黑木 (已結業)

香港人真係好鍾意日本嘢.當然食物都唔例外.今晚約左朋友食串燒.門口有D隱蔽，好易miss左.不過日本好多餐廳都係咁，睇門面根本唔知道係餐廳.裝修同服務都充滿日本味.所以好多日本人幫襯.距地簡直就係對尼間餐廳既肯定.可以選擇散嗌也可以廚師發板.都係選擇自己嗌.頭盤燒鱈魚.肉質好滑魚油好香.燒年糕.好有趣，中間cheese.焦香得黎有奶香.正.燒鵝肝.燒到好脆身，但裡面唔會乾.入口即溶.雞肉棒子幾新奇，溫泉蛋配燒雞肉串.香蔥雞肉蔥超香，而且甜.必食.燒牛柳熟度把握啊一流，面夠焦裡面超juicy.雞軟骨.脆口但唔硬.面頭香料好惹味.雞易萵筍萵筍係主角，吸收曬肉味，又厚身，又爽脆.燒龍躉魚味好濃皮厚，肉香當然唔少得飯食.燒飯團.硬身左小小.燒茄子一般.最後燒豬手又係驚艷.豬手本身已經燜熟，再燒.淡淡骨膠原.非常出色既一間居酒屋.師傅技術係厲害.酒既選擇都好多.

每個月總會去尖沙咀兩趟幫親戚刷卡買東西賺里數，刷完即到附近吃晚飯。今天途經有名的「韓國街」，看到一間極隱匿的日式居酒屋「黑木」，只有一個小巧燈牌作辨認。「黑木」以串燒為主，包括肉類、海鮮、蔬菜等，喜好魚肉的我們基本大飽魚福，以串燒吃到飽。牛舌 極推之選。牛舌超大片超厚肉，火喉及生熟程度剛剛好，口感柔軟爽口彈牙，肉汁豐富油香足，肉質軟嫩，牛香味美。每人一串也覺得不夠喉！安格斯牛小排 牛小排以大四方粒串起，再燒至表面全熟帶微微焦香。小排表面較乾爽，肉質鮮美多汁，口感彈牙有韌性，牛味香濃，咬下軟熟鮮香。同樣推薦。燒銀鱈魚店家主打精緻式燒品，份量不大勝在高質。銀鱈魚魚皮焦燒惹味，魚肉脂肪含量較高平均分佈整條魚，魚肉肉質結實油潤香滑幼嫩，滲出濃厚魚油香。推！馬友一夜干一夜干是日本北海道漁夫發明保存魚的方式方法，先將鮮魚剖開、清除內臟，浸泡於與海水濃度近似的鹽水中，經一夜風乾。整條開邊擺滿整碟，魚皮燒至香脆，肉質柔軟結實緊緻不多骨，魚味濃香，入口鮮甜惹味。油甘魚鮫 白鱔 雞肉棒 外皮香脆，雞肉結實肉嫩，雞味濃郁，配上日本溫泉蛋蛋汁，美味。 明太子飯團整體燒物高質好味，皆因店舖是行高質精緻路線，份量

黑木位於韓國街附近一間酒店樓下、位置有點難找。店子不大、不過很快就坐滿人了。萵筍沙律配上芝麻醬、爽脆清新。是日推介的海膽燒元貝好像很吸引、毫不猶豫就點了。如手掌般大的燒元貝肉質軟滑、伴上海膽、滋味十足、最好吃是那個蛋黃醬汁、甜甜的跟烘過的脆多士一起吃很夾。一系列的燒物做得不錯、燒白鱔外面脆脆的。燒秋癸沒有太乾細細件的燒菠蘿甜美多汁燒雞軟骨和廣島蠔雖然蠔不算大隻、但完全沒有腥味而且燒得好香～明太子茶漬飯 原來是飯糰浸在茶湯裡、味道柔和、然而明太子味未見突出。海鮮茶壺湯份量有點少、只見冬菇和蜆在裡要、不過味道著實不錯、喝下去很舒服。燒銀鱈魚是我每次吃日本菜必點、這裡的燒銀鱈魚魚肉軟滑、味啉醬汁也合乎期望。

