麵屋武蔵 武骨相傳 (朗豪坊)

營業中

休息中

我自己一直都好鍾意唔同麵食🍜不過日式拉麵真係相對少食D，可能平日少D去揀!💕今晚剛好經過旺角，見到呢間麵屋武藏 武骨相傳的拉麵店❣️入面仲有主打沾麵，好有新鮮感決定試下!💡-店內都係以日式的為主🏮🎎食物有沾麵、拉麵等唔同選擇~我今日一場來試，當然要選沾麵呀!🎈我選了相傳叉燒沾汁麵+辛味豚骨湯🌶絕對係日式最經典的選擇!🤤沾麵都身好彈牙，原來係首創自家特製坑紋麵 既麵身💯每一條質地都好彈性同均勻呀!好有咬口!✅而叉燒沾汁麵內的叉燒份量十足，好大份，啖啖肉呢! 而且肥瘦適中，剛剛好!辛味豚骨湯唔會太辣，少少麻辣好過癮!😋入面仲有好多蔥絲，沾一沾湯汁食，好有風味!-朋友點了牛肝茵鷄白湯沾麵🍥🍜呢個係特別的選擇，有別於典型的拉麵湯底~雞白湯湯底相對清新，而且配上牛肝茵🫗🍲係小清新的沾麵選擇呀!🍲同朋友一齊去，最好叫2個唔同款一齊試呢!-小食方面都幾有驚喜，我最鍾意五輪燒餅~ 係有日式大板燒的感覺😍好好食，加上醬汁! 鍾意既朋友一定要試!我自己好鍾意呀! 而且份量十足!另一小食點了田之最強~ 係滿滿的沙律🥗而且沙津仲加上一隻半熟蛋, 食落口感好豐富呀!🥚整個沙律的材料好豐富呀! 有牛油果、蕃茄仔、芝

香港人一向鍾意食拉麵，但想搵間出色又就腳嘅真係唔容易，麵屋武藏已經喺香港開業好多年，仲可以屹立不倒一定有保證，除左平日拉麵，呢間舖頭仲有日本沾面，於是一於同朋友過嚟試吓依度嘅沾面有分三款湯底，分別有香濃豬骨湯，辛味豬骨湯，黑蒜豬骨湯，叉燒分別有兩款有自家製燒豚，豚角今日我哋就試咗兩款沾面，分別係豚角+叉燒+黑蒜豬骨湯及叉燒+豬骨湯，湯底好濃厚，豬骨味濃，黑蒜油香味好突出，湯底濃淡度適中，每碗拉麵都有半隻糖心蛋，蔥花，拉麵嘅面質好煙韌，仲有坑紋，令到拉麵🍜掛汁度非常高，叉燒同樣煮得好出色，豚角係一層肥膏一層瘦肉，炆到好淋田之最強 $48諗住清清地叫個沙律食下，估唔到沙律非常出色，沙律菜非常清甜爽脆，再加上半個牛油果同埋溫泉蛋加上大量芝士，加埋一齊食非常滋味狠牙手羽 $48雞翼炸得好香脆，脆粉加上薯片碎一齊炸，特別香口，就算食多幾隻都唔會覺得好肥膩，雞翼已經做成單骨雞翼，食起上嚟好方便飲品方便叫咗蘋果紅茶+梅子梳打，蘋果味好突出，同紅茶加埋一齊好夾，梅子梳打酸酸甜甜好開胃，最啱食完肥膩野飲

之前試過尖沙咀嘅神山拉麵，後來知道係同一個集團，今次嚟旺角都想食飯好難忘嘅坑紋麵！🥲🥲🥲上次係試豚肉白湯，今次清少少試慢煮8小時嘅牛肝菌雞白濃湯，雞白濃湯濃得黎油膩感唔重，牛肝菌輕輕帶來多一個層次咁，同時獨有嘅坑紋麵又能夠做到掛湯效果，做得都幾好呀！呢度嘅豚角係香港拉麵店做得相對好唔錯嘅一間，層次分明，脂肪入口即溶其實攞嚟送飯定係食拉麵都好滿足😛😛唐揚魚又係must order item！蜜桃焙茶同蘋果焙茶係拉麵店比較少有

