鹿鳴春飯店 (已結業)

大病期間一直想,病癒一定要食北京填鴨,所以一好立即約其他為食之友到鹿鳴春.坐下沒多久,老侍應便推介6-8翅+填鴨餐,一看之下亦發覺相當抵食便叫了-1.醬蹄海蜇拼素鵝:醬蹄入味,海蜇爽,素鵝有煙燻味.2.北菇扒西蘭花:北菇勁厚身.西蘭花亦爽綠.3.椒鹽桂花魚:好大條桂花魚,魚身微炸似松鼠魚,配甜酸汁.啖啖魚肉,雖然炸過,但肉質鮮嫩.不過食不出椒鹽味.4.北京填鴨:我本身喜歡這兒的師傅連肉片出.油香加鴨肉香,配蔥絲,青瓜絲及甜醬,好味!5.雞包翅:料極足,重雞及金華火煺味,翅分量亦足.6.花素蒸餃:好味7.高力豆沙:皮太厚,似會擲地彈起,哈哈.另加京燒羊肉(細+中):先來細份,但朋友們一吃之下欲罷不能,於是安哥中份,配紅酒更能突出羊的羶味.白飯x2蒸餾水1L x1自携紅酒x2,但老好侍應只收一枝開瓶費.價錢相宜,服務親切.一行8人捧著肚皮,盡興而歸.

聽聞這間老牌食府好出名，於是一行九人，柴娃娃就ｂｏｏｋ左呢度食晚飯。點左呢ｄ菜：清炒蝦仁：大家一致讚賞的菜式，蝦好爽，也炒得夠獲氣，好惹味！賽螃蟹：食得出佢同一般食肆既用料同味道都夠豐富，但呢樣唔係我飛佛，所以都只覺一般。北京填鴨：食京菜點可以唔食呢味。想講係如果人少少黎呢到，就唔好叫呢樣，因為佢全隻係會食得好飽的。水準算是不過不失，可能我期望太高，我係好希望食片皮鴨，係真係得塊皮的，但而家通常都切到連埋肥膏加肉，口感唔夠雲吞雞：又係ｓｉｚｅ大得驚人，原本以為九個人叫大ｓｉｚｅ是ｏｋ，但佢真係超大煲，每人可以飲兩三碗湯，雲吞由於全豬肉，味道一般亦好滯，後尾發覺要成三舊水，好唔抵！咕嚕魚：清炒蝦仁以外我比較喜歡的一個菜。食中菜始終係食獲氣，呢類炒的菜式，水準點都唔會差得去邊拔絲蘋果：聽聞是最著名的甜品款式，沒有令人失望！用糖漿炸過的蘋果再過一過冷河，脆皮及蘋果更加爽口。必食推介！另外，值得讚侍應叔叔的態度，好細心亦好耐性，我地班煩人點菜搞好耐又問呢問路佢都好好聲氣答我地。另外，此酒樓雖然老牌，裝修少少舊，但衛生是一流的，廁所也不會像某些酒樓周圍污漕，唔怪得滿座兼咁多遊客來。

回想起對上一次嚟「鹿鳴春」已經係去年夏天嘅事了。景物依舊，但人面全非。是日為一位認識十幾年從美國番嚟探親嘅朋友攪聚餐，所以除咗總動員嗌晒一班老死之外，仲揀咗一間我認為比較放心嘅中菜館。响決定地點嘅時候，心中即時想起幾間食肆名稱。由於要考慮到各人居住嘅地點散佈港、九、新界，結論係尖沙咀最合適。如是故「鹿鳴春」係不二之選。老問題一條，就係點樣點菜先至能夠滿足各人唔同嘅口味。調查過其他食家嘅食評，再綜合自己過往嘅經驗，好唔容易揀選咗「砂鍋雞焞翅」、「京燒羊肉」、「鍋燒元蹄」、「叉子燒餅配榨菜肉鬆」、「韮菜煎盒子」、「拔絲蓮子」等。雞焞翅可說是指定動作，今次廚師落鹽重手咗，味道偏鹹；份量方面，我地一行十幾人，嗌咗細嘅，仍能夠每人分到大約一梳翅仔，材料無半點吝嗇。至於「京燒羊肉」，就唔係個個都忍受啲羊羶味同埋羊肉中嘅脂肪，去貨甚慢；點「鍋燒元蹄」嘅原因係前一陣子睇到蔡瀾嘅專欄介紹，上菜嘅時候嚇咗一跳，份量遠超我嘅想像。朋友中輩份最高嘅Mr. B覺得元蹄雖然醃過，但係肉本身食唔出什麼味，比起「太興」燒肉還不及。由於份量實在太多，需要打包(後記：阿K翌日將元蹄加些少鹽同埋即磨黑椒番熱吊味，效果出奇地

