鴻星中菜 (源成中心) (已結業)

小學同學聚會 搵地方食蟹宴 見鴻星有8折 所以試試 兩王一后 食蟹架撐 服務十分齊全周到 最可惜除左蟹 （只需蒸 不用其他加工) 其他所有食物都十分難食... 荷蘭豆炒象拔蚌, 全是象拔頭.... 芥蘭炒腊味, 啲腸肥到只係見到透明色 .....個漿糊羹淡如清水...最接受不到是自稱馳名的脆皮燒鵝:又梅又黑又乾 唔知係咪丁番熱.. 經理話全是這樣的 為一可讚是 ginger tea 是任加的, 夠熱夠味...最後埋單人頭都要550... 都係東海比較專門

老闆請客，一眾同事都很雀躍，千挑萬選我們前往鴻星食極上佐賀和牛宴。風乾火腿卷伴醬汁蹄味道較淡，火腿很硬雞茸花膠羹雞茸味過重，花膠過韌。堂煎佐賀和牛西冷當初酒樓提供刀具，但最後奉上時已切成粒，跟海報賣相有點出入。已且肥瘦分佈不均，有同事分到過肥的牛肉，而且牛肉有根，用刀都切不開。帶子肉沫浸翡翠翡翠味道清新，帶子很煙韌彈牙，是唯一可取的一道菜。蛋白元貝炒飯飯炒得很香，每一淡都有蛋白和元貝的味道。享用完這幾道菜，大家覺得不夠飽，以400元，卻只有這樣的質素和服務，大家都覺得無下次。

是日吃得不多、點了幾個叉燒腸，順得炒米粉及灌湯餃。順得系列總少不魚鬆。其實是魚鬆炒米加入椰菜，茶瓜及蛋一同炒。是很好吃的。叉燒腸上桌的姐姐淋上很多豉油，我笑説這碟名堂就叫酱汁浸叉燒腸好了。

上網見到3D子母小豬嘜包好可愛, 訂左1 SET同公司同事慶祝生日~~~訂既時候姐姐問我要熱定唔熱, 由於公司無蒸爐咁梗係要熱啦! 不過姐姐都好好人提左我一句, 整熱左個樣可能有少少唔同左架~其實我都無得揀所以就要熱~雖則已經有心理準備, 但現實有時真係有D殘酷... 哈~ 其實如果唔太近睇都同相有8成似既~~~

某日飲茶時收到兩張優惠劵，晚市惠顧滿200送蒜茸粉絲中蝦、片皮鴨或沙巴龍躉仔一條，於是借花獻佛同家人慶生。因為大家當晚都覺得唔想太肥膩，所以時令黃油蟹、奄仔蟹都無叫。點咗較平常菜式，包括燒味三拼：燻蹄好爽唔膩口，點醋更夾，叉燒都算軟稔，唔錯，燒腩仔都幾脆口第二道菜係豆腐煲，豆腐好滑加埋四季豆，菇等好入味第三道菜係薑蔥海蔘花膠煲海蔘爽口，花膠比較細，有部分都溶咗喺鍋底，味道偏咸最後係蒸沙巴龍躉仔，普普通通，五人都夠食。最最最後又到甜品時間～最期待嘅蛋白杏仁茶，蛋白唔算多，杏仁茶有杏仁香，仲有碎杏仁粉唔太甜，好味！紅棗糕甜度啱啱好，份量都ok, $15/3件好抵另外兩款無試，但似乎都唔錯～另外點咗兩碗白飯，兩罐汽水，少食多滋味，呢餐都算抵食

星期天家庭日，當然要和家人飲飲茶享受天倫之樂啦。因為這天我們要在觀塘轉乘巴士到沙田文化博物館，所以我們也乾脆在觀塘飲茶。鴻星酒家的食品大致不錯，最令我欣喜的是這裡有街頭小食店的那種豬腸粉，配上惹味的甜醬、麻醬，是熟悉的味道啊!可惜我見到其他食客點的有白芝麻。對啊! 大概是廚師忘了加令整碟豬腸粉香味提升的白芝麻。不得不提的更是那三隻跟點心紙所示不同的小豬。點心紙所示的是三隻可愛的粉紅小豬，但現實是三隻相貌愚笨、好像落了太多色素而變得異常粉紅的小豬。味道而言，它們是不過不失的荳沙包。比三隻小豬更驚嚇的是三隻企鵝。要不是這是我點的點心，我應該會跟家人一樣，完全看不出這三團粉皮是什麼。見到它這樣的賣相，我心裡已經對鴻星大打折扣了。至於味道，就是普通的蝦餃味。值得一讚的是，這裡有不少甜品可供選擇。這次我們選了蓮蓉西米焗布甸。賣相好看，香氣四溢，味道一流。我和媽媽二人分享一碗，實在美味到我們有點不夠喉!