今日難得有時間出旺角行下，行到差唔多時間就要搵地方食晚餐啦！見好耐無食拉麵就突然好想食，搵到呢間好似幾特別又未食過，就提議試吓呢間啦！呢間位於朗豪坊舖位唔係大，座位唔算多，我哋行完8點幾，係門口等左一陣間就可以入啦！過左繁忙時間係好啲，唔駛等咁耐！行完街已好攰啦！平時食開連湯拉麵，今次就試吓佢嘅沾麵先！佢就標榜自家燒製豚肉，用自家醬汁醃製72小時，再燒烤3小時，上菜前會再淋上自家製燒汁，以確保豚肉夠味！今次試佢哋最基本既沾麵 相傳叉燒沾汁麵 $85🍜 一上麵見到塊豚肉咁厚有啲擔心，擔心會鞋颯颯！但真心估唔到佢好嫩口！一啲都唔柴！真係唔可以淨睇外表！ 而佢哋嘅拉麵都好特別，好似由兩條幼麵黐埋一齊既坑紋麵，增加左拉麵嘅口感而且都增加左沾汁嘅面積，第一次見到咁既拉麵形😆感覺好新鮮而且又好味！另外仲有幾款特別小食可以選擇，一碗拉麵覺得唔飽既都唔駛擔心，因為衰貪心叫左個 五輪燒餅 $58（內有廣島蠔），十分足料，最後飽到食唔晒🙈

拉麵控又再次出動!!!今次去咗拉麵店係位於旺角朗豪坊4/F 嘅「武骨相傳」，但唔講唔知原來都係「麵屋武藏」嘅支線品牌嚟。就等我試吓佢係唔係都咁出色😆今次叫咗二刀流沾汁麵，配上香濃豚骨湯底；南蠻炸雞同巨峰提子梳打。南蠻炸雞 $45落完單最快到就係呢個小食，即叫即炸嘅炸雞當然好食，皮脆肉嫩當然不在話下，特別嘅係佢配上一個黑色嘅醬汁，問咗店員佢哋係話係日本師傅調教嘅一款醬汁嚟，當然係秘方嚟啦，但係黑色嘅顏色係來自竹炭粉。二刀流沾汁麵 $88今次食嘅沾麵係配返原味豚骨湯底，要試就試佢哋最原汁原味嘅湯，沾麵湯底非常濃郁，加上有少量叉燒肉碎同埋京蔥絲，每一啖都十分滋味，而另一個靈魂就當然係麵條啦，店家用嘅麵條係有坑紋係中間，令到每一條麵條都能夠掛到最多嘅湯汁。最後當然仲有最搶眼嘅叉燒，聽講佢哋係用上完條嘅梅花豚肉，再用秘製醬汁醃製，加上用高溫烹調，先做到肉嫩多汁。巨峰提子梳打 $28初時以為係普通糖漿加梳打水，原來佢哋係選購來自日本地方特產水果梳打。雖然唔係好大支但係誠意十足。

地址:麵屋武藏武骨相傳旺角亞皆老街8號朗豪坊4A樓5號舖 放工去咗朗豪坊逛下，突然有思鄉病，好想食下家鄉嘢——拉麵🍜，就入咗呢間日本過江龍嘅麵屋武藏武骨相傳。二刀流沾汁麵，揀咗黑蒜豚骨湯，味道好濃又唔會好鹹。佢哋嘅麵都比較粗，又有坑，所以掛到湯，成功令每一條麵都沾到湯嘅味。另外，叉燒同豚角應該經過精心烹煮，因為好入味又唔柴，肥瘦均勻。相傳叉燒沾汁麵，揀咗辛味豚骨湯，唔算好辣但係夠惹味。五輪燒餅，餐廳採用廣島蠔，本人好怕食到腥嘅蠔，呢間嘅蠔就冇呢個問題，仲好好食。而且個餅唔會好厚粉漿，比例啱啱好。狼牙手羽，外脆內軟，就算遲咗食都冇淋到，仍然脆卜卜，夠晒香口。巨峰梳打，店員喺我哋面前開樽，睇到個樽寫呢喺嚟自山梨縣嘅巨峰就已經知一定好好飲，一飲就即刻有置身山梨縣嘅感覺。蘋果焙茶，冇乜點見過其他餐廳有，所以叫嚟試吓。好飲，蘋果同焙茶都幾夾，食完拉麵飲返杯茶好爽！

