影片
更多
2020-09-21
46 瀏覽
最近朋友新居入伙搬咗黎荃灣，我自己比較少嚟呢邊，聽佢講原來荃灣區好多嘢食。我問佢有咩推介，佢知我鍾意食辣就帶咗我去食麻辣風雲啦。餐廳喺一樓，我哋食飯果晚落緊大雨，一入餐廳店員就比咗個膠袋我地袋住把遮，仲比咗兩個紙袋我地裝住口罩，好貼心啊。樓梯位有易拉架介紹返中秋四人餐同外賣套餐，望落覺得好似幾抵食咁，好多餸菜都係麻辣，啱哂我口味！我地睇緊餐牌嘅時候，店員好主動過嚟幫我地手，佢話嚟麻辣風雲食飯一定要食水煮魚或者酸菜魚，如果多人嘅話仲可以叫埋干鍋。我朋友唔係太食得辣，所以唔太敢食水煮魚，於是我地叫咗一份酸菜魚，揀咗小辣🌶️。店員話水煮魚本身有薯粉但酸菜魚就冇，我同朋友都鍾意食於是就加咗一份。原來食落先知勁多薯粉，最後食到好飽好飽呀。份量好多，抵讚呀！薯粉咬落都好煙韌，唔會太冧有口感，又唔會太硬咬唔斷，無得挑剔呀。講返酸菜魚先，魚肉份量好多，我吔食到最後已經好飽，但仲撈到一碗魚肉出嚟，我覺得酸菜魚可以夠3-4人食，4個人食嘅話可以叫其他小菜試下添。魚肉除咗份量多，仲好滑呀，但有少少細骨，食嘅時候要小心呀。除咗魚仲有好多豆卜，吸哂啲湯真係好好味。今次揀咗小辣覺得唔係太辣，如果食得辣可以叫份辣啲嘅
餐廳喺一樓，我哋食飯果晚落緊大雨，一入餐廳店員就比咗個膠袋我地袋住把遮，仲比咗兩個紙袋我地裝住口罩，好貼心啊。
樓梯位有易拉架介紹返中秋四人餐同外賣套餐，望落覺得好似幾抵食咁，好多餸菜都係麻辣，啱哂我口味！
我地睇緊餐牌嘅時候，店員好主動過嚟幫我地手，佢話嚟麻辣風雲食飯一定要食水煮魚或者酸菜魚，如果多人嘅話仲可以叫埋干鍋。我朋友唔係太食得辣，所以唔太敢食水煮魚，於是我地叫咗一份酸菜魚，揀咗小辣🌶️。
店員話水煮魚本身有薯粉但酸菜魚就冇，我同朋友都鍾意食於是就加咗一份。原來食落先知勁多薯粉，最後食到好飽好飽呀。份量好多，抵讚呀！薯粉咬落都好煙韌，唔會太冧有口感，又唔會太硬咬唔斷，無得挑剔呀。
講返酸菜魚先，魚肉份量好多，我吔食到最後已經好飽，但仲撈到一碗魚肉出嚟，我覺得酸菜魚可以夠3-4人食，4個人食嘅話可以叫其他小菜試下添。
魚肉除咗份量多，仲好滑呀，但有少少細骨，食嘅時候要小心呀。除咗魚仲有好多豆卜，吸哂啲湯真係好好味。今次揀咗小辣覺得唔係太辣，如果食得辣可以叫份辣啲嘅酸菜魚，或者試下水煮魚！下次我會再黎食水煮魚！
睇餐牌見到炸饅頭係必食，$48有6個，我覺得好抵食！於是我哋就叫咗一份啦。饅頭係新鮮炸起，用筷子一篤落去已經感覺到饅頭外皮炸到好脆。炸饅頭同煉奶簡直係天生一對，饅頭外脆內軟，加上煉奶甜甜地，越食越滋味。
另外我地點咗一份麻辣豬耳，味道唔錯，豬耳幾有咬口，麻辣醬汁都唔算太過辣，如果唔太食得辣嘅人都啱食㗎。
整體來講，餐廳坐得舒服，冷氣唔會太大，唔會食食下飯覺得好凍。到咗餐廳店員仲會問你飲咩茶，仲好似茶樓咁有個大碗比你洗餐具用。食物份量比較大，大食嘅我就啱哂啦😂。我下次會再黎，搵埋食得勁辣嘅朋友試下再辣啲水煮魚。
張貼