這天下班和朋友來了這裡吃串和喝酒這裡環境很漂亮、和日本高級的串燒店基本相同我點了杯梅酒、味道簡單香醇冰冰涼涼的很好喝我們點了不少串燒安格斯牛排分量貴精不貴多燒至三成熟的牛排外層帶點焦香肉味濃郁可口、口感扎實有彈性肉汁豐富而且不油膩配上微辣有芝麻香的醬汁、味道更加豐富牛舌優質的食材、只需簡單的調味就足夠再加上師父燒得不過火、生熟度剛好厚身的牛舌口感爽嫩、味道甚佳！蠔串蠔肉非常鮮嫩清甜、好吃！沖繩黑䐁腸外皮焦香爽脆有彈性、內裡肉味香甜肉汁豐富、再埋上芥末籽醬、滋味無窮！精緻可口的燒鵝肝口感嫩滑味道濃郁！很好吃！雞心非常爽脆、個人很喜歡吃雞心另外還有萵筍雞翼也很好吃！雞肉棒還不錯這家點的食材優質、師父的烹調手法也很出色、是吃串燒的好選擇呢！

omakase好常見 但串燒omakase就第一次見這間餐廳主打日式串燒 不起眼的門面好易錯過 但裡面食物有驚喜 值得去找尋一番第一次沒有選擇單點而是選擇試試omakase前菜開胃小食 三個小碟好精緻 第一個不太清楚是什麼 但爽脆又酸酸地 好開胃 後面則分別是山藥和螺最最最受我喜愛的就是雞肉棒 戳破溫泉蛋 撈埋雞肉棒一起吃 在夜晚點燃我對食物最原始的慾望 有一種深夜食堂的感動燒冬菇有d太乾 豚肉紫蘇串都好味雞軟骨狂熱者鮑魚新鮮 肉質緊實 但總體就不驚艷 沒有「wow」的感覺燒牛肉 份量好足 牛肉軟嫩但酒味有點太濃烈 蓋過了肉香 落少d酒可能會更加好大蝦泡飯 吃了那麼多串燒來一個湯漬飯覺得好清新 蝦也是燒過的 有一股炭火味 另外一個不起眼但令人驚喜的要屬燒菠蘿 菠蘿好甜好juicy 四粒完全不夠吃這間黑木令人驚喜 下次會再來試試單點

Omakase這個名字被廣泛應用，但大部份都不清楚詞意，以為只是個壽司名詞，其實是泛指由廚師決定菜單而不事先通知的，都可用上這個詞。今次新鮮一點，來到位於尖沙咀的黑木，一嚐串燒版的Omakase。 餐廳雖不大，但勝在骨子企理，大家畔坐在一起的時候，甚有氣氛。事不宜遲，先來點清酒助慶一番。鳥海山是一支容易入口，甘味重的清酒，配搭串燒最為恰當。 開始不久就送上前菜，分別有菠菜蝦卷、煮南瓜及汁煮海螺，後兩者正常味道，但前者卻完全感覺不到有蝦肉的成份，甚為有趣，究竟蝦肉用在那裡了？難道是磨了蓉加入其中？ 身為戲肉的串燒開始來了，先是紫蘇黑豚肉，表面燒得微焦香口，油脂盡消，配合清新的紫蘇香氣，不錯不錯。同時，亦來了一串燒大蔥，帶有焦香，吃起來香氣十足。 此時，一團白雪雪，軟綿綿略帶微焦的串燒到來，起初大家都不知是何物，由店員講解後才知道是燒龍躉串，小弟也是第一次接觸。質感如之前所說軟綿綿的，但又帶點彈性，有鮮味卻不是太突出，由於沒有魚皮，感覺油份不多，有點清淡。配合一串燒秋葵，感覺有點怪，始終龍躉肉軟綿綿，秋葵又有潺，前後配合上來，好不合襯。 輪到自家製雞肉棒，體型細小，剛好

