鴻星中菜 (源成中心) (已結業)

和公司同事老闆食的LUNCH,以點心為主.款式不是我選擇,所以做個簡短的食評,看看好與壞點心水準為中等,比一般酒樓為好,但SIGNATURE的公仔點心質素就令人失望,皮做得好厚,餡料味道好淡,真係得個樣.值得推介的是蝦多士,不油膩,好脆,蝦肉餡夠多,鋪得幾飽滿.而且味道帶鮮!其他點心無什麼特別以觀塘區來講,水準只會不斷提升,因為看到餐廳越來越多,點心水平只要有不足,食客便不回頭.所以去觀塘飲茶都算係好穩陣

每間幾個月黎鴻星都係為咗佢嘅公仔點心諗都唔洗諗就簡咗幾樣點心小食啦奶皇小蜜蜂 (3隻 $24)感覺油膩咗d 奶黃餡都一般大閘蟹小籠包 ($35/隻)大不如前 完全冇蟹味王小虎 ($33/3隻)係魚翅蝦餃 蝦肉都算新鮮 魚翅都好多 呢個係上個月食嘅雞公仔 ($27/3隻)用咸水角嘅皮做 裏面係d胡蘿蔔同蔬菜 幾好食企鵝先生($28/2隻)係紅豆包 正正常常 餡料幾好

本身呀媽約左朋友但我又未食飯就順手搭機XDDD三個人叫左成枱野食，仲要食得哂先奇XD（因為佢地都唔大胃既滷水牛腱筋位透光，賣相吸引，份量一般啦夠哂上色，夠哂入味，肉既部分稔軟香口，唔會太散爛瑤柱石窩炒飯炒飯粒粒分明，調味得宜，色水淺啡帶金黃，賣相幾吸引重點係石窩熱住佢，炒起既飯仲係保持乾身不黏爛，又唔會出油有瑤柱既鮮味甜香，自然得黎又加添左鮮味，唔會覺得咁平淡無聊蕃茄蔬菜鍋味道清甜清新，調味唔會太重手，食材既清香帶左出黎湯冇咩浮油，感覺清新不油膩，算係輕盈之選牛肉球牛肉球嫩滑，脂肪不多，爽口不黏仲加入左香茜，味道清香但不嗆口，更是帶出了牛肉球既肉香話梅蒸豬手豬手稔軟嫩口，豬皮滑而不大油膩肉質稔身好易咬開，仲要彈牙帶膠質，有點黏度更香口加上酸甜醬汁同話梅自然酸香，開胃解膩蒸排骨肉質香嫩不實身，滑得黎唔會太多脂肪豬肉肉香濃郁，加少少豉油食，鹹鹹地調味剛好酒香鵝片講真我覺得就冇咩酒味唔講都唔知係酒香既，仲以為係普通燒鵝片……鵝肉肉香幾濃，外皮帶點脂肪，但又唔係過油過膩千層糕蛋黃層既香氣十分濃重，甜度不高，但帶點點鹹香，幾有趣糕既部分鬆軟香口，濕潤度高所以好易入口流沙包本身好期待食到呢個……趁

觀塘區的公司中秋飯的選擇，還數鴻星飲茶質數是不錯的。今天公司大飲茶，坐滿兩圍檯，人多好ORDER ，可以試到30款野食！正！脆皮黃金豆腐 ，炸到剛好，內裡是滑滑的豆腐，比起同一個系列的炸鹵豆腐，還是這個好吃。另一個推介是脆皮燒腩仔，好不好吃就看看一上檯幾多時間內會全碟清晒，一圍12人係唔夠分的，今次我就”執輸”啦，想再Encore, 不過最終都係太多野食沒有叫。吃過好幾次燒腩仔，水準不錯的，皮脆肉嫩，最怕吃燒腩仔咬不開個皮！燒賣 ，質感很實在，豬肉和蝦的比例恰當，味美！小鹿斑比，其實是月餅皮，紫薯內餡的甜點，創意可加，但味道麻麻，太甜，不encore，不推薦。即撞豆腐花(位上) ，同事話豆花好滑，雖然是位上，但份量頗大，兩個女同事可以分一碗，一個人吃就太飽了。食過”陶源”，食過”喜雲天”，相比之下，鴻星是最好的了。

