鴨大哥 (時代廣場)

營業中

休息中

星期五晚約舊同事食飯，要搵間可慢慢傾計嘅餐廳唔容易。諗起之前黎呢度食飯全晚冇full過，味道又過得去，諗住價錢貴少少就算啦！預早打黎訂位，順利訂到枱兼冇限時，心諗終於攪掂啦！點知今晚食到後半，已經有職員過黎要我地8點交枱，話有人等位。我提醒職員：我訂枱嗰陣你冇話限時架喎！職員作罷行開。點知轉頭有位貌似經理的人過來重申要我地交枱，話有客等緊位，即使我訂枱時冇講限時交枱都要交。1小時內前後4次有職員過黎要清我地張枱，拎埋張單過黎要我地埋單。即使我每次都重申我訂枱嗰陣你冇講限時，佢地都只係答一句：有客等緊枱。我問佢你角落張吉枱擺喺度做乜？佢繼續答我：有客人等緊位。我地7點先開始食，你要我8點交枱？我食快餐可以15分鐘食完，但我比咁嘅價錢黎食啲普通野，你竟然仲要趕客我就真係接受唔到囉！一定唔會再去！！我們點了一鴨二食，但片皮鴨未上，第二吃就已經一早來了，不是太本末倒置了嗎？而且不知是否因生菜太凍？鴨肉碎都涼了。食物外表沒半點吸引之處，故沒有拍照。

相信每個家庭都總會存在一位(或以上) 的古老長輩, 每次家聚外出用膳都難逃要到 #飯堂 的命運.. 這次申訴成功! 卻逃不過中菜的命運...哈哈! #好過冇啦♀▴ ▾ ▴ ▾ ▴ ▾ ▴荔枝山楂咕嚕肉 $138• 以荔枝作伴的確有驚喜• 酸甜味道很夠, 送飯一流 ▴ ▾ ▴椒鹽九肚魚 $88• 賣相及味道一般• 大排檔的較香脆可口▴ ▾ ▴北京烤鴨半隻 $228• 鴨皮夠脆, 唯肉身偏厚• 配料較少▴ ▾ ▴原味炒鴨崧 $70• 就賣相而言, 與理想中的落差挺大的▴ ▾ ▴海鮮鴨湯泡飯 $168• 鴨肉湯喝起來有陣藥材味, 後期則認為是香料味• 主要海鮮有蝦, 必須 #趁熱食, 放久了會很• 建議吃的時候才自行加脆米, 記得要放啊! ⓺

「廚魔」係TimeSquare開親民價餐廳，朋友提議到鴨大哥一試喱間餐廳主打烤鴨～動用乾式熟成+慢煮+快焗，i.e. 必食嘅signature慢煮原隻烤鴨～先熟成後慢煮確實令鴨皮脆肉juicy，用帶有橙味嘅包同醬平衡油膩感，效果唔明顯！實在油到一個點，只能話唔係我杯茶雲南黑土豬叉燒～厚切半肥瘦叉燒，帶少少燶邊焦脆，肉質軟焾，咬落去滿口油香但又不帶油膩感海鮮鴨湯泡飯～以大量鴨骨熬製成鮮濃湯頭，加上白飯、炸脆米、海鮮，想唔好食都難原味炒鴨崧～帶微辣炒鴨崧配生菜包，一定要襯熱食滷水鴨舌海蜇頭配川椒青醬～份量少咗啲，鴨舌亦細咗啲，但海蜇頭撈上川椒醬則微辣醒胃

在銅鑼灣時代廣場shopping,中午飯就去咗10/F果間鴨大哥歇腳，食個lunch,兩支公坐低就點咗兩個點心同一個海鮮鴨湯泡飯！呢呢環境唔錯，坐得幾舒服！點心就有鲜蝦餃皇墨西哥牛奶义燒包蝦餃王好大隻，用料新鮮，D蝦肉爽口鮮甜，有水準的製作！墨西哥牛奶叉燒包，外皮同饀料感覺較油膩，但勝在夠熱，都算合格！海鮮鴨湯泡飯用鴨殼淆成的湯底，加上炒過的米粒，浸入在熱騰騰的鴨湯內，令飯粒吸收濃湯變得輭滑可囗，湯飯之內有鴨肉，蝦肉帶子粒、香芹等等豐富材料，食味可囗！這海鮮鴨湯飯值得一嚐！

