影片
港鐵荔枝角站 D1/ D2 出口
繼續閱讀
電話號碼
27438011
營業時間
今日營業
12:00 - 15:00
17:30 - 23:00
星期一至日
12:00 - 15:00
17:30 - 23:00
公眾假期
12:00 - 15:00
17:30 - 23:00
以上資料只供參考, 請與餐廳確認詳情
有關獎賞計劃
這天超幸福吃了一頓日本多地的特色鄉土及B級美食！大開眼界之餘更可滿足口腹之慾真的很開心啊。一別四個月再次來到Umai鵜舞依舊有種叫我期待的感覺。很喜歡餐廳舒適悠閒的環境，每次來到都會帶來輕鬆的無重感。這夜可以品嚐到全新的日本鄉土及B級美食菜單！一次過品嚐到日本各地的特色美食可謂是和食集中地。選好美食之後可以近距離欣賞師傅即席炮製，與此同時當然要跟好友飲杯啦。我們各自選了近來大熱的凍結水果特飲，當中包括有冰結菠蘿沙瓦、冰結檸檬塔沙瓦各$88/杯，另外還有河童沙瓦、金魚沙瓦各$68/杯等隱藏特飲。說到最打卡肯定是這杯冰結檸檬塔沙瓦！如薯片般的檸檬片冷凍成檸檬塔好吸睛，果汁跟酒香達到完美平衡味道清爽迷人，如果您是每天第一位點選客人會獲得35cm的特別加長版呢可惜我無緣得到。我的金魚沙瓦則以紫蘇葉、辣椒和燒酎調配而成！紫蘇葉的清香加指天椒的辣感拼湊出獨有滋味好喝耶。大分琉球醬漬刺身$118！新鮮刺身以充滿日本風味的琉球醬輕漬，內裏還有生果中的刺身牛油果，拌均生蛋後以香脆的紫菜裹著品嚐真的非常和味。新潟鯛魚笹壽司$48！不論是作為器皿還是祝福這個竹葉壽司賣相也很討人歡喜。軟糯的壽司飯上鋪滿晶瑩剔透的鯛魚，師傅已將壽司調好味直接放入口中便品嚐到無限鮮味。広島牛腸天婦羅$88！日本人同樣會充分利用內臟來烹調美食，這個天婦羅牛腸便是其中出色之作，天婦羅炸漿溫柔地包裹著軟糯的牛腸，越咬香氣越濃是歷久不衰的味道。北海道漁師町海鮮野菜鏘鏘燒$148！這個被譽為爸爸也懂烹調的海鮮菜式鮮味無極限。內裏有大量新鮮的野菜、三文魚、生蠔及帶子等，海產的鮮味完全融入野菜中香甜無比，微辣鮮甜味道非常出色。福岡明太子芝士豚肉天婦羅$78！鹹香惹味的明太子從來是我心頭愛，口感外酥內嫩的豚肉天婦羅內裹有鹹香的明太子和芝，口感非常豐盛令人回味無窮。千葉花生味噌唐揚炸雞$108！絕對是花生友必吃之物，炸得酥脆香口的雞件肉汁豐盈，配襯油香滿瀉的花生味噌吃罷齒頰留香。日藉總廚楢﨑顕策正為我們炮製接下來的可愛美食最中餅。我們一次過選上三款不同口味的最中餅！包括有東京三文魚籽最中餅$58、吞拿魚蓉最中餅$58及時價的海膽最中餅，用上小熊造型最中餅超級可愛。最中餅可塑性超高作為鹹式甜點也非常稱職！而大廚則用上三文魚魚籽、吞拿魚蓉及海膽來演繹，就自製一份三色小熊來滿足饞嘴。福岡爐端燒豬蹄$88是教我非常回味的一道菜！賣相如煎餃子般的豬蹄燒得挺香口，質感軟糯充滿骨膠原非常惹味超讚喔。北海道焗2年越冬熟成馬鈴薯$78！早前看韓劇才知道原來有熟成馬鈴薯，估不到這天竟然可以品嚐得到，而且還配襯了邪惡的牛油是魔鬼菜式。經熟成後的薯仔會比一般的甜度高17倍！粉腍軟糯的口感超有個格，還有如粟米般香甜的味道絕對會令澱粉質迷尖叫。京都鱧魚茄子天婦羅$118！鱧魚經炸過後仍然保持到嫩滑口感，沾上酸辣的梅肉蘿蔔泥吃很消暑，配襯的茄子天婦羅也不是省油燈！輕脆嫩滑的成品令人印象深刻。名古屋鄉土料理鰻魚飯三食$108！一個價錢可以享用四種吃法非常化算。首先直接品嚐原汁原味的鮮香，然後加上紫菜同Wasabi吃上刺激的味道，接下來便可以淋上高湯大嘆茶泡飯，最後一食可以享用鰻魚飯自由夠精彩了吧。