🍜二刀流沾拉麵-黑蒜豚骨湯底 ➰ $88厚厚的黑蒜油覆蓋住濃郁的豚骨湯汁，用匙羹推開就聞到d汁超香。拉麵係兩條幼面合併而成，好似變左有坑紋既面條，一次過食到粗幼口感，而且拉麵好有彈性，即使影左一陣相，d面都唔會變林同埋黐埋一舊，拉面沾上湯汁好掛汁。豚肉肥瘦均勻，冇油膩感，入口即溶。叉燒更是非常入味，甜甜地，肉質緊致而不柴。〰️〰️〰️〰️〰️〰️〰️〰️〰️〰️〰️〰️〰️〰️〰️〰️🍜相傳叉燒沾拉麵-辛味豚骨湯底 ➰ $85辛味豚骨湯底比較惹味，喜歡辣的朋友要試吓，香多過辛口，辣油香味撲鼻而來。沾上拉麵辛味變得溫和。湯底入面有好多小塊小塊的肉，叉燒食完，湯底仲有肉食。一定飽。〰️〰️〰️〰️〰️〰️〰️〰️〰️〰️〰️〰️〰️〰️〰️〰️手羽中狼牙手羽 ➰ $48手羽中故名思意就係雞中翼。狼牙我諗係他個賣相似狼牙棒（笑）。雞翼外皮香脆係用薯片碎整成，而每隻雞翼亦係單骨雞翼。上滿薯片碎的雞翼體積和口感都增加左。好味😋〰️〰️〰️〰️〰️〰️〰️〰️〰️〰️〰️〰️〰️〰️〰️〰️牡蠣🦪五輪燒餅 ➰ $58燒餅使用了廣島蠔，完全唔腥，仲好鮮甜呀。餅薄唔會好厚粉，材料量多。〰️〰️〰️〰️〰️〰️〰️〰️〰️〰️〰️〰️〰️〰️〰️〰️巨峰梳打 ➰ $28日本入口的巨峰梳打，店員即時開玻璃樽，倒入水杯，好有汽好好飲

💛好味指數:4.6/5💛💜回頭指數:4.6/5💜係朗豪坊附近搵嘢食，又唔想食food court🤣於是試下呢間拉麵店～✅牛肝菌雞白湯拉麵$98湯底慢煮8小時，非常有心思❤️加上牛肝味濃郁，成個湯底都好好味👍🏻配雞肉亦好夾，肉質嫩滑🐔✅赤相傳二刀流沾汁麵$88湯底微辣，唔會搶灑本身沾麵湯底嘅香味♨️配料有豚角和叉燒，肉類偏厚肉大件🥩麵條貌似兩條麵黐埋一齊，同拉麵唔同，更加有口感🍜✅田之最強$48沙律配牛油果、芝士粉、溫泉蛋，沙律和牛油果都好新鮮，溫泉蛋配沙律又幾夾🥗✅五輪燒餅$58燒餅外觀吸引😍配料有廣島蠔和蔬菜🥬份量好多✅番茄梳打$28未試過番茄配梳打，出於好奇心試下，估唔到咁好味😍番茄味好香，絕對唔係假甜味🍅✅蜜桃焙茶$28蜜桃和焙茶味都好出，蜜桃味係主調🍑🐻總結嘢飲有驚喜，拉麵湯底幾唔錯😋牛肝菌雞白湯拉麵好少有😆📍麺屋武蔵 武骨相傳 (旺角)旺角亞皆老街8號朗豪坊4A樓5號舖

同朋友去朗豪坊行街街，咁啱見到間麵屋武藏幾多人食，於是就入左去試😉❤️黑相傳二刀流沾麵黑相傳其實係黑蒜湯底，其他舖頭d黑蒜湯底通常得幾滴黑蒜浮面🙂，但呢度個黑蒜湯底真係完全黑色！好誇張，黑蒜味好濃郁🤩！沾麵軟硬適中👍，夠Q彈，因為有特製抗紋，好掛湯😚！二刀流係指有叉燒同豚角，叉燒較厚身，入口軟稔😍～豚角似東波肉咁，大大舊，好入味，口感鬆化😊❤️五輪燒餅賣相好靚，唔知係未面頭 d醬汁同木魚嘅關係，食落好似大阪燒隻味😁～煎到外脆內軟，入面 d餡都幾多，除左有蔬菜，仲有廣島蠔，好鮮甜😍～❤️夢幻之唐揚魚炸到好香脆，可以連骨食，唔錯🙂

