麻辣風雲 (荃碧大廈) (已結業)

天氣開始係禁熱了，好期待秋天的來臨～而且又到好想食辣的時間🌶🌶耐不耐都會好想食辣，惹味又過癮！ 想食辣一定要到「麻辣風雲」，地點在荃灣，價錢仲好相宜呢😍😍-這晚是星期一好，剛好仲有優惠呀！ 係$1 口水雞！ 真係一個超值價錢可以享受美味的食物呀！ 冷盤上，好開胃！ 而且唔會太懶呢！ -主食方面，點了水煮牛肉🌶 擔心食唔到太辣所以叫左BB辣！ 但上枱是仍是滿滿的辣椒🌶️ 開始時也有點擔心🤣 幸好也食到呢！ 而且一碗滿滿也足夠簡單二人份，因為內裡除左牛肉，仲有麵呢！ 而且有很多配料，例如大蔥、芽菜、菇🍄真係好岩我口味😋😋下次有機會好想食酸菜魚呢🥳-由於食得太辣，最後也點了一碟炸饅頭🍞最喜歡新鮮熱辣的炸饅頭配上煉奶🤤真係好完美的組合！ -這個晚又辣又甜，一次過滿足晒2個願望🥳好開心🥳

首先必試嘅係炸饅頭，開頭見佢咁推介就試下，點知真係好好食，食完仲想再嗌。土豆絲好香口好好食，對我唔太食得辣嘅人嚟講真係好辣，但係又會不停夾嚟食。酸辣炒肥腸唔辣，可以整得濃味少少。最後水煮魚竟然無曬，要等45分鐘先有，無諗過時間咁早都無曬，我哋又想食唯有等下。啲魚都幾滑，但有啲簿身同埋有碎骨，但都幾入味，芽菜同薯粉都好入味好香口，值得一試！我覺得應該要主動提供凍水，食辣嘢仲要飲熱水，真係會辣到流晒眼水。

之前食過一次學得真心唔錯，今次又再過黎食啦！👍🏻 除咗食物質素有水凖之外，服務員態度又好，而且環境闊落乾淨，的確係一間唔錯嘅餐廳，所以翻食係有原因架！😆京蔥牛肉🐮微辣，牛肉片大塊又份量多，正！干鍋鮑魚有十幾粒鮑魚，而且都幾辣，食得辣嘅人可以試吓椒鹽魷魚🦑份量正常，脆卜卜嘅椒鹽魷魚，十分惹味👍🏻我最愛就係招牌炸饅頭❤️外脆內軟，加少少煉奶，甜甜好好食🥰 好食到可以再叫多碟😅

首先地現位置幾好，好容易就搵到。不過就要行幾級樓梯先到，餐廳喺2樓！店員方面幾好，好細心解釋好多野，咩食物配搭咩都有細心介紹。我今次同屋企人食一共4個人，食咗703蚊，都算係正常，唔算太貴。我地叫咗炸饅頭，一蝶有6件，真心要推介，真係好好好好好食！真係即叫即炸，外脆內軟！無得輸！第二道菜我哋叫咗土豆絲！係香港黎講真心整得幾好味，不過就辣咗啲，食開BB辣嘅朋友，應該會頂唔住。第三道菜係叫咗豬腸食，一啲都唔辣，我覺得可以加多少少辣！不過最好就係撈飯食會好味啲！等四道係水煮魚，我哋今次叫咗少辣，對我嚟講都覺我得太辣，不太食得辣嘅朋友可以叫酸菜魚，我覺得啲魚真心幾好食好滑！不過就切得好薄，好容易分散，而且好多細骨，食嘅時候要小心啲！不過麻辣方便好夠味！不過啲魚有啲少，而個底到就加咗薯粉！可以唔需要叫其他飯。另外，呢到兩種飲品我都有叫，我覺得菊花茶好淡，好似飲水咁。而落神花茶就正常。埋單嘅時候仲有雪米滋食！我會再去食多次試下酸菜魚同其他野食。

