麵鮮醬油房周月 (歌賦街)

營業中

休息中

Lunch要食自己，煩緊唔知食乜好，香港地一個人真係好難搵食，不過食拉麵未嘗唔咪個好嘅選擇。諗起附近有間拉麵店，聽聞唔錯而且又未試過。可能時間仲早啦，未見人龍，不過我就傻甘甘咁未攞籌就喺度排對。服咗自己，原來係先攞咗籌，等哎號就OK㗎啦，唔駛排對㗎。一個人有一個人嘅好，就係等位快，唔駛5分鐘就入座啦。店員個個都勁nice，真係當你係上帝咁款㗎。睇咗下menu，有沾麵同拉麵都好想試，不過見拉麵好似吸引啲，一於試下同店名同名嘅「周月拉麵」。- 周月拉麵（$89）話咁快，大大碗拉麵就捧到面前啦，好似好好味咁，我唔客氣啦。第一時間梗係飲咗啖湯先，umm...湯底好濃又唔會油，而且好鮮，仲好有魚味；麵質軟硬適中，煙韌彈牙，份量搭夠，夾埋啲香蔥一齊食，香口兼好味到無朋友；鹿兒島燒黑豚肉有三塊，仲要係厚切嘅，黑豚肉嘅脂肪同肉都係半肥瘦，由於係燒嘅關係，有小小脆脆哋，仲好香好好味，真係第一次食到咁好味嘅燒肉，唔咪講笑；筍就無試到啦，因為唔鍾意食：p

作為我中環人每日無論早餐定午餐下午茶都離不開中環，本來今日想去九X食牛腩麵，去到見到排哂長龍，肚又餓見到旁邊有間拉麵店二話不說就去試下，店內裝修好有日本感覺，個餐牌都幾特別但種類唔係好多，麵只有兩款沾麵選擇，一個係正常醬油沾麵，另一個係辛辣沾麵，我同朋友叫左每樣一碗，首先醬油沾麵，難食到無朋友，得個鹹味個塊肉薄到同A4紙差唔多，另外一個辣味沾麵比較好少少，但係都係好難食，到小食叫左個餃子無乜驚喜，入面啲肉少到幾乎係無皮又厚，炸雞軟骨竟然一啲味都無，整間店唯一值得一讚就係麵可多可少，由自己決定，但都無下次會再來食，真係可一不可再

之前喺環返工都都想試吓呢間沾面，今曰去到中環，一行兩人去咗周月食lunch,試吓呢間沾面，我哋每人叫咗一碗200g 份量沾面。個湯超級咸，食完要不停灌水，而且湯裏邊冇乜肉好似得醬油同幾粒小肉, 唔太我口味，因為本人喜歡吃太鹹嘅嘢。

因為看到食雜誌食評而bookmark 了這家。襯今天戲院滿座，看不到戲，便轉了來這家沾麵店吃吃。沾麵店都是滿座，幸好我們排第一，不到5 分鐘便可以進去了。先被安排坐廁所旁的位置，我不太喜歡，清潔劑的味道太濃烈了。要求轉一轉位，幸好侍應都很好人，很快便轉我們到吧臺的位置。我點了熱沾麵，朋友點了冷沾麵，熱的好吃十倍。冷沾麵除了比較硬身，連麵的味道都較差。而沾麵的醬汁一入口有很香魚介粉的味道，完全吃到醬汁的精粹。

上星期食完個不值一提既沾麵後，說過俾多一次機會佢，試埋個拉麵。流心蛋依然出色，豚肉有陣陣炭燒香味，拉麵彈牙。湯底我選了濃味。味道剛剛好，不似上次食沾麵般過咸。而最重要既，上一次消失的“魔”筍，今天終於正正常常地出現在我的麵中。下午茶$98一碗麵。好食但冇下次了。最後想講既係寫食評請實事求事。之前果幾篇鱔稿，寫到天花龍鳳。只會害死小店。

