麵屋武蔵 武骨相傳 (朗豪坊)

營業中

休息中

原來AAPE 已經踏入10週年啦，朗豪坊麵屋武蔵化身成為AAPE x Menya Pop-up Store😍🥢食物🥢1️⃣AAPE x Menya猿侍ラーメン拉麵套餐 $138: 好彩我早D去食，每日限定10碗咋😳可以+$288換購餐具套裝或儲印花換領。用豚、雞、魚介做湯底，怪唔知味道咁濃郁鮮甜！不得不讚伊比利亞豬肉，用慢煮方式烹調肉質好軟腍👍🏻配襯埋自家煉製蝦油令口感更豐富，紅酒漬糖心蛋顏色喺淡粉紅色好靚✨套餐配埋「醬油果凍金橘啫喱特飲～曙光」味道酸酸甜甜，整體幾特別。炸雞好香脆，雞肉係有肉汁唔錯👍🏻2️⃣二刀流拉麵$85: 有豚角煮及叉燒，肉質鬆化，豬骨湯底味道好濃厚，麵條夠彈牙！3️⃣五輪燒餅$58: 入面有廣島蠔及蔬菜，類似係大板燒，餡料多食落口感好豐富✨想讚一讚埋喺門口等位時候店員都好有禮貌，入到去招呼周到，感覺有啲去咗日本咁😆

朗豪坊麺屋武蔵近排做緊AAPE x Menya 嘅Pop-up Store 🤩🤩咁特別我梗係要去試吓！ AAPE x Menya猿侍ラーメン拉麵套餐（$138）呢個crossover特別套餐每日限定10碗架咋 價錢仲包埋一個餃子同埋特飲 非常抵食😍拉麵用左豚‧雞‧魚介湯底同自家煉製蝦油🦐味道非常香濃 仲帶有好香嘅蝦味 淡淡拉麵都飲到呢個湯底 超正呀🤤🤤 面頭鋪咗大大塊慢煮伊比利亞豬肉 顏色粉嫩 食落都非常嫩滑😋仲有隻紅酒漬溏心蛋tim呀😍套餐有得選擇餃子或者炸雞 今次我哋就揀咗餃子 每一隻都脹卜卜😚入面好足料 而且仲煎得好香好脆🤩 飲品就有醬油果凍柑橘啫喱特飲-曙光 飲落非常清新 有淡淡的柑橘味🍊最底仲有啫喱 好有口感架😝相傳叉燒拉麵（$82）另外黑色呢碗湯底係黑蒜豚骨湯 雖然佢黑蚊蚊 但食落都好香㗎😋 叉燒冇咩肥肉 肉質比較有咬口😍 麵條軟硬適中 配搭都好好👍🏼唐揚魚（$45）每一條魚都脆卜卜 炸得好酥脆非常香口 真係食唔停😍😍蜜桃焙茶（$28）蜜桃味好香 但係又唔會蓋過焙茶嘅味道 🥰 飲落唔會太甜帶有少少茶香😋

今日快閃出咗旺角，三個女人一個墟，😎😎😎胃口唔算好大，近近地去咗朗豪坊，實在太好，我選擇得非常好。非常幸運，不用等太久，叫咗一個拉麵，一個沾麵，一個燒餅😋😋😋三樣東西都非常好食，份量也剛剛好環境不錯，整齊乾淨，剛好我哋三個有卡位。員工態度非常友善，😃坐下的時候，有特別推介季節優惠拉麵套餐，不過唔算太肚餓，所以沒有叫套餐。不過下次想食拉麵的時候，也會想起這一間，真的很不錯，拉麵唔算好大碗，剛剛好。

