麻辣風雲 (荃碧大廈) (已結業)

荃灣真係好少專食川菜嘅餐廳，麻辣風雲就係一間我覺得幾好嘅川菜館佢哋新推出左干鍋，可以自選配料，但係由於我哋人數太少，所以就冇叫到干鍋，但係聞到隔離枱食真係好香首先就叫左個皮蛋！皮蛋帶少少溏心，個辣醬撈埋一齊食都幾正！我哋食咗酸菜魚，魚肉份量好多，魚肉好滑，仲有好多唔同嘅配菜，最估唔到嘅係竟然有萵筍，酸菜魚個湯都做得幾好，如果可以加強少少酸度就更好！跟住仲叫左個炸饅頭，新鮮炸出黎，脆卜卜，點煉奶食係最佳組合！最後就叫左2杯飲品，分別係芒果特爽同冰爽薄荷鹹檸七，解辣最岩！下次都一定會再黎食！

兩個星期前同男朋友諗唔到食咩😂我地就揀左呢間麻辣風雲🤔抱住辣到要狂飲水嘅心情去試下新野食😂中式裝修嘅門口又幾得意🤭我地兩個都係食唔到辣又好想食辣嘅人😆所以只可以揀小辣🥺🥺呢個干鍋最岩我呢啲中意揀料嘅人😂本身我以為會好細個唔夠食但係原來係兩個人份我地揀左重蒜😍好正！啲肥牛多到😋黎到食麻辣嘅地方梗係一定要食辣先得😙我地揀左口水雞加蔥爆牛肉🥰呢個口水雞令平時少食雞肉嘅我都食😂好好食但牛肉就略嫌普通左少少正常發揮🤔整體黎講係出乎我意料之外😂對於兩個人都唔會太多食唔哂下次再去一定要試下麻辣嘅干鍋🥰

味道偏向重口味！正！啱曬鍾意食鹹嘢嘅人！🤪份量超多！（尤其鍋）🥘兩個人食三個餸已經飽到上頸😂見到餐牌設計好特別好有心思！仲有唔同辣度任君選擇！入面裝修好有四川風格🌶係口水雞啊🖖🏻睇見都留曬口水🙆‍♂️不過真係好鬼死辣好鬼死麻 食到個嘴比螞蟻咬咁樣🤓蔥爆牛肉！呢個係有驚喜嘅 蔥味好入到啲牛肉裡面😙不過味道好濃好鹹好重獲氣🔥🐂呢個就係自選鍋喇！正常打邊爐要嘅餸呢度都有齊！🥘任君選擇！🤪我仲要叫咗重蒜！的確係好惹味啊！臨走前望翻入去的而且確見到其實空間都幾寬闊 坐位都尚算舒服😌 不過氣氛就比較似酒樓 可能大家都食到熱 講野大大聲😂😂😂

係最後一日可以係6:00pm堂食，我地揀左呢間麻辣四川菜黎食，平時都好少會食d麻辣既野，不過見佢地點係荃灣又近，所以就去試下。店員一入到去係會幫食客探熱，之後先可以行上一樓入餐廳，而係樓梯到都放左一支搓手液可以比食客係進食前消毒。而坐低左之後店員會再比多次支搓手液你，驚你頭先係樓梯到搵唔到。非常細心！而係菜式方面，每一款菜都有得揀辣度同麻度，而我本身唔係好食得辣，所以非常欣賞餐廳唔係限定一個辣度。整體來講都係一個唔錯既新嘗試！

