麵屋一燈 (已結業)

麵屋一燈來港這麼久，終於有機會來試試它！這次跟朋友經過lcx看見門外的人龍不算太長，決定會一會這間過江龍！期間限定的特製秘製醬油拉麵，用上日本頂級醬油加雞湯、魚介及昆布，先喝一口湯，很鮮，是那種不是經過味精調味的湯底。拉麵的掛湯能力不錯，可以看到拉麵上的湯，帶點硬身的拉麵正中本人喜愛，每一口都是醬油的味道，讓人停不了口。更加令我歡喜是這裡的叉燒，它不是外面拉麵店帶油味的叉燒，而是肉質軟腍且入味的日式叉燒，很驚喜！另外當然要吃這裡的招牌特製濃厚魚介沾麵，麵是冷身加上熱辣辣的魚介湯，把一口麵放在湯內，就可以直接進食不怕燙口。旁邊附上辣味櫻花蝦，加入於湯中可以增加辣味更是惹味，麵條的掛湯力同樣不錯，吃得到魚介的鮮甜濃郁。另外附上熱湯，讓你加上魚介湯之中，調稀湯底再直接飲用。另加一杯黑烏龍，冰凍的烏龍是這一餐完美的句號。

Decide to treat myself well so i came here for the Number one ramen in japan during lunch time. Queued for around 15 mins outside but waited for almost half an hour for the ramen is bit annoying. The ramen soup base is strong and thick which you can taste the freshness from the ocean and makes the ramen taste so nice, but i feel a bit salty at the end. To conclude, the ramen is delicious as expected but to be honest the price is bit expensive for a ramen.

味玉濃厚魚介沾麵$158😋望住個海景食沾麵真係好chill🌊💕🤫沾湯超級濃郁，有兩顆像餃子餡一樣的雞肉丸🍡食落很有咬口，吸收了湯汁嘅精華不錯吃🤤叉燒偏瘦，但食落完全唔會嚡，絕對係優質既叉燒。流心蛋入口甘甜，非常出色。🍜麵條掛湯力一流👍🏻屬於粗身偏硬，❄凍既麵放入熱辣辣既沾湯食溫度又岩岩好😚🦐附餐會有櫻花蝦辣粉，帶微微辣味，有提升到湯既鮮味又唔會搶味😌建議食到一半先落就可以試到更豐富既味道✨食完沾麵可加入隨餐附上的一壺清湯，加入後沾湯相對沒那麼濃，味道幾鮮甜。🧐不過要留意既係麵條嘅最佳食用時間係15分鐘，湯凍左會有點扣分，所以真係要趁熱食啊🙌🏻味玉秘製醬油拉麵$148醬油湯底好濃稠，雞湯、魚介味都好突出，湯味能在口腔停留很久。順帶一提，呢道既豚肉叉燒同雞肉叉燒係用慢煮方法製。豚肉叉燒偏瘦，但食落唔會嚡，屬於優質既叉燒。雞肉叉燒亦很出色，入口鮮嫩。流心蛋入口甘甜，非常出色。拉麵屬於幼身，軟硬適中，口感不錯。

味玉濃厚魚介沾麵 $158(沒有加一)好貴😱🍜沾麵湯夠濃厚，有魚乾香味，好吃🍜湯內有兩粒雞肉丸，有軟骨粒，特別🍜試完原味沾麵湯可加紅紅的蝦辣粉，職員說有另一番風味🍜蛋，有淡淡的醬油味，剛剛夠味，不會太濃🍜雞叉燒，覺得就是低溫慢煮的雞胸，失望🍜豚叉燒，覺得就是西餐的Cold Cut，失望🍜麵，彈牙，能掛湯，但麵越吃越重的梘水味，超級失望🍜最後吃完麵就加湯進沾麵湯，湯仍是厚、滑，有魚乾香味覺得$158太貴了，不值這價錢

