59
2
0
所有分店 (2)
電話號碼
23689102
營業時間
今日營業
08:00 - 18:30
星期一至五
08:00 - 18:30
星期六至日
全日休息
付款方式
AlipayHK 支付寶 現金
其他資料
餐廳運作模式 - B類
當面支付
食評 (67)
等級4 2021-10-07
290 瀏覽
剛好走到金鍾一帶處理當的少工事,經過近灣仔一帶既太古廣場三期既商業大廈內無諗過有個mini food hall,內裏有幾間外賣店,見到呎間名為黑蒜既外賣店賣相吸引又主打健康食材就試下買外賣返去當晚餐試試.黑蒜清湯牛肋條一整合便當內豐富又充滿營養而且精緻.內裏有蔬菜,主菜及主食.蔬菜份量多而且仍然保持到菜心既翠綠及爽脆,味道清甜.牛肋條夠軟腍得黎仍然帶有肉質既飽滿同嚼勁.牛味香濃帶住肉汁,味道輕盈唔會住過重既肉膩感.帶住一陣黑蒜既甜味,蒜味唔會好濃反之帶出既甜味更多.內裏既紅蘿蔔吸左肉汁精華後變得更香甜又夠軟腍.配上紅米飯好味得黎又健康.東坡肉望住東坡肉既三層肉真係又吸引又邪惡,入口感受到香軟既腩肉.腩肉唔會過柴,肉與肉之間帶出濃厚既脂香.東坡肉滷得夠香,帶住一陣陣甜滷汁香,同豬肉味道好夾又唔會羶膩,肥而不膩.配上蕃茄清甜多汁剛好中和東坡肉既膩感.東坡肉底下既娃娃菜吸汁力強,吸滿東坡肉既精華,入口和甜又帶豬肉既脂香.奶茶茶底香醇濃郁,配上奶後仍然保持住茶香.入口香滑又唔會過甜膩.Oat milk Mocha 轉左oat milk既Mocha更健康之餘亦感受到一陣燕麥香,入口同樣香滑.帶出淡淡朱古力香及咖啡焙香. 繼續閱讀
(以上食評乃用戶個人意見 , 並不代表OpenRice之觀點。)
等級4 2021-09-20
438 瀏覽
🍽Wholesome Rice Bowl Combo(4.5/5) 💰80主菜選擇咗M4四川口水雞,仲送咗M3既阿婆滷肉燥比我口水雞冇骨肉身嫩滑,加上秘製辣醬帶點點麻辣香滷肉燥超得我心,滷肉肥瘦岩岩好,入口即化簡直可以就住啲滷肉食多兩碗飯添雜穀飯加咗飯素,口感更豐富而且又健康啲仲有唔少有機菜,岩曬打工仔食番啲有營養既lunch再努力拼搏🍽Wholesome Rice Bowl Combo(4/5) 💰90主菜為M1 黑蒜清湯牛肋條牛肋條份量十足,夠入味亦好軟淋有淡淡既黑蒜香,醬汁都好撈得飯另外仲有咖喱魚蛋,超巨型,咖喱香而且辣度後勁十足飲品選擇咗一碗靚湯同豆漿COMBO 80蚊起,包1款主菜,1款蔬菜,雜穀飯當日飲品選擇咗一碗靚湯同豆漿,都係知餐包埋唔洗加錢店鋪裝修簡約,菜式一見了然,就算唔睇menu都知有咩簡好方便約一星期換一次menu,真係可以做到一至五食得健康又唔重覆店鋪就位於金鐘站F出口,一至五先開,大家想試記得留意店鋪既開門時間喇! 繼續閱讀
(以上食評乃用戶個人意見 , 並不代表OpenRice之觀點。)
等級8 2021-08-29
2264 瀏覽
偶然睇到相熟食友對「黑蒜」嘅食評,主打健康、有營嘅便當,都幾感興趣。店家只做外賣生意,無任何堂食座位,甚至可立食嘅地方都無,星期六、日亦休息,明顯喺做附近寫字樓嘅白領生意,尤其OL,就更講求健康,目標明確,客路亦不愁問題。店內裝修簡約,木系裝潢,光亮親和,如絕大多數外賣店般,近門口喺落單及收銀處,跟住就取食物,一路咁順入去。而另一邊有個開放式凍櫃,擺咗好幾款飲品,都喺比較相對健康凍飲,不過,店家亦有提供唔同嘅意式咖啡。基本上,包裝時都會俾埋紙巾及餐具,如果需要額外嘅,晌收銀位前有得拎,不過,可以嘅話,就盡量環保啲,走餐具。起錶消費喺$68,1款主菜+1款蔬菜+雜穀飯,配樽裝飲品或咖啡就需額外加錢。追求健康條數唔使咁複雜,1+1+1就等於一份有營健康便當。不過,較多人會揀嘅喺另一款「全包」套餐,主菜5選1(有魚、有肉、有素),再配上雜穀飯、有機蔬菜、住家湯或精選飲品,定價$80(揀M1就需要加多$10)。亦可以額外再加錢加餸,加錢轉咖啡。雖然顧客多,但流程都快,印有店家名字「黑蒜」大紙袋,袋穩所有食物,而飲品更加有穩定紙架托住,絕對唔會搖瀉或打翻。