麻辣風雲 (荃碧大廈) (已結業)

朋友好想食辣野，於是LUNCH過黎試下~鋪頭環境都幾好，感覺好新淨，而且非常闊落，坐得幾舒服，每張枱之間有返咁上下距離，感覺都衛生安全D。而且店員都好貼心提供紙袋比我地放口罩!本來以為呢度係專叫川菜，點知原來呢度有早茶飲，仲可以叫點心。本身一入黎想叫杯凍飲，但原來LUNCH時間得汽水，所以最後都係飲左普洱~由於我真係好鍾意食春卷，所以忍唔住叫左個脆皮炸春卷，真係超好食，係意外驚喜! 而家好多酒樓D春卷係雞絲或芋絲，呢度係蝦肉餡，真係好感動! 而且個春卷係超脆，蝦肉大大舊好足料又彈牙，好好食，強烈推薦! 因為呢個春卷，我決定之後要搵日黎專食點心! 從來未食過干鍋，最小要揀5個餸，我地揀左牛腱、鴨血、土豆片、娃娃菜、豆干配麻辣(小辣)，而鍋底本身配有蓮藕片、椰菜花、萵荀同京蔥。干鍋下面有蠟燭仔保溫，可以慢慢食~ 個干鍋都幾足料，而且個麻辣味好香，蓮藕片好爽脆，牛腱都好爽口，土豆片、娃娃菜同豆干索哂D麻辣味，好辣，勁正!鴨血個質感都好好，好入味!  整體黎講，初嚐麻辣干鍋覺得感覺幾好，足料得黎又有返咁上下質素，同埋2個人食都夠飽，不過如果干鍋可以有埋D粉絲/寬粉之類配料就更加正，可以索哂D辣

疫情已經差唔多一年，外賣都成為每天必需動作。選擇大多數都是快餐及輕更外賣，已經d開始厭倦了。好想食中菜啊。今日難得經過荃灣街市街，仲要係我最愛麻辣味味菜式。點會放過佢，決定賣外賣返家享受下。首先來個必食“炸饅頭先“，返到屋企都半個鐘。果炸饅頭仲外脆內軟，點一點煉奶perfect match。第二點會唔食“麻辣牛展“，根腱分明。食入口有咬口，麻辣味無遮住牛展肉味。點會錯過咁好食前菜。仲有我的最愛“麻辣螞蟻上樹“，呢個菜色用粉絲加上碎肉配上獨特的調味。聽起來容易，做落有難度。我真係好喜歡呢個菜色。最後更係要加個飯，“欖菜四季豆粒炒飯“。炒飯最緊要係粒粒分明，更加要唔好滿口油。呢個飯完美表現到炒飯精髓真係唔錯。只可惜是外賣，如果堂食會更佳。

見開咗幾個月終於放寬可以一行四人試吓新野，食物就真係唔會出色，服務員態度唔錯，耐唔耐辣引起可以試吓酸菜魚味道可以但係可惜沒有寬粉條入邊，魚肉份量都夠多，四個人夠食豬油渣炒通菜出奇地好味不過略嫌鹹咗少少干戈肥腸呢個就真係唔得，完全冇辣味仲要肥腸好癡橡筋玉子燒$78只係得雞蛋同少量芝士有啲貴，雞蛋甜得過分辣子雞嚴格來講佢唔屬於辣子雞只係叫做炸雞件，普通嘅炸雞味道，味道好一般涼拌萵筍港式沒有味道三文魚刺身好肥美

今次係荃灣繼續搵好西食🤤限聚令放寬左 終於可以係餐廳食晚餐食耐啲！俾我搵到間坐得舒適而食辣野既地方💕➖酸辣土豆絲$88好開胃既小菜👍🏻唔會過酸或過辣！份量都多 好入味！值得一讚既係切絲粗幼適合 爽口有口感！➖水煮魚$268今次既主角可選辣道:是次小辣🤤店舖選用鱸魚 魚質有彈性入味但小心有細骨！配菜有芽菜、萵荀、薯粉~魚好食但薯粉更出色 有驚喜！缺點係薯粉太軟身易碎同份量相對少唔止有辣味 麻味比較出眾！值得一讚💕➖欖菜四季豆粒炒飯$88味道適中！四季豆粒同葱差唔多大細 仔細睇先搵到四季豆😂➖炸饅頭$48小編稱佢為有內涵既炸饅頭👍🏻雖然外皮唔夠脆但勝在夠實淨~都係必食之選✨➖另外最後會送紅豆沙/雪米糍，視乎當日供應。