在官塘區上班……見證了很多食市開業，結業。這間從前車水馬龍，由其大節或前。但現在食市越開越多……今時吾同往曰。一般來說……午餐walk in 都有位。酒楼出了特惠點心13元正燒臘粉都係30元正價錢可算大眾化……但始終老字號……所以水準和服務都keep 得到今午5人去lunch, 叫了很多點心……酥炸鯪魚角13元正一碟3隻，鮑汁鳳爪……入味大致點心做得不錯……燒鴨粉……湯底ok,只可惜燒鴨不夠香，火喉不夠Anyway,在官塘區飲茶我就去這間……

星期六本來開開心心去觀塘鴻星酒樓, 做下孝順仔拿位。 點知原來依家d酒樓咁好。 架! 在沒有人排隊的情況下, 我拿左籌。 屋企人行得慢, 表示前後腳到。都要等齊人先可以開枱。以後都唔會有開定位等兩佬飲茶依支歌仔唱。。 真係第一次聽集團酒樓咁玩野。。你唔想做我生意, 唔優做! 冇問題, 我以後都唔使考慮你架啦

去觀塘呢間飲，每次食一味菜就換一次碟，派派下碟，隻碟成大塊蒸魚個塊魚皮喺到，又派派下碟，隻碟成塊菱形紅蘿蔔喺到，又派派下碟，隻碟成塊燒鵝皮喺到，又派派下碗，個碗同匙羹有橙色辣椒油喺到， 個侍應同我哋講👉🏼係呀，唔換碟仲乾淨呀，換左仲污糟呀，真係嫁。。。侍應派碟在枱嘅中間個玻璃轉碟上，但碟疊碟咁放。。。食物太咸，糖水甜到飲唔到鴻星點解會變成咁嘅質素，食物同服務都。。。

當晚係爸爸生日 所以去左鴻星食套餐同預訂左8隻壽包。首先，由於無預訂到套餐 所以8人餐中的龍蝦伊麵賣哂😭原來由上湯龍蝦轉做芝士龍蝦只係加$30 好吸引！結果失望的，只有一大盆開邊蒜蓉粉絲蝦bb加蝦屎。但味道還可以及都大碟。食到最後可以上壽包，一打開蓋發現無熱氣出黎🙈包應該係一早蒸定了 要再放出黎！所以我地叫返佢拎去蒸熱d🤤原來鴻星壽包係連原粒蛋黃嫁而且份量都幾大，蓮蓉都唔會過甜！有機會一定要叫呀❤️而且可愛呢間晚餐人比較少 所以員工態度都好好而且好有禮貌同勤力👍🏼👍🏼

昨晚去了這間分店吃了個$368蟹餐，一如既往兩公一乸，今年的水準不錯，蟹重四両，膏的分量可接受，也很有膏香。其他菜色算中規中矩，服務方面算不錯，不斷加薑茶，甜品有桂花糕，糕身不硬，入口即溶。

剛剛新換電話，轉移舊相到新機時，先發現原來小肥一直都未為好友舊年o既婚宴寫下食評 ，幸好圖片同筆記仍然喺個電話入面，佢地婚後一年後仲有機會可以補寫返 。婚禮儀式於九月首個週五下午舉行，無奈小肥因工作關係未能抽出時間參與，要收工後先可以赴往觀塘「鴻星海鮮酒家」出席晚宴。主人家非常周到，一早已為駕車o既親友安排好酒家代客泊車服務，細佬都有份受惠 。餐廳設於大廈一樓，樓底唔高，婚宴三十幾圍包哂全層，聲浪都幾高，不過枱同枱間都仲有足夠空間走動。宴會上o既伙計大多都係臨時工，負責我地圍嗰位姐姐仔分餸效率都尚算合格。 金豬滿華堂：閃著紅眼出場o既乳豬皮層香脆，肥膏唔多，肉質都好軟腍。 果盞百花炸釀蟹拑：肥厚o既炸蟹拑好夠熱辣乾身，外層o既蝦膠爽口彈牙，蟹拑則軟嫩鮮甜，估唔到飲宴菜式都咁掂喎。 夏果黑蒜醬炒蝦仁：炒蝦仁雖然都好香口爽脆，但份量就似乎遜色咗少少，每人只有一隻 。 珊瑚帶子扒翡翠：軟嫩味濃o既帶子同蝦仁一樣，每人一隻，不過最意外o既係伴碟o既菜苗超級嫩口 。 燕窩花膠羮：每枱花膠羮o既燕窩都係分開上。花膠羮清香爽軟，環保又健康。 清蒸大海沙巴龍躉：小肥怕骨，只係偷咗