麵屋一燈連續5年獲選為東京第一拉麵，本店在日本美食評比網站Tabelog中的評分更是相當高，但來港開店後評價卻一落千丈。香港分店的裝潢高檔雅典，更可以一覽無敵大海景，風格明顯與本店的簡樸截然不同。餐牌選擇不多，基本上只有一款沾麵和三款拉麵，而「味玉」及「特製」則只是指溏心蛋和叉燒的不同份量，價格由$128至$168不等，比本店跳升近一倍。特製濃厚魚介沾麵 ($168)「特製」比「味玉」各多一片叉燒，配有兩片雞叉燒、兩片薄叉燒及一隻溏心蛋。沾麵湯是用上五種魚介熬製而成的雞湯，鹹鮮味濃但不會太油膩或有涸喉之感，起初比較稀身，但後來慢慢會帶點膠質逐漸變得稠密。全手工製作嘅粗直麵條滑如烏冬，經過冷河所以特別煙韌彈牙，不過冷麵熱湯變相會加快湯變涼的速度，但亦可以請店員幫忙翻熱；麵條麵質本身一絕，但因為沾麵湯始終未算相當濃稠，令麵條不太掛湯。湯中有兩顆手製雞肉丸，質感比較鬆軟易散，混入粒粒軟骨口感豐富。低溫慢煮的薄身叉燒不過不失沒有太大驚喜，肉質較瘦但不會乾韌，而且略帶煙燻香。雞叉燒肉質爽嫩而且肉味鮮美，相當出色。溏心蛋亦做到流心而入味的標準。Suntory 黑烏龍茶 ($38)雖然之前到東京旅遊

「麵屋一燈」是東京第一拉麵，而且在海港城開店，地點這麼方便當然要一試。座位算寬闊，椅子下方有籃子可以放置物件。最好的是餐廳設落地玻璃窗，客人可以望住海景歎拉麵。濃厚魚介沾麵店員會先教學，先把麵條浸在湯裡2至3秒，待麵條掛起湯汁，再拿起食。客人可按口味加入櫻花蝦辣粉。食完沾麵後，可加入魚干清湯喝湯底。沾汁只有兩粒雞肉丸子，可以食到雞軟骨和葱，不過質地較散。湯汁均勻地掛在麵條上，麵條彈牙、夠咬口。醬油拉麵是期間限定，味道不會太鹹，入口先是嚐到甜味，鹹味再慢慢出來，不會渴喉。

好耐無食拉麵，睇完KOOZA 住船去海港城搵食，經過麵屋 一燈竟然無咩人排隊，實在同之前排 3-4 行差別好大。雖然價錢唔平，但我都幾Like 拉麵，所以就試下佢啦! 我地一人一碗，一碗沾麵一碗拉麵埋單 $3XX 連加一 (真係貴)，值唔值呢? 我就覺得……味玉 濃厚魚介沾麵 ($158) (推介!!!)上菜時，Staff 好仔細地教左我地點想食係最正宗 (佢台台都會講)，Staff 話最好係15分鐘食完，咁試身一啖湯先… 嘩嘩我覺得真係好好味，算係我暫時係香港食過以黎最岩我胃口既，湯係幾鹹下，但唔會有嗆喉既感覺，亦有好濃厚既鮮味，一啖接一啖之後終於試下個麵，粗身涷冰冰，放落湯2-3秒就要拎返起，麵質係介乎彈牙同軟身中間，恰到好處。而有幾塊肉類就無咩味，但配湯食就okay，個蛋Texture 不錯，惟鹹味不夠，撈湯食又會無晒蛋香味… 食完晒之後，可以用一壺熱湯撈埋本身既湯飲，個熱湯好清好清，同本身沾麵湯好夾。兩者無論係單飲還是一齊飲都唔會有油膩感。我理解佢點解要咁貴，不過我建議如果有得免費加麵我先會再黎 encore，如果唔係，一般食量既女仔只會岩岩好夠。味玉 秘製醬油拉麵麵 ($1

香港人愛去日本都不是第一天知道的事，而在日本時少不免受了日劇的影響，繼而在日本吃下一碗又一碗的拉麵。回港後又對日本的拉麵念念不忘，不過不要緊，近年有著不少日本過江龍在香港開設海外分店，令人可以暫解思日之苦。今次來到香港的是在日本Tabelog 上有著很高評分的麵屋一燈，雖然沾麵是多數人所推薦的，不過今次想吃得清淡點，所以和朋友點了濃厚魚介拉麵和芳醇鹽味拉麵。首先來到的是芳醇鹽味拉麵，每次吃拉麵時都有習慣，會先喝一口湯，這個芳醇鹽味拉麵會比一般拉麵的味道來得比較薄身，所以你會有種感覺好像是比較清淡，但這個的好處是可以認真的嚐到湯底的味道，以及由鹽帶出的鮮味和種種細膩的味道，變相會感受更多的味道層次，而且配上粗身的麵條，盡是吸收了湯底的精華，但又不失咬口，值得一讚。而濃厚魚介拉麵亦隨後上到，幸好是先嚐了一口芳醇鹽味拉麵的湯底，不然會被它搶盡風頭。與芳醇鹽味拉麵不同的是濃厚魚介拉麵味道來得比較霸道，一喝下去就像是把海洋的魚都喝下去，魚的鮮味盡現在口中，雖然這個味道比較濃味，但經過慢煮的叉燒沒有被它搶去了味道，反而配搭得宜，令到味道昇華，好吃！坐著對海的bar 檯，吃著這個高水準的拉麵，再看看

