73
21
13
港鐵上環站 E1 出口, 步行約2分鐘 繼續閱讀
電話號碼
25416388
營業時間
今日營業
10:30 - 20:00
星期一至六
10:30 - 20:00
星期日
10:30 - 19:00
付款方式
現金
食評 (123)
等級3 2021-03-30
0 瀏覽
好朋友陪我上完瑜伽,帶我食少少野,佢非常鍾意食這間雲吞麵,推介雲吞。她叫了雲吞撈麵,我叫咗雲吞粗面。雲吞足料,實在蝦肉出乎意料的彈牙爽口。我喜歡粗麵,因為愛它chewy 的口感,而且沒有鹼水味,軟硬適中。唯獨我覺得我的湯比較油膩而已。老字號,屹立咁多年,總有佢原因。大家有機會都可以一試。店舖位於橫街內,門口仲有一些小販排檔遮住,要小心找。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-10-07
786 瀏覽
我覺得係好味的雲吞麵。麵不太硬,湯清有味,雲呑蝦爽鮮、皮滑不散、大小適中,而我是點了全蝦的。全走介蘭亦正,新鮮有質素,且無鹼水味。唯一可以話我不太喜歡的,係湯內有太多的油。如果可以走油就無得頂。(純粹因個人不喜歡油的食物,其他人可能覺得恰到好處)店舖是舊式經營,無誇張門面,也沒有什麼裝修。卡位多,坐得舒服的。保持水準,與幾年前第一次來,同樣好味。不過,一麵(大雲吞趟)一菜就$87了,始終都係中環。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-08-08
703 瀏覽
前幾日經過上環永吉街附近見肚餓就試下,間鋪都係普通舊粉麵店咁既格局,環境一般有d細,坐底後冇招呼,水欠奉,算了睇餐牌,既然間鋪係主打雲吞就要試下,如果主打果樣都唔得咁唔洗試其他,於是就叫左細雲吞麵,d麵黎到見到係有少少O咀既,因為冇諗過只係得一個細飯碗,恕我見識少食咁多次粉麵都未見過咁細碗,唔知最近d麵價係咪好貴所以唔捨得落咁多,味道方面都係一般唔算好有水準,d麵只係一兩啖就食完,同一價錢下有大把比佢優勝既選擇,可能佢只係sell所謂既老字號,唔會再試。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-06-17
661 瀏覽
麥奀記 忠記今次來到上環既麥奀記食牛腩麵。麥奀記有好多間,但係唔係間間都好食。江湖傳聞呢間係最老字號,其他都係那間舖頭老細既親戚。呢個世界就係咁,正所謂窮人鬧市無人問,富人深山有遠親。你做得好既,搵到錢既,咪有人認親認戚 lor。講返碟牛腩麵,我鍾意面身夠硬,所以食粗麵。加上唔鍾意 d 麵浸住,就叫撈麵。旁邊呢碗係大地魚湯,點解食撈麵要俾碗湯你呢,就係怕你 dry 過頭,濕一濕 d 麵,容易 d 入口。佢 d 大地魚湯真係好香,你好少可以係外面食到呢個味道。真材實料係無得呃。呢間野 d 牛腩非常淋,如果你有機會食到 d 筋呢,你會覺得好似化左咁,個人覺得非常好食。麵本身已經有少少腩汁跟,個人喜好鍾意落多一兩匙潮州辣椒醬,非常野味。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-07
509 瀏覽
在上環上班其中一個好處是可以吃到香港地道、有歷史的餐廳,而麥奀記(忠記)雲吞麵就是我香港必食美食名單的其中一間。餐廳環境狹窄,不多座位,如果人多時,可能要跟別人「搭桌」。如果不是疫情,當然就可以了,但在疫情下仍然跟別人無距離吃飯,真是令我一邊吃一邊心情忐忑不安。所以如我是獨自一人,我一定不會再來光顧。牛腩雲吞撈麵$79⭐️⭐️⭐️⭐️麵跟雲吞是正確的擺法,將雲吞放底,麵在其上,旁邊就是牛腩和牛筋,再配送一碗大地魚湯。湯底有濃郁的大地魚味,但胡椒粒過多而蓋過其鮮味,而韮黃有炭烤的味道,不過喝完有口渴感,所以都沒有加湯。麵條值得稱讚是沒有鹼水味,但太過於乾身,吃起來是一團麵餅,而且沒有味道,當時麵底是最難吃,所以我即刻放入湯浸濕。雲吞一口大小,包完整鮮蝦,只有一成豬肉,皮薄而有鮮味,但其中一粒已經散開,不完整。最驚喜是牛腩牛筋,顏色深,顯示醃製得非常入味,而且肉質非常軟霖,牛筋甚至不用咀嚼就可以滑入喉嚨,非常好吃。這一餐我最滿意的就是牛腩。 繼續閱讀
(以上食評乃用戶個人意見 , 並不代表OpenRice之觀點。)