鵜舞

營業中

休息中

今日黎到D2 place 搵食～叫左個丼 有海膽 吞拿魚腩 三文魚籽海膽算幾新鮮 吞拿魚腩都俾好多 口感一流三文魚籽都好爽口另外加錢要左杯生啤～ 襯托以上食物一流餐廳環境好舒服 店舖花左好多心思裝修 感覺同日本的居酒屋無分別 整體黎講 呢餐下午茶好滿足😎

鵜舞在D2 Place 應有三年左右了，記憶中祇去過兩次；一來荔枝角和長沙彎日本餐廳不少，二來這裡生意不錯，找位有點難度。如果說食材品質，我覺得附近Roppongi 較佳，而服務就M九較親切！這次再到鵜舞，郤有一種新感覺！服務生衣著整齊，更有不同國籍；相信有日本和南美人，不時要以英語溝通，最開心的是，在他們面前還有點外語能力的優越感！聽著「安全地帶」的歌，見著不同國籍的人，混雜普通話，忽然像走了一轉冲繩！氣氛帶起食慾！其實這次是跟著一個討論區的介紹，說九月到十月中正值秋刀魚當造，鵜舞又做推廣，所以，就「的起心肝」去一趟！不時不食，是不會錯的，「秋刀魚剌身」油脂豐盈，魚肉充滿彈性，加上鮮甜味美，才二百圓！加上擺設精美，實在相得益彰！有機會快啲去試下，希望同好者不會失望！其他食物就普普通通，除了杯荔枝味啤酒，沒甚麼好再介紹！不過，這裡好適合傾下偈，飲杯嘢！氣氛都算不錯👍

每年一度驚驚政治飯局又嚟，同大老闆食飯要矜貴點，荔枝角區數一數二好味又比較貴嘅日本菜，午市一定要訂位，先嚟每人一定食，我點了特上剌身定食($280未加一)，喜愛吃的老闆單點了每人一隻溫玉、壽司拼盤、秋刀魚剌身、海膽。溫玉配醬汁跟蔥蛋汁香又滑，喜愛太陽蛋的我爆鍾意此蛋。不知名的壽司拼盤我們只為陪食，有乜食乜啦，有一款食得出係炸軟殻蟹壽司，香脆非常，好好味。茶碗蒸定食當中的必然，超級滑蒸蛋⋯⋯又係蛋，有看似平價蟹柳及帶子一少粒、白果、冬菇，非常熱辣辣，只屬一般。有一小插曲～騎呢同事連自己叫乜定食都唔清楚，明明叫魚生飯，居然食左我個一早已嚟的特上剌身定食，而且仲要等好耐才完成的魚生飯，當侍應端上枱時才發現弄錯，還一句不好意思都無講我當然要回我的定食，只好繼續等⋯⋯剌身超鮮味，拖羅即溶口感回味無窮，值得等待。秋刀魚其實熟食都帶魚鯹味，剌身更偏鯹，都是陪食之一款，我還可接受，非常豐盛的一餐午飯。

作為街坊，又係開左幾年都無去過。難得賣甩粒豆丁，就二人世界叉叉電。訂左枱，準時去到，等左一分鐘。一直以為間餐廳就門口所見咁大，原來裡面別有洞天，幾大。裝潢都好有和風，坐得舒適。食物見圖。較出色係串燒同牛烏冬，本身不好秋葵，但夾在豬肉中，平衡了肉味：烏冬湯甜，牛肉不痴牙；蛋卷也很不錯，口感同甜味十足服務員充足。不過唔知點解會請唔識講廣東話的外國人做waiter，又唔係西餐...總結，一分錢一分貨，貴啲係好食啲。提醒大家，唔想坐bar枱，記得訂枱

今日特然想食日本菜所以揀左呢間試下~點左個鰻魚飯~鰻魚飯好普通，燒得唔夠香口~！點多個蟹肉飯~這個不錯，只係份量少左d~仲有點左個炸雞~男朋友點左雞肉串燒送啤酒~食到好飽~不過都點左甜品~一個好似係咖啡布甸，一個係綠茶味，綠茶味好濃~整體坐得好舒服唔洗等，不過就係份量比較小，價錢貴左d~

星期六下午，和好友相約到荔枝角逛街，逛完後便在附近食晏。心裡很想吃西京銀鱈魚定食，便上網搜尋日本餐廳，見到呢間umai好似好好評，就行去試下。估唔到星期六嘅下午十二點幾，咁大間餐廳竟然坐滿人咁濟，好彩好快有兩位。餐廳係日式居酒屋，室內環境好有風味，氣氛不俗。午餐價錢大概百約至三百幾不等，好多選擇，可惜冇西京銀鱈魚我揀左個吉列黑豚定食，定食包麵鼓湯、茶碗蒸。黑豚肉質好淋，唔會好多炸粉食到成口損晒，唔錯，份量充足。朋友叫左個壽司定食，睇落去壽司好新鮮，不過偏細件，海膽好鮮！最後加多五隻餃子兩份分，飽晒。埋單盛惠$400，中價日式午餐，都算合理！