朗豪坊麺屋武蔵化身成為AAPE x Menya Pop-up Store 💓💓我就同咗老公一齊去試吓啦緊係要試吓AAPE x Menya猿侍ラーメン拉麵套餐 ，聽講每日限定十碗咋😍😍😍，又剛好俾我叫到，緊係要試試啦🙆🏻‍♀️呢碗湯底用咗豚肉，雞同魚介，味道好鮮甜，再配上慢煮伊比利亞豬肉，自家煉製蝦油同紅酒漬溏心蛋，味道好夾，豬肉好嫩，溏心蛋好滑，面好彈牙，口感豐富，推介推介😍套餐包埋杯醬油果凍柑橘啫喱特飲-曙光，酸酸甜甜，好解渴，大大杯，好味😋武藏餃子🥟煎得好香脆，一啖咬落去啖啖肉🙆🏻‍♀️一碟有5隻另外仲叫咗白相傳二刀流沾汁面，五輪燒餅，巨峰提子，同樣份量好大，沾汁面我係第一次食，味道比較濃烈，但同樣好食😋總括黎話服務好好，食物方面份量大，特別推薦套餐，幾抵食😍我仲換埋套餐具添 

我第一次寫食評，因為今次體驗太差，所以先寫。我已經不是第一次食這間拉麵店，上次食雞湯沾麵，來到湯竟然是凍，我問店員這個麵是否凍食？店員先幫我拿入廚房叮熱。好啦，我以為可能上次佢哋太忙，有人錯手，可以理解，相隔2個月，我比多次機會佢，今日22年11月19日我再度幫襯佢，點知麵係中伏，今次除咗拉麵同跟餐炸雞係熱之外，其餘熱食，跟餐餃子: 暖既!叉燒蛋飯: 叉燒同白飯都係暖既，太差勁!!!!!兩個人食左4百幾蚊，完全唔享受，什麼過江龍，不外如是，毫無質素可言，非常失望!!!!!

仲有幾日就可以飛，唔知點解有莫名奇妙既興奮度。三年冇感受過飛機上既空氣，仲有跑景點·今次趕得及開關後11月紅葉季節兼有日本聖誕燈飾，真係好期待。未去日本之前都要食返碗拉麵，真係好掛住日本既空氣，位於旺角朗豪坊既麵屋武藏必定令你好滿足。除了有拉麵、沾麵、炸物、仲有大阪燒相當多元化。地理位置優越既關係，的確大排長龍必有因既道理。拉麵分別以白、赤、黑 三款湯底，不好辣味既我又唔係好想咁淡味，可以選擇黑蒜湯底，相對地咁岩呢個重口味人士。有沾麵𝐇𝐊$88或拉麵既選擇𝐇𝐊𝐃$𝟖𝟓，有豚角煮或叉燒；前者厚切的豚骨煮入味又肥美，後者則以薄片為主，有溏心蛋、筍、香蔥結合，份量都多，相當美味。另外單點了兩款小食南蠻黑鳥𝐇𝐊𝐃$𝟒𝟓 及五輪燒餅𝐇𝐊𝐃$𝟓𝟖，前者即叫即炸的關係好香脆沾上了黑蒜醬汁，相當特別。後者厚厚的大阪燒有醬汁及沙律醬吸引力提升，內含廣島蠔相當抵食。

新開就即刻想試，呢間係日本過江龍，本來唔抱有咩希望，但諗住都抵食就試下。好鍾意佢既麵！麵有摺，超級吸湯🥰 同埋我坐係師傅前面食，見到佢哋好認真切豬肉😋 今次試左黑蒜油，完全唔苦！好食過「彩」

老實講，我唔係一個鍾意食拉麵嘅人😅就算去到日本都唔會去食拉麵！今次因為唔好意思推卻朋友，所以硬着頭皮食一次！平日下午去到人比較少，地方都好闊落坐得好舒服！攞住本Menu，本來仲諗住睇吓有冇飯或者烏冬，點知真係剩係得拉麵😅今次唯有焗食！我點咗一個”二刀流拉麵” 揀選了黑蒜豬骨湯底！除咗有叉燒之外仲有一舊五花腩肉，出奇地非常非常非常之好味😱尤其呢舊五花腩又淋又入味，未試過既一定要試吓👍🏻完全唔覺得肥膩！湯底亦非常適合香港人口味，味道濃郁！拉麵亦好有口感非常彈牙！可能我從此就會喜歡食拉麵😂另外仲見到Menu有牛肝菌雞白湯泡飯，因為職員話份量非常之細碗所以我都叫咗一碗試吓😋不過可能之前食完個拉麵湯底非常濃味，變相泡飯味道淡咗少少！不過味道亦都唔錯👌🏻