我成家人其實都幾鍾意食川菜，上個星期食完川菜唔太滿足，今次就嚟到荃灣嘅麻辣風雲，食完大家都讚好同非常滿足酸菜魚一定係麻辣風雲必食既菜式，魚肉啖啖肉，仲有大豆芽、萵筍，豆卜等等嘅配料，成份都非常足料，個湯都好好飲，又唔會太油膩，成家人都好欣賞呢個酸菜魚另外就叫左半隻麻辣雞煲，個醬汁好惹味，越煮越濃味，仲有紫洋蔥、蓮藕，萵筍做配料，連埋個醬汁一齊食好正，雞件都啖啖肉，肉質都幾嫩上個星期已經好想食螞蟻上樹，今次係麻辣風雲一於叫返個，炒得好有獲氣同埋夠乾身！最後仲叫咗個炸饅頭，炸得啱啱好，外脆內軟，沾埋煉奶食係最佳配搭！大家如果想喺荃灣食川菜，我都會好推薦呢一間

意外路過發現新開餐廳，同一橦有兩間新開店舖，口痕又鐘意食辣的我，選了麻辣試一下~前菜: 手拍青瓜 + 涼拌皮蛋川菜裏比較常見的菜式，沒有特別大技巧，只要香料落得足及準確，味道已經會在水準以上，蒜香加酸醋，作為開胃菜絕對一流~如果，可以有涼皮+蒜泥白肉就更好了 (純個人喜好)炸饅頭其實並非甚麼特色菜，但卻非常適合在吃辣的時候配上煉奶吃一口，解救火熱的舌頭意外成為我覺得必點的菜式！主打一定要試水煮魚，魚片夠滑，辣度夠勁，嚐辣者應該會好滿足~同行友人話我變態，因為我會將湯加入飯內做水煮湯飯~其實好好食，因為米飯會稍為壓下辣味，令舌頭可以嚐出水煮魚的味道，而非一味的辣~其他小炒亦都在水準以上，整體感覺很不錯。個人回頭指數，5分給4分

上次偶然發現呢間餐廳，俾佢驚艷到，今次咁啱約咗個勁鍾意食辣嘢嘅fd，決定帶佢去試一試。我哋揀咗一輪，最後都係決定食返上次我覺得好好食嘅香辣蝦同埋涼拌皮蛋，再試多個水煮魚。皮蛋同埋香辣蝦都冇令我哋失望，一樣保持到高水準，辣得來又帶啲麻。我哋叫咗碗飯，配飯食一流呀！朋友話呢啲味道係好正宗嘅四川風味，好正！至於水煮魚，份量好多，除咗主角魚塊之外，配菜仲有香蔥、芽菜、同薯粉。湯底用咗好多唔同嘅辣椒、花椒嚟到煮，麻辣得來又好香。薯粉索晒啲湯汁，勁入味。魚塊好嫩滑，我幾鍾意，不過朋友就比較喜歡結實一啲嘅質感。睇吓大家嘅口味係點啦！我自己就好鍾意啦！我哋一邊食辣野，一邊飲冰凍嘅可樂，真係好爽呀！下次再嚟，要再試其他菜式。

麻辣風雲-最近荃灣開咗幾間川菜， 作為酸菜魚嘅愛好者梗係要即刻去試吓啦！-早幾日已經透過OpenRice book位，但係就剩返8:00pm，不過由於太想食嘅關係，一於照去。-訂位服務有幾個位可以改善嘅：第一：我一早訂咗8:00，但係上到去嘅時候靚姐又再派飛，我聽到後面有人訂咗8:30（拎住2號飛），我訂咗8:00拎住5號飛，結果佢哋反而入先。咁其實係咪唔需要訂位呢？第二：冇人confirm你訂位嘅身份，我話自己訂咗8點，佢亦都冇再問任何詳情、電話。-不過見到呢個情況，我都同靚姐反映番，佢都盡快安排返枱比我。希望將來佢嘅訂位系統會做得完善啲。-食物方面，由於得兩個人所以嗌咗酸菜魚同川味回鍋肉。-酸菜魚（2/5）酸菜魚叫咗小辣，上碟嘅時候見到好多辣椒但其實食落一啲都唔辣，我諗連譚仔嘅10小辣都唔夠。另外一啲酸菜味都冇，魚亦都有魚骨。唯一可取嘅地方係有好多芽菜、一條條嘅萵筍同埋豆斗。-川味回鍋肉（3.5/5）回鍋肉麻辣味道正常，比起酸菜魚好食，但略嫌唔夠肉唔夠肥。-但以川菜餐廳來講佢嘅衛生同埋舒適程度係好好嘅，如果想舒舒服服咁坐或者傾偈都可以嚟試一試嘅！

