。飯盒亦採用紙造，較為環保啲。 M1 黑蒜

由朝忙到黑 食飯都無時間 仲有份project要趕住交拿拿聲落樓下買個外賣就要番上樓食呢間黑蒜好多同事都推介 今日就試下佢佢有5款餸揀我揀左黑蒜清湯牛助條加住家湯同事揀左鮑魚冬菇炆雞加奶茶最驚喜個餐係會跟埋兩大粒咖哩魚蛋好似長洲個D大大粒魚蛋咁急不及待就番上pantry開餐本身佢個包裝都好精美實淨我個牛肋條份量好多, 食食下都有6-7舊大大舊炆得好入味 送飯一流同事既鮑魚冬菇炆雞 當然就無鮑魚啦但係佢個雞炆得好嫩滑而我地最欣賞既係佢個飯呀佢係雜穀飯上面加左D飯素本身齋食飯都好有口感層次 菜既份量都相當多 唔會油膩 要提番杯奶茶, 佢地自家製紫荊奶茶茶味燶夠香滑 呢個外賣誠意十足 100分 難怪咁多同事推薦我地食到飽一飽又開工啦

😋黑蒜 (太古廣場)星期三同媽咪到太古廣場行街,見到間餐廳名字很特別----黑蒜😀#原來呢間餐廳只做外賣,不設堂食,每日都有幾款不同便當供應,主食有豬、牛、雞和魚,一定有一款適合您,除主食外,便當還包括有雜穀米飯、有機蔬菜、老火靚湯或精選飲品#外賣午餐：1）蟹皇醬蒸魚:蟹黃醬鹹鹹地,而且有一種鮮甜的蟹味,間接提升了魚的鮮味,魚蒸得火候剛熟,魚肉嫩滑,絕不太嚡口。既惹味又啖啖肉,吃起來很有滿足感。2）泰式燒豬頸肉飯：豬頸肉切成一片片,軟滑爽口,燒到油香味十足,配合店舖自家製作的醬汁,送飯一流,令人胃口大開。*便當的飯是紅米加上穀物組合而成,而且加上少許飯素,淡淡的紫菜芝麻味,吃起來更可口,加上大量的有機菜和蕃茄,非常健康,飽肚之餘,營養價值更豐富。*便當上還有兩粒咖哩魚蛋,外型飽滿,尤如乒乓波般大,吃起來有少許辣味,卻非常彈牙爽口。*每個餐都跟例湯和飲品,例湯真材實料,味道清甜；豆漿微甜,喝起來有濃郁的黃豆味,磨得很細滑,是一健康飲品。

今日出面好熱，熱到唔想離開冷氣嘅地方，咁就同同事去試下呢間只做外賣嘅舖頭。佢個餐牌好簡單，揀一個主菜，之後就會跟雜穀飯，有機蔬菜同咖哩魚蛋，仲會有住家湯或者飲品送，通常係豆腐或者咖啡。我哋各自揀左一個黑蒜清湯牛肋條同一個無骨海南雞，一個飲湯一個飲豆漿。一打開感覺好健康，好多菜同飯都係用雜穀煮，雖然咁講，個主菜都好大份同埋好好食，個牛好軟身好入味，而隻雞煮得好香，食落好嫩。而個湯係蕃茄湯，清清地又幾開胃，個豆漿就比較濃味啲，好香亦都好飽肚。好少中午都食到咁健康嘅外賣，有機會可以嚟試下！

今日hea行商場見到呢間好多OL姐姐排隊買飯 我就同同事一人一份買返公司慢慢嘆 佢都幾多樣餸菜選擇 我簡左無骨海南雞 食起黎好方便仲要跟左個酸酸甜甜既醬 雞肉好滑稽 又多件 另外跟飯有個湯 今日係🍅🥕湯 清甜無味精 值得一試 最令我驚喜係佢既雜穀飯加左飯素 美味倍增同事個份黑蒜清湯牛肋條 超級腍 蚊得好入味 仲有份量都好多好足夠 兩份飯盒都會有波菜 倍加健康😝最後無糖豆腐非常香滑 飲完覺得好舒服 😌總結：-米飯份量足夠-餸菜多選擇