上次來這家榮獲米芝蓮推介的日式麵店，已經是兩年前的事。難得假日有空外出，特意來尋找兩年前的那份感動。早知道每天的繁忙時間都要排很久，才選擇下午茶的時間才來，想不到還是要等了大約二十分鐘才有位置。等待時看到𥚃面是有空位，但卻沒能安排客人進去，可能是因為假日的員工難以應付這麼多的客人。而且排隊的大多都是遊客，其中有不少都是韓國人，可能最近那邊有在推薦這間店吧！環境真的不錯，位置不會擠迫，椅子下方有一層來讓客人放東西的。而桌子上面放了一壺室溫的茶，可以隨意喝的。店員的態店也很好，下單時都很細心。這次點了普通的沾麵和香辣沾麵。麵條能選擇份量的，女生的話選200g已經足夠，男生的話就選400g，而且每個份量的價錢都是一樣。但質素跟以往的有點不同，以前的比較有口感，麵條本身的味道也比較重，即使掛了湯也能保持原本的味道，沒有被湯蓋過。可是，這次的麵就是少了本身的味道和口感，掛麵的能力跟以前差不多，整體都是不錯的，只是沒以前那麼好。而湯方面，普通的湯能選擇油的份量和湯的濃度，我選的是少油配濃湯。這個湯的魚介味非常濃，相對比其他店的比較鹹，但掛在麵上就剛剛好。吃完麵後再加上高湯，喝起來就少了魚介味，變得

在中環上班已經有好一陣子了. 這天來到歌賦街找吃的~ 這店賣的不是平常的北海度拉麵, 而是四國愛媛縣的日本拉麵. 沒有吃過, 就去試一下~廚房用玻璃間隔著,一進店面就可以看到這部造麵機了… 拉麵一片片的看起來有點像在造紙說實在,看到師傅即場造麵感覺材料很實在~未吃已經加了不少分數 充滿日本風格的店子,卻有點小,大部份位置都是面壁而坐. 友人和我點了周月拉麵~ 吃得到很重的魚味,還有海帶的味道. 味道很濃的一個湯底…麵很有咬口~而且糖心蛋做到很滑~~ 不過我覺得不喜歡太濃味的人吃到後來可能會覺得鹹了一點… 我自己就覺得幾好吃~~ 離開的時候,望了一下這條歌賦街. 不知不覺開了很多不同風格的店子,有cupcakes,時裝,傢俱,agnes b cafe. 時髦的店子旁邊卻是著名的老字號九記牛腩. 喜歡這種新舊文化的交替, 真有意思~

睇見食評講到幾巴閉，又連續3年攞米芝蓮推介。見係公司附近，有時間就去試一試啦。咁今日點了個沾麵，平生第一次食沾麵。餐牌很體貼地教人如何食。侍應係個肥妹仔，佢好細心咁問我湯要濃味還是淡味，麵要熱麵還是凍麵。咁我揀左濃味和凍麵。麵來了，wo~隻蛋真係好好味。蛋黃好似啫喱咁。可惜只得半隻。然後成個碗就係得返麵了。冇餸的。餐牌明明寫住有肉和筍的。好!我就當我自已期望過高，的而且確有肉粒的，只不過放係碗濃湯裏面，和我期望的不一樣。但，筍呢？一條都冇。然後就係個湯，的確很濃味，直頭太咸。不過係我自己揀濃味既，又未至於咸到難食。所以不會扣分。但最後食晒啲麵，會加雞湯落啲濃湯處，等客人飲埋碗湯。一加就出事了。唔知咩原因有陣酸味。本來個濃湯咸得黎都好食既，飲佢幾啖都唔錯(舉例就如雲吞麵加左腩汁)，但一加左雞湯，真係破壞晒個原味之餘，還去到難食既地步。我就好公平既，可能我自己唔中意食沾麵啫。所以我決定俾多次機會佢地，試埋個招牌拉麵再作定論。