爸爸喜歡吃中菜關係,家人放工時間也大約在八點半左右,看見雜誌套餐八點半後有八折,不作他想選這間吧!並提前於一星期訂位.未到八點半便到達,待應說可以先坐下,八點半才點食品.大約八時四十分左右點了餐.今次是點了(原隻鮑魚.魚翅,帶子宴)六人餐,等了大約半個鐘還未有食物送上來,由於肚餓關係,只好不斷吃花生和銀魚小吃.等了又等大約九時一刻左右,菜式終於上場,一開始便上了原盅雞燉翅,隔了一陣子是脆皮黃油雞.然後再上鮮果大蝦沙律.雖然這個是套餐不是飲宴的食物,上菜次序未必跟足宣傳單張也沒有所謂,最離奇唔明白為何沙律唔會先上,唔通炸雞仲容易過整沙律.奇哉奇哉..還有更離奇的是唔明為何連甜品只有十一樣食品,有些還是預先己整好,也吃了差不多兩小時.差點還以為自己在吃法國餐呢???說完一輪癈話,輪到品評這個餐了,顧名思議這個餐有鮑魚,魚翅跟帶子,可惜吃過後很是失望...十一道菜式如下一.鮮果大蝦沙律:賣相係靚的,可惜吃下去才明白甚麼叫金玉其外,敗絮其中.首先沙律係全完唔覺得凍的.生果也只有少許,蜜瓜蘋果等等..還有是主角大蝦更是失望,蝦實在太腥,還要不夠凍.沙律醬更是沒有味道可言,失敗之作.二.原盅雞燉翅

為使用朋友送給我的優惠券，我們一家三口到達觀塘的鴻星海鮮酒家， 入座時已是晚上九時， 我們選擇了晚飯孖寶的第一選： 大斑兩味配靈芝雞湯，再加桃園三結義(甜包) 和壽包三個， 合共$563.2, 減了$200優惠券， 每人消費約$120。以中式晚飯的格局、食物和服務質素而言算是合理，但我卻一直對中式食肆五花八門的收費頗有微言，計法複雜，大有「請君入甕」之嫌; 西餐廳只收加一服務費， 清楚明白多呢!大斑兩味： 翡翠炒班球雖然只是肉豆炒斑片， 但斑片的泡油做得恰到好處， 味道剛剛好，越是平凡越顯得不平凡； 古法蒸頭腩便鹹了一點，但這樣卻神奇地令充滿魚脂的頭腩變得較易入口，魚皮雖厚，但蒸成啫喱狀，膠質豐富可口，連我這不好魚之士亦捬首稱臣，對板！野生靈芝燉雞湯： 很溶，很有膠質，靈芝藥味帶出的健康訊息令人更珍惜、細味，但又不會影響燉湯的濃甜可口。 幕後功臣原來是重量級的肉雞、瘦肉和多隻雞腳， 燉湯後的雞肉居然還很滑，雞腳一咬即溶入口中，我這湯痴此時無話可說... 無口可說....桃園三結義及壽桃： Shirley 盛讚鴻星的壽桃，的確如桃般大，内藏整隻咸蛋黄，是不錯但並非極品，可能是蓮蓉的問題，

老闆請飲茶，未嚟過呢度，咪試下囉！一去到門口，幾個侍應一齊上嚟招呼，服務算幾好，坐低開茶後，便攞點心紙，嘩！張點心紙好靚呀！侍應之後放下前菜咸魚仔花生同ＸＯ醬，咸魚仔花生係鴻星招牌小吃，真係好好味，個ＸＯ醬亦好足料揀緊點心個陣，有個點心阿姐問要唔要燒腩仔，望落都幾靚，又試下啦，肥廋度適中，都幾脆，個芥辣又好味，唔錯之後點心陸續上枱，有鹵水豬腳仔，細細仔好得意，味道就普通啦！鮑汁雞腳：老闆指明要吃，個人最鍾意食啲花生，冧冧地又入味，正紅油抄心：辣啲仲好味ＸＯ醬炒蘿蔔糕：呢個麻麻地，件蘿蔔糕太大件，唔入味鮮茄浸莧菜：呢個菜幾特別，清清地，好開胃鴻星燒賣：其實同普通燒賣無咩分別金沙炸蝦餃：見係必食推介，咪試下囉，一般啫小飛象：賣相超級靚，其實即係咸水角，不過都好好味幸運兔：蕃薯味甜點，雖然好靚，不過唔夠小飛象吸引埋單時送糖水 - 麥米粥，因為太飽，沒有吃，但同事話好好味！印象唔錯，下次應該會再來

