影片
更多
2021-08-06
1437 瀏覽
之前見好多人推介金鐘太古廣場呢間「黑蒜」，據說店舖主打有營便當，啱晒一眾繁忙又注重健康嘅都市人，所以一早已經 bookmark 咗呢間食肆。餐廳以外賣為主，不設堂食。睇咗餐牌，店舖每日都會有 5 款唔同嘅便當供應，除主菜外，全部嘅飯盒都已經包咗雜穀米、有機蔬菜、住家湯或精選飲品。不過要留意，店舖只係開星期一至五，星期六日全日休息，所以如果想幫襯，就要校啱時間，否則就會摸門釘。點咗黑蒜清湯牛肋條 ($90) 同 蟹皇醬爆豬柳 ($80)，每個便當嘅份量都非常之多，十分墜手。 牛肋條水準不錯，經燜燉後仍能保持彈性，入口富嚼勁，香甜多汁，惹味又啖啖肉。雜穀飯面頭加咗飯素，食落口感雖然有點粗糙，但非常之健康，唔單止可以消除人體內臟脂肪，而且能促進腸狀蠕動，加上大量有機菜，飽肚之餘又充滿營養。 另外要讚下面頭嗰兩粒咖喱魚蛋，外形圓潤飽滿，比乒乓球還要大，食落辛香刺激，既彈牙又爽口。至於另一款蟹皇醬爆豬柳，食味亦不俗，豬柳份量都幾多，肉質够嫩又唔乾身，加上以蟹皇醬爆炒過，食落帶陣陣蟹膏嘅清香回甘。飲品點咗柚子梳打 同 薑味梳打，兩樽嘅味道都好 fresh。如果唔想飲梳打，店內亦有好多其他飲品供應
之前見好多人推介金鐘太古廣場呢間「黑蒜」，據說店舖主打有營便當，啱晒一眾繁忙又注重健康嘅都市人，所以一早已經 bookmark 咗呢間食肆。
餐廳以外賣為主，不設堂食。睇咗餐牌，店舖每日都會有 5 款唔同嘅便當供應，除主菜外，全部嘅飯盒都已經包咗雜穀米、有機蔬菜、住家湯或精選飲品。
不過要留意，店舖只係開星期一至五，星期六日全日休息，所以如果想幫襯，就要校啱時間，否則就會摸門釘。
點咗黑蒜清湯牛肋條 ($90) 同 蟹皇醬爆豬柳 ($80)，每個便當嘅份量都非常之多，十分墜手。
牛肋條水準不錯，經燜燉後仍能保持彈性，入口富嚼勁，香甜多汁，惹味又啖啖肉。雜穀飯面頭加咗飯素，食落口感雖然有點粗糙，但非常之健康，唔單止可以消除人體內臟脂肪，而且能促進腸狀蠕動，加上大量有機菜，飽肚之餘又充滿營養。 
另外要讚下面頭嗰兩粒咖喱魚蛋，外形圓潤飽滿，比乒乓球還要大，食落辛香刺激，既彈牙又爽口。
至於另一款蟹皇醬爆豬柳，食味亦不俗，豬柳份量都幾多，肉質够嫩又唔乾身，加上以蟹皇醬爆炒過，食落帶陣陣蟹膏嘅清香回甘。
飲品點咗柚子梳打 同 薑味梳打，兩樽嘅味道都好 fresh。如果唔想飲梳打，店內亦有好多其他飲品供應，例如椰子水、燕麥奶、紫荊奶茶、豆漿等。
張貼
