鴻星中菜 (源成中心) (已結業)

係屋企叫外賣 之前食過晚餐套餐覺得質素都唔錯 雖然聽人地講大閘蟹唔好食，，，，，好伏 但心唸我地食點心點都唔會出錯啦。，，，，點知，味道其實都幾好既，除左份百幾蚊的燒鵝完全差評。其他味道都幾好食，起碼對得起佢點心幾價錢重點要講下陳村粉排骨 我打開真係o曬嘴。。。。。。甘都得咩，得幾塊，。。。真係無言以對，但排骨又真幾好食wo總之 曬左三百幾蚊我瘋狂比屋企人話（明明是我請客為什麼要承受這麼多）罵著罵著就又肚餓了 想去試下熱狗 希望唔好再呃我啦

本身黎到冇唸住食大閘蟹架，但比個經理講多兩講，又適逢大閘蟹季節一於試下啦😉一開頭個炸豆腐真係好滑💜💜之後黎到主菜啦兩皇一后🦀🦀都不過不失又有好多膏。d姐姐中途仲會不停幫你refill薑茶 🍵🍵臘味飯夠熱又好食整體黎講一個價錢食到咁多款式，確實不錯而且個經理會即場起面前幫你煲返d熱湯，絕對吾係暖暖地送上黎就算架。個人覺得最貼心嘅係，d姐姐會等你食完一隻先慢慢上另一隻等你吾洗食得咁急咁趕

今日（6/10/2020），嚟觀塘飲茶，原本想去鱷魚恤中心搵食，點知幾間酒樓都要等位，唯有行多兩步落工廠區，嚟到喱間，唔駛等位，可直入。早茶大、中、小點75折，其他9折，比起鱷魚恤中心既酒樓貴些，但唔駛等位。點了6個點心皮蛋粥 ，好綿，好多料，夠咸味鴻星燒賣皇 ，好食，正潮州粉果，皮好薄，略厭餡料有唐芹蜜汁叉燒包，個樣有別於經常食開既叉燒包，食落麻麻地好食家鄉咸水角 ，最差喱個，皮好厚，無咩餡，一咬落成口油 原隻鮮蝦腸，蝦都算好大隻及爽口，好食埋單$166.9，都合理

有個朋友成日同我講鴻星嘅貢棗糕好好食，之前試過元朗果間分店簡直令我覺得好不堪 (係所有菜式都好不堪唔係單單貢棗糕🤦)，今日決定俾多次機會佢，所以去試另一分店～兩個人去飲午茶，因為驚果頭好多office 而且堂食只開放一半檯既要求會好多人，所以早啲打電話去book一點鐘都有位，去到原來都仲係有位😅我地叫咗叉燒包，貢棗糕，馬拉糕同埋蝦腸～蝦腸係最出色果樣，皮滑但唔會太厚，真材實料好多好爽既蝦👍叉燒包外層鬆軟但偏濕同偏厚，餡料正常，唔會太甜或太鹹～貢棗糕上碟果陣係好微微既暖，個人覺得如果熱啲紅棗味會出好多香好多，口感偏硬左啲啲唔算好煙韌，無朋友講到咁驚艷😅馬拉糕一食幾香紅糖味，不過食食下覺得太多粉，一般般～咁岩今次做緊八折優惠，如果用正價食既話應該唔會揀鴻星😅

第一次來觀塘分店，詁唔到食物味道質素完全唔掂。簡單的鮑魚汁雞腳，完全沒有味道，好似煲完湯的雞腳，非常失望。以往只去荃灣分店，做得非常入味，但觀塘的食品太失望。絕不推介，下次也不會來。

從朋友介紹得知鴻星而家有一個外賣套餐，如果自己去攞，更有自取外賣㗎，於是想去試吓，去到叫咗外賣套餐等左一陣好快有得攞，而且仲係熱辣辣嘅添今日嘅滋潤靚湯係西洋菜湯，西洋菜湯裏面嘅湯渣非常多，放埋一碗竟然有一碗滿，非常足料，冬天飲多啲滋潤湯水對身體都好啲，真係好耐冇飲過住家靚湯而我哋仲可以揀一款燒味， 燒味亦都可以任選一款，我哋揀咗燒味拼盤，燒味拼盤係叉燒、燒肉、椒鹽豆腐組成，叉燒好多蜜汁，而燒肉雖然攞到返屋企個燒肉皮冇咁脆，但依然非常香口，唔錯另外小菜我哋揀咗乾鍋茶山菌豚肉，豚友嘅油脂分布平衡，而且肉質好嫩，再加埋山菌，真係足夠將成碗飯食晒，而且呢一個餸唔油膩，大人小朋友都啱食另外呢個套餐更配白飯，真係連白飯都慳返唔使自己煮，真係非常方便衛生