※本文以用餐當日的環境、服務和食物質素為準，口味亦因人而異，文章只作參考之用。-有著東京第一這名銜既麵屋一燈，小妹第一次食竟然係台北而唔係日本，佢地既平貝雞湯拉麵真係令小妹一試難忘，無論湯底、拉麵同低溫慢煮既雞肉同叉燒都做得頗好。當知道「一燈」會黎香港開分店真係非常期待，不過要知道香港人最鍾意排隊，要我排成粒鐘食碗麵真係咪搞。到近來經過海港城發覺條長龍隊開始正常返，終於可以試下了。同男人平日七點去到，可以唔使等位直接入內。呢間一燈既座位比想像中闊落，佈置舒適；裡面坐位不少，相信要排隊的話都唔需要等好耐吧。這裡有凍檸檬水供應，每個坐位亦有小籃子讓客人置物，很貼心。拉麵款式一張點菜紙一目了然，分為拉麵、沾麵和數款期間限定，今次期間限定係「醬油」味拉麵，但搵黎搵去都唔見有雞湯拉麵？詢問之下原來稍後先會推出。最後小妹點了一碗油醬油拉麵，男人便點了沾麵，這裡的湯頭和麵條都無得選擇其濃度和軟硬。特製 秘製醬油拉麵 $158特製呢款比起「味玉」份量會多少少，每款肉都會有多一片，另有仲有一隻對半切開既溏心蛋。用上喜歡的幼麵身，麵條軟硬適中；深褐色的醬油湯，當中原來加了雞湯、昆布和魚介一同熬製，飲落係甘

自從上次去東京時見到麵屋一燈就好想試，但係上次要排2個鐘，都係算～始終去旅行既時間好寶貴。不過鍾意食沾麵既我真係好想試，所以見到香港開左就一直心郁郁想試。一場黎到就緊係要食我最想食既特製濃厚漁介沾麵！成個feel 都好日本，一黎到就好似日本咁俾檸檬凍水你清新一下味蕾。而且到沾麵上檯時，店員都會事先同你講解一下點食，同埋最重要係最佳品嚐時間係15 分鐘。呢個特製濃厚漁介沾麵既麵條係粗身麵條，岩哂我口味。未點沾湯前，先試一啖麵先，食落彈牙，有微微蛋香。再放進沾汁，麵條掛上濃香既沾汁，簡直係完美組合，個人覺得價錢雖貴，但係係值回票價的～最令我驚喜既係沾汁入面竟然有兩粒雞肉小丸子，食落有卡卡聲，原來入面係加左雞軟骨入去打，真心俾佢suprise 到。而叉燒果然係經過slow cook，好嫩好易咬開，不過個人都係鍾意食雞肉多過豚肉。食到一半沾汁就有D凍凍地 ，店員就主動提出幫手加熱 ，實在貼心。最後，加左魚介清湯飲埋，實在滿足。最可惜係坐唔到海邊bar 檯。

特製濃厚魚介沾麵 $168 終於試左麵屋一燈 ☺️☺️叫左特製濃厚魚介沾麵 個湯杰稠濃郁 魚介味道清香鮮甜；湯入面有2粒雞肉丸，特別在丸入面有細粒的軟骨😇拉麵係粗身個種，好煙軔有口感，又掛湯。隻蛋係我最鐘意的，蛋黃晶瑩，食落係超香甜！豚肉係微微燒過的雞肉入口即溶，2塊肉都好鮮嫩。 好令人滿足的一碗拉麵，但呢個價錢真的太貴了吧😭

