麻辣風雲 (荃碧大廈) (已結業)

又到一年一度嘅食大閘蟹季節，今日同屋企人去咗麻辣派對風雲試吓大閘蟹！不過因為我哋全家都唔係好食得辣，唔知道會唔會好掃興呢？我同個女都比較鍾意食酸嘅嘢，所以酸菜魚都係我哋今次嘅主打，而老婆就特別鍾意食大閘蟹，我哋就叫咗個套餐，有大閘蟹又有酸菜魚，加上有一蚊雞優惠，所以個套餐都幾豐富㗎 ！首先講吓隻一蚊雞，真係好耐都冇見過，雖然佢份量唔算話好多，但係呢一隻口水雞非常之有麻香，好彩就唔算太難，我哋撥開面頭嘅辣椒，只要唔好食太多辣油，都還可以㗎，我自己比較欣賞佢嘅香味，肉質亦都比較鮮嫩。酸菜魚喺套餐入邊只係得半份，嘩超級開胃，我諗三個人食半份略嫌少咗啲啲，下次嚟到我應該會叫一個全份，魚湯入邊嘅酸菜唔會令人酸到胃痛，送飯簡直一流呀！呢餐我都食咗兩大碗白飯，魚肉亦都係好鮮味，分量都合理，再配上其他蔬菜係湯底，浸到非常之入味，應該算係招牌菜！蒜蓉炒油麥菜分量幾多下，都幾有鑊氣，不過略嫌油咗少少，始終菜好吸油，如果食太多油野，個胃會有少少唔舒服。大閘蟹方面，可能我哋比較唔好彩啦，唔係隻隻都咁靚仔，佢係有蟹膏，但係個問題啲膏都唔係好鮮食，即係個新鮮程度好似唔係好夠，我哋兩碟大閘蟹，都係一大一細，所以呢一

女朋友鍾意食麻辣野我知道新開左呢間麻辣風雲，即係話要黎試下，座位闊落，裝修夠新淨，侍應姐姐非常有禮貌又殷勤，值得一讚兩個人叫左個主食同幾款小食，千其唔好睇小叫太多野，真係會食唔晒，浪費左唔係幾好。雞煲係我至愛，但可能我唔食得辣覺得太辣，但女朋友話岩岩好，都係信佢啦，佢先係麻辣食家。麻辣海蜇同口水雞就幾好味，岩我食！口水雞$1，好抵，星期一同三先有，預返日子黎更抵！呢個炸饅頭有心思，幾乎枱枱都有叫，好食！

必叫打卡小食-炸饅頭 大家都為這小船而來吧 😌店員剛拿出來時 好吸睛呢 😍顧名思義麻辣風雲 大部份食物都是辣的 不過如果大家好似我咁唔食得辣 都有干鍋簡架 可以走辣 多款配料任你揀我哋揀咗六款配料兩個人食都已經好飽好飽 但美中不足係干鍋不太夠熱吧

麻辣風雲一直想試，聽聞人佢係係比較有特別既川菜館。一睇menu都特別有風味，非常之有中國特色叫左菊花蜜，佢竟然用酒壺裝! 真係好有中國風味，可能就係差左一隻戰鬥豌香辣蟹，完整一隻好吸引!佢既做法好似麻辣雞煲，將蟹斬件炸香，放入唔同辣椒、紅蔥頭、大蔥等配料炒出黎份外香口惹味! 而且每件蟹件都完全沾上醬料，啖啖都係辣椒香剁椒魚頭，川菜之中亦係必食之選魚頭本身夠香滑，而且食落一D腥味都無，加上泡椒同剁椒，即使只係小辣我同朋友都食到係咁飲水!另外一個重點推介係炸饅頭! 出場好誇張，諸葛亮坐住乾冰船，場面超靚!饅頭炸得又香又脆，最緊要係佢既煉奶! 食落夠鬆脆，而且麵粉甜加煉奶甜，雙重香甜。

今日同朋友係荃灣食晚飯，原來海壩街附近有一間川菜！秋涼正好食下辣😋我地點左一份香辣蟹，一上枱非常香，睇得出佢真係落足料辣椒用夠三種，青辣椒加兩種紅辣椒，色香味俱全！而且有大蔥，薑片，暖胃又惹味。花蟹炸得夠酥碎，完全可以連殼食！而且蟹炸得夠乾身，辣味辣醬完全可以掛上蟹身，香口酥脆。蟹肉又夠鮮👍🏻炸饅頭係必食推介，外脆內軟，如果再炸耐d再炸脆d就好😂但配煉奶真係無敵！另外要左一渣洛神花茶，器皿好有特色😂👍🏻真係電視劇入邊人地飲酒咁，好有feel😌

