鵜舞

營業中

休息中

老大同老友都話呢間平日中午爆人龍, 所以 我地就黎食晚飯鳥~好有日本 feel 呀~一路入去 一路入日本居酒居咁呀~ 氣氛好好, 好開心呢~好多好多款嘢食... 都係以日本各地原材料命名的~我地花多眼亂, 攪咗好耐先有結論... XD先黎個 嬉野豆腐鍋先~嗯嗯嗯, 分量好少, 一人幾啖咋得~豆 腐 係 激 滑 溜 的 ! ! ! 湯呢, 係清淡淡嘅豆味水味咁~好滑好滑好滑 但得一舊仔 唔夠食啊!!!餓 透 鳥~ 來 2客卷物先得~ Um... 都係估佢吾到咁細份量的...鰻魚牛油果卷入口唔腥 係 ok 好味嘅~咸菜卷Ur~ 正常日本薯蔔券物咁囉...食得出啲米飯係靚嘅~豬肉秋葵卷 嗯, 薄得好薄嘅豬肉卷住燒黎食, 無咗平時一堆潺嘅怪口感, 好味啊~厚燒明太子蛋卷, 好味呀, 滿滿蛋香 配微辣明太子, 唔腥又能為香香甜甜提味~想 encore 呀!燒豬肉車厘茄超薄豬肉卷住爆汁車厘茄, 好味!由於食完都好似無食咁, 太餓, 忍唔住叫個惠比須牡蠣飯... 又係估佢唔到咁細小...上枱要等一等, 焗多陣先可以食~ 飽滿脹卜卜好期待食呀~食得喇~每人得 1粒蠔配幾啖仔飯...味道正常嘅, 靚米飯

今次來吃lunch set，感覺上比晚餐抵食好多一坐低，先嘆杯煎茶，看味濃郁。點了一份鵜舞海鮮丼($145)，跟餐有前菜海蛪青瓜，日式蒸蛋，同麵豉湯。特別讚讚個甜蝦，真係好甜好juicy咖海膽都幾鮮甜，唔會有最怕既苦澀味。呢個價錢食到咁多樣食物，又新鮮好味，都算係咁，一次愉快的用餐經驗👍🏻👍🏻

家人的慶生晚飯，有老有嫩，但都讚好食。一早已訂位，餐廳安排卡位比我地方便照顧小朋友，食物水準都保持，其實唔係成日去，但都冇退步，甚至比初開業時做得更好。唯一係店員太忙，叫好幾次先回應。食物推介和牛，這裡煮的牛真係唔錯，全家人都覺得和牛飯同和牛燒肉最好食。亞波尾雞一向好食，而我自己每次都點茶漬飯或燒飯團，我的最愛！燒物其實我地最喜歡係納豆腐皮袋，可惜已經停賣了。其他壽司煮物反而一般。另外沙冰啤酒配小食好唔錯。

一直都想試下喺D2 place呢間日本野，不過硬係覺得有啲貴冇試到，於是終於等一個特別慶祝日子去試下！入到去個環境真係有啲去咗日本嘅feel，好正，不過我冇叫刺身呀果啲貴價野，食啲其他菜色，反而好有驚喜！碎蔥吞拿魚腩卷，呢個真係好好味，啲吞拿魚腩同碎蔥一齊食好正，每件都好足料好多吞拿魚！厚燒明太子蛋捲，好鍾意食明太子，唔係度度都有，佢仲要落重本好大舊明太子喺入面，好好味又好抵食。食咗幾個串燒，有豬肉蘆筍串，雞脾大蔥串，我最鍾意係芝士雞肉串，佢啲雞肉唔係一般雞肉，係有啲好似係雞軟骨喺裡面咁，有啲咬口，幾正!蕃茄牛肉壽喜燒，最特別係佢點果個蛋係發到起泡，等啲蛋可以更均勻咁沾上舊牛肉度，而且口感更加豐富，有心思!另外有叫燒肉，一個牛肉，一個厚燒牛舌，雖然牛肉好味，但牛舌係仲好食，燒得啱啱好，外面脆裡面好軟林林。其實仲叫咗燒飯團同三文魚茶漬飯，不過呢兩樣都係好正常，唔係太驚喜，不過整體嚟講好有水準，有個靚女侍應仲好有禮貌同耐性，令人食得更舒暢。4個人食咗$800幾蚊，一啲都唔貴! 下次會帶其他朋友嚟再食過!