最近行街見到鴻星中菜做緊外賣自取優惠，於是我哋就叫咗一個外賣套餐返屋企食而呢一個套餐更有外賣自取價！真係啱晒而家唔想出街嘅我哋套餐包括一款滋補靚湯，而今次係西洋菜湯，西洋菜湯非常清甜，而且好啱冬天滋潤身體小菜亦可以任揀一款，我哋揀咗君度橙花骨，呢一個橙花骨酸酸甜甜，作為開胃嘅小菜相當不錯，而且分量亦算多，我家小朋友特別喜歡另外蔬菜方面亦可以任選一款，羊肚菌紅燒豆腐，紅燒豆腐同白飯一向都係絕配，加埋紅燒汁，零舍滋味，而且豆腐上面仲鋪滿羊肚菌，呢一隻菇類菇類味比較重！另外仲有四個白飯，份量亦都足夠四個人食，有下次

尼排疫情問題，少左出街食飯，主要都係係屋企煮or叫外賣～早排join左某外賣APP有code送，叫定幫襯下～鴻星酒家做緊$328二人餐（三小菜加兩白飯） 唔洗出街 直接送上門😇脆皮燒肉好好食！皮脆仲微暖～而且唔會太咸同太肥😍出色既燒肉啊君度橙花骨個醬汁酸酸甜甜超開胃😃用來送花最岩，仲有八大舊骨，每人買舊超飽！竹苼野菌浸魚腐個上湯好似好夠味！仲有唔同既菇類同西蘭花～竹苼同魚腐吸哂湯汁🤤勁鮮甜好味！

呢間鴻星服務差，喺觀塘就出咗名㗎啦！因為有兩張$100禮券，冇理由唔用所以去咗食lunch。點心拼盤，質素平平，所有餃子皮厚到不得了。差不多成$200嘅燒煵仔拼叉燒撈麵～淨係見到面⋯咁D叉燒呢？食物質素一般都算啦，服務態度差真係冇得原諒！由入座到離開都係完全激嬲啲客嘅！對客人呼呼喝喝，我唔洗你超好禮貌，但起碼態度都要好啲。尤其肥佬經理對員工同對客都一樣咁rude(除咗新年可以R利是嘅時候除外），正所謂上樑不正下樑歪，全場我見唔到有邊一個係特別好禮貌。你收得呢個價錢，唔該俾啲好嘅服務！最大重點：我兩張禮券正面後面都有曬總公司蓋印，居然話不能用所有人態度仲串過碼頭咕喱！我們據理力爭，當佢哋唔知係咪同總公司確認咗之後，$200當然係可以用啦。但過程中所有員工嘅態度都係極其惡劣！以今時今日嘅營商環境，你仲要咁嘅態度，鴻星你等執笠啦！

又到大閘蟹季節，又見鴻星推出呢個$338每位的套餐，有三隻蟹，包括兩王一后。今年的蟹亦相當不錯很多膏很肥美。除了有三隻蟹外還有蟹粉小籠包。另外特別一讚就是臘味糯米飯，有水準。

今日同女友慶祝生日，邊度都唔想去，留區慶祝，適逢十月食大閘蟹季節，諗起鴻星做大閘蟹套餐多年。其實多年前已食過，由於上次Ｄ蟹又細隻又無乜膏，所以好幾年無外出食大閘蟹。隔咗咁耐，想再試下水準如何。早幾個鐘book 枱未full , 準時到達安排入座，各個侍應殷勤服務，order 了$438大閘蟹餐，先奉上橙汁或花雕，义燒脆皮豆腐， 然後大閘蟹逐隻上，熱辣辣，套餐每人共三隻，公乸公次序奉上，正隻隻有五両重，仲多膏然後鮑魚帶子翠肉瓜，臘味糯米飯，薑茶，桂花糕，超級滿足及飽。－定再來。之後