假日去朗豪坊閒逛下搵下食適逢近來被點燃番嘅沾麵愛去左一訪麺屋武蔵 一嚐佢嘅沾麵和拉麵天氣漸涼食碗熱湯麵再加炸物小食就最適合了🥢二刀流沾麵-黑湯👉🏻有白、紅、黑三款豚骨湯選擇 第一次食想一嚐黑蒜豚骨湯 黑蒜味突出 口感有厚度👉🏻欣賞自家出品坑紋麵條 有嚼口又掛湯👉🏻厚切豚角和燒叉燒都有 可以兩種都食到🥢牛肝菌雞白湯拉麵👉🏻本店限定嘅雞白湯拉麵 以雞肋熬煮8小時而製成的 香味濃郁👉🏻除了牛肝菌 仲有牛肝菌醬配雞肉 牛肝菌味好突出🥢狼牙手羽👉🏻用薯片作炸衣嘅炸雞翼 外皮自帶鹹香又超級脆 係必點惹味小食🥢五輪燒餅👉🏻以蠔仔、野菜混在粉團中 再燒成的五輪燒餅 就係大阪燒嘅味道

朗豪坊行街，行到攰坐低搵嘢食，見到呢間拉麵店裝修幾靚，俾佢吸引咗就行入去試吓鍾意食拉麵，又想食多啲叉燒嘅呢度就啱晒，呢個二刀流拉麵有齊叉燒同埋豚角燒兩種，叉燒都幾厚肉，豚角燒就更加正，肥瘦均勻，煮嘅時間啱啱好，入口鬆軟 湯底方面，我哋揀咗黑蒜豚骨湯，味道香濃，鍾意食辣嘅朋友揀呢個赤辛豚骨湯就更加啱啦另外小食方面都幾好，我哋叫咗呢個田之最強，以沙律來講都算幾豐富，大大嚿牛油果，加上溫泉蛋蛋汁，都算幾有誠意另外，呢個狼牙手羽就好得意，其實佢係單骨雞翼，但係包左好厚嘅薯粉喺外面，唔知係咪用薯片做㗎呢？非常脆口邪惡，食到停唔到口食龍尾嘅拉麵，當然要配返杯冰凍飲品，叫杯梅子青檸梳打，或者一杯冰凍嘅烏龍茶，就夠晒解膩

未去得日本，我同翠翠約咗黎食日本沾麵。這間有朗豪坊的日本沾麵有朋友去過話好食，所以我哋嚟品嚐下環境服務都唔錯，乾淨舒服、背景音樂、柔和光線，令我哋係一個輕鬆愉快的環境下一邊傾談一邊品嘗美食我哋每人點了一個沾麵：1. 相傳叉燒沾汁麵（黑）2. 二刀流沾汁麵（白）相傳叉燒沾汁麵（黑）叉燒好大片又香、厚身好有口感，配上糖心蛋、筍片、香蔥，好靚的配搭，沾麵麵底比較硬身，沾麵汁有3種選擇（白/黑/紅）我選了黑（黑蒜）好香濃、配有香蔥絲，蒜汁唔算好濃烈二刀流沾汁麵（白）二刀流有一件五花腩豚角，好香好滑好入味，入口即容的感覺我覺得白汁（香濃豚肉骨湯）好香濃好滑好好味沾麵都好掛汁，彈牙麵感糖心蛋剛剛好，蛋黃好香滑好味（五輪燒餅）配有蠔肉的燒餅好香口，配上醬汁、木魚都好飽肚

個日係樓上做完facial太肚餓就係food court是但搵間餐廳頂住肚先～同朋友兩個人叫左碗拉麵&黑鳥（炸雞）～二刀流拉麵 （$85）送到黎個湯底係黑色（我大鄉里第一次食），見到個樣以為好好食，兩大舊豬肉望落都好靚，但食落就普通，D肉有少少🤏🏻韌，最奇怪係個湯底冇乜味，完全食唔到係咩味嘅湯底😳😳，拉麵質地正常，但食哂成碗都唔知食左乜野🤣🤣。黑鳥 （$45)呢個炸雞好食，脆得黎唔會太硬，D雞肉都好嫩滑，最正係佢個黑色醬，夾埋真係好好食（埋單個陣問店員係咩醬，佢話有千島醬～）Overall好唔好食？拉麵先係個精髓，但配菜黑鳥仲好食過佢，ok啦會唔會再幫襯？未必會，旺角有比佢好食嘅拉麵

