麥奀記 (忠記) 麵家

營業中

休息中

喜歡食雲吞麵的我由於太座去光顧附近的檸檬王我對涼果的興趣不大加上檸檬王老闆十分健談 便找個店打發時間見此店貼有麻告及入內一望麵檔位有夠風味來一碗細俑當此麵端上來有丁點失望1.)此麵上台後第一股香氣是麻油... 照片可見麻油可不少 一口呷下湯有少許被麻油味蓋過了2.)麵有鹼水味!雖然麵身十分彈牙,但鹼水味影響了麵味及湯味3.)雲吞真的很出色 比傳統的雲吞減少了半肥瘦豬肉份量 有兩隻蝦或一隻大一點的蝦 雲吞皮薄如果以一般吃傳統的雲吞麵店此店一定合格有餘但香港可以吃到傳統雲吞的地方尚有很多毋須特意來此店一吃

是晚約了好朋友晚餐慶祝生日, 之前就先打打底吧, 夾硬拉了文迪來這裡食雲吞麵. 星期六下午五點幾, 人客不太多, 當然, 要吃下午茶的已經吃過, 食晚飯又實在太早吧.根據店方所講, 這裡是池記第三代, 究竟當中的關係是怎樣, 也不去深究了, 最緊要是食物的質素.餐牌簡簡單單, 當然是以雲吞掛頭牌. 因為只是打底, 就兩個人叫一碗麵分吃好了.正斗雲吞麵 $26: 9分, 要了個小的, 一碗收$26, 如果是大碗的就收$38. 賣相對辦, 雲吞在底, 麵在面. 全蛋做的銀絲細麵, 麵條有蛋香, 沒有鹼水味, 質感不俗, 彈牙. 湯底鮮甜, 忍不住喝了一大半.雲吞份量適中, 不會是大大粒的那種, 蝦肉新鮮爽口.環境方面, 是典型的小店, 都幾逼, 但還是整潔的. 服務態度也幾好, 起碼沒有因為我們來搞搞震, 兩個人食一碗麵而有任何不滿. 這家隱藏在永吉街內的店子, 是連續兩年的必比登推介, 這次試完, 也發覺店子的雲吞麵實是高水準之作, 值得一試.

光顧忠記凡ニ十年, 從它當年細蓉賣十餘元一客的日子起至現在, 幫襯從來不斷. 每想起吃雲吞麵, 總是條件反射地往永吉街跑. 相信有資格自命為它的忠實擁躉吧.一直欣賞它的低調和我自默默耕耘的作風. 藏在陋巷之中由他客自尋來的態度, 頗有點像那札榥"味の今平"拉麵店般獨顯個性. 的確, 好東西從來不須自吹自擂, 沒兩把刷子的話, 何以得屹立經年不倒?誠心地希望這一切終不會隨這城市日益功利市僧的作風而有所改變. 多年來名人食家筆下對忠記的推許已不少, 似始終未動搖其務實作風分毫. 價錢自是翻了幾番卻無大問題. 百物騰貴之下, 那有不加價的? 只須維持品質, 使顧客滿意物有所值便行. 千萬別像好些 "名店" 般, 被捧得骨頭輕了, 覺得可以店大欺客了, 便開始只顧掠水而怠慢當初那賴以成名的基本功. 這等實例, 你我都已見盡不少.之所以有這些感慨, 乃是有見那電視台和名嘴也來湊這專訪的熱鬧了. 不能小覷這映像傳媒的力量和反效果. 忠記啊忠記, 盼您能把持得住並善自珍攝.

中午食飯, 同事帶咗我去麥奀記食雲吞面。起初覺得雲吞面者,度度都差不多啦, 我同事叫我食完先再講。碗面黎到, 食落真係覺得有D唔同。D面非常彈牙, 雲吞亦好足料, 個湯底好清, 結果成碗湯連面一口氣食曬。跟住重要叫多一碗"特效牛根面"。藥就話特效者, 牛根都有"特效"?一咬落去, d牛根無論大小, 都好有咬感, 個湯雖然無雲吞面個湯咁清,但依然好香，好好味。食完俾錢時突然落大雨, 老闆娘重好有人情味咁叫我地坐多陣等雨細d先走。我地真係坐多一陣,因為實在太大雨又無遮. 一坐低,d伙記無俾面色我地睇不單止,重送上兩杯熱茶俾我地,幾有人情味呀!