今日係佛誕，依然返工既我十分無引11點幾12點同事提議去鴻星飲茶，於是係無反對票既情況下向源星進發~可能因為今日無咩人返工，呢間野都唔算好full，一行4人係無book位既情況下..去到即入，而且仲有約1/6既吉枱...因為我第一次到呢間飲茶，點選食物既負責..全由同事全權..所有d點心都唔知叫咩名記憶係.(因為唔記得同唔知d名)...1.鮑汁雞腳 2.重慶口水雞3.雜菇窩米 4.炒腸粉5.流沙包 6.番茄莧菜煲7.素菜雲朵 8.辣椒蒸魚頭9.豆腐花1.鮑汁雞腳味道唔錯，夠入味..而且熱辣辣，似係即叫即整..而且有8隻..算幾多2.重慶口水雞有麻辣味，唔似另一間酒樓咁甜，都幾大碟，入面的配料(e.g花生)唔會淋哂..但唯一美中不足係唔夠凍3.雜菇窩米都幾鮮，好有味，雖然好大窩，但米線唔多，酒樓ｄ碗一人一碗半無哂4.炒腸粉算係中上,因為佢炒得幾香..唔會太燶..但又有炒出泥既口感..技術幾好5.流少包唔太似流沙包，我同個同事一人一半..起初我仲怕一"o滅"會流哂出泥..但無流..似多左奶既奶黃包多d..6.番茄莧菜煲無食，同事話一般7.素菜雲朵

好耐都冇飲茶，今日同一班同事一行十個人到鴻星嘆番一盅兩件！好在已訂檯，如果唔係就要等位！一坐低大家即刻tick心儀美食，我梗係要點出晒名嘅流沙飽、煎蘿蔔糕、鳳爪、馬拉糕！鴻星點心果然好味，難得嘅係佢上菜速度奇快，大大件熱辣辣，連後加嘅蝦子干燒伊麵都好快煮好，味道仲好yummy添！差唔多食完，侍應仲捧埋送嘅綠豆沙黎添，嘩！今餐真係好滿足！

往日的還是背著書包的小妹妹出嫁了,認識她多年的大姐姐替她找到如意郎君高興,她的婚宴當然出席,沾染一下新娘子和外父外母的喜氣。如其他新式中式食肆般,觀塘鴻星的裝潢也以華麗婚宴設計為主,多盞華麗水晶燈不缺少之外,還有如演唱會的閃燈,閃得人眼花撩亂。席旁還有不少絲花花柱作裝飾增加美感,近距離的看到絲花也很清潔,衛生情況還算良好。席間以其馳名小吃銀魚仔作前菜,看到各來賓也吃不停口,水準也該不錯,但不愛吃魚的我就沒東西吃了;入席不久,侍應已供應飲品,但不會在開席時另外更換。經過一輪婚宴必有程序及新人簽紙後,婚宴正式開始。以陳慧琳喜宴襯托下,金豬大紅袍由一眾侍應魚貫送上, 小乳豬已去除大部份肥膏, 薄薄一層的跟仍算香脆的微暖乳豬皮相連著, 卜卜聲的仍算香脆; 豬肉薄得如紙,吃到底層乳豬醬的香甜,可是斬豬功有待改善,經常出現兩件相連斬不斷情況出現,第一道菜通常很快消滅掉,這頭小豬也不例外。 開心果仁貴花蚌有點名不符實,所用的是夏威夷果仁而非開心果耶,脆卜卜的夏威夷果仁一向是心頭好,果仁用量也算充足; 還沒看菜單時,還以為是魷魚,原來是貴花蚌, 淺啡色的貴花蚌一向以爽脆見稱,跟其主體海蔘的軟滑剛好相反

好滿足啊, 其實鴻星不嬲都有返甘上下水準,食佢既全包宴就真係好滿足食欲。但就,份量方面略嫌過少,因為,我們四人食半席,原本都好怕會食剩好多,但原來,四個人係岩岩好,所以話,份量方面有d搵笨,如果6個人麻要自己再出去食宵夜先夠??!!而且,佢半席都要$ 13xx, 呢個價錢可以係稻香食一圍la!講抵佢真係唔算,個價都幾貴下,但係佢有返甘上下水準先值返。算la, 總之, 食得開心,咩都抵返晒!!!