行完D2個市集， 就去左呢間野食。個架局令人覺得好舒服因為我地無BOOK 位所個以就要坐BAR枱，都OK LA，最好就莫過於兩條女叫杯大啤酒， 叫D野食就一個晚上。不單係環境好， 野食都好唔錯。雖然係晚餐，但真係想吹水成份較高， 所以唔係叫左好多野食。吹到人地收鋪，但都仲勁好聲氣既服務人員。多謝你地，哈哈影唔到呢粒野究竟有幾大粒， 但佢真係好大粒同D刺身係新鮮！！大讚明太子蛋卷， 有蛋汁，唔乾身，明太子好食～牛肉鍋， 個壽喜燒好甜好中意呀,仲有個蛋白泡，雖然我唔係好明白個好食價錢唔算話好抵食， 但野食唔錯同真係好好坐。                          en joy your night~p.s戈日我地吹水吹左幾個字都未叫餐，突然FEEL到陣寒意， 唔知經理企左係後面幾耐，佢話又想問我地落單未，但又見我地吹得咁高興唔敢打斷我地．幾好禮貌：）好害羞

又係一個同朋友Ad-hoc 食飯之晚地點又係 D2 Place 一間叫 Umai 鵜舞 (朋友話 Umai 日文解: 好味, 好食)今次叫左依d 野雜錦刺身 - 大拖羅好拿正, 油分足夠, 入口溶化。其他刺身都唔錯，海膽鮮甜度略為不足串燒豬腩肉，一般喇，略為乾身燒雞翼 - 皮脆有肉汁，唔錯海鮮卷 - 三文魚子放上面令到夾壽司時趺晒，搞到好似不論不類，賣相差左雜錦手握壽司 - 質素唔錯作為鍾意飲酒既我，點都要叫支日本酒一品純米吟釀

黎開香工行街， 同朋友 睇下 荔枝角有咩好食，大家都話d2 place特別多好嘢食，就嚟睇下啦。黎到見到 呢間餐廳就喺地下， 門口望入去入面好似裝修得幾靚喎 ，好有特色咁 ，似居酒屋，又唔使等位就入去試下啦呢個刺身飯,有蟹肉，牡丹蝦 ，海膽，帶子，食落都幾鮮味，唔會話好腥同苦~另一個刺身飯，有蟹肉，三文魚子，海膽 等個蒸蛋就冇乜特別，同元氣差唔多，正正常常啦服務黎講，唔知係咪我地坐最出果張檯，成日都搵唔到侍應，呢度要改善下總括嚟講味道 ok嘅，係價錢算偏貴，我諗如果同區宗像屋應該會覺得正啲， 應該唔會再嚟lu~

午餐時間，客人頗多。但服務沒有因此變差，服務員很細心。餐牌有拉麵，定食及丼。我選擇了海鮮定食。價錢比較同區，屬於中高。但用料可以說值回票價。海鮮丼裏有海膽、三文魚子，帶子、蝦及白身魚。白帶芝麻及蛋絲令囗感提升。茶碗蒸很高分。而且份量剛好！

之前返工係荔枝角，所以會經過呢間日本野，每次經過都見到門面好靚啲燈飾、好日本feel。食咗幾次lunch，有便當套餐同埋壽司套餐，不過最記得有一次就係我order咗lunch set，成個鐘都未來，原來佢哋冇落單，跟住又趕住返工，所以就冇辦法要打包走，個次都幾嬲架！今次就嚟新食晚餐，之前都冇book位，就walk in入去，點知好彩都有吧枱坐下，兩個人就點左咁多嘢(如圖)埋單$1400幾，其實樣樣野都好味，同埋夠新鮮，起碼都係食到佢新鮮炸出來的野，另外海膽都好鮮甜，吞拿魚腩好入口即溶，雞翼好大隻，牡丹蝦就比較細隻少少，整體而言價錢比較貴，但係都好好食！

