麻辣風雲 (荃碧大廈) (已結業)

今日放早，決定同老公仔一齊去撐枱腳，去食咗好耐都未食到嘅麻辣風雲👍👍👍話口未完，已經嚟到門口啦，門口仲好大個招牌寫住＄1口水雞佢哋而家做緊推廣，逢一、三、五晚市堂食，都可以叫$1口水雞👍唔好講咁多，即刻想去攞位先😁真係唔好彩了，明明訂咗位都滿座⋯⋯俗語有話「塞翁失馬，焉知非福」樓下雖然滿座，但被安排到樓上包間坐，仲正🥳🥳🥳包間入邊有獨立廁所🚽每間包間入邊只有一張枱最大嗰間包間可以容納兩張枱環境都唔錯，夠晒清靜，冇人打擾，仲有私家電視📺&私人廁所🚾事不宜遲，即刻點餸食嘢真係$1一份口水雞唔好睇小佢＄1，原來都算幾大碟下，起碼有10－12件，雞肉鮮嫩爽滑，再配上獨家配方的口水雞醬汁，少少辣，適合大眾化嘅香港人口味，因為香港人都唔係好食得辣🤣🤣必食小食炸饅頭$48之前已經上網search過，炸饅頭喺呢度嘅必食小食，所以我都唔例外，因為剛剛經過樓下，真係每枱都嗌咗炸饅頭真係唔試唔知佢咁好食，外脆內軟，絕對冇誇大成份。出邊餐廳都有炸饅頭，出邊嗰啲多數得個樣，面熟心不熟。呢個真係正到冇得頂，外皮脆卜卜，個心仲係好熱好軟熟，再加上佢嘅最佳拍檔煉奶，贏曬😄嚟到麻辣風雲，當然要試吓佢哋嘅主食啦，而我最鍾

今日相約左鐘意食辣嘅朋友，去食下荃灣麻辣風雲。門面裝修得幾靚，入到去有播音樂，氣氛唔錯。內裏都好有心思，連餐牌都整得好靚。Book左星期五7:00，上到去已經好多人。建議係OpenRice 訂座，咁就唔洗等位。食主角雞煲之前，叫左個小食，麻辣牛展。菜式可以揀大，中，小辣。麻辣牛展叫左小辣，有少少麻，麻辣味道未算太明顯，所以唔太辣。雞煲到左，服務員會幫手放喺檯正中間加熱。味道好香，食落好野味。雞煲叫左半份，2個人都夠食，因為想食下其他唔同菜式。餐牌上干鍋肥腸都係推介，肥腸又粗又厚，睇落洗得幾乾淨，而且蓮藕作為配菜，辣椒同芝麻夠足料，吸到哂麻辣味道。回鍋肉半肥瘦，落左好多菜去炒，所以食起上嚟唔會太油膩，可以盡情地食，亦都好岩送酒，啤一啤。

相約左好耐冇見嘅朋友聚一聚，食下小菜，傾下計。個friend搵左呢間系荃灣食麻辣菜嘅，叫麻辣風雲。環境唔錯，幾有特色。我地點左幾樣餐牌有推薦菜式。麻辣雞煲雞煲點左半隻雞，煲入面加左蔥同蓮藕，爆香之餘，仲好入味，d雞都好嫩口。檯中間可以打開，職員會幫手開爐，絕對係熱辣辣雞煲。回鍋肉腩肉層次分明，半肥半瘦，而且加左d蔬菜落去，一路食都唔會覺得太肥。干鍋肥腸肥腸份量十分多，加上有足料辣椒、蔥、芝麻，所以好入味，又麻又辣。肥腸切得比較厚，所以都有咬口，食到啖啖肉。麻辣牛展牛展軟身唔會韌，一碟都有約十塊。小麻辣好香口，好岩一路飲一路食。

雖然自己住烏湊沙，但事實上冇咩辣野食，最慘自己又鬼咁鐘意食辣先為食，早幾聽朋友講，荃灣開間新新地既四川野，嘩，一聽就流口水，直衝去荃灣🤪🤪🤪🤩係咁易叫左幾樣野食，一試個味道已經用兩個字去形容：正宗。招牌風雲炸饅頭：一黎到風起雲湧咁，勁霸氣送到你桌上😜一咬落去好新鮮既炸味，即叫即炸果種呀！一碟6個，$48 真心抵食😋口水雞：基本係四川特式，佢都辣既，但如果可以或者多啲蒜香味會更加好😚自選乾鍋：最少叫5種食材，可能我叫小辣，下次叫中辣會野味啲！仲有一定推介既炒飯：欖菜肉碎炒飯，超香火喉炒得好香。佢仲有好多款菜式，下次再試🤩