岩手盛岡冷麵$98色彩繽紛看見已經覺得非常消暑。帶有韓式風味的盛岡冷麵雖用牛骨作湯底，但味道非常鮮香一點臊味也沒有，內裏除了叉燒、糖心蛋、蘋果之外還有泡菜及車厘茄，配親彈牙的麵條口感非常冰爽很適合盛夏享用。新潟糸魚川墨魚汁炒麵$88！炒麵用了鮮味十足的墨魚汁來烹調口感Q彈，內裏還有不少肉厚又煙韌的墨魚混上蛋漿一起品嚐味道太過癮。愛媛宇和島鯛魚太飯$128！滑嫩的新鮮鯛魚刺身上鋪有生雞蛋，配襯香甜醬汁真的非常好下飯。最後嘆上一球雪糕來甜美完結這頓味遊日本之旅。Umai這個日本鄉土及B級美食菜單真的超有特色，喜歡日本各地美食的朋友不用飛也品嚐到真是有口褔了。
繼續閱讀
香港人生活咁忙，成日都想搵個地方chill下，食啲嘢輕鬆下。「鵜舞」呢間位於荔枝角D2 Place嘅居酒屋，唔係淨係賣普通日本嘢，而係focus喺日本各地嘅鄉土料理同埋B級美食，即係啲好local、好有特色嘅嘢食，等你唔使飛去日本，都可以一次過試到唔同地方嘅風味。一入到「鵜舞」，你會覺得好似去咗日本嘅小漁村咁。裝修用咗好多舊木，加上啲日式燈籠同埋簡單嘅燈泡，好有feel，好舒服。呢度最正嘅係，佢哋嘅總廚同副總廚都係日本人，保證你食到嘅嘢夠晒正宗！講到食，今次我試食齊佢哋嘅十四道菜，真係道道都好有驚喜！先嚟個開胃菜：大分縣嘅琉球醬漬刺身，用甜豉油、味醂、清酒同埋芝麻醃製，魚肉好新鮮，醬汁好惹味，食到停唔到口！呢個新潟 鯛魚笹壽司係北陸信越地區嘅特色嘢食。用竹葉包住醋飯同埋鯛魚，竹葉有防腐作用，又可以增加香味，一舉兩得！個造型好特別，因為就嚟端午節，日本師傅竟然諗到將壽司整成端午粽嘅造型，真係夠晒心思。仲有一個好特別嘅小食，係広島 牛腸天婦羅。 你冇睇錯，係牛腸天婦羅！廣島福島町嘅名物，將牛腸炸到外脆內軟，一啲都唔油膩，仲好好咬口，點埋啲醬汁，正！跟住呢個北海道 漁師町海鮮野菜鏘鏘燒，個名好得意，聽講係因為煮嘅時候會發出「鏘！鏘！」聲。用新鮮三文魚同埋當季野菜，加埋味噌去燒，好有北海道漁村風味。然後開始入正題，福岡 明太子芝士豚肉天婦羅。明太子係福岡嘅代表性美食，呢個天婦羅將明太子、芝士同埋豚肉包埋一齊炸，外酥內嫩，口感豐富，正到爆！然後去東京，食呢個三文魚籽最中餅/吞拿魚蓉最中餅/海膽最中餅，呢個咁得意嘅最中餅係江戶時代嘅嘢食，用脆卜卜嘅餅皮包住唔同嘅餡料。我試咗三文魚籽同埋吞拿魚蓉，都好好食，但係海膽就更加正，入口即溶，鮮甜無比！跟住呢個北海道 焗2年越冬熟成馬鈴薯真係唔簡單，要用北海道嘅雪去熟成兩年！聽講甜度係普通馬鈴薯嘅17倍，香氣更加濃郁。食落口，真係好甜，好似食緊甜番薯咁！然後就係爐端燒豬蹄，沖繩同埋鹿兒島嘅黑豬好出名，呢個爐端燒豬蹄就係用備長炭去燒，燒到外脆內軟，好有咬口，一啲都唔肥膩。食到中間，清清味蕾先，呢個鱧魚係京都嘅高級魚類，用天婦羅嘅方法去煮，可以食到鱧魚嘅鮮味，再加埋嫩滑嘅茄子同埋清爽嘅梅肉蘿蔔泥，好夾！然後就係千葉 花生味噌唐揚炸雞，原來千葉縣嘅花生好出名，呢個炸雞就用咗花生味噌去醃製，炸到外脆內嫩，鹹鹹甜甜，好惹味！主食方面，呢個新潟 糸魚川墨魚汁炒麵，用咗墨魚汁去炒。糸魚川市面向漁港，所以啲墨魚好新鮮。食落口，除咗有墨魚嘅鮮味之外，仲有啲墨魚肉，口感豐富。鄉土料理 鰻魚飯三食，係名古屋嘅名物，將切碎嘅蒲燒鰻魚鋪喺白飯上面，有三種食法。第一種係直接食，享受鰻魚嘅原味；第二種可以加海苔或者芥末，增添風味；第三種就淋上高湯，變成茶泡飯。我最鍾意第二+第三種食法，多重享受！除咗嘢食之外，「鵜舞」仲有好多特別嘅飲品。佢哋嘅冰結菠蘿沙瓦同埋冰結檸檬塔沙瓦都好受歡迎，將檸檬片堆疊冷凍成檸檬塔，好靚，又好飲！另外仲有河童沙瓦同埋金魚沙瓦，都好有特色，啱晒打卡！總之，「鵜舞」呢間居酒屋嘅嘢食夠晒local，夠晒正宗，可以帶你味遊全日本。加上環境舒服，氣氛輕鬆，啱晒同朋友一齊去chill下。下次唔知食咩好，不妨考慮下「鵜舞」啦！