唔知係咪平日關係? 我下晝點幾去到好多位唔駛等，不過又或者係一碗拉麵要百三四蚊太貴少人食...? 試左佢既玉子濃厚魚介湯拉麵$148，個湯濃厚到似湯芡一樣, 可能係雞湯做底所以質地較厚身。雞肉和豚肉叉燒各得一塊😅另外有兩粒雞肉丸子但居然食落未熱😐 肉丸中心仲涼的😟 其他味道ok是不錯的... 但以$148呢個價黎講，份量稍少，我其實覺得幾貴.... 有機會我都係去日本再食一次先知真水準，聽聞台灣果間價錢合理好多添🤔

今天在尖沙咀附近工作，有幸在一燈開門前的10分鐘左右在門口等候。排隊的人不多，所以我們可以被安排到窗邊的吧台我點了普通的魚介沾麵而朋友就點了特製濃厚魚介拉麵。雖然等候時間會比方間的拉麵店久一點但難得可以慢慢享受一下，欣賞一下窗外的景色和朋友聊聊天，我也是不介意這樣寫意的生活而店員上沾麵的時候也很有禮貌的介紹，旁邊附有一小碟櫻花蝦碎，有點辣的，可以把沾麵吃到一半時再加入湯中，之後吃完沾麵後，可以把清湯倒入沾麵的濃湯中，然後可以直接品嘗魚介湯因為是沾麵，湯會比較濃和咸，我比較喜歡他的配菜:肉丸肉丸内像是有軟骨，味道不錯，肉質也很新鮮，不是外面經常能吃到的。另外就是我最喜歡的紫菜雖然只有一片，但沾了魚介湯後再吃，一陣濃郁的海鮮味在口中散開，讓我很想再吃多一塊沾麵的麵條比較粗，口感也很彈牙，總體來說也是不錯的。雖然價錢會比方間的拉麵店貴，畢竟可以望海吃拉麵的鋪租也一定不便宜但拉麵的品質，服務和環境都是不錯的

多個月前路過尖沙咀海運大廈ＬＣＸ商場，已發現「麵屋一燈」，當時大概初到香港，食客蜂擁，未打烊已告售罄。上月底到沖繩一遊，在大型 Outlet 商場 ASHIBINAA 二樓看見「豚骨一燈」，卻因早已吃飽而又錯過了。上週六適逢又到尖沙咀碼頭，於是決定到ＬＣＸ「麵屋一燈」試試。我們點了一客拉麵，一客沾麵。拉麵湯味濃郁，完全不覺有味精，不用加淡味清湯也不太鹹。沾麵的汁鹹得多，但用來掛上麵條，則味道恰到好處。加入淡味清湯後，一飲而盡，點滴也不想浪費！雞肉和叉燒肉質好，肉味濃厚，僅略嫌分量較小。麵質也非常好，沾麵用的麵條粗如烏冬，但質感較烏冬堅韌，麥香味濃，掛湯性能滿意。流心蛋的流心程度理想，可惜一分為二。如果完整全隻蛋上碗，則口感必更佳。最可惜是不設替玉（追加麵），因為麵的份量略嫌不足，而且剩餘頗多甚為美味的湯汁。整體說，味道、服務也接近 100分。價錢則偏高了，平均每人 $160 有多。大概是日本的兩倍喔！如果平均每人 $90 以內，又提供替玉，我們就必考慮再去。結論：味道一流，服務一流，環境也一流！但沒甚麼特別驚喜，尤其始終覺得價錢太貴。

最近愈嚟愈多日本過江龍拉麵店進軍香港 今次終於到一燈！一直以嚟都聽過一燈個名 不過次次喺日本經過都見到大排長龍 好少會停低食～不過今次開到嚟香港 無理由唔排下隊潮聖下🤤不嬲都比較鍾意食沾麵 所以一嚟到就叫咗個特製 濃厚魚介沾麵聽店員講呢個喺呢個招牌 希望唔會失望啦特製嘅雞湯入面加入咗魚介 所以飲落會有魚嘅鮮味 個人覺得個湯好啱口味😍而麵條比較粗身 掛麵能力不俗 所以浸完沾湯再食 都依然好彈牙❤️雖然沾湯好快凍 但店員都會好快幫你再加熱呢個服務非常貼心叉燒肉質鮮嫩唔鞋口 但個人比較鍾意沾湯入面嘅雞肉丸 吸盡沾湯嘅精華好好食🤤