今次連續三星期我會帶大家去食日本沾麵，一蘭拉麵Out la! 想知而家興食咩野？！跟我嚟啦！今次特登約朋友試第一間將沾麵帶入香港既始祖拉麵店，仲係連續四年獲得米芝蓮推介既「麵鮮醬油房 周月」，店名意思係以鮮製麵條和醬油湯汁為神髓的拉麵店。這店標榜無添加化學調味100%自家製麵既拉麵店，全部食材和湯底都是自家製，湯底係以醬油為本，以百年木桶內經過 18 個月發酵而成，未食都覺得好有誠意。但食完你會發現成個口會有好重味精既口渴感，無添加化學調味!? 係真吾係呀，但都真心好食既。 係自家製既拉麵條機呀，幾有誠意! 店內招牌周月沾麵 HK＄89 - 有100g／200g／300g選擇，我選了200g吾辣。 基本上周月既沾麵係高質既沾麵黎，因為麵條本身係拉麵既靈魂，而對沾麵既要求更加高，佢有一定既彈性，又有一定既粗度(2-3mm)睇得出佢掛湯能力，可以吸盡醬油精華落每條麵度。而我最鍾意既係佢醬油湯汁，帶有酸酸甜甜味道，應該係加入醋和糖，特別開胃！食完有點後悔無揀300g，因為可以再食。 燒黑豚拉麵 HK＄99 – 用左140年歷史愛媛縣梶田商店為「周月」特製的醬油制成既湯底，加入瀨戶內海產的

往 PMQ 前先行到 ⟪麵鮮醬油房周月⟫ 吃飽飽，幸好是把下午的時間掌握得準確，貴為『米芝蓮車胎人美食』餐廳是暫未見排隊人龍。 其實在 ⟪周月⟫ 開業時已不時蠢蠢欲動想走去吃，奈何那時候總是聽著朋友說排隊總要排數小時而嚇怕，結果一把念頭放下便放足數年。店內設有 製麵機，粗幼麵條全部採用日本產麵粉自家秘製。店裝修選用自然的日式風格，吧檯的設計好讓食客全神貫注在自己的餐點上。前面只有一壺涼麥茶，歡迎自斟自喝，至於調味是只看見有胡椒及七味粉。⟪周月⟫ 的漂亮餐牌，內頁豐富，除了有湯麵、沾麵的款式介紹外，還包括 ⟪周月⟫ 的成長史等等資訊，我不多說，各位請慢慢地閱讀吧 .......最新是 連續四年 獲得「米芝蓮」推介，👏👏👏👏。早前推出過『期間限定』的 和牛山椒柚子拉麵，單看名字會覺得有甚麼可能會在這兒遇見這種模棱兩可的拉麵口味，直至吃過才知道 ⧼ 終身學習 ⧽ 的重要。和牛山椒柚子拉麵 $ 188說到 ⧼ 終身學習 ⧽ 好像形容得有點誇張 ? 不是呀，當喝過這湯 及 吃過掛這湯的麵條，我只能概嘆自己對日本麵湯底調味的認知淺薄，只停留在 醬油、豚骨、雞骨、牛骨、魚介、麵豉、鹽、牛油 ....

又到紅日又要去外食飯抖抖氣 今日趁時間尚早決定去呢間試試 冇得book位 經常又大排長龍 夠竟有咩咁出色呢地方較細 但好有日整本既氣氛 服務員好有禮貌帶我地坐底 好熱情咁講解 傳說中大根好出名 我又點可吾試下呢 果然好入味 用好淋 用筷子篤一篤個心 呢湯汁bi晒出黎每日限定和牛柚子拉麵$188比想像中 差距較遠 落餐時服務員會叫我地hold 一hold 等d熱湯再浸一浸和牛先好食 和牛系吾錯既 油脂同肉既分佈平均 但柚子味太搶 麵底太淋 所以覺得不值一試沾麵服務員問我要熱定凍既沾麵 腦海中好多問號 沾麵吾系一定凍既咩 熱既咪變左拉麵囉服務員見我O左咀立即同我解釋 凍系經過過冷過麵會更身d 熱系會淋身d 同埋沾麵麵條系比較粗身 哦 明白晒 所以嗌左凍沾麵 濃湯 小油沾麵好好食好爽彈 個汁雖濃但因為系另上 麵吾會長時間浸起內面所以加埋麵食吾會覺得咸果然系招牌吾錯