今既去食依間荃灣開左無耐既川菜，見到個招牌都知，特別適合鐘意食辣既人😋入到去地方唔算大橫掃一眼睇哂，坐位都闊坐低見到原來餐廳仲有做早市，有點心之類的食物。我地叫左一份多人推介的炸饅頭，同埋自選干鍋。炸饅頭好食，炸到外脆內軟，又香噴噴，金黃色，令人食慾大增，配上甜甜的煉奶，一流，掂。自選干鍋揀左鴨腎，娃娃菜，鮮枝竹，鮑魚，魷魚，干鍋本身已經有蓮藕片、椰菜花、萵筍、京蔥，我地揀左麻辣小辣。上菜時會有火熱住，令到干鍋愈來愈香，愈來愈辣，而鮮枝竹我認為是必點的，吸收左啲麻辣汁，正呀，掂呀。

荃灣新開無耐既川菜館，喜歡食辣既我當然要去試一試☺️餐廳有早、午、晚市。不同時段提供不同食品 包括早市有點心、午市有小菜，午市套餐和晚市有川菜小食，酸菜魚、水煮魚、干鍋等等...最人氣推介係自選干鍋✨ $68起干鍋已包含蓮藕片、椰菜花、萵筍、京蔥。有得揀要辣定唔辣 鐘意食辣既可以揀香辣或者麻辣唔鍾意食辣嘅朋友可以揀蔥爆😋😋 我哋今次就揀咗麻辣小辣自選干鍋，干鍋用左特色鐵鍋，一路熱住一路享用🤓可以keep住食材溫度👍🏻麻中帶辣 令你一口接一口地食😍我地仲叫多左份都好多人推介既炸饅頭。炸饅頭 $48炸饅頭炸到金黃色 食落非常酥脆而且外脆內軟，非常好食既炸饅頭🤤再配埋個煉奶，簡直食唔停口🤯🤩

我本身好辣，夏天食辣可以出一身汗，好舒服，今日放假，決定帶朋友去食番餐辣野。依家仲有早茶，午市都有點心，點個香脆炸雲吞，大大件，非常脆口，仲有原隻蝦肉，啖啖肉，點埋甜酸醬仲好食，我細個好鐘意食架。跟住點個干鍋肥腸，有爐熱住食，特別滋味，香、麻、辣於一身，腸通得好乾淨，無晒肥膏，食落好爽口彈牙，配埋香芹食香濃惹味。鹹魚雞粒炒飯，炒飯鹹鹹香香，雞都幾滑身，大大碟，套餐仲有汽水。中秋仲有4人套餐，可以約埋朋友黎聚下，好滿足

今日出荃灣探朋友初生BB，見時間尚早，決定再去尋刺激。講緊係食辣野，上次食過呢間麻辣風雲小菜好夠麻香，原來中午有點心，午市套餐有飯有炒麵炒河，仲送罐裝汽水。明蝦腐皮卷腐皮卷外脆炸得香脆，饀料有爽口蝦肉，沾喼汁酸酸地，消滯消油膩感。回鍋肉飯顏色望落去好辣，原來少辣有辣椒油香，肉厚身惹味，套餐跟飯夠大碗，好好送飯。豉油王炒麵炒麵炒得有鑊氣，有少少油圍住麵身，唔會太乾身，我怕太乾會好難吞，拌有香甜洋蔥，香口香葱，大碟份量足。坐位夠多，環境寬敞，職員有禮，冷氣夠食得舒服