同朋友想試吓川菜，一於嚟到荃灣試下新開嘅餐廳酸菜魚 $268▶份量都足料，不過四個人食就有啲唔夠喉，建議三個人食一碗就正▶由於有朋友唔食得辣，叫咗微辣，佢都食得到，其實真係得少少辣，所以食得辣嘅朋友可以叫中辣或以上▶超級多酸菜，啲魚都冇咩似刺，味道調味唔錯，會再想encore嘅送❤️自選干鍋 $68▶個底本身就會有萵筍等配菜，再自選幾項自己鐘意嘅野食▶娃娃菜索晒啲味，超級正涼拌牛𦟌 $58▶呢個比想像中辣，我都幾食得辣，但係呢個會有啲辛苦佢哋仲有好多特色飲品，但我覺得都偏甜，建議叫佢少糖

心血來潮，突然好想食川菜，所以去咗荃灣嘅麻辣風雲。呢間川菜都幾唔錯，味道夠正宗。 10粒星推薦：水煮魚 （微辣）因為我同朋友都唔太食得辣，所以叫咗微辣。雖然望落去好大盆，但係其實係二人份量嚟嘅。水煮魚係用新鮮鱸魚煮嘅，魚肉新鮮彈牙，配搭埋獨家調味，辣辣地，好開胃。裏面仲有薯粉，夠晒煙韌，又夠咬口。解辣小菜：清炒青芛絲食完辣野，當然要嗌返個小菜中和下啦！青芛絲勁爽口，同埋好新鮮，食到青芛絲清甜嘅味道。整體而言，麻辣風雲店面乾淨衛生，上菜速度快，店員都好有禮貌，如果經過荃灣，很值得一去。

女友不能吃辣，但我又非常嗜辣，唯有夾埋呀妹一齊試辣野。話說依間餐廳就係呀妹搵既，起初佢話去麻辣風雲，我仲以為係啲新遊戲名可以一齊玩，但原來係一間性價比幾高既川菜餐廳。水煮牛肉，一碗紅通通既牛肉，底下夾埋啲紅薯粉，每一啖都係花椒與辣椒既交響曲，特別一提，依到水煮牛肉既花椒味比起其他餐廳更加非常濃烈，每一口都隱約散發出花椒麻香。而牛肉則不過不失，可能近街市，取貨較易，牛肉也非常新鮮，但沒有想像中嫩滑。麻辣乾鍋，依味菜可以自選不同配料，我就揀咗最常見既金菇、萵荀、豬紅(因為沒有鴨血)、蓮耦片。鍋下有小型蠟燭保溫，依點值得一讚。香鍋既麻辣味又唔同於水煮牛肉，依要形容既話似係麻辣小炒，因湯汁少，是較為焦香的麻辣，有點像糊辣味?? 豬紅軟嫩，耦片爽脆，一鍋吃下不同口感和滋味，整體黎講份量足料，麻辣味十足，非常惹味，係一道配白飯一流既白飯殺手。食辣一定要配梳打解辣，但係依個梳打就真係一般，只有青檸、冰以及自斟的罐裝梳打，當然佢係通過商品說明條例，又沒有錯。雖然想像與現實就不符，但至少都加啲糖漿啦，飲落除咗青檸味味有青檸皮既苦味... 唔太推薦，仲要盛惠廿零蚊。至於荔枝爽又係點呢? 兩個字太甜，起初以