麻辣派對位於荃灣眾多食肆之中，位置易搵，大大個招牌實見到呀～ 上一層樓店面都幾大下，裝修係中國四川風格，坐得都幾舒服☺️👍🏻幾欣賞個餐牌好有中國風，整間餐廳以紅色為主色，好搶眼～今個十月做緊星期一、三，$1一碟口水雞，辣油超香，啲雞肉都好滑，如果例牌$98就會覺得細碟咗啲，但係$1真係好多年都未見過，好開心呢度做推廣叫咗$488一共四隻大閘蟹嘅套餐，先食兩隻清蒸，一大一細少少，打開蟹殻都有膏嘅，只係顏色方面唔係想像中嘅橙黃色。肉質都實淨，唔會太細隻，不過兩隻入面有一隻就明顯冇咁靚仔，啲肉有少少粉😔有手套🧤工具🧰輔助，食蟹easy job la~蒜蓉炒油麥菜超級大碟，好抵食👍🏻個大閘蟹套餐包菜同魚，除返開啲蟹cp值🔝酸菜魚半份都唔少㗎 真心好味，魚肉新鮮，配料又豐富，湯底走辣同時有麻香，呢種酸味唔會酸到牙都軟埋，好好餸飯🍚 我幾鍾意佢湯入面嘅蔥同瓜，入曬味，好好味可以翻叫！鹽焗大閘蟹～ 用咗岩鹽，不過唔知點解佢冇咩鹽味，同清蒸都有啲似🧐不過啲蟹就靚仔咗，啲膏見到橙色嘞嗚...坐場最出色嘅一定係以下呢道必點：炸饅頭！！！真㗎，$48俾隻刺身船咁嘅野我，抵到爆打卡必備～重點係佢真係炸到外脆內軟

好肚餓，諗住食火鍋類，但6pm都已經要拎9點嘅籌，咁喺openrice見到呢間，見d食評都正常，又好耐無食酸菜魚，試下佢啦去到都仲有好多張吉檯，卡位就話有人book左，得番最後一張2人檯，其他都係4人檯。之後就愈來愈多人，仲要等位，應該唔差啩d野食酸菜魚好快上檯，配料有豆卜，萵筍(得2片)，芽菜等，薄魚片都多塊，不過3~4舊有骨小辣味道不錯，唔會太辣同嗆喉麻辣豬耳，好香麻油味，但食落去無味，好失望見食評話好食，而佢menu又寫係招牌，嗌黎當澱粉質。上檯果下“嘩”左聲，最平嘅餸最勁嘅排場um...to be honest, 我覺得只係正常炸饅頭，用黎中和下d辣都ok 配菜有蓮藕，椰菜花，幾特別，個汁有d辣但都好味，好可惜蝦肉係霉嘅份量都算多，下次可以嗌少樣。。另外，味精唔算多，返到屋企都唔會太口渴

朋友介紹呢間主打四川菜夠曬正宗，所以去開荃灣就去品嘗一下🤤～/🥢炸饅頭 $48點估到一碟普通炸饅頭會係川菜熱門菜式😆，上碟十分浮誇，用左一艘放滿乾冰嘅小船煙霧彌漫咁上枱，超級搶眼🤣～炸得熱烘烘脹卜卜的饅頭，咬落去酥脆可口，沾上煉奶真係好難抗拒🤩！/🥢香辣干鍋 $68起（五花腩片$28、肥腸$38、鴨血$38、手打墨丸$28、土豆片$28）配料多達40款選擇，最少要選5款～口味有蔥爆、香辣、麻辣、重蒜，辣度可以走辣至大辣都有得簡！每款鍋底都配有蓮藕片、椰菜花、萵荀、京蔥～上枱時會有鐵鍋熱住保持溫度，大大份好足料，小辣係bb辣唔食得辣嘅朋友仔都食到😌！/🥢水煮牛肉 $138辣度亦可以選擇，小辣上枱聞一聞個陣辣味都攻上鼻😳，成碗鮮艷嘅辣油真係不能忽視‼️牛肉腍身夠滑，底下重會有紅薯粉、芽菜，配料豐富🤭，超惹味，值得推薦～/最後不得不讚樓下接待處姐姐親切有禮貌👍🏻，可惜店內的姐姐待客態度不理想，要收加一但服務有趕客感覺🌚～

