麵屋一燈 (已結業)

自從上次去東京時見到麵屋一燈就好想試，但係上次要排2個鐘，都係算～始終去旅行既時間好寶貴。不過鍾意食沾麵既我真係好想試，所以見到香港開左就一直心郁郁想試。一場黎到就緊係要食我最想食既特製濃厚漁介沾麵！成個feel 都好日本，一黎到就好似日本咁俾檸檬凍水你清新一下味蕾。而且到沾麵上檯時，店員都會事先同你講解一下點食，同埋最重要係最佳品嚐時間係15 分鐘。呢個特製濃厚漁介沾麵既麵條係粗身麵條，岩哂我口味。未點沾湯前，先試一啖麵先，食落彈牙，有微微蛋香。再放進沾汁，麵條掛上濃香既沾汁，簡直係完美組合，個人覺得價錢雖貴，但係係值回票價的～最令我驚喜既係沾汁入面竟然有兩粒雞肉小丸子，食落有卡卡聲，原來入面係加左雞軟骨入去打，真心俾佢suprise 到。而叉燒果然係經過slow cook，好嫩好易咬開，不過個人都係鍾意食雞肉多過豚肉。食到一半沾汁就有D凍凍地 ，店員就主動提出幫手加熱 ，實在貼心。最後，加左魚介清湯飲埋，實在滿足。最可惜係坐唔到海邊bar 檯。