繼續閱讀
7點15分入座，7點半下單等到8點佢地推介既刺身都未有，最正係追完之後再等多30分鐘都未到，即係催單都冇誠意幫你追😡😡😡😡完全係痴線，唔當客人時間係時間漏左單冇道歉催完再催都係唔理你講真，per head $800+ 咁既服務我諗唔明點解我要再黎
繼續閱讀
🌊爐端燒宮崎佐土原翡翠茄子 $78佢既味道完全唔似傳統茄子🍆真係煮得岩岩好，但唔會好淋，加埋上面有啲木魚既配料，個口感好特別，係比較新穎既茄子😆🌊三元豚肉沙律佐宮崎日向夏平兵衛醋汁 $98沙律係逼我食菜最好之選🥗落左醋汁，令到我哋好開胃，酸酸甜甜係好不錯的！同埋豚肉都絕對唔係劣質肉，唔會要咬好耐🐷🌊 熟成鯛魚配 日向農園平兵衛汁 $258鯛魚既鮮味就算點左醬汁都冇影響到，一開頭食我仲諗緊點解冇芥末俾溝，但發覺溝左就會影響左鯛魚既鮮味，同埋口感好優質🐟有咬口既魚！🌊南蠻炸雞 配自家製他他醬 $88一啖咬落去個下，啲雞汁係咁漏出嚟😹😹炸前真係鎖住左啲雞汁，好大癲！🐔同桌朋友勁鍾意個他他醬，問落先個自製，我自己就覺得少少甜🥲🌊香烤肉卷飯團 $68呢個真係飽肚之選😆芝士加埋真係好正好邪惡，成個肉卷包住啲飯勁足🍚仲要啲肉都好易咬開，絕對唔會好似要食白飯咁悶，因為有埋醬汁🌊A4宮崎牛柳三文治 $168平時既我一定會抽走中間塊葉🍃但呢個牛加多士，同埋佢入面配有既醬料真係食唔出葉既味，反而昇華左個多士既味道，牛味勁重😆🌊日本青椒香辣肉味噌 $98平時望到生青椒會拎開，除左魚肉青椒🫑，我就唔會食青椒，但味噌既味道，出奇同青椒幾夾，反而係多左脆卜卜既口感😆🌊宮崎極蜜熟成蕃薯天婦羅 配雲呢拿雪糕 $58個組合好特別，冰火相融咁，熱既天婦羅+雲呢拿雪糕，仲要蕃薯都好甜，反而食完蕃薯再食雪糕，就覺得雪糕唔算好甜🤣但兩溝就中和左個感覺
繼續閱讀
今次多得朋友介紹我黎荔枝角嘅Umai 鵜舞居酒屋原來依家同日本宮崎縣政府香港事務所攜手合作，推出宮崎際期間限定時令菜式，當然唔可以錯過啦，去到3月31號咋爐端燒宮崎佐土原翡翠茄子茄子烤得恰到好處，外皮微脆，內部柔軟，搭配上特製的醬汁，味道鮮美，讓人一口接一口三元豚肉沙律佐宮崎日向夏平兵衛醋汁沙律清新可口，三元豚肉的鮮嫩與日向夏平兵衛醋汁的酸甜相得益彰，感受到夏季的清新氣息熟成鯛魚配日向農園平兵衛汁獨特的「究極放血式」宰割手法完全放走魚中腐壞的血液，並清理魚內臟，可以完全消除魚的腥臭味，平時唔鍾意食魚嘅我都俾10👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻南蠻炸雞配自家製他他醬這道南蠻炸雞外酥內嫩，搭配自家製的他他醬，增添了獨特的風味香烤肉卷飯團這道飯團的肉卷香氣四溢，米飯的Q彈與肉的多汁完美結合，令人回味無窮A4宮崎牛柳三文治這道三文治使用了A4等級的宮崎牛，牛肉的鮮嫩與香滑的麵包形成了絕佳的搭配，讓每一口都充滿滿足感宮崎極蜜熟成蕃薯天婦羅配雲呢拿雪糕甜品部分的蕃薯天婦羅外酥內軟，搭配雲呢拿雪糕，既有甜蜜又有清爽的口感，結尾非常完美
繼續閱讀
您可能會有興趣的...