冇諗過係韓國街的一眾韓國菜之中，竟然隱藏了一間專食串燒嘅居酒屋。門面十足日本風格，這種低調的小店總是讓人覺的很舒服，也很期待會有甚麼驚喜。有開放式吧台位可以望住師傅整野食，一入去就聞到串燒的香味，未點菜先興奮。 睇起Menu就一張紙，但揀落選擇都幾多，記得睇埋黑版上面D限定菜式。花多眼亂於是叫服務員介紹，超級Nice而且介紹得好詳盡！先上個店員推介嘅龍躉串，好厚肉而且肉質比想像中更柔軟，冇諗過魚同孜然味都幾夾，鮮味又香口。 鐘意食牛舌所以每次食串燒都點，但都因為咁中過幾次伏。呢度竟然俾到驚喜感我，牛舌完全唔乾身，彈牙得黎食到濃濃嘅牛舌香味，一串唔夠喉到埋單前仲要點多串回味！安格斯牛排店員建議3成熟最好味，但朋友怕太生點左5成熟，依然係好靚嘅粉紅色。牛排多汁而且肉味好濃，旁邊嘅辣油算係錦上添花。 蒿荀雞翼拆骨再釀蒿荀，算係心機菜。脆脆的雞皮、嫩滑的雞肉加埋爽脆嘅蒿荀，口感好豐富，推薦！日本產地特有品種的生蠔，大大隻好肥味，而且夠哂鮮甜。個人覺得貴左少少但值得一試！燒菠蘿擺盤好精緻，不過重點都係味道，好多汁好清甜，食完肉食件菠蘿好清新。芝士年糕燒到外脆內軟，好好味！！（但就細舊左少少）茄子

約朋友食飯為的是聊聊大家的近況，食飯反而變了其次。不過作為一個老饕，選的餐廳當然不可以太馬虎，所以特地選了一家主打日本串燒的居酒屋，在openrice上有不少好評！很低調的門面，日本風味十足。店面不大，小巧且溫馨，可以坐吧台看師傅即場烹調，不過我同朋友一致選了中間的位置，方便聊天。餐牌一目了然，另外有些限定菜式寫在黑版上，選擇很多選了一陣子才想好食什麼。上一次在別的串燒店試過烤鵪鶉蛋很驚豔，所以一看到餐牌有就立即點 ($38)。蛋黃軟滑，蛋白烤過後很有彈性，配上醬油非常甘香。牛舌($58)烤的時間把握得很好，剛好烤熟的牛舌中心位仍帶點粉色，爽口彈牙。雞心($36)比雞腎軟，也不像雞肝般粉，口感很特別。店員極力推薦的陸前高田生蠔($82)，是當地特有的品種，Size比一般生蠔更大。看到生蠔Size比想像中更大，日本蠔的金屬味較輕，鮮甜爽口。安格斯牛排($168)五成熟，肉色非常誘人，咬下去肉香四溢，沾上辣辣油後微辣的味道減輕了肉的飽滯感，非常惹味！吃了這麼多肉，點個菠蘿中和一下，菠蘿($28)烤完後甜味更為突出，而且非常多汁，不愧是我的最愛！最後來個明太子茶漬飯($48)，湯帶很濃郁的紫

日式餐廳中串燒店都係我最愛，走唔甩頭三名！今次嚟到尖沙咀呢間新既串燒居酒屋，門面低調有種神秘既感覺！串燒中我最鐘意就係雞肉棒，必要蘸日本雞蛋～呢度既免治雞肉棒就有啲特別，並唔係簡單蘸生雞蛋黃，而係附上溫泉蛋，配合埋雞肉棒嘅醬汁就一流，不過咸好順喉～第二最愛就係牛舌啦，呢度既牛舌更係厚切版本，食落更滿足！但往往燒厚切既肉係最考功夫～驚喜發現佢地既燒物都好精緻，好似安格斯牛排同沖繩豚手，擺碟同賣相都吸引！安格斯牛排中間仲好粉嫩，食落牛味都好重！而沖繩豬手都好有驚喜，豬手燒完原來可以咁軟腍，佢地嘅處理仲好入味！另外仲點左萵筍雞翼，第一次見咁既配搭，萵筍可以平衡返雞肉既膩感～萵筍可以咸多丁點！肉類之後一定要食啲海鮮，我地就點左燒白鱔，燒得外脆內嫩仲帶點魚汁～廣島蠔夠鮮～蔬菜都唔少得，呢排好鐘意食秋葵，就點左一串嚟過下癮，燒到剛剛好！菠蘿又係必點，甜度適中！最正仲保持到juicy既口感～整體質素都好好，會再來！