*此餐廳收取加一服務費。牛肝菌雞白湯沾汁麵（單點$98），雞肉嫩滑，配以牛肝菌醬食用，味道獨特；雞樅菌食落好爽口；配料有筍片；沾汁坑紋麵口感粗身，容易掛湯；雞白湯湯底飲落雞味濃香，內有雞肉、紫洋蔥、香蔥。黑相傳二刀沾汁麵（單點$88），豚角肉質肥瘦相間，油脂味濃；叉燒肉味濃香；黑蒜豚骨湯湯底味道濃郁，內有豬肉、香蔥。五輪燒餅（單點$58），類似大阪燒，表面鋪有木魚絲、美乃滋、和風照燒醬，內有廣島蠔、椰菜，口感外薄脆內爽脆，廣島蠔味道鮮甜。田之最強（單點$48），表面鋪有芝士粉，好足料，包括有牛油果、生菜、粟米、溫泉蛋、櫻桃蘿蔔、車厘茄、彩椒、煙肉粒。梅子青檸梳打（單點$28），味道酸甜，飲落好清爽。蘋果焙茶（單點$28），茶味濃厚，帶有果香，飲落好清新。

✨二刀流沾汁麵 (黑)沾麵有三款湯底可以揀 今次揀左黑蒜豚骨湯黑蒜豚骨湯 蒜香味濃 味道適中唔油膩豚角煮 肥瘦相間 入味軟腍 帶油脂甘香叉燒 有啲厚度 肉質相對結實 有咬口半熟玉子半隻 流心程度唔錯沾汁坑紋麵 自家特製 好特別 麵質偏硬 口感爽彈 幾掛汁✨牛肝菌雞白湯沾汁麵雞白湯 經過8個鐘熬煮 濃厚 鮮味牛肝菌味道清香 令味道更豐富雞肉 肉質腍滑 唔會乾柴沾汁坑紋麵 爽口彈牙✨黑鳥即係加左芝麻醬既炸雞芝麻醬味道香濃突出炸雞外脆內軟 仲有少少肉汁✨夢幻の唐揚魚唐揚魚 熱辣辣炸起 夠香脆 連骨都可以食埋 香口惹味✨梅子青檸梳打梅子味道鹹酸 配上清新青檸味道酸酸甜甜帶微鹹 飲落好清爽✨巨峰梳打巨峰提子味清香唔假 唔太甜 梳打夠氣 好爽食物唔錯 份量足 店內環境唔大 但都坐得舒服服務好好 價錢可以

香港人嘅靈魂食物係一啲懷舊食品，而日本人通常係拉麵，因為有家嘅味道放工未返得屋企住，就食吓靈魂拉麵啦呢間拉麵店嘅特別之處，在於坑紋麵近睇啲麵條就會見到條坑，作用係令其更掛汁，極之適合用作沾汁麵將麵條浸入辛味豚骨湯，湯汁隨即入晒坑，非常入味所謂二刀流麵，就係上面有齊豚角同叉燒，肥美富彈性黑蒜豚骨湯都好正㗎，蒜味幽香，湯底幾濃麵條浸幾浸，啖啖都滿有湯汁叉燒肥瘦適中，煙韌較爽，溏心蛋極度軟綿區區一份沙律，究竟有幾強呢？強在有牛油果、溫泉蛋同芝士粉，同沾汁麵一樣，成份蔬菜又掛汁又爽口燒餅就咁睇，除咗美觀，餡料都唔惹小，有啲蔬菜同肉類，最重要係有廣島蠔呢位嘉賓，有蠔味有口感，兩全其美飲品方面都幾特別，有梅子青檸梳打更有番茄梳打，甜甜地之餘，又真係好香番茄味，呢場冒險成功了