約咗朋友嚟呢度食麻辣嘢例牌都係點酸菜魚，口水雞。不過我發現咗一道餸菜，造型10分特別，差唔多每一台的客人都會點，佢嘅造型係一隻船，船上邊放的係炸饅頭太可愛了。炸饅頭剛剛出爐非常香脆點煉奶超級好食

呢間川菜館位於荃灣街市附近，有次經過見到佢地大大個招牌有d興趣想挑戰一下食麻辣🌶🙈，最近天氣開始轉涼終於可以去試啦🤣.川菜館位於大廈既1樓，上到去見到佢地既門面非常古色古香，格局開揚兼夠晒光猛🌟 而當日幸運地被安排坐既卡位位置🪑非常闊落，所以呢餐可以坐得舒舒服服服咁食☺️最有趣既係呢度播放既音樂🎶貫徹返店名好有風雲style，一路食一路聽住會覺得自己好似睇緊電視劇咁🤣.值得欣賞既係呢度會因應每道菜式既食材用唔同品種既辣椒🌶️入饌，部分菜式可以要求小/中/大辣；如果閣下同我一樣唔太食到辣，落單時可以問下店員有邊d菜式係會無咁辣既🙆🏻‍♀️ 而對於食得辣既朋友而言，呢度絕對係麻辣天堂🙉.另外離開既時候係樓梯既顯示屏見到Tonick恆仔既訪問，事後先知原來佢係呢間川菜館既其中一個老闆😳****************************** ✨水煮牛肉🌶🐮($138)雖然落單時要求左要小辣，但當見到呢碗水煮牛肉🐮上桌時大大碗紅噹噹🔴同埋上面既燈籠椒同指天椒🌶️，難免會有d驚🤣 出乎意外既係飲左一啖湯頭之後佢既辣度果然只係小辣，辣度對我黎講接受到👌🏻，反而仲好想佢再辣多少少😝；湯底見到有大紅椒、

放假陪媽媽食飯，早前聽見他很想食麻辣的，今日就帶佢嚟試吓。見到門口有推出新餐牌食大閘蟹，才想起現在是大閘蟹的季節。我哋點左個最細嘅套餐，感覺不錯👍🏻，夠食的兩個人食剛剛好，媽媽也很開心。

之前經過一直有留意，優惠一蚊口水雞。一直都好想試，終於都食到啦！我們點大閘蟹四隻套餐，一蚊口水雞同一份炸饅頭。套餐有大閘蟹四隻酸菜魚或者水煮魚半份時菜一碟薑茶小女兒紅半價加$99套餐上面嘅大閘蟹可以選擇兩種口味，有麻辣、鹽焗、清蒸同香辣。我哋點左四隻套餐，清蒸同埋鹽焗。清蒸係最鮮味，鹽焗我覺得這有點鹹，我麻麻地但係以套餐來ok 。口水雞味道層次十分豐富，有麻辣鮮味，雞肉鮮美嫩爽。好好味😋一蚊就有我極度推薦你地去食👏🏻👏🏻👏🏻平日星期一同星期三先有。酸菜魚點左少辣，魚白口感好滑身，啖啖肉，味道唔會好濃烈，不過如果可以做到完全冇骨就好啦。炸饅頭係做到非常出色，即叫即炸，唔會太硬而且口感外脆內軟，再加上個造型非常突出，出色，做到好似一個漁夫撐緊船運送黃金咁，好意頭❤下次必㸃👏🏻👏🏻👏🏻

今日去左食麻辣風雲好耐無食辣野🙈突然好想食就上網搵到呢一間☺️餐廳環境寬躺 都幾好坐飲品餐牌設計到古代大門咁🙈別出心裁 👍🏻👍🏻由於我哋帶咗兩個小朋友所以要嗌啲唔辣比佢哋食點左炸饅頭同欖菜四季豆粒炒飯炸饅頭熱辣辣 外脆內軟欖菜四季豆粒炒飯 好大碗👍🏻主菜梗係辣嘢啦有酸辣土豆絲 香辣桶蠔同麻辣魚春魚卜煲土豆絲爽口惹味🙈香辣桶蠔🦪有成6隻 隻隻都好肥美蓮藕同椰菜花做配菜最意想不到有麻辣魚春魚卜煲食得出魚春有經炸過 好香口一啲魚腥味都無 魚卜爽口彈牙仲有豆芽同萵筍朔晒啲辣汁 ❤️總括而言 無論服務定食物質素都good 💕特別鍾意食辣嘅 適合不過😆