尋晚(9-7-2007 Mon)一行九人o黎呢o度食慶祝男性朋友C脫藥海飯局我o係7:20pm到o左,同時有對中年男女walk in,不斷問經理要等幾耐至有枱,經理都有禮貌咁答冇答案啊,或者15分鐘吧(因當時係爆滿同有枱都已經book o左)嘩!星期一喎,唔係週六,日同公眾假期都咁full,咁勁?而我o地當然係book o左枱o既一群啦. 坐低冇耐,後面張枱有片皮鴨食喇,我都嗅到好香,望落去,色澤夠深,我o地一定會叫呢道菜啦.但因為我o地好多朋友仍然o係公司努力撕殺中而遲到, 主角為免被侍應們以不友善o既目光望住我o地,唯有o係六個人o既情況下,o黎一招’食住等’.叫o左1.雞絲粉皮份量唔算少,粉皮夠滑,唔錯.2.素春卷.好似唔係炸,應該唔錯o既,可能我自己唔係咁鍾意食呢樣o野啦.陸續有人o黎到,但一來仍未齊人,二來大家想留肚食甜品,於是全程都係採取食完又叫o既方案.再叫四樣:8.片皮鴨因為今晚每枱都有order,呢個菜變o左係最遲o黎.除o左未食甜品外,已經食o左其他餸,但依然覺得呢個鴨幾好食,好過北京樓.3.炒雜錦菜(係咁上下啦,唔記得正確名堂喇)我食到有荀,紅蘿蔔同好大舊o既冬菇

上個月答應左帶外籍朋友食北京填鴨. 我自己都好耐無食過, 都唔知邊度好. 做左一輪research,, OR都好多人講鹿鳴春. 好, 一於拉大隊去試下, 順便慶祝好朋友脫苦海. 一行6人, 有2個係西人星期一我已經訂位+reserve 1隻教化雞, 點左北京填鴨, 砂鍋津白, 宮爆大蝦, 蒸/炸熳頭, 京燒羊肉, 炸醬麵, 肉絲湯麵, 仲有教化雞, 連埋甜品拔絲蘋果, 一共9樣野. d 飯菜好快到, 先食鴨, 好-好-食! 西人不停讚, 到食雞的時候, waiter 叔叔比西人自己扑開d 泥, 好好玩, 隻雞好有荷葉香味, 食落口好"鞋", 好似煲湯雞咁老, 不過都好食ge. 個蝦就有d 失望, 以為會好正.... 羊肉, LOVE IT!! 夠晒"so", 燒完的外皮又夠脆, 大家一致推介. 跟住d 炸醬麵同肉絲湯麵係哂既, 因為太飽都食唔落. 本來個個都飽晒, 但我地一定要d 西人試下拔絲蘋果, 因為外國少有又得意, 味道都唔錯. 成餐飯都只係食左1個鐘頭多d, 好在有訂位, 因為地方唔係好大所以weekday 都full house. 兩個西人未食完呢餐已經話要黎食多次. 哈,

是晚補數, 一家人去鹿鳴春吃飯.回想一下, 曾幾何時我也去過鹿鳴春, 不過我只吃過一味甜品...好像是高力豆砂. 糖醋魚塊: 不太夠酸, 不過炸得不錯, 沒有太油感覺, 也沒有魚腥和不新鮮的味道.沙窩豆腐湯: 味道輕清片皮鴨: 五個人一隻, 相當不錯, 師傅即場表演, 片皮鴨伴上京蔥青瓜和海鮮醬, 皮脆而油不算太多, 好味!當晚眼見手推車來來回回不下五六次, 而每次又推出兩隻片皮鴨, 我想一晚的生意可能有數十隻.我食得最多, 搞到好滯, 不過真係好味haha最後生菜包也幾香口, 我都係最後包底. =P連啤酒七百多, 尚算抵食, 不過d 雜費都唔平, 如一支青島都要$32, 也許啤酒上漲的關係?服務不錯, 侍應來來住住, 跟單也足.p.s. 同場加映小鳯姐和蔡和平和一眾老外, 鹿鳴春出名也不是浪得虛名.