大約10時左右到達酒樓,取了一張4人飛。叫我的號碼時,帶位侍應姓劉・帶大陸口音的就問我到了幾個人,我就跟她説只到了我1人,另外3個人很快就到。她就説因為是8人枱,未到齊人不能進去。於是我就繼續等候4人枱。後來她再叫另一個號碼。我看到都是4個人(在我後面的號碼),竟然可以先安排入座並且是4人枱。於是我就問她為何他們在我後面的號碼可以先安排入座呢？她跟我説因為你未到齊人所以不可以入座。我很生氣的問她,酒樓根本没有貼出需要過半人數才可入座等告示,而且我取飛時没有向我説明需要過半人數才可入座。於是她竟然在櫃底找出需要過半人數入座的告示,在我面前貼出來。她的態度簡直令人氣憤後來再叫我號碼,因為只到了我1人,她就説没有過半數不會安排入座。4個人都要過半數才可入座,我真係覺得需要咁誇張4個人都要過半數嗎？就算真係需要過半數、都應該係客人取飛時清楚説明或貼出告示通知。如果取飛時就知道需要過半數,我可以選擇其他酒樓。發生這件事之前一直都又去飲茶,食物一般啦,有時好食有時唔好食,水準比較飄忽。但係有時都會去飲茶的。發生這件事之後,以後都唔會再去囉！！！！！ 

乜乜開心腸(唔記得左個名): 中間有D蘿蔔, 仲有D脆扑扑嘅野! 總之口感特別, 新奇有趣!菜苗蝦餃: 蝦肉雖然唔大粒, 但係同D菜苗夾埋剛剛好! 清新得黎又不失蝦鮮! 奶皇飽: 流心的, 熱度剛剛好, 唔會辣親嘴!排骨陳村粉: D陳村粉其實就好似大陸果d拉腸咁!!食完今次, 下次會再幫襯!

今晚朋友飯聚，落點喺觀塘，一心想搵酒樓舒服坐輕鬆食，睇食評，好多人話觀塘區酒樓服務差，品質曳，但既然我未試過，硬住頭皮搵間開餐。一直有幫襯將軍澳鴻星，印象幾好，今晚就一闖觀塘店。是晚5位，試咗個4人套餐($998)另加四小碟($148),之前試過鴻星龍蝦芝士伊麵，原來今次套餐加$50可轉芝士龍蝦😋。先上四小碟，即京式肴肉、蜜汁燒蟮、京式素鵝同煙鴨胸，每樣都一般，無甚驚喜。   老火例湯是夜例湯係野葛菜生魚瘦肉，湯質甜潤，肯定非味精滾湯，一煲每人分到兩碗，有媽媽的味道。波士頓龍蝦伊麵是日精選👍👍👍鴻星龍蝦伊麵素來有水準。龍蝦新鮮，芝士香濃，最緊要係伊麵處理得好，麵身乾爽，上枱後唔會有多餘水份流出，做出意粉效果，令芝士同麵可以緊密混為一體，無分彼此，口感充實，芝士保持濃郁。讚👍👍坊間其他酒樓，大多馬虎了事，當湯伊麵處理，暴殄天物。所以我只會喺鴻星先敢叫芝士龍蝦伊麵。清蒸海星班仔蒸魚喺酒樓經常出現，但亦都係最多人投訴嘅項目。蒸魚易學難精，只須魚新鮮及掌握火喉，但今晚蒸魚可謂滿分，魚肉剛好離骨，肉質鮮嫩滑溜無渣，美味。瑤柱扒菜苗家常菜，無甚特別松露醬野菌炒響螺片本人極喜歡松露特殊嘅香氣，估唔到