麵鮮醬油房周月 (歌賦街)

營業中

休息中

早前吃過鰂魚涌分店，但身邊朋友總是說中環店更好吃，更加心絲絲想吃一次。中午時間來到，幸運地不用等位，但轉頭已經有人龍出現。中環分店感覺比鰂魚涌分店舊一點，但就更有地道的感覺。這裡同樣提供味道獨特的凍麥茶，在天時暑熱的時間，的確消暑又解渴。餐牌上除左招牌沾麵和湯麵，還有中環店限定的安格斯牛肩肉冷湯麵。沾麵 $89專一的我還是選擇沾麵，習慣要 300g的凍麵，份量夠多，又不用加錢，不過我一樣全部食晒。喜歡凍麵的彈牙感覺，而且麵的掛湯能力高。沾麵湯感覺上比鰂魚涌分店更出色，湯底其實一樣的濃郁，但就更有鮮味。這裡的沾麵的確有吸引力，獨特的沾麵湯令我即使吃過鰂魚涌及中環分店，仍會想再吃。

成日經過周月都大排長龍，所以無去試到。咁岩早放工又經過唔洗排隊就即刻同同事試下。周月拉麵麵質同一蘭一樣，湯底可以簡濃同淡，當然選擇濃啦。湯帶有魚香，飲落帶有點甜，好味叉燒半肥瘦 格外野味，溏心蛋應該都有用醬汁調味過，有心思。周月沾麵呢個湯唔似其他沾麵既得個咸字，仲有一份酸味，中和左肥膩既感覺。無得頂。麵條粗度岩岩好，一淡接一淡停唔到口。叉燒切咸左細片，多葱，200g份量岩岩好。小食叫左餃子同炸雞(望到即食，忘記影相）餃子無乜特別，正正常常。還可以。不過炸雞真係必點，好好食，外脆內軟，炸過仲好嫩滑，無雪藏即味 而且好有雞味。總括，周月比我既感覺幾特別，創新得黎又保持傳統拉麵/沾麵既水準。

公司附近有好多形形色色不同種類嘅餐廳。今日夜晚又有時間係公司附近覓食都幾愛好食拉麵嘅我地之前經過見到周月已經好想一試，耐何收咗鋪唯有下次再食。之後係openrice 到一搵，先知原來呢間餐廳都幾有名氣，仲登上咗米芝蓮今晚一於一試雖然只係六點幾，但店內已經有唔少客人。係門口睇落小小嘅店，其實入面都有唔少座位。我選擇咗燒黑豚拉麵。湯底係可以選擇濃或淡，我就選擇咗淡湯點講呢？作為米芝蓮推介美食嚟講，真係有啲失望。黑豚overcooked, 有兩三舊都燶燶地...湯底好好麻麻，淨係覺得好油未至於唔好食嘅，但咁嘅價錢我會選擇豚王沾麵可能會出色啲喇？

［2017/05/12 上環 周月］今天去了香港大學，然後特意來到上環，試試周月。我也喜歡醬油湯，因為沒那麼肥膩，少一點罪惡感。5時半，裡面只有一個客人，我們進去後不久，就滿座了，還有些人在等位，真幸運～-長話短說，直接食評。我們點了塩味拉麵和沾麵，沾麵選涼麵，特盛（300g）。-到餐後，第一下的感覺是沾麵湯汁非常深色。叉燒普通，湯底偏鹹，特別是沾麵湯汁，後期加了雞湯仍然很鹹，未必所有人都能夠接受。但是不得不說，周月的麵條很好吃，幼身有韌度，很有嚼口。-總結：麵條高質，湯底因人而異。