同屋企人去食晚飯，本身好鍾意食片皮鴨，所以屋企人揀左呢間鴨大哥。門口好大隻鴨公仔，裡面地方唔算大，但座位唔算迫。當晚叫左片皮鴨，鴨肉湯飯，荔枝咕嚕肉，炸奶併蝦仁，龍蝦煲。好食: 片皮鴨，師傅切到細細片，可以一次夾幾塊。普通: 炸奶併蝦仁，無乜特別。龍蝦煲，呢個有好多黑椒，所以偏辣，如果唔食得辣，唔好食甘多下面嘅粉絲，因為一啖已可辣幾分鐘。另外當時啲龍蝦有啲生生地，唔夠熟。差: 鴨肉湯飯，好咸下，皮多過肉，有少少蝦仁，性價比唔高。荔枝咕嚕肉，極品，未見過啲甘多肥膏嘅咕嚕肉，我係後生女，就唔好啦！啲亞叔亞姐級，就係至愛囉！

朋友很想食北京填鴨，所以帶了我來此餐廳試試。明明預約了，但等待了超過半小時也未有枱，如果不是朋友堅持想食鴨，我一定早已離開。最奇怪的是明明預約了，店員卻叫我們去星巴克喝著飲料等，說有位置再打電話給我們。但我們還是在店外等，催問了幾次，也提前先點了菜，終於可以進去。菜上得算快，但等待太久有點影響心情。烤鴨本身沒什麼味道，皮不是脆的，靠的就是醬。糖心鴨蛋有點失望，$98只有一隻蛋。海鮮鴨湯泡飯感覺最正常。最後店員送了甜品，味道一般。但之前的安排還是影響了整體的感覺，不想再光顧。

女朋友話想食片皮鴨，就梗係想搵間好味㗎啦。鴨大哥鴨大哥，千祈唔好扇我一鑊呀。食飯訂定張枱就緊㗎啦，七點鐘準時到達，唔駛等直接入👍🏻👍🏻點了北京片皮鴨，椒鹽豆腐，金銀蛋炒涼瓜，日本柚子檸檬雞，兩個人點左四個餸，食唔晒只好打包第二日再食😂😂😂北京片皮鴨的確唔錯，沒有令我失望👍🏻除左食物水準外，環境亦很舒適💪🏻💪🏻👍🏻

為吃北京烤鴨而來，才發現這裡的北京烤鴨不是最最最最出色，雖然已經不錯了，但鴨味不夠。這裡的小菜更值得一試，如🦆片皮鴨薰蛋（蛋跟鴨皮很夾），🐽荔枝咕嚕肉（很清新不油膩），🐟炸黃魚（功夫一流，醬汁很配），🐷蜜汁叉燒（不肥不瘦，燒得軟硬到位，口感很好）都是必試的。這裏的環境很舒服，設計時尚，座落於核心地帶來說，價錢勝價比很高。下次來銅鑼灣，想坐得舒適，又不太昂貴，試試新款中菜，鴨大哥會是不錯的選擇，一點都不失禮。👍🏻

星期六晚上8PM左右，專情黎到呢間鴨大哥試個北京片皮鴨，冇BOOK位都唔洗排隊就入得。不過落左單之後就等左好耐先上菜，差唔多都有20-25分鐘上菜之後見到分量都幾多，鴨都帶兩大碟，皮有兩蘢 仲要每塊都有用紙隔住，十分貼心同hygiene個碟醬汁及配料差唔多冇哂個時，waiter自己主動送上另一碟而片皮鴨都好好味，肉質嫰口，配上傳統食法，鴨肉加清爽青瓜及京蔥，再加上甜醬，鴨肉切得好薄，一塊皮可以放到兩片鴨肉，口感更豐富

今晚同同事team gathering 揀咗食中菜之前都試過好多間片皮鴨 今次想試下第間就揀咗呢間係銅鑼灣時代廣場嘅鴨大哥我哋五個人叫咗六樣餸叫咗個川味煙肉炒土豆絲最重要當然叫左一隻片皮鴨 好好食佢有兩籠皮 啲皮唔會太厚每塊皮都有張紙墊住 唔會黐埋一齊好貼心我哋仲叫咗個荔枝咕嚕肉 個配搭好新鮮椒鹽豆腐 豆腐外脆內軟 必食主菜叫咗個海鮮泡湯飯 佢上菜嗰陣幫我地倒咗啲炒米落去脆卜卜 食落好有口感 入面仲有啲鴨肉 蝦 好足料最後不得不提就係呢個龍蝦炒粉絲 好出色個龍蝦好新鮮 好多肉 好入味粉絲唔會一嚿嚿 加埋啲黑胡椒 炒得好香推介