之前經過朗豪坊🍽foodcourt，已經留意到哩間沾麵拉麵店🍲，心諗唔食pizza maru一定試下佢😚，上星期終於去咗啦，果然冇令我失望👍🏻。·🍲牛肝菌雞白湯沾麵 HKD$98一上枱已經被奶白色⚪嘅雞白湯吸引😻，慢煮8小時熬製而成，夠哂誠意💕!雞白湯質地較濃稠，有點黏口👄嘅質感，表層嗰層膠質係😍🤩女士大愛嘅膠原呀！慢煮雞胸肉🐥一啲都唔嚡，好軟滑😚完全唔似食緊雞胸。個人十分喜歡店家自家製嘅🍲坑紋麵，粗扁坑紋更掛湯，口感仲好煙韌😙，推薦。·🍲相傳叉燒沾汁麵 HKD$85沾汁麵湯底可自選三款其中之一，可以揀 🐖白湯(香濃豚骨)、🌶赤湯(辛味豚骨)、🐗黑湯(黑蒜豚骨)，order咗黑蒜豚骨湯，黑蒜味道😋好濃郁好香! 招牌相傳叉燒🐖好出色，大大塊仲係厚切🤩，叉燒用咗秘製醬汁醃製72小時，仲即場🔥燒3小時，即燒即食夠哂新鮮！叉燒軟香酥嫩😋，仲有少少燶邊好香口。·🥧五輪燒餅 HKD$58賣相、質感同味道都好似大阪燒😄，燒餅pattern畫得像蜘蛛網🕸，餡料好豐盛，有大量椰菜絲及廣島蠔🤤，燒餅面鋪上鰹魚碎片，唧上燒汁和沙律醬，好惹味👍🏻!·🥟相傳煎餃 HKD$38煎餃煎得香脆，內餡啖啖肉😚，

麵屋武藏 武骨相傳🍜🐽日日都落咁大雨但係又想出去食飯唯有去啲唔會落雨嘅地方食飯啦🤣個日打三號波就出左去朗豪坊食沾麵呢間都Bookmark左好耐因為以前喺日本食過好好食架2013年既時候麵屋武藏拎過日本全國拉麵第三所以而家見到都好多麵屋武藏嘅副產品例如湯底同埋撈麵醬都好正所以今次上嚟試吓呢間日本過江龍相傳叉燒沾麵 香濃豚骨魚介白湯 $85湯底唔錯沾麵麵質都幾彈牙而且個坑紋設計令麵條更掛湯令食沾麵既每啖都有湯汁一齊入口叉燒都幾大塊叉燒上面仲有啲秘製醬汁一丸入魂 Sapporo Cheese Ball $28呢個芝士丸 真係幾好食芝士味好出 又帶有少少牛奶味外層少少脆 入邊就係軟軟既芝士個伴碟既沙律菜都幾多仲有芥辣沙律汁令人好開胃木村飲料 白桃梳打 $28其實本身叫巨峰梳打不過好可惜無貨但有白桃梳打更開心靚靚日本既白桃梳打白桃味好香 而且好有氣📍 麺屋武蔵 武骨相傳 (旺角)旺角亞皆老街8號朗豪坊4A樓5號舖⭐️⭐️⭐️⭐️⭐️⭐️⭐️味道：👍🏻👍🏻👍🏻👍🏻打卡：🦚🦚🦚🦚推薦：🐽🐽🐽🐽⭐️⭐️⭐️⭐️⭐️⭐️⭐

今日4點鐘2人入座，安排咗水吧就座轉角位，原本覺得冇咩所謂，但可能天氣太熱啩，坐落聞到隔離食客有陣味，見到有卡位內2位食客剛走，我哋提出可唔可以轉落卡位坐，女侍應生回答可以，聲稱話要抹枱先，隨後好快有位面帶不歡嘅男人，問我哋何解要轉位置，我哋都只係問咁可唔可以轉？佢非常無禮話要抹枱，又話咁等佢睇後面有冇4人，好不情願幫忙轉位等態度已表現晒。其實呢個時間非繁忙時間，我唔明係咪要咁harsh，若然係咁，係咪可以態度好啲同我傾，我絕對理解做生意梗想做多幾個客，唔使後面客人等太耐入座，我哋每一至兩星期都會嚟一次食麵，冇諗到換嚟嘅服務態度可以係咁，個位男士態度真係好不善，行出嚟就有啲似講數feel，攪到我覺得好難堪，幾難忘㗎😡