天氣悶熱，加上戴住口罩，就熱上加焗，食嘢都冇乜胃口，想食d辣辣地嘅開胃菜。經過麻辣風雲，未到晚市，趁冇乜人，上去預早叫個外賣晚餐。叫完外賣，坐底等，侍應同收銀員都好好招呼、有禮貌，仲問我要唔要杯水飲下。menu 第一版，見「炸饅頭」係必食推介，即管試下，反正好耐冇食過。一盒6個，外脆內軟，炸得剛剛好，算唔錯，最鍾意就係點埋個煉奶。麻辣牛展，個人一向鍾意食牛展，所以緊係叫黎試下。牛展有口，入口香香辣辣，刺激味蕾，即刻開胃晒。香辣螞蟻上樹，粉絲加肉碎，份量多。粉絲唔會煮到太冧，軟度剛好。開盒已經聞到好香，味道微辣。另外，仲叫咗個涼拌萵荀，岩晒呢d天氣食，加上食完辣嘢，咬舊萵荀，清清地又爽甜，中和番，清下個口，非常唔錯。整體黎講，份量足夠，味道唔錯。下次有機會要試下堂食先。

放工想食水煮魚牛肉，呢排啱啱先開返10點堂食，又唔想排隊或者坐得好迫，於是驚OpenRice搵啲可以訂位嘅餐廳，見到呢一間舖頭都幾大，又近近地，喺荃灣街市附近。呢間中菜館坐得幾舒服，仲有點心紙可以叫點心。麻辣雞腎好快到，夠足料同麻味👍水煮牛肉揀左中辣，雖然唔係好辣，但牛肉多，亦有京蔥，入面都有唔少紅薯粉，食落都令人滿意。如果辣椒胡椒芽菜多啲，會更惹味，不過以一份百幾蚊來講，加12蚊有碗飯食，已經唔錯。螞蟻上樹第一次食，即係肉碎炒粉絲。揀左小辣，雖有覺得一啲都唔辣，肉碎亦平平無奇，但份量搭救，同埋絲粉炒得ok，粉絲唔會好濕同淋，口感好！

疫情嚴峻 好耐都冇試過夜晚出街食飯 間唔中出街又想食川菜 然後我朋友就喺OpenRice到搵到依間麻辣風雲 然後抱住一試嘅心態上咗樓🤣聽日去到門口感覺店家嘅衛生意識都幾好有一個凹凸清潔鞋底嘅地氈 亦都有消毒酒精俾我哋入去前用 當然探體溫係必不可少坐低咗之後侍應會問我哋 想飲咩茶 當日就有普洱同香片 係我哋睇餐牌嘅時候侍應亦都有為我哋推介特色菜式亦都有得揀小辣同中辣叫完菜之後上菜嘅速度都好快 啱晒我🤣心急人今次總共要咗四款餸水煮魚干鍋鮑魚干扁四季豆炸饅頭每一樣餸比我預計嘅份量都多好多特別係水煮魚！食極都有 D魚又滑又冇乜骨最驚喜嘅係原來水煮魚入邊有粉絲 超級入味鮑魚都唔錯 唔會煮到好韌 侍應都好貼心 因為上菜嘅時候個底會有火 所以煮到咁上下 佢就會行過嚟幫我哋翻下四季豆就非常之惹味呢間舖頭嘅炸饅頭會唔會過咗火 脆脆地幾好食😋整體環境都唔錯 好闊落