我好鍾意食北京田鴨，但係唔係間間整得好食，酒樓嗰啲北京填鴨，一係就係d皮太厚，一係就d鴨肉太瘦。不過呢間銅鑼灣鴨大哥，就比到驚喜我，首先要讚嘅係餐廳好細心，啲皮會用細火熱住，Keep 住d皮暖暖地最緊要啲皮夠薄，而且鴨肉肥美，但對比北京d 烤鴨，水準當然差少少。鴨絲炒米粉米粉有少少硬同一舊舊，不過整體個味唔錯，酸酸甜甜，幾開胃。芥蘭炒肉片炒得幾野味香口，芥蘭好爽，肉片炒得幾好，唔會太老，呢個餸送飯唔錯。

姐姐生日所以出街食飯，因為大家都鐘意食北京填鴨。所以就揀咗個方便嘅地方Times square。可能星期一夜晚關係所以唔使book 位，仲有好幾張大枱剩。滿心歡喜食鴨，點知隻鴨除咗塊皮係脆嘅。其實都算麻麻，肉身唔juicy 又冇鴨香。反而嗰個鴨湯飯拼埋啲脆脆嘅米粒，呢個真係做得幾好。小朋友都搶着食，可惜份量唔多。仲叫咗個豬頸肉炒芥蘭有啲辣嘅，都炒得唔錯。服務方面就真係好似成日見唔到你咁，舉極手都冇人應你。

I must confess, I am here because of the #masterchef Alvin. Long been a big fan of Alvin, and never been able to afford #boinnovation, I thought I would try this store to get a taste of what's behind the mastermind. The store has a hilarious name, forbidden duck sounds like a entertainment-dancer name (cuz I'm pervy) but jokes aside, I am truly impressed by the lunch menu.The peiking duck is of course the star of the day. It's shinny like a star, and the juice is just impeccable. Slow cook or no

其實真心一般，因為又未至於唔好食！先講呢個黃金脆奶蝦球：賣相奇怪！簡單講，即係蝦球同炸鮮奶 放係同一隻碟，可惜問服務員呢個菜係啲乜嘢嚟，連佢都唔識講！炸鮮奶，皮係硬嘅，裏面啲「鮮奶」似係熱左嘅布甸！蝦就唔知用咗咩“哪”到 超級爽口同埋冇蝦味呢個小食，炸豆腐仲搞笑，本來叫嚟食住等人斉，點知啲人到齊主菜又上緊，呢個炸豆腐都未嚟！鴨係正常嘅，三個人食半隻分量唔算少安全嘅金銀蛋浸菜苗，兩個字～安全！真心，呢間野裝修係幾骨子，但食物質素絕對唔算好特別，而且仲係有小小中伏添！服務質素就係正常香港普通中式餐廳嘅質素，即係，永遠叫個侍應時，就算佢見到你都會扮見唔到，茶壺裏面啲茶水永遠都唔會係真真正正既熱茶！可以試，但不要滿腦子的期望

四樣野食(北京烤鴨 $428(全隻)，蒙古式炒鴨崧 $70，海鮮鴨湯泡飯 $168，荔枝生楂咕嚕肉 $138)北京烤鴨：蒸籠下仲有個迷你火爐烘住，令到餅皮唔會因為凍左而變硬。片皮鴨分兩款，一款係皮連肉。另一款係淨皮，用餅皮包住再落甜麵醬、大蔥、青瓜，如果你鐘意，亦可加入紅糖/椒鹽，一咬落去外皮脆卜卜，鴨肉又香，好滋味呀。蒙古式炒鴨崧：第二食係炒鴨崧，分幾款口味，如韓式、葡式、今次揀既蒙古式係用上孜然粉，所以食落好有食緊“土匪雞翼”既感覺，之後先食到鴨肉既味道。好似生菜肉碎包既食法，用生菜包住鴨肉崧，食落唔太膩，不過鴨膻味都重嫁，視乎你鐘唔鐘意呢種味道啦！而且覺得份量唔多，不太划算。海鮮鴨湯泡飯：呢個係必點項目丫！同一般泡飯唔同，係加入米通落去浸泡，所以米通可以索到鮮甜既湯汁之餘，又保持到脆卜卜既口感。裡面既鴨皮同樣都係脆身嫁，而且都索到湯汁，咬落去湯汁會咇出黎，反而幾香，而且裡面都幾足料嫁，又有蝦同帶子粒！荔枝生楂咕嚕肉：普普通通。