中環「歌賦街」的食店美食系列，繼「九X牛腩」和「勝X園」之後，我準備要講第三間食店，是米芝蓮「車胎人美食推介」，以沾麵為代表菜的日本拉麵店「麵鮮醬油房周月」。星期日下午去到「歌賦街」，看到中環兩大老店，都適逢星期日而關上大門休息。我坐兩店附近的長櫈上等待，準備差不多六點鐘左右，就進入「麵鮮醬油房周月」，和試食他們有名的「沾麵」。期間還有大量慕名而來，但不清楚「九X牛腩」和「勝X園」營業時間的遊客，他們遇上兩間名店關門休息，但不知道實際情況，百思不得其解下詢問我，我唯有向他們清楚解釋，兩店逢星期日都會關門休息一天。他們知道「九X牛腩」和「勝X園」逢星期日休息時，先是為此錯愕，後是嗟嘆自己來得不是時候，埋怨自己運氣差勁，最後惟有失望離開「歌賦街」。其實他們也可以選擇光顧，試食「麵鮮醬油房周月」的招牌沾麵。可惜我的英語水平還未完全到家，單是要向他們講出「麵鮮醬油房周月」的英文店名，或者「米芝蓮」，我已經不知道從何說起。「麵鮮醬油房周月」的「沾麵」跟很多拉麵店的沾麵一樣，食法大概都是先把麵條放入沾汁內，吃過吸收濃郁沾汁的沾麵條後，最後讓店員（或自行）斟入雞湯後，再吃光剩餘的麵條和湯汁。儘管「麵

失敗！失敗！😤本来麵是好的！但湯酸得很！破坏了整体味道😨（之前不是这様的，可能師傅落醋时，很重手！)🙈要给就只能给负評了！店長仲为了小事，在店里教訓店员，影响進食環境氣氛😖

今日難得男朋友咁好嚟中環搵我食lunch，我就用左我寶貴嘅辦公時間做咗30分鐘openrice research，就醒起我原來一直都好想試周月沾麵，聽friend講左咁耐，今日終於有機會食到。滿心期待嘅我搭正12鍾就立即落去lobby先會合男朋友再急急腳走去周月，我office係中環，老實講我做過research都已經有定心理準備係要行一段時間。都唔知好彩定唔好彩，今日天氣好到呀媽都唔認得，一舊雲都無，太陽直接晒落嚟，大概有33C，隔住對LV平底鞋都feel到地下熱辣辣，都唔知對LV頂唔頂得住。我男友就慘啲，過咗第一條馬路佢已經用緊第3張紙巾，恤衫就好快由白色變咗半透明，仲傳來啖啖酸臭味。我一手拎住電話睇Google Map，一手檔住塊面防止雀斑再出，沿途呼吸著酸臭嘅空氣，終於嚟到周月沾麵。我哋特登早小小落嚟，再急急步行過嚟，諗住可以唔洗點等啦，，，，，嘩頂，真係講都無人信，條人龍已經排到出晒街，舖頭外面仲要冇瓦遮頭，唉。。。真係有啲灰，我當然立刻指揮男友去排隊，我就去對面7仔嘆陣冷氣。大概15分鐘之後終於到我地入去食。我order咗最bacis嘅周月沾麵，男友就order咗每日限定2

素聞周月大名在網絡上很多人都評為非吃不可於是特意找了個機會前來一試周月的位置大若在九記附近若從地鐵站/電車路走來都需要花一點氣力晚上七時來到可能由於位置較遠和時候尚早不用等位便可進入精美的餐牌餐廳內有日本茶提供可惜茶不夠冷略嫌有點美中不足拉麵和沾麵的種類不算太多可是內含隱藏選項冷麵熱麵、濃湯清湯不知是餐牌上沒有提示還是我「眼大睇過龍」我和之後的另一位食客也是落單時被侍應問及才即時勿忙決定若然能在餐牌上多加提示有上述選項會更佳先來的是帆立貝油．麵麵質硬身煙韌雖然我吃不出那是不是帆立貝的味道但是油香亦濃而且當中的日本生雞蛋可說是神來之筆撈上後頓覺鮮味倍增可是吃到中後段很容易有膩的感覺一是油味有點過濃過鹹二是配料太單調既名帆立貝油．麵若能加些帆立貝作配料 (不論是大/小/碎)定會較為吸引以酸味聞名的沾麵則較為清新湯中的醋味和豬肉味頗為合拍只是加一後接近百元的一碗沾麵竟然連一片叉燒也沒有湯中的叉燒碎也夾雜著太多肥膏這要扣一點分了若不額外點叉燒/餃子吃下去很快便會覺寡總括而言質素是有的但個人認為未到非試不可的地步若作為拉麵迷來朝一次聖亦未嘗不可