疫情左錦耐，大家出街都好擔心。但好姊妹點都要見架，所以我地就搵左尼間麻辣風雲環境衛生一流， 座位安排妥當 唔會逼，完全唔洗擔心同人距離太近，除底個罩都唔洗心慌慌。店員好貼心錦準備埋滾水俾我地洗碗筷，中有埋消毒液同濕紙巾，令我地食得安心又放心出街食飯最怕等等等但麻辣風雲出菜速度好快，店員服務態度超班，知道我地第一次去食，會主動過尼介紹菜單同一啲溫馨提示。因為疫情關係，有小部份既美食無再供應，都會事先提醒🔔尼到重頭戲啦，食物方面我地叫左水煮魚，干鍋鮑魚，幹煽四季豆，炸饅頭。水煮魚認真好鮮好滑份量合宜，配菜亦一啲都唔馬虎，足料又入味。因為一向食得辣，所以叫左中辣，辣度可以接受，希望下次可以挑戰大辣。干鍋鮑魚超級惹味，唔好以為鮑魚細份唔抵食。麻辣風雲既鮑魚足料到好似配菜錦，真係一定要再試。干煽四季豆本來係朋友中意食所以先叫，因為我麻麻地豆類，覺得豆類會唔入味，無咩好食，但點知尼間既四季豆好入味，食到底都唔會油膩下次尼到一定要叫多次彌補下以往唔中意豆類既我。到最後既炸饅頭，炸饅頭好似好簡單嘅一樣食物，但唔係間間都整得好食 。尼間既炸饅頭就不過不失啦，係份量多左啲 我地兩個女仔要食六隻饅頭，真係要

麻辣風雲由於已經訂枱，同朋友嚟到門口，門口的職員已經通知樓上的侍應，待我踏上二樓隨即帶我們入座。餐廳裝修比較簡單 除咗燈光外同傢私的選用有中國風外，額外的擺設就相對欠奉，但整體而言都無損整個用餐體驗，畢竟最重要坐低見到經過特別設計的餐牌會令人感到餐廳對每項細節都非常重視，增加用餐體驗。餐牌上的菜式選擇多，所以都花了一些時間點餐。最後點了三個小菜同兩杯飲品，包括干鍋鮑魚、香辣蟹同臘肉炒時菜。干鍋鮑魚性價比高，鮑魚份量足夠，而且配菜同鮑魚都好夾亦好惹味。香辣蟹的蟹肉比較少，但其他配菜都好豐富，令成碟菜式都加分不少。臘肉炒時菜就選用了椰菜，雖然臘肉的份量比較少，但都炒得夠香，再加埋蒜頭和其他調味，整體都好滿意。這個價錢如果兩三個人分都好合理。

早前同朋友睇到麻辣風雲嘅米線報導推介，今日忍唔住要買返碗返屋企品嚐品嚐😋😋鋪頭位置易搵👍米線嘅價錢唔算貴，一碗只需要$28，配餸就部分偏貴，但外賣自取仲有9折😂👍不過最奇怪在menu上有嘅餸唔係樣樣有😨😨，落單時想要豬紅同豬潤，竟然話冇豬潤呢😨😓所以最後叫咗豬紅同豬耳🐷米線味道真心唔錯，同一般小鍋米線比較，麻辣風雲嘅米線嘅湯底似水煮牛個啲湯底咁，但佢唔會太油太辣，認真正👍不過米線份量就唔算多，夠飽😂配餸方面豬紅：一共有6－7粒，口感結實，粒粒分明唔會散，味道都唔差👍豬耳：數量就冇數，不過婆婆我覺得有啲硬😂同埋唔算入味，但唔會話好差，好評👌不過非常可惜，6月食咗一次，8月想再食已經冇得再食😔😔😔去到麻辣風雲先知原來lunch 轉形，lunch menu只有炒麵同頹飯，猶如一般茶餐廳，但味道比茶餐廳好，外賣自取仲有8折優惠

平時喺屋企都係食啲家常小菜！食到好悶！今晚叫咗川菜外賣，又香又辣又惹味本身外賣自取有8折㗎，不過我哋就揀咗送貨，方便快靚正～食物包裝整潔乾淨，大大兜嘅水煮牛肉都完全冇倒瀉！水煮牛肉係必食推介 份量好多，味道好香又唔會太咸太辣，夠晒惹味，送飯一流！螞蟻上樹炒得好乾身，而且好夠味，飯都添多兩碗 酸辣土豆絲都幾好食，好爽口！我哋仲叫咗個炒飯，唔辣嘅，有啲臘肉同埋菜粒，炒得好乾身，又夠味食物整體來講都係重口味，如果鍾意食辣嘅朋友一定要試！