金鐘一向係食物沙漠，唔係得連鎖店就係非常貴價嘅餐廳，呢間算係少數午餐比較有特色嘅選擇。餐廳係太古廣場所以裝修都好靚，今日先發覺原來佢仲有咖啡飲，下次要嚟試吓！同同事叫咗個午餐，有菜有飯仲有飲品或者湯，$80呢個價錢係金鐘都算係咁！啲餸菜放晒出嚟，等你可以見到個樣慢慢揀，我要左青咖喱豬柳，朋友就叫咗阿嫲豉油雞！青咖喱豬柳好香椰汁味，一啲都唔頹，而且份量好夠。好欣賞佢嘅飯除左係糙米飯夠健康之外，仲加咗啲飯素，所以食落好有口感，而且仲有好香芝麻味添！朋友話佢個豉油雞都好入味，佢每個飯都會配兩粒好似長洲大魚蛋嘅巨型魚蛋，魚蛋好彈牙，唔會食到成口粉，同埋配菜都好多，清新得嚟又唔油膩！我哋兩個都揀咗老火湯，果日係紅蘿蔔豬骨湯，感覺係真材實料冇味精，感覺好滋潤，唔怪得平時都咁多人排隊，下次真係要再嚟食！

金鐘太古廣場內的餐廳 以貴價為主最近係附近搵到 新的外賣餐廳..餐廳每天提供5款主菜今天有 黑蒜清湯牛肋條 豆香蒸魚 青咖哩豬柳 阿嫲豉油雞 紫蘇辣素肉碎+ 飯 配菜 飲料/老火湯..飯盒整體份量都算多店員打包飯盒很有美感望落好豐富又可以打卡是日選擇了青咖哩豬柳豬柳以一片片切好 方便吃用青咖哩 香濃配菜新鮮 重有2粒辣咖哩蛋魚飯是雜穀 超級健康嘅黑蒜清湯牛肋條牛肋條有大約六七件炆至入味 牛味香濃 牛肋條有咬勁黑蒜清湯汁撈飯一流再加上配菜 2粒辣咖哩蛋魚大魚蛋口感彈牙好均衡好健康每個餐都跟湯或飲品揀了湯西洋菜豬骨湯 & Americano

這裡非常適合很容易悶的吃貨們，他們每個星期都會轉menu，務求令大家每天都有不同的選擇。Menu有雞、魚、豬、牛和素食選項，大家可以每一天吃到不同的蛋白質🤩每一款飯盒都有雜穀飯和蔬菜，另外還有很香的飯素佐飯，健康又美味。我還選了咖哩大魚蛋加料，很有去長州玩的感覺😚最後還可以選擇飲料或湯，有無糖/甜豆漿、奶茶…… 我試了無糖豆漿，豆味香濃，口感細滑，無糖也不會淡淡的沒有味道。另外還試了例湯，當天是青紅蘿蔔豬骨湯，不會太油膩，很有媽媽的感覺，喝完又不會口渴。▪️豆醬蒸魚豆醬很香，但是又不會很鹹，剛剛好把魚的鮮味提出來。外賣叫蒸魚的話最怕就是魚肉會腥，但是這裡的蒸魚塊很滑（如果能大塊一點會更好🙈）▫️黑蒜清湯牛肋條這個要加錢，但是果然沒有令人失望👍🏻牛肋條很大塊，完全不是碎碎的或小小一塊的。牛肋條很入味，不會太甜，而且炆的時間剛剛好，完全不會鞋🤤

呢間黑蒜係比個名吸引左，所以睇下係食咩~雖然裝潢好西式，但原來係食中式野，而且都幾好味同健康!價錢$80可以選擇一款主菜，另外仲包括雜穀飯、蔬菜同飲品(可以係豆漿或者是日例湯)其實主菜都有幾款選擇，有牛肋條、豆醬蒸魚、青咖哩豬柳、豉油雞同紫素辣素肉碎，每款都好吸引呢~~我同同事兩個都係重口味既人，所以就揀左牛肋條食，果然好好味，牛肋條煮得好入味同好林。而且其他配菜你都估佢唔到，竟然有巨大咖哩魚蛋食，好似長洲魚蛋咁，又幾彈牙!雜穀飯仲配埋少少健康既飯素，仲有蔬菜添，成個飯盒勁COLORFUL，有外貌又有內涵，很不錯呀!不過想提提大家，呢間餐廳係外賣度，無得堂食，所以買完之後要諗下帶去邊到食好呢~哈哈!!