喺香港嘅沾麵，竟然邊間好味呢？今日介紹呢間拉麵店，我覺得唔錯咖！唔講咁多，即刻介紹比大家！呢間係位於中環歌賦街嘅周月，佢嘅招牌菜就係地道沾麵！各位光臨嘅時候記得留意佢嘅營業時間，因為佢係開到晚上七時就關門了！店內除咗有沾麵外，仲有其他拉麵，小食同埋飲品，下面會介紹唔同嘅食物！周月其實係日本各地都有分店的，睇到餐廳就感覺到創辦人對食物嘅用心！呢度嘅沾麵，有三種size可以簡: 100g、200g、300g，今次簡咗200g！而麵就可以簡凍或熱，沾汁可以選淡或濃！今次呢碗係濃沾汁200g既熱麵！沾汁味濃，好香醬油味；拉麵爽口彈牙，配汁沾汁一齊食，岩岩好！另外，糖心蛋都好出名，微咸而且中間蛋黃係超軟心！整體黎講，呢個沾麵係唔錯咖！枱上有指示教大家點食沾麵。另外仲嗌咗周月拉麵，佢嘅麵底同沾麵唔同，係幼身拉麵黎！有數塊叉燒、筍片同糖心蛋；湯底香濃，叉燒厚而肥瘦層次，幼麵比較軟，都幾好。即煎日式餃子，可以配透明嘅米醋，有肉汁，都ok。唐揚雞軟骨，新鮮炸起，香脆可口！枝豆，普普通通，冇咩特別。日本甜薯，用蒸嘅方法煮，香甜軟熟，配埋類似沙律醬嘅醬汁，酸酸甜甜。日本直送柑橘汁，味道似酸版橙汁，幾醒胃咖！

想在中環附近吃晚餐，偶然搜尋到這間醬油沾麵，我們抱著碰運氣的心態過來看看（因為已經接近8時，麵可能已經賣完），誰知店前還有不少等候的人。店前空間不多，等候時有點擁擠，最終等了約20分鐘。入座後點了兩碗濃湯沾麵（冷麵底），吃了兩口有點後悔......其實它的麵質不錯，湯底獨特，紫菜和沙甸魚的味道很重，和一般沾麵的湯甚為不同。不過，我們一致認為應該要淡湯，因為濃湯非常鹹。切成小片的豚肉是放在湯頭裡，所以也鹹得吃不出它的味道。雖然一向在其他沾麵店都吃濃湯，不過這次真的投降了，味道太鹹。湯底特別，但鹹味幾乎蓋過一切，實在可惜。雖然各人對鹹味的接受程度不同，濃湯淡湯，各有所好。但要是下次再來，我們絕對會點淡湯，希望能好好品嚐紫菜和魚的鮮味。

今次係我第二次到訪周月，記得第一次到訪既時候係3－4年前，當時香港既拉麵店都未算係非常豐盛，最少唔會好似而家咁，緊有一間o係左近，而我印象中，周月既拉麵係我心中既number one。今次weekend過佐黎中環，突然又比我唸起佢，決定試下水準有冇改變。大約3點到達餐廳，本以為呢個唔係peak hour既時段，應該比較容易等位，未料到在門外也是有不少外藉人仕正在等位，看來這裡的人氣並沒有因為拉麵店的「supply」而減退。幸好拉麵店的流轉量夠快，所以大約只等了10分鐘就可以入座啦。不說不知，原來餐廳連續4年獲得米芝蓮推介既榮譽，難怪這裡的遊客特別多，也可見餐廳的穩定性。餐廳所採用的拉麵麵條全部是自家即製的，有效控制QUALITY。這部就是餐廳特別由日本訂購的製麵機，每日選用由日本麵粉新鮮製造的麵條，保留MADE IN JAPAN。以拉麵店來說，餐廳算是很大，大約有20-30個座位。在餐牌裡設有食用方法說明，特別是沾麵，重點在於食完個麵可以要求店員加上清雞湯，再把整碗湯汁一喝而下。餐牌可選的食物種類也以沾麵和湯麵兩款為主，比較特別的是客人可以因應自己的食量而選擇拉麵的份量，分為並盛 （1