之前聽我媽媽話好耐冇去食拉麵啦，我作為一孝順女媽媽有要求架會盡量滿足佢啦，咁啱之前在朗豪坊4樓見到有間新開的日式拉麵店叫「麵屋武藏武骨相傳」見到果環境好有日本Feel，所以就帶左媽媽來食飯啦。二刀流沾麵內有勁厚叉燒及豚肉煮及糖心蛋，湯底我就選左豬骨湯底，真係好讚下果麵，果麵條係有啲坑紋係到令到更易掛汁及果麵質地勁彈牙，我好鐘意。牛肝菌雞白湯沾麵媽媽就叫左呢個麵，果湯底好濃郁，而牛肝菌雞白湯係每日限量供應，果湯底係要慢煮8小時，所以雞肉及牛肝菌全部都係晒果湯底到。南蠻黑鳥佢做法係日式炸雞，炸得香脆但最特別係果黑色醬，味道帶少少酸味好特別。五輪燒餅大板燒又係我最愛，如果餐牌上有提供的話我都係必叫的菜餚，佢特別加入蠔仔令到個燒餅更鮮味。

今日去左旺角朗豪坊一間人氣拉麵食晚餐🍜 雖然呢間拉麵店係主打食沾麵 但我個人都係鍾情食湯麵，而且呢間拉麵店都有好多唔同拉麵選擇😋我地一行2人，叫左一個牛肝菌雞白湯拉麵，另外叫左一個套餐 有日本牡蠣🦪拉麵 小食連飲品。雖然係湯拉麵，但2款湯底都好濃郁，特別係牡蠣湯底 好濃🦪味 又唔會太咸，岩岩好！ 另外雞白湯 真係好濃郁 又creamy 我飲哂成碗湯啊❣️ 加上湯底比較杰身 好掛麵 每一啖都好滋味😋😋小食要左炸雞塊，上台時熱辣辣，配上美奶滋 好juicy🐥😋我晚餐時間大約7:15左右 等左約30mins，見都不斷有人拎飛等，幾高人氣😗

男朋友話好耐冇食拉麵～即刻帶佢去食🤭一search之下發現【麵屋武藏】開左好多間分店！其中一間就係朗豪坊✨見咁方便我地就揀左呢間試試😋餐廳環境夠乾淨企理，店員仲安排左卡位俾我地，坐得好舒服🫶🏼我地平日晚上去，7點開始越黎越多人，後來仲滿座添！果然係受歡迎💗我地本來想食普通拉麵，但見呢度既沾汁麵都好出名😆因為平時比較少食沾汁麵，所以決定叫黎試試！❥ 二刀流沾汁麵（香濃豚骨湯）$88沾汁麵同拉麵唔同，湯汁同麵底係分開上✨二刀流沾汁麵有豚角+叉燒～豚角好大件，肥瘦相間，食落有入口即化感覺😍叉燒都好腍好入味❣️麵質煙韌彈牙，每條麵條都掛滿湯汁，好食！❥ 相傳叉燒沾汁麵（黑蒜豚骨湯）$85湯底超級香濃，黑蒜味道突出🖤又唔會搶過麵質既小麥味道！叉燒好厚身大件，menu寫係用左歐洲梅花豚肉，再淋上醃製72小時既自家醬汁💗食落果然鮮嫩多汁！每碗沾麵仲配埋溏心蛋，好加分💯❥ 五輪燒餅 $58燒餅賣相好靚🫶🏼即叫即製，熱辣辣❤️‍🔥（記得趁熱食🫶🏼）燒餅用料好足，除左蔬菜仲有廣島蠔，好有鮮味👍🏻一啲都唔會腥！❥ 狼牙手羽 $48作為雞翼控我超級推介😋💕💕係單骨雞翼，食落口幾方便！重點係佢連埋薯仔碎一齊炸，炸得