鴻星中菜 (源成中心) (已結業)

呢日美麗動人ga T小姐生日,我們一行4人嚟食飯,上次試點心今點試小菜,二者水準不俗有機會會再來的,今次再來比剛開幕時穏定,出品快而熱 明火靚湯 ~ 清甜好味湯料好好食 炭燒腩肉伴素鵝 ~ 燒腩肉夠脆素鵝好香味道唔錯 雪裡紅鴛鴦蝦 ~ 不過不失啦 元貝醬蒸鮮魚球 ~ 必食,賣相好靚味道又好 香蔥帶子炒飯 ~ 唔油膩口感唔錯 蛋tai仔 ~ 熱辣辣不過略甜 甜品 ~ 紅豆沙 ~ 不過不我啦

睇雜誌見到鴻星有個松葉蟹餐~8點半後有7折~所以去試下~ 一開頭去到服務態度都唔太差~ 當日唔係十分多人, 但係叫左好耐都冇乜人理我地! 叫左一支推廣緊既啤酒, 等左好耐都冇黎, 原來係冇, 要我地追佢先講!我地一行四人, 叫左四人套餐($615全包), 諗住都應該夠食, 點知份量好少, 本身我地都唔算係食好多野! 紅燒花膠雞絲翅- 首先黎呢個翅, 我果碗有條毛髮, 當然要求更換, 由更換之後d服務態度就開始唔係咁好! 佢話整碗新既翅出黎先會收碗舊既翅走, 但係黎左碗新既翅, 係冇人收碗舊既翅, 由佢放係度, 要我地叫佢先收! 老實講, 個翅真係把鬼!松葉蟹腿- 不過不失!川椒雪花蚌-ok, 但係份量少! 蠔皇鮑片菜膽- 賣相不討好, 一人一舊冬菇, 同好薄既類似鮑片! 一上枱, 睇落去到幾寒酸! 脆皮龍崗雞- 味道一般! 而且等左好耐都未黎, 之後果d食哂都冇人收碟! 荷葉飯- 第一啖真係冇乜味, 之後食耐少少先有少少味~甜品,紅豆沙- 都ok~其實一開頭都唔係抱好大期望, 不過估唔到咁差! 埋單about $700, 唔係好值呢個價錢! 原本都想影番d相, 但係把鬼火, 快d食完

話說媽媽睇到廣告話鴻星個松葉蟹餐好似好好味咁知道觀塘開左間新分店所以決定去試下提早同媽媽慶祝母親節我地一行5人叫左個"北海道松葉蟹腿全包宴(6位用)"因為8點半後入座,所以有7折,$1085, 唔洗花生茶芥加一其實6個人食都應該會幾飽,因為佢份量好足!鴻運八小碟有脆皮燒腩仔,叉燒,水晶肉,脆豆腐,蒜茸拍青瓜,煙熏鴨胸,爽脆海蜇同腐竹絲,媽媽最愛拍青瓜,因為話佢"yip"得好入味,食落好開胃. 川椒雪花蚌之前未試過雪花蚌,媽媽話好似有d "un",但我就覺得幾好食松葉蟹腿比想像中大隻!!入面真係成條蟹肉!!好好味!!紅燒花膠雞絲翅初初以為係每人細細碗,但原來都幾大碗,雖然翅只係碎翅,不過都幾多料,味道唔錯 元貝鮮菇翡翠味道唔錯,元貝有鮮味,如果送白飯食會幾好清蒸海斑爸爸說蒸得剛剛好!!唔會太老,正!!!蠔皇鮑片菜膽呢個ok la~不過不失~脆皮龍崗雞味道一般荷葉飯味道唔錯,d飯粒粒分明,而且都幾香~甜品芝麻糊總括來講呢個set係幾抵食,我見個晚有好多人都叫呢個set服務方面waiter除左幫我地埋單個位之外其他都幾有禮貌見到我地個盒紙巾用晒就即刻自動換個盒比我地,壺茶沖到淡晒又沖個壺比我

知道觀塘開了鴻星,貪新鮮同朋友一齊試食,一入店內就有好感,全店以白色為主調,感覺舒適光線充足,設計新派大方 然後點了6款點心-點心拼盆,流沙奶皇包,香煎臘味蘿蔔糕,生竹牛肉球,五柳鮮蝦雲吞,蜜汁叉燒腸粉,除了蜜汁叉燒腸粉勁唔得之外,其餘水準出品也不差 可能店舖新開張加上又要食飯時間,後加點心單追了幾次也沒有來,而且點心嚟時像飲宴一樣,一碟一碟上枱就慢了點,希望下次唔會咁啦