今日同事帶來才知道金馬利街新酒店下面有間小小的日本店子黑木, 是日本串燒專門店; 地道的吃法當然要配日本酒, 這裡有個專門酒櫃, 單是Sake的選擇已有十多種, 如果決定不到, 還可以請店員根據客人點選的食物來給個建議我們揀了廚師發版串燒omakase，三款前菜中，甜味的汁煮海螺我最喜歡，軟腍入味的煮南瓜也不錯，不過那爽口的菠菜蝦卷我卻感覺不到有蝦在裡面。跟同行友人談起，大家都有同感，就令我們感到有點奇怪。萵筍雞翼，出面通常都食過露筍釀雞翼，萵筍就真係第一次食，夠創新!萵筍爽口，連雞翼一齊食有一種好清新的感覺。味道五錯下次一定繼續來。

魚生刺身的廚師發板吃得多, 串燒的倒是不多見; 黑木在熱鬧的韓國街對面, 對比下特別寧靜, 找飯吃的可以靜靜享受一下主打食物都是日本原材料, 廚師根據當日食材發板, 今晚菜單就以雞牛豚三種肉再配搭其他燒蔬菜; 還有煮物燒物及食事店子有心思, 放置燒好串燒的碟子也用上新鮮士多啤梨與牛蒡伴碟; 串燒陸續上碟, 先是燒秋葵及牛柳, 秋葵沒有過乾及縮水, 仍帶植物的柔軟質感; 牛柳味香濃;又香又熱的燒日本甜薯, 太心急咬下去辣到咀, 但香甜澱粉質口感停人不了口; 日本燒白蔥以為沒有什麼味道直至放入口, 就滲出微香白蔥, 還有點after taste最香濃的是紫蘇黑豚肉, 肉質帶點點油脂而嫩滑, 加上紫蘇葉獨特香味, 燒來香氣撲鼻; 汁煮鮑魚也很快上桌, 味道較濃口感烟韌;額外點的燒白鱔及萵苣爙雞翼,白鱔外面小小焦裡面魚肉嫩滑; 萵苣較少用來燒, 配合雞翼的油脂吃下來特別香雞肉棒溫泉蛋, 雞肉混合雞軟骨加重口感, high light是沾上溫泉蛋蛋漿, 碰上熱熱的雞肉好好味道; 燒安格斯牛小排, juicy帶有肉汁最後還有食事的大蝦泡飯及稻亭烏冬, 兩碗湯底雖然清清地但味道好打鮮, 尤其特別喜歡

開心星期五與舊同事相約吃飯，同佢慶祝生日這裡食物很不錯 而且坐得舒適，不嘈吵！嘿嘿芝士年糕非常好吃，叫了兩串呢　軟糯軟糯的，菠蘿很甜，明太子燒飯團非常外脆內香！嘿嘿雞肝，小青椒，雞軟骨，豚肉串燒得很剛好！調味很和味而且很有肉汁，肉質嫩滑，嘿嘿蘆筍雞翼和紫蘇雞肉特別，中和一下肉膩感很不錯呢！牛舌是厚切　很滿足！嘿嘿雞肉棒，廣島蠔，白鱔，雞皮全部味道都很不錯，特別是白鱔肉，非常肥美，外皮脆肉嫩。蠔肉鮮味有肉汁，嘿嘿