飯盒亦採用紙造,較為環保啲。 M1 黑蒜清湯牛肋條 $90小弟都算喺偏好紅肉,所以,揀咗牛肋條,唔好睇少個飯盒,其實份量都幾多,牛肋條亦唔少。啲牛肋條果然有質素,炆得好入味,陣陣蒜香,而肉質極之鬆化,有啲汁底,撈飯一流;額外加$18要兩粒巨型咖喱魚蛋,喺食友超推介嘅,一食就知唔喺啲平價貨色,好彈牙,咖喱香得嚟有點點辣勁;雜穀飯本身已喺好健康,加埋飯素,更加有「營」有款。M5 越式濃茄燴雞髀菇烤麩 $80 揀俾老婆就一定喺呢一款素食菜式,因為佢喺偏素素食者,紅肉極少食,白肉、魚類都OK,故此,整多兩粒魚蛋俾佢嘆。啲雞髀菇幾唔錯喎,爽爽哋口,帶濃郁茄香,又有少少香料味,烤麩軟綿綿,又索滿汁,整體感覺幾唔錯。無糖豆漿、紫荊奶茶套餐所包嘅精選飲品喺豆漿、無糖豆漿或紫荊奶茶,我哋揀咗後兩者。因為無糖關係,甜度確喺好低,然而豆味就幾濃郁;紫荊奶茶究竟同紫荊花有無關係,當時無為意個名,因為店員話有豆漿或奶茶可以揀,所以,就無特別問,事後上網搵搵,又真喺搵到有種紫荊茶葉,之但喺,飲落又無話有種花香味,不過,杯奶茶本身就沖得幾香濃,入口順滑。中環、金鐘搵食一向都相對高,加上想食啲健康嘢,就更要多付出少少,不過,近年好多人都晌飲食方面對健康都有所追求,都唔介意俾多少少,始終,食落肚嘅都喺算自己嘅,付得起錢就要對自己好啲嘛。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-08-06
938 瀏覽
之前見好多人推介金鐘太古廣場呢間「黑蒜」,據說店舖主打有營便當,啱晒一眾繁忙又注重健康嘅都市人,所以一早已經 bookmark 咗呢間食肆。餐廳以外賣為主,不設堂食。睇咗餐牌,店舖每日都會有 5 款唔同嘅便當供應,除主菜外,全部嘅飯盒都已經包咗雜穀米、有機蔬菜、住家湯或精選飲品。不過要留意,店舖只係開星期一至五,星期六日全日休息,所以如果想幫襯,就要校啱時間,否則就會摸門釘。點咗黑蒜清湯牛肋條 ($90) 同 蟹皇醬爆豬柳 ($80),每個便當嘅份量都非常之多,十分墜手。  牛肋條水準不錯,經燜燉後仍能保持彈性,入口富嚼勁,香甜多汁,惹味又啖啖肉。雜穀飯面頭加咗飯素,食落口感雖然有點粗糙,但非常之健康,唔單止可以消除人體內臟脂肪,而且能促進腸狀蠕動,加上大量有機菜,飽肚之餘又充滿營養。 另外要讚下面頭嗰兩粒咖喱魚蛋,外形圓潤飽滿,比乒乓球還要大,食落辛香刺激,既彈牙又爽口。至於另一款蟹皇醬爆豬柳,食味亦不俗,豬柳份量都幾多,肉質够嫩又唔乾身,加上以蟹皇醬爆炒過,食落帶陣陣蟹膏嘅清香回甘。飲品點咗柚子梳打 同 薑味梳打,兩樽嘅味道都好 fresh。如果唔想飲梳打,店內亦有好多其他飲品供應,例如椰子水、燕麥奶、紫荊奶茶、豆漿等。 繼續閱讀
(以上食評乃用戶個人意見 , 並不代表OpenRice之觀點。)
成日經過見到都冇幫襯過,今日就同朋友試下☺️。我哋嗌左兩個飯,每個Set包括有一個自選餸、有菜、有糙米紅米飯、老火湯或飲品。店員好好,嗌餸時會問洗唔洗少飯😌。我幾鍾意個飯盒係紙造,環保呀嘛。泰式豬頸肉 $80有別於平時食嘅泰式豬頸肉,平時食嘅多數係切到一片片,然後燒到好香油香味😆。相反依到係一舊舊豬頸肉。個醬汁好似咕嚕肉咁,有好多洋蔥同埋菠蘿,我好鍾意,送飯一流😍!個飯係紅米飯再加左啲穀物,超級健康嘅,所以我覺得係openrice見到呢間餐廳mark左自己係快餐店有啲怪🤣,明明啲野食咁健康。黑蒜清湯牛肋條 $80+$10牛肋條唔似係港式嗰啲煮到淋晒既,相反依隻係有少少咬口,咬得來絕對唔會韌😛。呢個餸要額外加$10嘅,值得加!好好食好入味,用埋啲汁嚟撈飯絕對一流🥰。嗰兩粒魚蛋係額外加嘅,$18有2粒,以依個地段黎講都算正常價錢,出乎意料既好食😂。如果用以上既餸去排好味程度 牛肋條>魚蛋>豬頸肉每個餐都跟湯或飲品,我地揀左一杯豆漿,豆腐一杯好飲冇乜特別評語😂。個湯嘅料好足,湯裏面有蓮藕、薯仔、紅蘿蔔等等,全部湯底都食得嘅🤤。埋單$196(無加一) 繼續閱讀
(以上食評乃用戶個人意見 , 並不代表OpenRice之觀點。)