餐廳係公司附近 上晝11點book 竟然有位 (之前book  左2次都BOOK唔到) 同公司同事一行九人去食lunch我叫左 函館丼定食前菜係有d泡菜味既芽菜 酸酸地咁蒸蛋熱辣辣 食落幾滑 成個飯面都係蟹肉 中間夾左一層蛋絲同紫菜 所以唔洗加鼓油都夠味 有少少甜甜地甘不過海膽同三文魚子好少 一節手指公甘多 (見到圖都知少) 整體ok 不過冇咩特別 食蟹絲撈飯咁 有兩個同事叫左鹽燒阿波味雞定食 成百六蚊 佢地食完都話有雪味 又冇乜調味 而且好細舊又有個同事叫左個百七蚊既咖喱吉烈豬扒定食上碟得塊豬扒 汁同飯 連少少配菜例如薯仔蘿蔔都冇 感覺仲差過coco屋叫左個蕨餅大家share 48蚊裏面有四舊 味道ok 冇乜特別大家食完都覺得野食好普通 對比同事D SET 我諗我嗰個算值少少總括來講性價比低 非常普通 唔明點解會咁Full因為今次老闆請  唔洗自己比但要自己比 就一定唔會回顧

午餐無論是一個人或一班人 到這裡也是一個好選擇！今天吃了烤牛舌套餐，沒想到牛舌是厚切，入口十分juicy. 餐配了茶碗蒸，兩款前菜和麵鼓湯。我也算是大胃王，呢個餐的確很大，要全部吃完是有點挑戰，伴菜是薯仔和甘筍 薯仔很林 配上那個肉汁 十分美味

自從去年吃過八燒鳥屋，一眾老饕好友對它們家的高質串燒回味無窮，結業後我們一直找不到能替代它的日式串燒店，最近聽說主廚來了荔枝角Umai，特地來朝聖，但老實說，不知道是不是期望太大，感覺有點失望，價格比以前貴，而且份量大大減少..先說好的吧！環境很棒，有日式居酒屋的味道。另外凍蕎麥麵作為人氣之選的確有驚喜，蕎麥麵的軟硬程度掌握得恰到好處，配上冷面汁、流心溫泉蛋和脆脆，夏天吃很舒服。值得一提的是伴碟的脆脆，炸得極度酥脆，哪怕浸泡在冷面汁裡，也不會變成軟趴趴的一團漿糊，讚👍 （有些日本餐廳都做不到這個水準）可惜因為太急著吃而忘記了拍照最讓我跌眼鏡的是壽喜燒和牛串.. 記得以前八燒鳥屋是$68一串，啖啖肉，但現在只是一塊火鍋肥牛般的薄牛肉包住金菇+一條小青椒+一塊炸豆腐，盛惠$88一串（隨串燒附上的配角蛋黃出乎意料地新鮮無腥味，這點扳回一城）其次令人失望的是鰻魚牛油果卷物.. 牛油果明顯未熟，缺乏綿密軟糯的口感，感覺店家在選料方面不夠用心（記得曾經在另一家餐廳點牛油果大蝦意粉，廚師留意到牛油果質素不佳，會主動建議食客另選菜色，這種貼心的細節真的很難得！）六塊加起來連巴掌都不到的大小，索價約$7

約了絲打吃日本菜，她說聽同事說及這隱世餐廳，想試一下。說它隱世，其實不太難找，只不過地方不太就腳而已。我們都酷愛魚生壽司，這裡的品質是不錯的。新鮮是理所當然的，魚肉鮮嫩，海膽亦然，入口滑嘟嘟，壽司更是不用蘸點太多芥末豉油已夠和味。明太子玉子卷乃絲打的最愛，一定要叫。在蛋香甚濃的玉子卷當中有粒粒帶鹹的明太子，口感是有層次的，可惜此非小人大好之物；小人吃了一件之後，絲打倒是樂於包辦清碟之任務。炸蝦和日本蕃薯天婦羅同樣出色，油份不多，脆漿也薄，蝦肉質爽而蕃薯質糯，吃畢完全不覺滯漏。是夜我們笑個不停，吃得盡慶，教人樂在其中！

掉咗過嚟荔枝角返工，同朋友聚會，多數都就我喺深水埗、荔枝角、長沙灣一帶，今日就揀D2 ，睇下有乜嘢好選擇，可以飲下酒傾吓計食下野！lee 個啤酒麻麻地......環境都可以架，食物都算OK，因為我戒左牛嘅關係，所以冇試到好唔好食，嗰鳗魚同雞翼係好食嘅，但個壽司就一般般喇，好易散開，d紫菜淋.....同埋呢度好早收，10點半就收，所以想再坐耐d啲傾下計都唔可以!下次再聚會睇吓茘枝角仲有邊間係收晏啲嘅先！