秋意正濃，也是吃大閘蟹的時候，今次光顧位於荃灣的麻辣風雲，有個套餐好經濟要一試。想食真的要訂位，因為相當滿座。Menu 設計又幾有心思。$488 大閘蟹套餐大閘蟹可以揀清蒸、鹽焗、香辣、麻辣口味，又幾特別，每隻約4両重。現10月做優惠，星期一或三like 社交平台 就可以 $1 點口水雞，麻香滿溢，雞肉又嫩滑。蒜蓉炒萵筍好大碟，萵筍嫩滑爽脆，美味。主角來了，清蒸大閘蟹，夠大隻，一公一母，一打開超多膏好滿足。另一款點了鹽焗，鹹中帶點鮮味。酸菜魚，少辣，魚片無骨 啖啖肉好正，魚肉又嫩滑，酸中帶點辣，有豆卜、很多芽菜、酸菜等。最後不少得薑茶，熱熱地奉試，酒壺賣相好吸引，飲完可以驅走大閘蟹的寒氣。

荃灣開咗間新嘅辣店，聽講菜式都幾辣，而且好正，一於同辣妹一齊去幫襯吓店名叫麻辣風雲，唔知係咪老闆好中意風雲呢？裝修好有中國特色，的確有川菜嘅味道！而且都幾多人食㗎！門口大大個掂字，絕對吸睛！係餐廳嘅打卡位呀餐廳做緊推廣活動，$1就可以食到口水雞做前菜。口水雞嘅味道好正，辣辣地而又好入味主菜來了，點了一份水煮田雞。田雞份量都好多，而且每件都好大隻，絕無欺場。食田雞最開心就係啖啖肉，肉質非常嫩滑，而且味道仲好鮮甜。除咗田雞之外，仲有啲寬粉喺入邊，而芽菜就係墊底嘅，吸曬所有精華。食川菜又點少得萵筍呢？呢個萵筍煮得好淋，而且又好夾啲味。另外點左一份小食拼盤，入面有海蜇、豬耳、牛展、豬腸。呢款睇落唔係好辣，不過味道就好入味，海蜇都好爽口。呢間川菜絕對係荃灣值得推介！

一向愛辣如命中，見呢間都開左一段時間，梗係要試下，先叫左個水煮田雞，呢個真係好正，要推介下，田雞本身已口感好好，重點係有足夠既田雞脾，不會只係上身，而且隻隻脾都大大隻，啖啖肉，加埋香辣水煮，簡單食到停唔到口，而且材料十足，我叫左中辣是剛剛好，不會太蹌味，正，再叫左個麻辣併盤，有齊晒我想食既野，牛 ，豬肚，豬耳，雞腎，海哲，都係中麻辣，味道剛好，不會食到個口麻晒，而且可以食齊晒我想食既，岩晒我呢d眼濶肚窄既人，餐廳而家做緊特別優惠，咁岩我去果日可有一蚊口水雞，需然係試食份量，但都好正呀，好入味，雞好滑，值得再試

本人好少食麻辣，懷著一試心情試吓，叫了碟干鍋鮑魚、薑蔥炒蟹，上湯娃娃菜、涼拌青瓜，怕辣所以叫埋啤酒🍻，講講這個干鍋鮑魚，需然有些麻和辣，但食落都唔錯，鮑魚有十幾二十粒，加埋啤酒，人生一樂，呀，這個薑蔥蟹都不錯，隻蟹🦀好大隻，啖啖肉，好野味呀！娃娃菜，加埋上湯，好新鮮，這餐都滿意

仲記得以前細細個嗰陣唔食得辣 依家人大咗接觸辣多咗身邊嘅人都食得辣 自己都慢慢開始越食越辣川菜我都比較少食 我好似從未食過 #酸菜魚 添喎荃灣街市附近有間麻辣風雲 tonick恆仔有份開既一間川菜店門口大大個招牌 同埋有一個好稱職嘅姐姐系門口呼喚你上去食飯 所以你行過都一定唔會Miss咗😂.今次被安排坐去比較舒服嘅卡位 好闊落 枱面都好大 迎合返酸菜魚 或者水煮魚 呢啲都係大大碟大大碗既擺盤一坐底已經見到鋪枱張紙寫住勁正酸菜魚 必食推介寫到咁大隻字必食 就叫番個小辣食下啦酸菜魚上到枱真系好大碗 以我第一次食酸菜魚來講呢 有少少辣得唔過癮我覺得下次可能會叫中辣 魚片都幾新鮮 有好多塊 好好味 骨都唔多👍🏼👍🏼👍🏼(自己好怕魚骨)入面有啲萵筍 同大量芽菜酸菜 方面 同行朋友都覺得可以再酸啲 就酸啲就perfect啦😛😋.當然唔會淨系叫一樣主食啦水煮牛肉 小辣呢個小辣比酸菜魚辣啲辣得來又好香 仲有種麻既感覺牛肉有好多片 好滑 🤩估你唔到入面都一樣有萵筍、芽菜同少少薯粉😋👍🏼 性價比高 抵食♥️♥️♥️.泡椒鳳爪食得辣既同行朋友話無料到😳唔系想像中咁辣喎 我先夠膽試😂點知⋯真系無料到😅😅以為會好似

