影片
更多
2020-10-13
443 瀏覽
荃灣這間麻辣風雲最適合蔥蒜王和濃味王，就算唔食得辣都好多野揀，今次跟朋友兩個人食個自選干鍋，配菜可以任選想食素食肉都得，最正係超多蔥超勁蒜，風味十足食個不亦樂乎。麻辣風雲位於荃灣海壩街，要行上一樓，只此一間並無其他分店。餐廳佔據一整個樓層，所以入面環境幾大幾闊落，兩邊仲有卡位坐幾舒服，盡處仲見到有包箱適合各種聚會。近門口牆上有好大個「掂」字，餐廳的酒水牌和一些細部設計都有花過心思，處處有特色。一或兩個人來食飯，這個自選干鍋最方便，有點像車仔麵可以自己選配料，想食素食肉都好多選擇，一鍋可以食多種蔬菜。「干鍋」固名思義是沒有湯的，並非一般打邊爐，鍋底已經有蓮藕片、福花、萵荀和京蔥，仲可以自己蔥爆/重蒜/香辣/麻辣口味，辣度亦可以自己揀。我地揀左蔥爆但都有好多大蒜和炸蒜，兩個喜歡吃蔥蒜的人非常開心滿意。自選干鍋 (鍋底HK$68 + 五款配料 HK$28×5)干鍋有限定最少選五款配料，每款配料價格由HK$25至HK$68不等，加上鍋底價格你預算一鍋HK$200起跳啦。我們選了手打牛丸、手打墨魚丸、娃娃菜、鮮枝竹和豆干，上桌有個小火爐暖住，都幾大鍋賣相誘人。整鍋菜用大蒜、京蔥爆香過，所以食起來
荃灣這間麻辣風雲最適合蔥蒜王和濃味王，就算唔食得辣都好多野揀，今次跟朋友兩個人食個自選干鍋，配菜可以任選想食素食肉都得，最正係超多蔥超勁蒜，風味十足食個不亦樂乎。
麻辣風雲位於荃灣海壩街，要行上一樓，只此一間並無其他分店。
餐廳佔據一整個樓層，所以入面環境幾大幾闊落，兩邊仲有卡位坐幾舒服，盡處仲見到有包箱適合各種聚會。
近門口牆上有好大個「掂」字，餐廳的酒水牌和一些細部設計都有花過心思，處處有特色。
一或兩個人來食飯，這個自選干鍋最方便，有點像車仔麵可以自己選配料，想食素食肉都好多選擇，一鍋可以食多種蔬菜。「干鍋」固名思義是沒有湯的，並非一般打邊爐，鍋底已經有蓮藕片、福花、萵荀和京蔥，仲可以自己蔥爆/重蒜/香辣/麻辣口味，辣度亦可以自己揀。我地揀左蔥爆但都有好多大蒜和炸蒜，兩個喜歡吃蔥蒜的人非常開心滿意。
自選干鍋 (鍋底HK$68 + 五款配料 HK$28×5)
干鍋有限定最少選五款配料，每款配料價格由HK$25至HK$68不等，加上鍋底價格你預算一鍋HK$200起跳啦。我們選了手打牛丸、手打墨魚丸、娃娃菜、鮮枝竹和豆干，上桌有個小火爐暖住，都幾大鍋賣相誘人。
整鍋菜用大蒜、京蔥爆香過，所以食起來非常蔥味，我最喜歡蔥香和蒜香了！入味的娃娃菜、豆卜、枝竹超好食。咦，咪住，我們明明點了豆干，為甚麼會得到豆卜呢？看清楚才發現店員落錯單，問一問之後都有補返一份豆干俾我地。
坐低先發現最近仲做緊「一蚊一碟雞」優惠，晚市來吃飯只要幫餐廳粉專按讚，即可以用HK$1換一碟口水雞，份量唔算好大碟，過下口癮都唔錯，朋友話都幾夠麻辣。
荃灣區都真係幾多特色餐廳食肆，下次來覓食的時候如果想吃濃味醒神菜式，麻辣風雲一定幫到你。
張貼