經過中環看到，進去才知是米芝連推薦。只叫了周月沾麵。整體不錯，服務周到，湯底獨特，份量足夠。店舖滿座約四十人，bar 枱和卡位的桌子較闊落，有冰水和烏龍茶提供，但位於走廊的兩張桌較狹窄，桌子不穩，而且沒有冰水和烏龍茶，需要時必須請求侍應。排隊時間收爐前一小時到舖外，需要等十張飛，等了三十分鐘。侍應全場兩名侍應，服務態度良好，而且有禮，下菜時會介紹招牌沾面和食用方法。不時留意顧客的用膳進度，隨時收拾餐具或重斟飲料。最後會查問意見，了解食客想法。沾面有100g 200g 300g 的沾麵份量，滿足到不同食量的食客。沾麵分熱上或凍上。我吃一般都不會選熱上，因熱麵配熱湯與拉麵口感相約。麵條相對較幼，咬口煙軔，沾湯後不吸太多湯水，爽口。但麵條不夠冷，與熱湯對比不夠，做不出強烈的清爽感。湯底湯底分濃湯和淡湯。整體湯底較酸，淡湯較重魚介味，濃湯重雞味，配上魚介，青蔥，竹筍，鮮味無窮。配菜糖心蛋，只有半隻，煮得剛好，蛋心只有外層剛熟，其剩流心，呈鮮甜蛋味。竹筍，堅挺爽口，重筍味，份量多。有黑豚肉，脂肪肉質分明，咬口鬆軟，肉味濃。備註:無紫菜或大塊叉燒

之前已聽過周月沾麵好出名，所以就同朋友嚟咗食，下午時段好多人排隊，好在我哋都係12點前到，所以等左一陣就可以入去。佢得兩款沾面揀，一個係周月沾麵，另一個係辛辣沾麵。辛辣比較惹味，不過不失，特盛份量都幾多，不過肉就少啲。

星期六的下午，本想光顧九記或勝香園，無奈2條長長的人龍令小儀改變主意。同一條街上剛好見到周月，印象中評價也不錯，故與黑豚入去一嚐（後來見到原來此店是米之蓮推介餐廳）～在等位的5分鐘上開飯網看看什麼好評推介，發覺此店出名食沾麵和炸雞，就點這兩樣吧！辣味沾面：可選100至300克冷或熱麵，收費一樣～有些芽菜丶荀絲和五花肉，辣只有一種程度，應該算是一般人也可接受到的小辣。面是自家製，夠粗身，選冷食應該會更彈牙～沾面汁不算太濃，起碼不會有一般沾面很鹹的感覺，但也不夠熱，已沾面來說也算不錯～炸雞五件：如其他開飯網友所言，炸雞比沾面更令人驚喜！超級輕丶脆的雞皮，沒有任何炸漿炸粉，但皮脆肉嫩熱辣辣，加上香蔥醋汁，酸酸的，中和了油膩和熱氣的感覺，是小儀吃過最好的炸雞！值得一讚女店員的服務和細心，見到小儀有為食小小儀在肚中，主動提供熱水而非茶，又協助除外套，提醒小儀出入小心等，可以請到此等店員實是此店的幸運呢！以後此條街又多一可回頭食店，一樂也

幾個月一次的午餐小聚，由毛毛細雨中等位開始，夠浪漫。店員說等20-30分鐘，傾傾下，很快便有位了。燈光很暗，幾有居酒室的氛圍。唯一打著白光的，是師傅煮麵的地方。牆上的這款拉麵，只有兩個月的期間限定，每天限量20碗，而且只限中環店，不過索價＄188，是其他拉麵的兩倍有多。關東煮－蘿蔔／野菜魚餅蘿蔔煮得夠腍，吸了汁染成深啡色，但無影響蘿蔔的清甜。魚餅一般，淡而無味，得靠伴碟的蔥花和沙律醬調味， 而且偏腍。鹽味枝豆枝豆上只有少許鹽，調味不重。吃慣濃味的話，會嫌太淡。我卻喜歡鹽味不重，讓枝豆清清的味更突出。煮得剛好，不會太腍。沾麵可選100g/200g/300g的麵，配同一價錢，但不可後加。店員說100g大概拳頭般大，似乎又太少，這個200g的中盛，看起來卻份量十足。麵有冷麵和熱麵。向來喜歡較硬的麵質。為了煙韌的口感，選了冷麵。冷麵配暖湯，出來的效果比室溫的水稍暖一點點。比一般拉麵粗身的麵果然夠嚼勁，不得不讚。湯亦有濃湯和淡湯供選擇。拿不定主意，店員介紹濃湯很濃，淡湯亦夠濃，第一次吃可先試淡湯。先喝一口湯，淡湯的味道的確夠濃。表面有層油，但吃起來並不油膩。湯內有鹿兒島燒黑豚肉、香荀和香蔥。分成