生日食不停，又約在幾個舊街坊食生日晚餐，幾個都喺4月生日，今晚去咗官塘鴻星話假期易搵位，而我就好老土第一次嚟呢度食，每人叫一個我睇完都叫唔到，普通一個菜都要百幾蚊真係對我嚟講好唔抵，而她們可能食慣原全你咁既感覺，有8折覺得好抵食，叫咗4餸一燉湯，隨咗碟菜每樣少少，樣樣都好靚最好味碟燒肉三寶，個名好靚都唔記得，她們樣樣都讚不絕口，哈哈哈我就唔太識欣賞，我就覺得個燉湯幾好，姬鬆茸響螺頭燉雞，見到每碟都唔多，我就只係食湯料，她們就叫二碗飯share，呢度好在無人趕坐幾耐都可以，全晚都無十枱客，有度唔好就係伙記行嚟行去可能無咩嘢做，又換碟又不停收嘢，未食完又問要唔要好煩，朋友6：30就到而我喺西貢出，假期人真多個媽咪知道假期叫我準時走怕塞車又等車真係出到去都7點，她們先叫個燒肉三寶食住等，坐到9點左右食埋蛋糕就埋單已經得返二枱人，伙記已開始明早的準備，埋單因有8折唔洗一千蚊，她們覺得更抵食又話比以前好食好多，因為我第一次當然無得講

星期五無book lunch都幾麻煩，要周圍搵，飲茶通常都有位。係門口等咗一陣啦。得點心紙同餐牌上嘅可以點，同事話想食蒸飯，要另外點就算。都眼見滿座㗎，樓底唔高，碗碟還好，我個碟仲有飯。第一道上碟我地呆咗，米網春卷，好細舊，真係唔知點分😅，手指公咁長。味道一般。再黎xo醬蘿蔔糕，都係好少，味道係夠味，蘿蔔夠淋嘅。仲有炸雲吞，正常味；煎腸粉份量正常，都幾好味，大家叫做有啲胃口。仲有鮑汁鳳爪，同事話ok。呢碟終於正常啲，蝦子野菌炆伊麵，不過我個人覺得油咗啲。臘腸卷，同事話好味。仲有叫叉燒包，奶皇包，菜苗餃，脆茄子，浸娃娃菜，珍珠雞，大家先有做ok。每人都110元，飲茶黎講有啲貴。

好朋友生日食晚飯慶祝，地點選了觀塘鴻星酒家。三人點了四個餸，包括有半隻炸子雞、君度橙花骨、魚湯魚滑浸時蔬及蟹肉蒸斑片。另加三位老火湯。炸子雞先上，賣相不俗，但似乎數量頗少。雞皮炸得脆，雞肉亦滑，不俗。魚湯魚腐浸時蔬份量大，但味道一般。橙花骨賣相不俗，但排骨入口有點硬。蟹肉蒸斑片比較有特色，斑片及蟹肉份量多，味道則頗為清淡，健康之選。老火湯為合掌瓜煲瘦肉。湯分量大，味道亦有點清淡，整體來說普普通通。最後叫了三款甜品，包括雷沙湯丸、蓮蓉西米布甸及紅棗糕。估不到甜品水準反而有驚喜，每樣甜品甜度恰到好處，比餸菜做得出色，值得推介。埋單約$800，以性價比來說，中規中矩。

賀同事升職熱熱鬧鬧上酒樓高高興興食一餐。步入酒樓見水晶燈大堂， 明亮的燈光顯得特別裝潢高貴， 可能特別為婚宴設計。大家坐下後，各同事就埋頭點選不同點心，各自選心頭美食， 爭分奪秒因午膳時間有限。 整體點心，炒飯及炒河味道都可保持水準， 除了鮑汁雞腳味道較淡外，而今日最特別，就選傳統蛋散，一碟有4件， 件件分量大，入口夠鬆化好食👍。臨走見到有壽桃包禮合供客人選購，有時長輩生日除送生日蛋糕外，又多個選擇喇！蛋散真係好大件！