{推薦辣子雞🙈}#kong_girl_foodie出街食今日同媽咪去荃灣行街，順便試吓呢間都算新開嘅餐廳！佢專係食辣野！.❣️麻辣海蜇$48第一下望都見到有啲唔夠色水，食落都係！比較淡🤣🤣本身以為麻辣應該好濃！.❣️辣子雞$108呢個就係我最推介嘅辣子雞！上菜個下嘩咗一聲！好多辣椒！啲雞好香！調味啱啱好！.❣️京蔥牛肉$98份量超級多！最後食唔晒啲牛肉🤣.❣️手撕包菜$78好耐冇食過呢個菜！炒得幾好，但係我覺得醋味可以再多少少！.📝總結呢間好值得試，首先佢價錢又唔貴而且好大份，佢仲有得自由配搭火鍋，鍾意食辣嘅一定要食呢間試吓！.❣️食完俾分時間❣️🌟食物: 7.5/10🌟環境: 7.5/10🌟服務: 7.5/10🌟打卡: 7.5/10🌟推介: 7.5/10.📍 麻辣風雲 荃灣海壩街108-114號荃碧大廈1樓#香港 #香港美食 #美食分享 #香港吃貨 #hkfoodie #hkfood #hongkong #hkig #荃灣美食 #荃灣 #麻辣風雲

疫情下已經好耐無同朋友食飯啦，今次同朋友去左荃灣呢間新店！店舖在2樓，要行一層樓梯，門面都幾靚，店舖好新淨。一坐底見到個一蚊雞餐牌，咁岩當日係星期三先有呢個優惠，當然要叫一碟嚟試啦！呢個年代仲有「一蚊雞」無花無假！真係夠麻辣惹味，雞夠滑，而且份量唔少，絕對係誠意之作九月份晚市逢星期一、三入座都可以叫，非常推介！麻辣豆腐本身都唔會難食得去邊，但講到好食又真無無乜幾間餐廳。今次撞手神叫左碟嚟餸飯，點知好好食！麻辣豆腐入口後，真係有麻痺的感覺，而且豆腐軟滑，夾起唔會散開或爛，極喜愛～最後叫左碟上湯菜食下清清腸胃，店員話無晒娃娃菜，唯有改白菜，最後2個人食晒成碟整體感覺不錯，看得出食物用心炮製，下次會叫多2個朋友一齊嚟試下水煮魚/酸菜魚！

我同老公都嗜辣，耐唔時都搵啲唔同嘅麻辣野食下，最近朋友介紹試下呢間麻辣店。我地決定加餸，外賣2款麻辣餸返屋企嘆下.....麻辣風雲係荃灣海壩街108-114號荃碧大廈鋪面都幾大座位好寬敞川式回煱肉雖然辣椒大大隻，不過唔算好辣，算係微辣，唔太食得辣嘅朋友仔可以點呢款菜式。用微辣醬汁加大量大葱炆腩肉，炆得夠曬入味，又惹味，有瘦啲又半肥瘦嘅，厚薄適中，有咬口，仲有腐竹吸盡醬汁嘅精華添。連我囡囡都好鐘意食。秘制口水雞(例牌)口水雞整得好食都唔容易，雞肉要夠嫩滑，食落唔會覺得肥膩，最重要當然係醬汁啦！呢個麻辣汁我比100分，辣椒、花椒、八角香味夠出，用料十足，食落先麻後辣，啲醬汁用黎撈飯真係一流呀！正對麻辣控嘅口味，可以Encore試埋其他菜式 !

今日行開荃灣突然間想食啲辣嘢 經過間野叫麻辣風雲 睇落裝修唔錯所以就決定試試佢啲嘢今日叫咗四個餸 第一個係干鍋鮑魚$148 有芹菜 蓮藕 蔥 當然唔少得鮑魚啦 鮑魚用上新鮮鮑魚仔 都有接近10隻 食落野味香口 極力推薦👍👍第二個係京蔥牛肉 牛肉勁大片 份量都幾多抵食👍👍👍第三個餸係椒鹽鮮魷 魷魚食落去食得出係好新鮮唔似一般大排檔用咗啲死咗好耐嘅魷魚 嗌黎送飯或者飲啤酒就一流啦😎最後嗌埋個侍應極力推薦嘅炸饅頭做甜品 食落脆口 一啲都唔覺得油膩 的確好有功架 不俗！😎😎