星期六，我走去中環麥奀記食雲吞麵，因為呢間出名同埋阿蘇介紹過！果然，無記錯！一入到去已經聽到播緊阿蘇個節目片段，有部迷你電視喺收銀個位。咁啱收銀前面張枱位食客埋單，我就坐落去。不斷播放介紹麥奀記個節目片段，不停聽住阿蘇把聲，都幾煩！叫咗碗雲吞麵 (小) $23匙羹及雲吞放喺麵底，聽阿蘇講係傳統做法；可以保持麵質彈牙，食落又真係喎！不過，我將雲吞放喺麵上面，俾大家睇！湯好油，久黃砌段條條差唔多長，有4 粒雲吞，用鮮蝦做餡，大隻、爽身、鮮甜、無蝦腸。雲吞皮薄而滑，真係好味！值得一讚！

這是本日美食行的第二站兩人點了 細 (24) 鮮蝦雲吞麵 細(24) 水餃麵 給腩汁油菜 (18)麵是全蛋麵 十分爽口 口感十足 值得一試雲吞 一口一粒 蝦亦頗為爽口 但不見得有太好...反而水餃除了蝦外加上云耳等配料 口感上較為多層次與麥文記一樣 細的麵較為"的式" 作為午餐的話 可能不太足夠 18元的油菜 有 搵笨之感... 腩汁 不太美味 有點普通 而且菜的份量亦不多...

麥奀記係永吉街唔算易搵，因為有個檔位檔住，所以鋪面唔係好明顯，店唔算大，雜物真的唔少牛腩麵牛腩肉質不錯，最緊要係肉質入味和柔軟,麥奀記做得真係唔錯，麵質有咬口冇梘水味,真係幾傳統,只係份量少，看來大食ge人就唔係咁適合雲吞麵雲吞真係名符其實的七成蝦肉三成肥肉，好食，而湯底個人覺得純屬一般,麵質和牛腩麵麵質一樣有咬口冇梘水味，份量和牛腩麵一樣咁少,價錢就真係貴了d……總結來說,味道係唔錯，只係環境衛生和價錢差d…

到底係咪我唔好彩? 一心諗住未試過入來一試, 叫左個細既水餃面, 點知入面...好多蚊滋!!!! 果時我已經吃哂d水餃, 搵下搵下, 除左湯底之外, d面與面之間都有..你地見到既果3隻係我分開左既, 佢仲有好多兄弟係我碗野度, 公道d講, 佢既服務算好, 佢有主動行埋來問我使唔使換, 但係...你咪又係用返果d湯? 換黎把鬼? 講真, 面質ok的, 我呢碗面仲好有營養tim

細蓉就 N 咁多人食過啦，咁大蓉呢 ? 大大蓉呢 ?食過麥奀記既都知細蓉得兩三啖就食完，麥奀記(忠記)就大碗些少啦，五六啖食完。是日叫了$34既大碗版所以叫佢做大大蓉 大碗版係兩個麵餅，多些少湯咁啦。 雲吞麵麵在上，雲吞中間，湯匙最底，例牌雲吞麵擺法。湯底依舊清而甜但唔見左韭王 開頭食，麵食落爽口有嚼勁，之後出事啦。由於放係底既麵比D熱湯浸得太耐，熟過龍，全都變淋了。而湯又被麵既簡水"污染"了，變得好"拿口" 証明細蓉咁細碗有佢道理欣賞竹昇麵既都係食蝦籽撈麵好過，反正都係$35咋。

本是同根生,大家都是麥奀,但兩者性格各有不同.威靈頓街的麥奀,同永吉街的麥奀{忠記},兩者有什麼關係?並不是這個食評的重點.而是兩者的質素,究竟是否都一樣.門口貼著蘇絲黃的相片,收銀處貼了很多明星相,風格已同威靈頓街的麥奀,低調務實作風不同.如果是真材實料,又何須靠貼上名人相作招徠?細蓉價錢比前者平,$23一碗,食量大一點的朋友,可要個大,但失卻細蓉的的式式意義,麵條同樣地彈牙,沒有鹼水味,雲吞帶點散尾,鮮蝦肉做餡,雲吞皮滑溜蝦肉爽口新鮮.但當喝一口湯,就出事.沒有威靈頓街的鮮,只有一味地咸.結果,換來口腔乾了一整夜,很不舒暢,就算狂灌整支1.25ML可樂,也無補於事.