I've read a lots of comments from those peoples here, but we ordered about 10 dishes for 9 peoples, all the most famous foods here recommend by openrice. What I can siad and all my family members felt the same is " So so ". I wonder is that really what HK peoples so called " delicious food"??? Is not about money, we eat $1700. I'm sure we can eat much more better than here at other rest. What's more, there were 1 waiter & 1 waiterss serve our table, the waiter is good. But the lady is real

一早想試下好食的北京菜, 見係Openrice 中, 以”鹿鳴春”最好口碑, 所以約左同事們共7人黎食晚飯. 我地星期一已經訂定星期五7:00pm晚飯, 仲訂定”教化雞”添! 真係好彩訂定位, 因為我同女友係6:45pm 先到拿位時, 見到張張桌都係留座, 睇黎要walk in 食飯真係唔容易! 謂返環境, 飯店入面比較舊式裝修, 但好乾淨, 連洗手間都好乾淨, 值得一讚! 另外, 開頭入黎時, 因為客人少, 好多比較年長既服務員企曬係度, 又少少唔自在. 不過後來覺得佢地既服務真係唔錯, 首先佢地好醒目, 佢見我地斟左茶落水杯, 就好自動自覺地收左茶杯仔, 唔會阻住我地. 如果見到客人整唔開包筷子既紙套又會主動幫忙. 另外, 又因為有個同事遲左黎, 佢地又好醒目主動問係咪等齊人先上菜? 總之佢地好服務得黎唔會覺得佢地煩, 仲係一種幾體貼的感覺! 其中一位女同事知道會食”教化雞”, 問佢地可唔可以自己扑開d 泥? 佢地又一口答應! 再讚多佢地一次先, thanks!!講返食物先, 我地食左:1.教化雞(味道香濃, 又有雞味, 如果肉質可以再滑d 就完美了!)2.片皮鴨(夠香口的脆皮,

今晚在京菜名店《鹿鳴春》晚飯，這間老店水準相當好，但比起十多年前，看來稍微退步。招牌菜北京填鴨，上枱時熱度不足，滋味只好過《x星酒樓》$78元一隻片皮鴨少許。但以$280元一隻的價錢黎講，並不能說物有所值。其他如賽螃蟹，干炸大蝦都相當出色，但賽螃蟹內的蟹肉有D「腥」。實在有D美中不足。以一間招呼普通,裝修「簡潔」，食物水準略好的食肆而言，背負(名店)之名,實替它辛苦，努力吧!!!(名店)加油吧!!!【鹿鳴春】

飯局，會為「喜歡吃」的人而搞，有時，也有例外。 搞飯局巳有一段日子，背後的故事聽過不少，當中有為環境因素被判罰，亦有因曾於一時十五分內試畢十二道菜色而被冠予「龜速」上菜的封號。卻意想不到，一味扒大鴨，幾句慚言，竟譜出一段雪中送炭的故事．．．京菜，最近是吃了又吃，鹿記，也來了又來。是次又找經理打點菜色，他一見到偶便笑問：「今次又想玩什麼花款？」腦筋一轉，答：「不要雞了，來個扒大鴨吧，若有滷腸，一併殺來；也要鹽水鴨肝，花椒分量減少．．．」十來分鐘，就定下是夜菜色。前菜有海蜇頭，鹽水鴨肝，馬蘭頭缺貨，就點了食友喜歡的炸脆鱔。主菜包括九轉大腸、五香扒大鴨、爆糊、糟蒸鴨肝、堝塔皇帝菜。大部份皆為指定動作，九轉大腸算是意外收獲。是晚人數不算多，棄了雞燉翅，但巳應允下回再嚐。對面的食友，每次見到其所謂的新點子，總會出現怪想，記得吃西苑時竟將叉燒及「沙瀰篤」串聯在一起，偶亦被突如其來的一問嚇著。海蜇頭，之前與眾食友在北角的番薯苗亦吃過，如今再嚐，認為是酒愈濃、味道愈淡，而她，竟連海蜇頭與身的質感亦無法分別，吃而不知其味。這裡的海蜇頭，爽脆調味輕，回個神，已告清碟。四月，馬蘭頭缺貨實屬史無前例，連老頭子