今日同老婆2個拍拖行街街，順度食埋晚飯先返去，終於有機會食我想食既川菜啦😋因為老婆唔太食得辣，好彩有些菜式可以選擇辣度，簡d唔辣同小辣既菜式同老婆一齊食。我地就叫左涼拌皮蛋，川式回鍋肉，酸湯肥牛，椒鹽鮮魷，招牌炸饅頭，同埋$1口水雞，原來十月份既星期一同三既晚市，只要LIKE佢地既FB，例牌口水雞就有$1特價，好抵食呀！我地咁岩撞正星期一，當然要試埋啦！食物好快就陸續送到，上菜速度都好快，涼拌皮蛋，凍凍地，少少辣，夠曬好開胃$1口水雞，味道夠麻夠辣，雞肉唔老又滑身，唔錯！川式回鍋肉，味道夠濃夠惹味，配搭蔬菜一齊食，肥而不膩，可惜冇叫到飯。酸湯肥牛，老婆最愛，酸酸辣辣，肥牛唔老，金菇同芽菜夠爽口！椒鹽鮮魷，味道正常。招牌炸饅頭，新鮮即炸，要等，饅頭外脆內鬆軟，配合煉奶，一絕！總體，食物份量大，下次可以叫多2個朋友一齊黎食，試埋其他餸，坐位好闊落，坐得好舒服，環境乾淨，價錢唔貴，抵食！

最為食得黎兼且愛辣既我，最鍾意四圍搜尋、四圍去試唔同既辣野，特別係四川嘅風味，真係日日食都唔會厭。前幾日我friend話荃灣新開嘅四川店，事關佢試左覺得唔錯，咁啱我今日就要去荃灣，咁順路，我不能不吃吧😍🥖招牌炸饅頭:有打卡呃like既feel，氣勢洶洶地降落你張枱霸氣十足，饅頭脆卜卜，粉團幼滑，食完一個會追住想食第二個🤭🔥自選麻辣干鍋：首先你可以揀大中小辣，之後可以揀口味，香辣、麻辣、重蒜、蔥爆，口味選擇都算幾多，然之後再自選五個材料，你都會有火烘住食，開頭我以為好辣所以選擇小辣，但如果食得辣，一定要叫中辣😋🍚招牌欖菜肉碎炒飯：唔好睇佢平平無奇，味道超夠，飯香撲鼻，炒得勁有鑊氣👍🏼🍗四川地道口水雞：四川野嘅代表作，唔食口水雞好似唔係一個完美嘅四川菜咁😆入口啲雞都幾滑嘅，啲汁都夠味，唔會太過辣太嗆味😉原來近來餐廳逢星期一、三仲有一蚊口水雞優惠，仲有時令大閘蟹套餐🦀

無飯家庭又要出去搵野食，荃灣好多野都食過，行過呢間麻辣風雲就諗住試下無妨，裝修新幾有設計感同朋友兩個叫左半隻雞煲加4款小食，份量十足！雞煲材料十足，好惹味，仲包埋我最鍾意既萵筍，唔洗特登再叫一份都好夠食盡量都鍾意晚餐有個菜，就叫左個上湯浸娃娃菜，水準之上，特別鍾意食果幾粒蒜頭，哈哈麻辣小食兩款，分量十足的海蜇同一蚊口水雞，係一蚊！非常之抵，好食！必食炸饅頭！食得又睇得，好靚！又好食！一定要試，相機都食左好多呢個炸饅頭！

早兩日已經訂枱去荃灣食麻辣風雲，去到門口先知原來都幾大間，仲要行樓梯上去見到佢哋Menu都好多嘢食，前菜再平均$50蚊左右一碟，有麻辣豬耳，麻辣海蜇等。 見到佢哋而家有個「爆膏大閘蟹套餐」所以就冇叫其他，一於趁着蟹季食呢個套餐先～～4隻套餐有：蟹4 隻約4両蒜蓉炒時菜水煮魚薑茶口水雞夠麻辣，而且雞肉好嫩口！有水準水煮魚麻辣味同樣好夠，我哋食小辣，食完返到屋企個嘴都仲係麻大閘蟹有四款口味俾你簡一打開爆膏配埋薑茶

今日系荃灣行街專登為咗食佢嘅干鍋而預約，叫咗佢哋嘅干鍋，麻辣海蜇 菊花蜜 娃娃菜，同埋晚市必食嘅一口雞👍🏻👍🏻但佢哋好似得星期一同星期三晚先有一蚊優惠，值得試吓如果你都鍾意食辣嘅。口感唔錯架唔算話特別辣！對於我唔係成日食辣嘅人來講佢哋嘅干鍋簡直一流呀最後都係食唔晒份量好多，同埋我都鍾意食佢嘅海蜇，不過我覺得佢嘅海蜇特別辣對於一口雞來講，海蜇辣過一口雞，佢哋係辣得來有少少麻嘅感覺，有興趣可以去食吓！埋單都係四百幾蚊