一個怪怪既標題，只係修正一下大家既錯覺。一個蘋果芒，係蘋果定係芒 ?? 一定要親身睇過先會知道。名牌雲吞麵店好不好，都是要親身試過先會知。我對傳統廣東雲吞麵既喜愛，不下於香港人對"5號仔"既喜愛 麥家後人開既麥奀記..麥兆記，灣仔區何洪記..永華麵家，深水埗劉森記，北角佳記麵家，澳門祥記麵家全都試過。唯獨欠麥奀記(忠記)。叫了招牌貨..細蓉，麵放最上..雲吞中間..湯匙放最底。正宗的雲吞麵擺法。 先一口湯，大地魚味加韭王既味，鮮甜無比 再來一口麵，麵身比麥奀記，麥兆記，永華等麵家粗身，食落更爽更有嚼勁。混入了少許豬油令麵更香，只不過倘有梘水味，可能隔夜時間未夠。 雲吞都很對辦，我估係七份蝦肉三份豬肉。細細粒一啖食完。試食過後，覺得比麥奀記/永華麵家 更平, 更底(大碗些少), 更好食 出名既未必最好

過海揾食，下午茶都食兩餐，自己都覺得過份！細蓉（＄２３）四粒雲吞，大家都話細粒，但係呢啲就係一直以來既size囉，係好多鋪頭越整越大粒啫，而且呢都啲一啖一粒，我好鍾意喎。亦都夠新鮮，蝦彈牙，正！麵都冇梘水味（因為我唔鍾意食麵既原因都係呢個），爽！我呢啲細食人，叫碗細既已經夠囉，今次因為之前食左野所以同友人share，店員都好好人，自動攞碗仔，又問我地加唔加多啲湯分。友人話劉永記好食啲（我未食過），我就覺得呢度都好好食阿！

食完飯後行過, 因為未食過所以忍唔住入去下, 員工態度好, d 蝦好新鮮好彈牙, 比例同size 剛剛好, 配合湯底, 真係值得一試, 唯一可惜食品種類太少, 不過下次一定會再去食o

上星期網上預約申請更換回鄉證,最快可做證的是上環中旅社, 雖然要過海, 但想到哪兒附近有心儀已久的麥奀記(志記)麵家就confirm 在上環辦理.辦理手續簡單快捷, 很快就辦妥, 最後多花$36 用本地速遞服務領證, 唔駛去多一次 pick up, 真方便!雖說我是香港人, 卻極少吃雲吞麵, 牛腩麵等,　因為吃了梘水肚子會不舒服, 此外, 味精雲吞, 水餃也很可怕.! 聽說這間麥奀記超正 -- 絕無梘水, 所以一直待機來試.在附近蹓躂了一會才到麥奀記去. 時間尚早, 客人不多. 店面雖稍陳舊但陳設簡單整潔, 供應的食物(菜式)不多, 連冷熱飲料也欠奉只有$8/罐的罐裝汽水, 甚有性格 (也合我心意, 除非是精良制作, 否則送也不喝. ) 點了水餃 雲吞幼麵 $30. 想是一次過試兩款不用多走一趟. (戒牛肉後已跟牛肉脫離了關係, 永無機會試了……早知試埋麥奀記牛腩先戒啦……)不用等多久, 傳聞中不同凡響的水餃雲吞麵駕到, 先試一口湯, 啊! 充滿了大地魚香, 喝了一口又一口……雲遊其中…… 看到雲吞才如夢初醒, 那麼普通細小的雲吞…可靠嗎, 一口嚐它半個, 沒有強勁味

有免費的意國午餐吃，原本還有些少興趣的，最後卻因無禮的來電，打消了念頭，轉入附近擺滿小販小巷，來到想試已久的麥氏忠記。三時許人客不少，似乎麥氏後人都已上慣大舞檯，對於拿著大機的客人也是見慣不怪的，要了甫魚拼雲吞麵撈麵。廚部位在門口，路人亦可看到師傅表演，是麥氏風格，櫥窗有點蒙朧，似乎是遊客不多的關係吧。等了一回有得吃，大碟甫魚撈伴有八粒左右雲吞，蛋麵是偏粗的風格，大吃的話可加底，很貼平民風味，大個麵餅沒修剪過，蘸上了豬油，幾蝦人吃的，麵粗韌質感強，沒鹼水味，幾好，撈上甫魚粉及舊裝蠔油，甫魚末烘得香鬆，鹹鮮味都有了，不錯的，唯一不好是略帶苦味，幸好情況不嚴重；大地魚湯不是這裡強項，帶很重的辛味，不如天后、中環威靈頓街的麥氏好。雲吞的蝦都是爽口易吃，埋單四十五元，比起吃鬼佬麵更稱心，廣東人都是吃雲吞麵大的。