Omakase and Yakitori Night🇯🇵.好開心啊🥳是晚食omakase，有別於刺身壽司🍣，呢間餐廳係主打串燒㗎！除左omakase仲可以單點串燒，一大班朋友食住飲sake傾計一流❣️.🌟前菜用精緻既小碗放左三種小食：木魚南瓜🎃、咬落好爽口既魚下巴、醬油煮螺！🌟串燒-之後會端上串燒碟，上面有海鹽、檸檬、蜜瓜做伴菜，減輕串燒油膩感！🔺木魚冬菇🔺雞肉棒🐔-加左雞軟骨同雞肉mix埋，雞軟骨整到好碎係種特別既口感😍最開心係可以點埋愛媛縣既雞蛋🥚🔺燒銀鱈魚🐟-煎到好香，外層金黃色個皮脆卜卜，魚肉勁滑好yummy❣️🔺燒秋葵🔺紫蘇黑豚肉🐷-豚肉肥瘦適中，咬落係好juicy，中間夾住紫蘇葉，香味獨特😍🔺燒甜薯🍠🌟主食🔺沖繩慢煮豬手-啖啖骨膠原，豬皮燒過後更甘香！🔺面豉燒牛仔骨-每一份都份量十足🥩牛味濃郁，只有少量肥肉，食落無筋！面豉燒汁令到牛肉更香口😋🌟湯品/飯🔺鰹魚清湯-飲落勁清甜，有冬菇同蜆肉🔺明太子飯糰🍙-外面煎到脆，包埋紫菜🌟甜品🔺紅豆果凍-果凍QQ彈，紅豆餡唔太甜

Omakase 串燒🍢🇯🇵.位於尖沙咀的日本串燒店，位置上要用精明眼先會搵到😃，主打串燒，而晚市更有omakase供應！.Starter:木魚南瓜、魚下巴、醬油煮螺，容器很精美，賞心悅目！Skewer:木魚冬菇-鮮甜多汁，木魚係小編至愛！雞肉棒-加入雞軟骨，口感特別，連埋愛媛縣既雞蛋，好正😋紫蘇黑豚肉-夠juicy，紫蘇葉更帶出豚肉味道燒銀鱈魚-好軟滑加埋燒汁既甜夠惹味燒秋葵-燒過後無左滑嘟嘟感覺🤣燒甜薯🍠-細細粒好得意，甜度十足Mains:沖繩慢煮豬手-骨膠原食落張住個嘴，豬皮燒過黎，落足心機，不過小編較怕食有骨既食物面豉燒牛仔骨-份量比較大，面豉燒汁好配合到牛肉Soup:鰹魚清湯-好清甜，好有refresh感覺，冬菇同蜆肉作用甚大Rice:明太子飯糰🍙-比較硬身，味道較淡，整體一般Dessert:紅豆果凍-夠冰凍少許彈牙，紅豆餡好多，唔太甜幾好，唔會令人飽上加飽.

又係兩個人食飯，又好想揀一個坐得舒服、傾到計、嘢食又好味嘅餐廳，於是友人選擇試這間黑木。.坐在Bar枱，可以看到廚師煮野食，又方便兩個人傾計。 串燒沒有燒過火，很juicy! 特別喜愛燒雞皮，不是燒到很乾，平時其他串燒店都把雞皮燒成薯片一樣，但這裡沒有。成餐飯食物滿意之預，服務都係一流，店員keep住斟茶，又幫你換碟，好細心。呢間既食物非常新鮮之外，雖然係串燒但一d都唔乾身，反而仲嫩滑多汁。聽到店員同隔離檯介紹話部份食材來自沖繩，唔怪之得。我個人特別好黑豚肉，濃郁肉味，肥瘦剛好，咬落爽口，完全不膩。至於蔬菜方面，我幾中意佢既烹調方式完全係呈現日本居酒屋既味道，會加上木魚，令到蔬菜帶點鮮味。（我食左茄子，脆肉瓜，白菌，支豆）講真平時好少食蔬菜串燒，因為覺得好乾，但今次食親既全部都好juicy! 串燒之後就係明太子飯糰，我地以為已經上曬菜，因為都開始飽飽地。點知飲埋個湯，再上豚手及燒魚，會唔會太豐富!佢最後個燒魚好正，肉質真係滑嫩，好重大海既味道，同我係日本居酒屋食既味道一模一樣。燒魚我係其他餐廳食過覺得人地煮得太水，好多汁好怪，呢間就洽到好處，好食上口皮好香脆，肉都好滑。