見到間野新開，又對四川菜好有興趣咪同fd一齊試下。我自己好食得辣，為咗就個fd叫咗好多唔辣既菜，辣既菜都叫咗最少辣，無咗辣味d菜都依然煮得幾好食。我食得最多係個干鍋鮑魚仔，鍋底好香，聞到都流口水，藕片比鮑魚仔更加吸引我🤭 又爽又脆，再辣d就好啦。毛血旺都好食，d豬紅俾我食晒，fd唔係好食得辣都食咗好多，師傅真係有幫手調低辣度。炸饅頭我就唔係好有興趣，幫手食咗兩件就無食囉，反而fd食咗3個，叫太多菜最後大家都食到好飽，好多菜食唔晒。京蔥牛肉好大份量，不過普普通通咁，唔食辣既朋友可以叫，幾抵食。叫咗個豬油渣炒通菜，通菜有d老，但炒得幾香，食下一啖食下一啖就食咗好多。最難食個涼拌皮蛋，食咗一件就唔想再食。平日嚟都唔算多人，坐得都幾舒服，不過最好都係同d食得辣既fd嚟先食得過癮🤭

原本就食十二味川菜的，點知要等廿幾張枱，所以就是但上網搵吓，搵到呢間新野，志在想食辣野，就沖去試下，兩個人食，叫四樣野，第一樣，皮蛋，本人覺得普通野，不覺不失第二樣，就係酸菜魚，呢個就加分味道不會太重，仲要勁大份，夠4人份量～價錢好似兩百幾蚊第三樣，香辣蝦都有80分最後仲有個菜～正常野

幾年前去過成都同重慶，個段日子對於一個唔食得辣又嗜辣既人真係痛並快樂着，皆因當地人食辣水平太高好難就到我個食辣廢柴。終於係香港遇到《麻辣風雲》，全部叫最少辣，我輕鬆carry到既辣度。有人話四川菜唔辣點會好食，其實唔應該咁樣去評，辣係一種濃烈既調味，拎開佢依然展示到廚藝，咁先叫功底。唔係好熟川菜，但係四川都食過幾日，憑住記憶去叫，一碟涼拌皮蛋係我每次必叫，但依碟係失敗中既失敗，隻皮蛋十分難食，調味都救唔返。拌料有蒜蓉同辣椒醬，坦白講辣椒油味道唔夠亮眼，加埋蒜蓉令人疑惑，所以俾咗差評。最近迷上炸饅頭，嚟到見到又要叫，煉奶食得出唔係鷹嘜，失色，饅頭唔黏牙，唔會太甜或者太油，合格。全枱最香係干鍋鮑魚仔，一路燒緊一路滲出香味，眼見好多辣椒但其實一d都唔辣，師傅完全照顧到我既辣度，食得辣既朋友可以叫再辣d，應該會更好食。鮑魚仔份量好夠，都算入味，藕片好脆，爽，推薦大家試一試。京蔥牛肉份量好多，牛肉食極都有，嫩滑少筋夾住一片京蔥一齊食，好滋味，碟菜本身係唔辣，唔食得辣既朋友可以叫豬油渣炒時菜係我幾期待既一道菜，因為宜家唔係度度都夠膽用豬油渣炒菜，d豬油如果唔靚或者擺太耐會有油up味，炸得唔靚食落就

我同朋友約左去荃灣，見到新開的麻辣風雲，餐廳尚算寛敞，呢間餐廳職員會俾口罩套給我地，好貼心。我地坐落黎，睇返Menu，大部分都係辣，但可以選擇辣度，只要同侍應講聲就得啦。我地叫左手拍青瓜及涼拌皮蛋，涼浸浸，夏天食法一流。辣度岩岩好，青瓜爽脆，皮蛋鹹度辣度醃得岩岩好。蒜蓉炒椰菜都同一段餐廳差唔多，好食既，煮得適中，唔會太諗。青椒爆豬頸肉，豬肉炒得冧，配菜配搭得宜。最好食既既係香辣蝦，醬汁惹味，味道好夠。