早前突然很懷念日本的沾麵，所以特地搜尋了一下食店，然後看見這家評價不錯就記下了名字找天順路過來。抵達時是週五的下午一點半，店裏人不算少，感覺到真的有不錯人氣。菜單算簡單，沾麵主要就分普通和辣，還可以以同一價位選擇要100g/200g/300g的麵量。下單時店員很細心問我要濃或淡湯等選項，我順便追加要求想要麵偏生（偏硬）的。所以最後我的柯打是200g，淡湯，硬麵，熱麵這樣。等了不算久後麵送上來。第一個感想是麵都黏在一起不太好夾，雖然沒有規定說沾麵的麵要排得好夾，但感覺還是…太黏了，不是夾得太少就太多，跟以前吃沾麵那一小束一小束吃的感覺不太一樣。第二個感想是湯底太鹹了，因為已經在吃了也不好意思確認廚房有沒有弄錯；如果沒弄錯的話那實在難以想像濃味會有多濃。鹹得覺得湯裏該有的鮮味都被蓋過，麵只要沾一點點湯已經夠鹹變相也失去了沾麵的意義。我對叉燒沒什麼要求所以沒什麼想法；蔥夠多是比較開心的地方；還有滷蛋對比起來比麵和湯都好吃多了。吃完麵後有請店員在湯裏加水，但喝下去還是太鹹，勉強自己喝了6、7啖就放棄了。本來在想可能是廚房失手，但看了一下其他負評也有提及湯底太鹹，所以我想不是自己運氣不好。最後因

係寫詳細食評之前，先大膽黎個開估，對本人而言，周月係我香港食過沾麵暫時排名第一！香港依家都有林林種種唔同既拉/沾麵店，但好多都係借其名，但完全得唔到日式拉麵既精髓。麵鮮醬油房周月 呢次係本人第一次幫襯，但已經比佢深深勾住左魂魄。呢日係跟住我一位視食如命既朋友搵食，出奇地唔洗排好耐隊，等左大概5分鐘就入得。店員十分有禮貌，主動地添水同埋遞上menu。Menu都幾特別，用木牌造成，好有日式既味道。如一般沾麵店一樣，會有圖畫指示沾麵既地道食法，簡單易明。朋友推介兩款主打沾麵。有辣有唔辣 任君選擇。湯底可揀濃淡，麵條可揀冷熱，食客可以彈性揀選自己鐘意既口味。另有3款份量 價錢一樣。新手初試，揀左普通沾麵，淡湯底同熱麵。份量方面，身為男子漢 當然係揀左特盛300g。湯頭係用秘制醬油做主調，再加各種魚粉、海帶長時間熬製 烹調而成，鮮味十足。對於香港人口味而言，清淡湯頭既鹹度剛剛好，麵條煙韌彈牙 掛上湯汁，一啖接一啖 完成300g絕對係輕而易舉。當中既叉燒都不禁令人為之一讚，切成肉條狀，肥瘦比例剛好。以呢個價錢 周月沾麵絕對係物超所值。我呢位視食如命既朋友果然冇介紹錯。

第一次黎香港試沾麵睇左好多網上評論後，就心郁想黎試下！甘岩星期三人吾多，去到店裡等左一兩個位就到我！一坐低店員服務都好貼心，問候我地食咩，我當然試左最傳統既風味「周月沾麵」先！份量選左一百克小盛配冷的，你可以見到佢既沾麵上有一層層油包住甘，而底下有好濃郁的醬油同豚肉蔥花，與冷麵一起吃時超級配！麵質超爽口彈牙，好似去左日本食甘，真心覺得不錯，而沾麵既汁好濃郁好開胃！我好中意呢個味道，不過後悔係食左一百克份量後我覺得太少，好想再加麵5好浪費晒個沾麵汁！我覺得呢間係比較值得去試既沾麵屋！

突然發現，原來這間每個月都一定會光顧一次的飯堂居然沒有為它寫過食評！真失敗！😂要知道我每次由沙田專程搭車到中環吃這個麵、就仿佛好像有種魔力一樣，一夠鐘便口痕了。雖然這兩三年越開越多沾麵店，店鋪林立，但仍不動搖我心目中top1 的地位。一直以來我都只會吃同一樣的香辣沾麵加玉子涷麵。因為我只愛吃辣，喜歡那種辣得來覺得刺激但又不會蓋過本身湯底的味。麵質非常彈牙，湯底內的鹿兒島豚肉粒粒都是半肥瘦，個人覺得比一大片還好！玉子做到剛好是半流心的。另外最感貼心的是他提供的不是白開水，而是麥茶/玄米茶？反正就是令你覺得解「漏」。難得光顧了近兩年水準還是能保持的，所以這篇食評還算公道吧！吃了兩年才寫的😂