也不知是第幾趟來這裡了，但有如上感覺的，還是首次，相信亦只此一次。再來吃，原因簡單，純為「想吃」。冷盤數碟，有海浙頭、脆鱔及鹽水鴨肝。海浙頭仍是那麽爽脆，仍是值得推介；然此味供應不定期，有食緣才能吃到，要吃的話就要在訂位時問清楚。脆鱔雖然不夠脆也不夠甜，但巳較坊間許多店子做得好；當然要數最出色的，還是只有數街之隔的店子所做的生爆鱔背。鹽水鴨肝﹝圖示﹞味濃，口感不算很軟滑，但就是喜歡這種直率無驕縱的演繹，值得一試。熱盤幾款，試新也嚐舊。有爆糊、九轉豬大腸、五香扒大鴨、糟蒸鴨肝及窩貼皇帝菜。爆糊是將羊肉片及醬汁煸乾後上碟，嚴格來說是北方菜。這裡的做得夠乾身，但味道略嫌不夠地道，可能為了適應港人口味，不能做得太濃。此味在本地供應的店家不多，懂吃的更少，有興趣的可以一試。九轉大腸是炸的套腸，頭一口，非常豐腴味美；仔細品嚐下，就嫌內裡的幾層味道略遜，似乎不是原條生炸。當然要原條生炸又要做到全熟得來外脆內軟，也真有難度，故這裡做的，巳及格有餘。喜吃炸大腸的，這一味還是必叫。五香扒大鴨體貼地拆了肉才上，然個人還是喜歡原隻上枱。鴨子炆得軟腍，卻不夠入味，可以更好。不過吃得多片皮鴨或八寶鴨，想轉轉口味，

服務唔錯....依家香港好小搵到d咁懷舊既地方食野...我至鐘意食炒蝦仁,香蕉拔絲,高力豆沙,松子魚,次次去都食ga...同埋真係低食...上次一家7口去食,叫左個餐,本來諗住再叫多小小野食,之後落單果位叔叔話,(已經夠食,唔好再叫,免得一陣食唔哂浪費左都唔好啦!)果然我地真係食唔哂,d叔叔全部都好好人ga...每次必定要book位...如果唔係就要明天請早ga喇~~~~

20070412兩個家庭總共七個人在此晚餐，我們做出這一推薦時其實是有些底氣不足的，怕老人家介懷這裏如赤柱大街般的入口，怕夥計們有些老字型大小名店所慣有的傲氣。不過，隨著菜式一道道呈上來，隨著席間閒談的流淌，我們的擔心不但全無影蹤，甚至已經認定了這裏是能夠收入“我的最愛”那一類檔夾、成為將來款客之時一個不會出錯的備選方案。裝修很簡單，但很整潔，洗手間也乾淨；夥計們大都是上了年紀的男性，穿著淡黃色的中山裝款式制服，語氣沉著，眼觀八方，舉手投足之間，嫺熟而氣定神閑，不論鋪排臺面，抑或換碟斟水，有禮而不致謙卑，麻利而不忙亂。難得的是個個慈眉善目，推薦菜式時和你有講有笑，中英文俱佳，不知是不是這裏鬼佬客多的緣故，當晚就有大約一半是呢：）大家一致認為服務這欄可以拿滿分：）講返啲餸。教化雞（280，需預定）：用的是“教化”而非“叫化”二字，但做法是一樣的，厚厚的泥包著，燒好了，在你身邊剖瓜切菜一般分割清楚，荷葉的清香和蘿蔔的鹹香都融進已經爛軟而離骨的雞肉當中，分量很大，但竟然幾乎清碟；扒四蔬（中）：處於健康目的而點，有黃芽白、草菇、粟米仔、西蘭花四味，味道普通，芡汁有點太厚；炒和菜戴帽（小）：京式

星期五晚上帶了兩位台灣朋友給幾個朋友一行六人去了鹿鳴春吃飯, 朋友點了片皮鴨, 火腿津白, 炒拉麵, 宮爆蝦球, 炒蝦仁, 拔絲香蕉, 高力豆沙...(其實仲有, 不過唔記得左), 片皮鴨即叫即燒, 上枱前在面前開刀, 一片一片的, 好香好熱...好好味, 宮爆蝦球最好味, 蝦夠大隻, 又爽, 汁也好好味...其他的都不用說, 一級水準...尤其要講那個拔絲香蕉, 真的...好好好好味...我不太喜歡吃的也吃了兩件, 好有口感...順便講一下那個服務員大叔, 真的好好服務, 給我們介紹及幫我們keep單, 待朋友差不多來了才上單, 不致令食物冷了...值得一讚!

窩燒肘子$280 big portion but oily (need reserve in advance)北京填鴨$280 so far so good教化雞(need reserve in advance) $280 dry and saltychicken sharkfin soup $580 (small - 10 small bowl)super deliciousbirthday buns + rice + vegetables + peking lamb chop small portion10 people total $2000 - no next time visit.Aircondition very cold !!