呢排成日落雨，費事出街食lunch, 係金鐘返工嘅takeaway真係唔多選擇。咁岩行到去PP3 果邊見到間新野個名叫黑蒜，一睇就知係健康之選，所以即刻買黎試下！一個主菜，加埋飯同菜，仲有野飲或者湯都係$80. 金鐘黎講算幾抵食！我同同事分別叫左一個牛，一個魚：都幾大兜，女仔就一定夠飽！牛肋條煮得夠淋但又有咬口，呢個餸要加$10 但真心值得！個汁又正，撈飯岩晒！個魚好香，好滑，同事話好難得外賣嘅魚柳係唔鞋！🙂🙂雜穀飯一睇就知好健康啦！但最驚喜係果兩粒大魚蛋呀！好彈牙。辣辣地好惹味！我地本身想order 湯嘅，但賣晒 所以入左無糖豆漿同奶茶：雖然無糖，但唔會淡到無晒味，反而更加飲得出個豆味！ 奶茶都唔太甜。好好飲！

之前見好多人推介金鐘太古廣場呢間「黑蒜」，據說店舖主打有營便當，啱晒一眾繁忙又注重健康嘅都市人，所以一早已經 bookmark 咗呢間食肆。餐廳以外賣為主，不設堂食。睇咗餐牌，店舖每日都會有 5 款唔同嘅便當供應，除主菜外，全部嘅飯盒都已經包咗雜穀米、有機蔬菜、住家湯或精選飲品。不過要留意，店舖只係開星期一至五，星期六日全日休息，所以如果想幫襯，就要校啱時間，否則就會摸門釘。點咗黑蒜清湯牛肋條 ($90) 同 蟹皇醬爆豬柳 ($80)，每個便當嘅份量都非常之多，十分墜手。  牛肋條水準不錯，經燜燉後仍能保持彈性，入口富嚼勁，香甜多汁，惹味又啖啖肉。雜穀飯面頭加咗飯素，食落口感雖然有點粗糙，但非常之健康，唔單止可以消除人體內臟脂肪，而且能促進腸狀蠕動，加上大量有機菜，飽肚之餘又充滿營養。 另外要讚下面頭嗰兩粒咖喱魚蛋，外形圓潤飽滿，比乒乓球還要大，食落辛香刺激，既彈牙又爽口。至於另一款蟹皇醬爆豬柳，食味亦不俗，豬柳份量都幾多，肉質够嫩又唔乾身，加上以蟹皇醬爆炒過，食落帶陣陣蟹膏嘅清香回甘。飲品點咗柚子梳打 同 薑味梳打，兩樽嘅味道都好 fresh。如果唔想飲梳打，店內亦有好多其他飲品供應

依日去完金鐘諗住買啲嘢食返屋企，懶懶唔想煮 🥳見到喺太古廣場有依間靚靚外賣店真係啱晒👍🏼 佢主打👉🏻住家菜Rice Bowl ，正喎！賣相好吸引，而且Homemade 料理好健康👍🏼見到佢有Rice Bowl Combo套餐（$80），有5款餸菜可自選1款，其中1款選擇係素食，照顧素食嘅朋友💗另外Bowl 入面會配埋有機蔬菜+雜穀飯+住家湯/飲品～ 我哋嗰日餸菜揀咗「黑蒜清湯牛肋條」（+$10）同「蟹黃醬蒸魚」，啲魚好滑😋而牛肋條又腍軟入味，仲有2粒超特大彈牙咖喱魚蛋😍而蔬菜份量都唔少。飲品我哋揀咗豆漿同埋紫荊奶茶（+＄3）成個Rice Bowl Combo好食又健康。