公司開年食飯，試下呢間餐廳，連名都未識讀既日式餐廳，叫左個燒牛肉定食，呢個餐非常豐富，先講下鐵板燒肥牛肉，仲以為會有係炸炸聲咁上枱，原來係用洋葱，青椒炒，已經炒好晒咁上鐵板，不過都好香噴噴同埋好夠味，而且唔係有好大堆肥油係碟底另外有一個好特別既日式登蛋，有蟹柳，有帶子同埋白果係裡面，蛋好滑，加上有帶子鮮味，超正，另外有麵豉湯，沙律，配埋白飯，一個午餐可以有如此豐富，實在不得了，價錢都係100.00左右咋

今日年三十，公司有得放早，就趁機同老公去荔枝角搵人洗車，但係要一個鐘先有得攞車，於是我就趁機去食好西，我平時都有幫趁呢間餐廳，覺得質素都不錯，但過左今日之後，佢地已經被我black list, 我以後都不會幫趁了。我今日大概2鐘到達，由於無訂位，所以係門口等左一陣。大概2:10分坐低，約2:15分，我order左兩個定食，過了10分鐘後，個待應走埋來同我地講其中一個定食賣完，叫我地再揀過，跟住就一枝煙溜走左。跟住又叫左好耐先有人應，我地再重新叫個另一個定食，當時已經並不多2:20分，再過多十分鐘，我個定食來到，但直到我差不多食完定食，我老公個餐都未到，我就追下個侍應，佢地先好似如夢初醒去睇下張單，大概二分鐘後，佢同我講真係漏左單，但係依家做唔到俾我，因為做熟食d師傅全部落左場，跟住話幫我轉佢地其中一個lunch box,果一刻真係好鬼嬲等左半個鐘同等講無得食。平時佢地都會同人講last order, 今日又無人同我地講幾時last order, 見我地兩個人坐咁耐都無嘢食又唔主動跟進，簡直不知所謂。我以後都唔想再幫襯啦

作為日本狂的我 繼續試荔枝角的日本菜今次試左一間裝修具有日本居酒屋風味的小店由於午市無訂位 所以等左大概5分鐘Bar 台呢間餐廳午市全部都係SET 價錢都唔平本身想叫一個$300 既set 最後都係決定叫$160 試下水溫先我叫左個函館丼定食當中有蟹肉 蟹膏 蟹子 海膽 三文魚子 值得一讚 三文魚子同海膽味道鮮甜但蟹肉就味道冇咁出 蟹膏幾好 唔苦另外友人叫左個特上火炙飯材料有：三文魚 吞拿魚 帶子呢個飯唔推介 除非你喜歡食全熟刺身味道幾好既 但醬汁太多 太咸☹️ 味噌湯中規中舉 漬物好味 茶杯蛋超滑 （有驚喜過主食）

之前都係食sushi, 今日同好友聚聚，就叫下熟食，叫個D定食，味道可以，但沒有特別驚喜！ 下次都應該叫返壽司會再開心D！

一間充滿日本特色既食店, 地點坐立於高樓大廈既地區，繁忙中顯得清雅，店舖以船為主題，加上舊木裝橫既外觀，感覺自己置身於日本海中的一隻魚船中，能品嘗各種生猛海鮮。點了壽司定食(付味噌湯，漬菜，前菜蘿白絲，蒸蛋，另有十種外觀精美壽司，可見師傅年資功力。最愛既甜蝦壽司，兩隻肥美甜蝦色粉紅，還食得到蝦既甜味，三文魚壽司小篇沒有特別偏愛，鰻魚壽司雖然比較乾身，有少許炭香同鰻魚汁結合，同以前食過油脂味重既鰻魚壽司相比係另一種風味。不得不提海膽壽司，海膽肉仲係結實濕潤，係剛開新鮮海膽先有既色澤，食在口中真係有幸福既感覺。另見有函館丼定食 (蟹肉，蟹膏，海膽，三文魚籽，蟹籽)，今次未有機會品嘗，下次食完一定同大家分享。

成日經過都冇試到，今日終於有機會嘞！店内裝修和氣氛不錯，每位員工很有禮貌和醒神。點了深海池魚壽司，油甘魚壽司和燒明太子沙甸魚。本以為壽司應該冇咩特別，想不到店員介紹的深海池魚正如她所説的池魚很肥美沙甸魚，好香。樣唔錯。釀上的明太子也多。食落也不失沙甸魚的甘香。味道輕輕鹹了少少，但如果餸飯或餸酒就剛好