最近朋友新居入伙搬咗黎荃灣，我自己比較少嚟呢邊，聽佢講原來荃灣區好多嘢食。我問佢有咩推介，佢知我鍾意食辣就帶咗我去食麻辣風雲啦。餐廳喺一樓，我哋食飯果晚落緊大雨，一入餐廳店員就比咗個膠袋我地袋住把遮，仲比咗兩個紙袋我地裝住口罩，好貼心啊。樓梯位有易拉架介紹返中秋四人餐同外賣套餐，望落覺得好似幾抵食咁，好多餸菜都係麻辣，啱哂我口味！我地睇緊餐牌嘅時候，店員好主動過嚟幫我地手，佢話嚟麻辣風雲食飯一定要食水煮魚或者酸菜魚，如果多人嘅話仲可以叫埋干鍋。我朋友唔係太食得辣，所以唔太敢食水煮魚，於是我地叫咗一份酸菜魚，揀咗小辣🌶️。店員話水煮魚本身有薯粉但酸菜魚就冇，我同朋友都鍾意食於是就加咗一份。原來食落先知勁多薯粉，最後食到好飽好飽呀。份量好多，抵讚呀！薯粉咬落都好煙韌，唔會太冧有口感，又唔會太硬咬唔斷，無得挑剔呀。講返酸菜魚先，魚肉份量好多，我吔食到最後已經好飽，但仲撈到一碗魚肉出嚟，我覺得酸菜魚可以夠3-4人食，4個人食嘅話可以叫其他小菜試下添。魚肉除咗份量多，仲好滑呀，但有少少細骨，食嘅時候要小心呀。除咗魚仲有好多豆卜，吸哂啲湯真係好好味。今次揀咗小辣覺得唔係太辣，如果食得辣可以叫份辣啲嘅

踏入秋天時分，最啱就係食暖笠笠嘅食物。今次我係麻辣風雲裏面叫左香辣雞煲、酸菜炒肥腸、欖菜四季豆粒炒飯、炸饅頭同埋一渣菊花物蜜。炸饅頭係最好味嘅食物嚟到麻辣風雲一定要試，外脆內軟，配埋煉奶真係一流，唔試真係會白行一趟。而唔係咁食得辣嘅我哋，都搵到好多啱我哋食嘅食物，呢度可以揀大中小辣，唔係咁食得辣嘅朋友可以試吓小辣。仲有酸菜肥腸炒得好香，肥腸好入味，送飯一流。而香辣雞煲裏面啲雞肉好香好滑，而且仲有好多配料，好豐富。

朋友好鍾意食辣，佢推介食麻辣風雲，係專食川菜既😛係我哋睇緊餐牌嘅時候，職員就同我哋介紹，如果冇食過酸菜魚或者水煮魚就等於冇嚟過我哋餐廳😂😂講到咁，一於就試吓啦，我哋驚水煮魚（本身配有薯粉） 太辣所以就叫咗個酸菜魚，另外再加左薯粉。職員都有講過呢個干鍋都多人叫 ，而且係比較少餐廳會做，不過諗諗吓都係想食酸菜魚多啲🤣🤣好大兜既酸菜魚😍講返主角先，啲魚幾滑，唔算多骨，而且舊都好大件，份量好多！仲有啲配菜，例如豆卜同萵筍。我地叫左小辣，食落唔算好辣，我呢啲食開10小辣既都食到😛 食食下會有少少麻既感覺，配返罐可樂真係一流！估唔到有萵筍😍😍我哋另外加嘅薯粉，份量真係超多，我估有平時出面兩碗紅薯粉嘅份量，成個酸菜魚應該夠三至四個人食！小食方面，叫咗一個麻辣豬耳，味道正常，豬耳都幾爽口。超級推薦呢個炸饅頭，一客有六件，配埋煉奶食，外層勁脆中間又唔會好乾，甜甜地嘅煉奶可以中和返頭先酸菜魚嘅辣味😋😋完全係畫龍點睛！呢個真係好好食！👍🏻👍🏻最後見到九月有一蚊口水雞嘅優惠，可惜今日星期四，早知約早一日食飯啦😆😆餐廳都好闊落，坐得幾舒服，食物份量好多，建議多啲人嚟食可以share多幾款唔同嘅美食，我哋兩個人都