在朋友的婚宴上試過了這家酒家的食物是非常之好的..所以今天晚上便在這裡預定了數圍和同事們一聚!餐前小吃很快便吃完了.. 前菜的冷盤不錯.. 很開胃..炸魚沙律卷吃完也吃不到魚味.. 極差..翅亦是差得很.. 不知怎樣形容.. 完全沒有想過會在這裡吃到的..其餘的也是極為普通.. 沒有特別.. 味道也極平凡..只有炒飯和麵是最好吃!要是再選擇這酒家.. 這個價錢.. 還是到別的區域好些!

星期日同老豆慶祝生日點咗個四人套餐全包宴HKD1080.原盅雞燉翅: 好味真材實料...但原應頭盤上但變為差唔多最尾先上(糖水之前..)豆腐伴翡翠白玉:有心思但份量少松葉蟹腿:最好味..非常脆,青檸汁十分開胃鮑魚扒柚皮:鲍魚size較細但媽媽說柚皮好好食脆皮龍崗雞:一樣份量太少得半隻..但d薑油葱送飯超得拾菜肉末抄飯:依個超贊!好好食..抄得恰到好處!紅豆沙K la..因個人麻麻地紅豆沙..千歲大蟠桃:之前份量少之關係..有大壽包頂頂先.....點知.....?話壽包冇stock(但我地係1845入座)..要換流沙奶皇包..of course 抗議啦因為我老豆生日怎能冇壽包呢?叫佢幫幫忙一定要有...再加上大壽包同流沙奶皇包size差好遠的..嗰個冇掛名牌嘅服務員就冇乜出聲行咗去..咁即係點?冇再講我地當有ga la!At last..如圖中所見..4個大壽包變為3小壽包+3個流沙奶皇包.我地當然揾返嗰個冇掛名牌嘅服務員理論..點知佢仲話3小壽包=1個大壽包,3個流沙奶皇包=3個大壽包..態度仲好似益o左我地咁.講完就沖沖走咗...come on...3個流沙奶皇包真係=3個大壽包?I

Today's is my grand father's birthday. We book a table of 6 persons at this restaurant at 1:00pm. There is no waiting time because many people goes to another restaurant called "Dragon King" which is only one floor up.All the dim sum we ordered were cold, !!! and not delicious. 2 years ago I went to the same restaurant at Harbour City in Tsim Sha Tsui with my friends and the food was good. How come the food quality dropped a lot. I think may be the ownership has changed hands.Anyway, won't t

八月四日（星期三），一行五人來到鴻星開餐，經一論商議，決定是晚餐單如下： 杏汁豬肺湯，奶白的湯，杏仁味足，湯料有豬肺外，還有豬粉腸，兩樣都是小時候喜歡食的豬東西，但由於烹調要好多功夫，加上要健康飲食，跟它們寬別多年了，如今重逢，更覺滋味。 白酒煮太平洋花甲，令人有點失望，除了花甲的size比預期細隻外，跟餐牌的圖片差很遠，還食到一隻有異味呢。 上湯焗波士頓龍蝦，龍蝦肉鮮甜，調味料濃淡適中，不錯。 百花炸釀松葉蟹腿，釀在蟹腿的花膠爽口彈牙，雖是炸，但不覺油，雖有刀叉預備給我們，但還是用手拿著蟹腿食感到更滋味。 香葱蒜和牛崧炒飯，不捨得食和牛排就要了這個炒飯來滿足口癮喇，講真，那些和牛崧切得很小很小，食不到和牛真正的滋味，但整個炒飯很好味道，飯是炒得一粒粒而又不太油，食得很滿足。 黃油蟹灌湯小籠包，雖然皮薄多汁，但沒有令人食過回味無窮的滋味。很豐富的晚飯，感覺真是幸褔。