慶祝朋友生日，選了這一家很有日本氣氛的居酒屋，一進內，好像置身於沖繩居酒屋，很有氣氛。食物選擇不少，有爐端燒類，串燒類，小食類，魚生類，壽司類，熱炒類。我們除了沒點選魚生類，其他都點了。食物應該即點即煮，每樣食物都新鮮熱辣。正！鵜舞卷，沒有特別，有點像加洲卷，包有蟹柳，爽爽的東西，蟹子，中華沙律。牛油果鰻魚卷，這個比上道好吃，軟綿綿的牛油果配上甜甜的鰻魚，頗好吃。明太子玉子卷，濃濃的蛋香配上有一點辣的明太子，而且十分熱，讚。燒牛舌，十級好味牛舌極其爽口，亦十分juicy, 而且剛烤起，充滿烤氣，完全perfect match, 可以再encore.黑白烤茄子，經理介紹，是限定，是日本現在當造的蔬果，而且是日本直運到香港，於是我們決定試一試。茄子是圓形，不如平常見到的，味道其實不是這麼特別，而且挺咸，黑/白是黑/白味噌醬。不過的確比平時香港買到的茄子甜和肥美。朋友喜歡吃茄子的說不錯，如同樣喜歡茄子的你們，可試一試 烤靖魚，完全不腥，也十分大條，皮脆肉嫩，一個字形容，正！炒飯, 沒有太多料，但都好吃因爲有些脆脆的冬菜，令飯添多一點口感。烤雞扒，皮烤得又薄又脆，忘記了它是甚麼雞，肉質都有點不

米芝蓮喎😞、叫10樣食物2樣野漏單、一係侍應生寫漏單、一係廚房漏單、三催四請先食完餐飯。話說9:00左右去到，隻燒雞翼10:15先到，催咗3次。已經漏單嘅刺身飯、重要等個壽司吧洗完個玻璃櫃先得閒同你整。落班時間9:23分，差不多11:00先食完。大家唔怕發火嘅可以去食，確實壽司、雞翼、魚生飯、串燒都新鮮同好味，不過咁嘅服務你哋自己諗，仲有一樣野，嗰度好熱冇冷氣，成餐飯我開着把風扇仔一路食一路吹，一路呆坐又一路催食物，喂你啲嘢食有幾好食都唔好預我啦。

住荔枝角哩頭，晚餐其實選擇不是太多，昨晚3人行去食日本嘢，算係常客黎咖喇，不過每次都會俾"驚喜"你，好驚嗰一種加州卷，餡有玉子，有生菜，有牛油果，不過由份量就真係越縮越細，我寧願佢整大舊小小都唔好整到舊舊都咁細咁寒酸好嘅要讚嘅，哩度嘅刺身係新鮮，三文魚腩好肥美，$84有3片，係唔錯嘅，而帆立貝就$198 兩大粒，三個人分係足夠嘅，抵5抵就因人而異喇哩度招牌沙律係一直都keep住個水準嘅，面頭有吞拿魚，碎蛋，薯仔，加埋各款新鮮沙律菜，撈埋佢個特製沙律汁，係好食嘅炸物哩度都做得唔錯，南瓜蕃薯都食得出係用日本嗰種，好味道，而且價錢還好係就係五花腩，不過真係一舊舊嘅肥肉多過啲真正食得落肚嘅豚肉...以往食嘅都係切片，而家變左一條條，問個經理點解係咁，佢話轉左個師傅所以做法唔同，不過做法還做法，我都唔係俾錢喺度食一舊舊嘅肥肉姐？何來五花腩？個師傅切法都好獨特，切到咁樣都可以上枱成舊肥肉...真係叫人點擺落口...話就話五舊腩，有肥肉好正常，不過5係一層肉一層肥肉好有層次至係咖咩？哩碟我真係唔覺係正常食開嘅五花腩一向有食開佢嘅西京燒銀雪魚，今次想話試下個三文魚，點知中中地伏西京燒味道不錯，不過佢好

炎炎夏日工作又很辛苦同事們相約到公司附近的日本餐廳午餐我們已來過鵜舞數次雖然它的午餐價錢有點貴但食物的質累還是值得的魚介豚骨拉麵(跟炸雞) $88我點了這份魚介豚骨拉麵加兩塊炸雞拉麵的份量很適中 剛剛好不會太飽也不會覺得不夠飽魚介的味道不是很突出所而海鮮味較重蛋非常好吃!炸雞是新鮮炸的粉漿味道和比例適中雞肉不鞋 但可以更滑更多汁海鮮丼定食 $145同事點了這個海鮮丼定食飯是室溫的 酸度適中魚生很新鮮 特別是海膽飯和魚生的比例很好最怕是飯太多魚生太少會再來呀!