麥奀記 (忠記) 麵家

營業中

休息中

今日難得從銅鑼灣去中環食飯, 周圍都好多人, 點知有一間冇人排隊, 就入去啦, 先知係麥奀記.都唔多人, 兩個老侍應招呼一台, 因為我係第一次去食, 所以唔知佢地乜都冇. 佢地有牛雜, 我同事問有冇牛肺, 佢話冇, 唯有要碗雲吞粗麵, 佢話冇粗麵, 咁要雲吞麵, 我話要雲吞撈麵, 佢又話冇, 我話"huh", 冇!!! 咁佢先話有撈麵, 有雲吞, 不過分開叫就有, 合埋一齊就冇, 咁我唯有叫碟炸醬麵, 跟住問佢有冇油菜, 幾錢, 佢話"你自己睇啦, 係晒張紙度" 我都知, 不過我真係搵唔到嘛, 講比我聽要幾多時間, 所以我冇叫. 之後來了兩個外國人, 一坐下, 個侍應將台上的所有調味料推到我同事前面, 當個位冇人坐咁, 嘩....佢地兩個, 我地兩個, 咁...算唔算種族歧視?!!麵質黎講, 的確不錯, 好細碗, 好次食風咁, 所以要再去茶餐廳再食個午餐先夠飽. 不過冇下次!

之前食左兩間麥奀估唔到仲有一間麥奀於是就入去試埋佢喇以麵既水準真係三間之中最好但講雲吞既質素就真係半山個間麥奀好喇

男友很喜歡這兒的牛筋腩麪, 所以我們時常會來. 上星期日我們又去食麪, 嘩……點解咁多人既? 再留意舖內一直播”阿so”既訪問, 唔怪得喇……坐在門外的老闆禮貌地招呼我們. 例牌叫了一碗大雲吞麪, 一碗大牛筋腩麪及一碟芥”欄”. 見到平日煮麪的叔叔很忙碌, 幸而質素冇變, 最喜歡還是這個幼麪, 爽口有彈性, 且沒有強勁既鹼水味. 不過最好還是不要重複又重複播那段訪問, 好嘢自然有人欣賞, 不用太hard sell呢!

來到中環, 腸胃又開始滾滾地, 原先想食的一間餐廳, 看完Price, 決定吃別的. 咁不如就近食碗麵算. 永吉街的巷仔麥奀, 同威寧頓街麥奀其實不同, 不過好似出自同一師父, 所以忠記, 亦可大條大理地, 打埋麥奀個名出黎. 而且的確, 有返咁上下水準. 門口有個dvd電視仔, 不停播呀蘇介紹, 再加點名人效應, 中午, 座無虛席.麥奀喎! 出名碗麵奀過人. 不過此麥奀不同彼麥奀. 碗頭始終大少少, 叫了一碗大雲吞麵, 有雲吞六粒. 同事就加上牛腩. 雲吞不是那些一味標榜多蝦, 大隻的鮮蝦吞. 而是傳統的肉蝦mixture. 檯中亦有介紹雲吞之出處. 原來只是同治時期才發明.....原來咁年輕.湯底是取勝之處, 味道鮮美, 有梘水味的湯底, 配上生麵, 同用來灼菜. 是一流之選. 鮮什麼味不知道, 飲過沾仔記, 羅富記的湯底. 麥奀忠記的, 不相伯仲.地方非常小, 一名話得事既人在門口counter指三道四, 安排客人, 安排伙記. 忙中有他指點. 好有秩序.