自命食勻全個荃灣嘅米線，fb介紹有新開米線當然去會一會佢😁😁點知........😔😔放工上到去約7:00坐低先知道米線只做到4:00pm,咁都坐低左為有睇下有咩食😵😵晚上主打做打邊爐小菜，見到有隻叫‘干鍋’嘅野唔知咩黎就勇敢地試下啦！😎😎原來‘干鍋’在我看來即係‘亂炒’將選好嘅款式配上特別嘅香料及調味炒好一大鍋直接上枱！完成✅看似容易☺️☺️不過要炒得好食相信都唔簡單😊😊講返個鍋就叫左六個餸菜配麻辣底美國肥牛$48:幾多幾爽口豬肚$38:夠彈性但好少，要細心搵先見到鴨血$38:好味又冇腥味墨魚丸$28:唔係hea你！茄子$28:好‘淋’入味廣島蠔$48:有蠔味，但得兩隻同偏細飲品：芒果特爽$28總結：干鍋真心好味，出嘅料都屬於高質素，但我同🤴🏻兩人只到6成飽，埋單連加一$356，只能講高質但CP值低，如果佢有粉麵類比客人加埋會加分，起碼食得飽先呀！😂😂

我哋一直都好喜歡吃辣，麻辣更係我哋的最愛！呢次有機會試新開的鋪頭麻辣風雲，開心到飛起，太耐沒出街食野啦！水煮魚入面條魚都幾大條，啖啖肉，仲有條大魚骨，真材實料！加上配料，簡直係絕配。我試左一啖湯底，又幾好飲@！@香辣蝦D蝦幾鮮甜，都幾入味，差D連殼都食埋，哈哈！！！至於涼拌皮蛋，果D蒜蓉加上辣椒油，絕配絕配！下次再食過，今次只係兩個人食，食得三個餸，吾夠喉！下次要約多D人嚟食先得！

上次偶然發現呢間餐廳，俾佢驚艷到，今次咁啱約咗個勁鍾意食辣嘢嘅fd，決定帶佢去試一試。我哋揀咗一輪，最後都係決定食返上次我覺得好好食嘅香辣蝦同埋涼拌皮蛋，再試多個水煮魚。皮蛋同埋香辣蝦都冇令我哋失望，一樣保持到高水準like，辣得來又帶啲麻。我哋叫咗碗飯，配飯食一流呀！朋友話呢啲味道係好正宗嘅四川風味，好正！至於水煮魚，份量好多，除咗主角魚塊之外，配菜仲有香蔥、芽菜、同薯粉。湯底用咗好多唔同嘅辣椒、花椒嚟到煮，麻辣得來又好香。薯粉索晒啲湯汁，勁入味。魚塊好嫩滑，我幾鍾意，不過朋友就比較喜歡結實一啲嘅質感。睇吓大家嘅口味係點啦！我自己就好鍾意啦！我哋一邊食辣野，一邊飲冰凍嘅可樂，真係好爽呀！下次再嚟，要再試其他菜式。

🌟涼拌牛𦟌($58)牛𦟌個肉無咩味 都係靠外層d辣椒油先有味😑- - - - - - - - - - - - - - - - - - - - - - - - - - - - - - - - - - - - -🌟炸饅頭($38)炸得雖然唔夠脆 但係食落唔會好油 無油膩味饅頭配煉奶真係由細到大都食唔厭🤣- - - - - - - - - - - - - - - - - - - - - - - - - - - - - - - - - - - - -🌟酸辣土豆絲($78)得一個辣椒🌶️ 唔酸都唔辣以為係凍食 點知係熱食😖不過幼得來 好好好爽口 再叫多碟都得🤭- - - - - - - - - - - - - - - - - - - - - - - - - - - - - - - - - - - - -🌟麻辣軟殼蟹($138)d軟殼蟹少得可憐😕完全唔夠喉但勝在大舊 炸得鬆脆 調味惹味食蔥既話 配埋d辣椒 蔥一齊食 味道更升一層次(唔食蔥既我唔知咩層次🤣)- - - - - - - - - - - - - - - - - - - - - - - - - - - - - - - - - - - - -