見到yellow guide 話哩間係黃店。。難得川菜有黃店。。所以去支持下！去到全場差唔多坐滿。。但係侍應得兩個。。想落單但等好耐都冇人理。。再等多一陣終於有人理。。點知落單呀姐一口鄉音？以為一個呀姐係咁。。點知兩個呀姐都係咁。。仲要全程黑口黑面。。唔講以為我地得罪咗佢。。。唔明點解我地黎消費但要受佢哋面色！野食到左。。明明係叫左唔同野食。。但係碟碟都係同一個味。。。辣子雞。。豬大腸。。炒四季豆都係同一個味道。。水煮牛肉個面成層油。。擺左上枱十分鐘都冇就凝固咗。。仲有食左炸饅頭。。個炸饅頭又係好油。。。不過味道唔算差。。算係全晚最好味嘅餸。。總括嚟講。。唔會再有下次！價錢唔算便。。服務態度同食物有待改善。。。同埋感覺唔似黃店。。成間鋪嘅感覺都好大陸。。

放假同小朋友去荃灣玩經過見到麻辣風雲個名勾起我想食辣野既心😋真係好耐無食辣野但門口見到條長樓梯 爸爸心諗攰死啦🤣🤣要枱架BB車上去正想行上去就有服務員帶我哋去搭電梯 好彩原來係有lift 架🌟餐廳地方都算闊落 坐得好舒服Drink Menu好有心思設計到好似古裝大門咁🙈首先叫咗d唔辣既 炸饅頭同 欖菜四季豆粒炒飯服侍兩位大帝🤪炸饅頭外表好鬆脆入面饅頭都好軟綿綿配埋煉奶兩個都食到唔停口欖菜四季豆粒炒飯粒粒都好香 而且好有口感😋酸辣土豆絲 做前菜一流酸酸辣辣而且又夠爽口跟住點左 麻辣魚春魚卜煲呢個比較少地方有得食係魚春有炸過所以好香口一啲魚腥味都無😚魚卜咬落去亦好爽口煲入面仲有豆芽同萵筍 朔晒啲辣汁超正❤️另外仲點左我最愛嘅香辣桶蠔🦪每隻都好大好肥美 咬落去好多汁🥰足足有六大隻😋仲有蓮藕同椰菜花做配菜整體來講 環境同服務都好好如果一家大細嚟食 都有唔辣嘅菜可以滿足到小朋友而鐘意食辣既大人 就最適合不過😆

荃灣這間麻辣風雲最適合蔥蒜王和濃味王，就算唔食得辣都好多野揀，今次跟朋友兩個人食個自選干鍋，配菜可以任選想食素食肉都得，最正係超多蔥超勁蒜，風味十足食個不亦樂乎。麻辣風雲位於荃灣海壩街，要行上一樓，只此一間並無其他分店。餐廳佔據一整個樓層，所以入面環境幾大幾闊落，兩邊仲有卡位坐幾舒服，盡處仲見到有包箱適合各種聚會。近門口牆上有好大個「掂」字，餐廳的酒水牌和一些細部設計都有花過心思，處處有特色。一或兩個人來食飯，這個自選干鍋最方便，有點像車仔麵可以自己選配料，想食素食肉都好多選擇，一鍋可以食多種蔬菜。「干鍋」固名思義是沒有湯的，並非一般打邊爐，鍋底已經有蓮藕片、福花、萵荀和京蔥，仲可以自己蔥爆/重蒜/香辣/麻辣口味，辣度亦可以自己揀。我地揀左蔥爆但都有好多大蒜和炸蒜，兩個喜歡吃蔥蒜的人非常開心滿意。自選干鍋 (鍋底HK$68 + 五款配料 HK$28×5)干鍋有限定最少選五款配料，每款配料價格由HK$25至HK$68不等，加上鍋底價格你預算一鍋HK$200起跳啦。我們選了手打牛丸、手打墨魚丸、娃娃菜、鮮枝竹和豆干，上桌有個小火爐暖住，都幾大鍋賣相誘人。整鍋菜用大蒜、京蔥爆香過，所以食起來