這裏是我最喜歡的午餐去處之一。原本是想吃個牛筋腩河再加一個雲吞什麼的，但因為當天還了神，所以被提點了不要吃牛肉。最後要了一碟蝦子撈麵，一碗雲吞拼水餃和一碟芥蘭全走。先說蝦子撈麵，（因為另外兩樣到差不多食完碟麵才端上）看下去不算太多蝦子，麵夠乾，油不多，正合我心意。味道也一如所看到的好。再說水餃拼雲吞，平常來的時候，因為價錢的關係，通常都只會叫一碗細蓉加一碟腩汁芥蘭，未有試過這裏的水餃，但今次覺得如果是淨食的話，水餃是比雲吞美味的，可能小小的雲吞總要一碗麵才能有互相輝映的效果。最後來的是芥蘭全走，不幸的是今趟的芥蘭太稔太軟，原來很粗，色水很靚的芥蘭變得差點吃不下去。其實食肆水準的穩定性始終是最難拿揑的，一次好吃是沒用的。就正如早幾個月前來這一家舖，吃過的雲吞麵就有麵條過稔問題，立時向老闆反映，而下幾次再來問題沒有重現，信心重建。後記 - 相信忠記如能提供樽裝可樂伴麵客人會更加滿意。亦希望老闆不要用阿蘇過份宣傳，令店鋪過份曝光而影響出品質素。

聽就聽得多la, 終於去了試中環麥奀記雲吞麵...好多人都話好好食......叫左雲吞麵&蝦子勞麵,麵身都ok爽&彈, 雲吞係全鮮蝦雲吞 (無加豬肉), 28蚊碗。蝦子勞麵 D 蝦子都OK香口, 一小pat 40蚊, mmm......點講lei...可能有人覺得好正.我覺得麻麻咋喎....., 係同個D廿蚊碗貨仔有唔同, 但食落都唔係話太突出, 一早知佢D麵細碗, 所以這方面我無say......anyway只係我個人意見, 食完當然唔飽la... pls check my blog for details: http://hk.myblog.yahoo.com/donsterz-donsterz

尋日lunch無咩胃口諗住買個外賣...叫左個細食行街(即淨雲吞), 細份8粒 $25, 大份唔知幾多粒$32. 上去office開黎睇...無咩驚喜, 雲吞size比較似魚皮餃... 都幾細粒下....入面既蝦都幾爽口, 皮夠滑夠簿...但係無蝦味又無豬肉味....食完8粒唔餓但係一啲都唔飽....

做完gym泥食lunch，wow第一次來，麵中上水準，爽，但比起澳門Ｄ差少少，分別是豬油，豬油萬兩歲。雲吞 good，小而美，好味。其餘有腩汁介蘭，一般啦。貴咗少少。

上次跟友人相約怎知有要事而臨時取消了午飯小聚，今天找到了機會再次向麥氏一族出發。今天的地點在永吉街小巷中的忠記，要不是知道地址的話，一般在大街上路經的市民是不會看到這店的存在。要撈麵都會奉上的一小碗<<高湯>>，頗有蝦籽香味，入口不"搶o候"而順滑，不錯~特意要的<<雲吞水餃雙拼>>，水餃味道夠正宗，夾雜著輕輕的麻油清香味、筍絲味和肉鮮味，有時候不用太花巧已經很美味了。雲吞是小散尾，有用大地魚粉，但沒有芝麻糠，所以香味只算一般。蝦肉夠彈牙有鮮味，豬肉偏少，味道不錯~ 過了一會，<<蝦籽甫魚鬆撈麵>>也來了。一般人都只會分開來吃，而我今天試試雙拼的味道又如何。蝦籽份量如圖般超多，甫魚(亦即炒香後o既大地魚粉)鬆很脆口而帶少少焦濃香味。兩者加在一起香上加香，好複雜又誘人的味道。:9 最重要是加了豬油，三層香味之下，這個麵主要是為香味而吃的。至於麵身，不太感到有鹼水味，口感彈牙﹔比上(竹昇麵)不足，比下有餘。招牌雲吞感覺比威靈頓街的美味一點，而麵身反而有點不及，算是各在千秋吧~

我以為只有大家食那些業餘麵店才不值一哂, 怎知這一家也是......今天中午進去試試, 想著剛發薪, 便豪氣一點去名店見識一下......當然是先來個招牌大蛹 -- 蝦結實之餘亦很爽口, 可是豬肉在哪裡? 吃不出有豬肉的雲吞, 不合格 (三十多元)芥蘭 -- 焯的過了火, 毫不爽脆, 咬著令人納悶 (十八元?)公平一點, 再試一下其他的, 反正真的很餓.牛腩水餃河 -- 牛腩粗乾, 鮮味不足; 水餃的豬肉也粗乾磨舌頭...... 不．合．格!! (三十多元)很好, 再沒有下次.八十八元, 早知是這樣去吃牛排還好......

我見人多同價錢唔平, 以為會好好食, 點知一食碗麵...........麵有鹼水味, 雲吞唔新鮮, 係咁用胡椒紛調味,,,,, 無鮮味, 得辣字........

難得過海搵食大過天~yeah~第一站: 麥奀記 雲吞麵, 果然係正正正!! 麵, 爽口彈牙, 雲吞, 一口一隻剛剛好~ 牛腩麵, 牛腩好諗, 腩汁好香, 都係一個good choice~ 水餃麵, 麵當然是好的, 水餃就差d 啦~ 雲吞好食好多!!!! 油菜(芥蘭), 腩汁另上, very good!奉勸大家, 少人d 去食會好d因為舖入面無大枱我地又有6個人所以要係門口開張枱, 無冷氣夏天去食會好熱好彩今日ok唔熱~~仲有阿姐服務很好!!!!雖然店好迫好多人好繁忙但阿姐會好細心咁達到每位客人gei 要求~very good ar!!

我覺得忠記既麵係香港五大雲吞麵店(麥奀記, 忠記, 正斗, 麥文記, 何洪記)中最好的, 好香既手打鴨蛋麵, Q軟有咬口, 比威靈頓街麥奀記"正店"更好, 云吞則兩者差不多....今日又去食左個大蓉, 真好味!我的五店排名:1) 忠記2) 麥文記3) 麥奀記4) 正斗5)何洪記原來忠記是麥奀長子所開, 以下是麥奀記忠記的故事..............麥奀父子的恩怨..........http://motor.atnext.com/moDspContent.cfm?article_ID='%23\W%3EQ%3F[%26+0++%0A&CAT_ID=71

雖然份量較細, 吃一碗絶不能飽肚, 只可當作下午茶, 否則便會吃到一肚火.湯底做得很好, 有甘香的蝦味, 帶點面的醶水味, 剛剛好. 雲吞可以一口一粒, 大小適中, 可惜肉較少, 被大大粒的蝦搶去了味道, 值得一提的是那個雲吞皮, 又軟又滑. 面底都好味, 夠爽口, 巳經足夠了. 吃完後, 那陣甘香的味道仍留在口中.

一向認為麥文記麵家的雲吞是最頂尖的某天同朋友食緊劉森記既時候講起佢話... 中環麥奀記先係最正點............. 於是翌日就同女友去左中環尋覓美味雲吞 由於我倆甚少出中環區誤打誤撞... 行左去結志街&威靈頓街見到... 沾仔記... 蘭芳園 等一一出色既食店途中係威靈頓街... 見到一間 麥奀雲吞麵世家 (without 忠記2個字...) 我們都不而為然... 因為一心諗住去位於永吉街既 麥奀記 (忠記) 麵家行行下落到好大雨既時候... 都有諗過... "不如係蘭芳園食左佢算!"既感覺最後... 都俾我地挨到去 永吉街 甫坐下... 就叫左一碗牛腩云吞撈... 云吞水餃面 再加 兩支飲品牛腩云吞撈... 牛腩忟得好淋好入味... 撈面既湯好甜好清... 飲完唔會好口渴云吞水餃面... 同樣地... 個湯好清好甜... 水餃好足料好爽個鴨蛋麵底就好好咬口... 無乜梘水味可惜我同女友對個云吞都有少少失望... 唔係特別香... 又感覺唔到特別鮮味只可以說麥文記 同呢間 麥奀記 各有千秋 論 牛腩... 麵底 同 湯底 就比 麥文記 稍勝就主菜 云吞黎講... 麥文記 就比