鳥棲日本料理 (已結業)

食好野唔一定要喺商場或食廈，講到工廈揾食，觀塘駱駝漆大廈都出名多好野食，除了生蠔、私房坊，還有高質cafe 小店到了晚上，逛街的人流漸少，商店開始關門，但經過鳥棲門口，人氣又變旺盛， 探頭看， 餐廳很受歡迎，座位差不多滿座，再看一看餐牌， 吃和風菜，價錢合理見到很多人點了鰻魚飯和日式火鍋，賣相很吸引，鄰桌的應該是豬扒鍋，香味撲鼻而來 經過一番掙扎，想試下沙律，三文魚沙律賣相精緻，數片大片的煙三文魚造成的玫瑰花， 底下是沾上了日式沙律醋的羅馬生菜和番茄， 再配上適量的沙律醬，很開胃餐牌上有一張很吸引的照片，是唐揚海老， 實物與照片一樣，一籃滿滿的炸蝦，新鮮炸， 香脆野味，只可惜餐廳沒有酒精飲品， 如果海老作佐酒小食，一流餐廳除了日式火鍋還有燒肉，羊肉片肥瘦適中，色澤鮮紅，上面淋了烤肉汁，放在用火燒熱的陶瓷盤上，不用再調味，羊騷味不重，很有咬口順帶一提的是，很多人都點了富士山特飲， 旁邊的女士也點了一份藍色的富士山特飲， 她不自覺地說了，好靚呀! 藍色的飲品上面有一球雪糕，飲品還有夜光的效果，小編少喝凍飲， 有興趣的朋友可以一試

今晚同朋友4個係觀塘聚一聚，去工業區果邊睇下有咩，入口有個打卡一流既特式牆入面環境不錯，梳化椅坐得好舒服明太子玉子，配搭好夾串燒都燒得幾好，香口，調味剛剛好，牛舌爽口燒菠蘿最緊要多甜！南瓜蕃薯天婦羅，外脆內軟，粉唔怕太厚又脆！幾好牛肉壽喜燒，d牛都唔差，配料有豆腐金菇等等好入味炒麵就正常味道原條鰻魚炒飯很出色，價錢唔算貴，$128但有原條質素不錯的鰻魚，炒飯底都做得幾好，醬汁配搭很好總括，價錢尼講唔算貴，味道又幾好，值得再食

今日同同事嚟咗觀塘駱駝七大廈嗰邊午餐，佢哋極力推薦一間新開嘅日式料理店，個鰻魚飯正到不得了，鰻魚控當然要去試吓啦！位於3座5樓，卡位用上大沙發坐得舒服！必點鰻魚飯，鰻魚份量十足，有十寸長，照燒汁濃郁，啖啖鰻魚肉，好滿足！另外點了一份大蝦雜錦鍋燒，用上青口、凡立貝、蟹棒和天婦羅大蝦，鮮味十足，分量亦好多！咖啡☕亦很高水準，即磨手調咖啡，仲有拉花，心機十足！餐廳整體食物質素不錯，人均$100，淨係杯咖啡都值回票價！

姐生日愈來愈近，老死百忙之中都抽時間同我食返個生日飯，幫我慶下佢。我地2個都係觀塘返工，駱駝漆又出名多野食，所以佢就帶左我黎呢度覓食，佢今次就簡左5樓呢間鳥棲日本料理啦。未入門口先見到門口嘅靚靚花牆，中間有隻鳥嘅Logo，好似想話俾人知呢度係個鳥語花香，舒服嘅好地方咁。入到餐廳，入面有好多排列整齊嘅餐桌，仲有好舒服嘅沙發椅坐，環境都幾舒服。午餐定食Menu都有十幾款定食可以簡，有豚肉、雞、魚、烤蝦、牛肉等嘅定食，亦都有湯烏冬，創新D嘅有西式少少嘅明太海鮮烏冬。另外仲有D炸物，比如炸蝦、魷魚圈、八爪魚丸、烤准山等等，同其他日式小食可以俾你單點。午市黎講，選擇都幾多。我就叫左個泡菜豚肉燒定食($68)，同埋加左$10升級左杯飲料做焦糖咖啡，而朋友就叫左鳥棲南蠻炸雞定食($72)。呢度嘅定食都會跟一個沙律，一碗湯，一個主菜同一碗飯，同野飲。對我地12個女仔黎講份量岩岩好。沙律夠哂涼浸浸，有沙律菜、少少魚籽、車厘茄等，夏天消暑又開胃。湯係麵鼓湯，唔會太咸。泡菜豚肉都幾好食，熱辣辣上檯，佢地嘅泡菜唔會太酸，帶微辣入口剛好，而豚肉唔會肥瘦適中，入口係爽口，唔會鞋口嘅，個菜有少少汁，拌飯一流，平時夏

朋友剛去完旅行回來要給我手信，當然要約她吃頓晩飯啦。今晩我們來到位於觀塘的工廈，裡面的一間日本餐廳。真猜想不到餐廳原來非常熱鬧，所以來前跟著要訂位唷。食物種類很多，價錢也很合適。差不多每一枱也點了杯會發光的飲品，我們也不例外，就點了藍桔富士山 （$35）和洛神富士山 （$35）。其實是梳打加上雲拿呢雪糕，又甜又凍很好味。裡面加上會發光和轉色的膠仿冰塊，所以十分養眼。串燒大葱雞肉 （$28）配上檸檬汁十分惹味。鳥棲豚肉炒麵 （$82）用了豚肉、洋蔥、青紅椒炒成的麵，很有日本味道，唯一美中不足就是炒麵有點梗。松葉蟹鉗海鮮鍋 （$138）非常豐富，不但有鮮甜的小蟹鉗，還有大蝦、青口、冬菇、豆腐、帆立甲和粉絲。要留意鍋是不跟白飯的。

工廈用途改變之後，好多形形色色新嘅餐廳都會佔一席位！變咗係一個潮流😬😬今日同朋友嚟駱駝漆行街掃平貨，完咗之後就入左新開鳥棲坐低飲杯嘢，食D野😊😊一嚟就比呢兩杯特色飲品吸引左😍😍富士山系到，好靚呀，面頭係雲呢拿雪糕 ！可以先食少少雪榚先🥰🥰藍桔富士山，係柑桔味，好特別☺️☺️原條鰻魚飯，好巨型啊！🥰🥰好香呀，配上芝麻更加香口，份量好足呢👍👍叫多份小食，2個人已經夠晒飽仲有其他好多特色小食，仲手調咖啡添，下次一於來試下😊😊

今日晏晝嚟食lunch，定食價格實惠。鰻魚定食$98 有飯沙律同湯，鰻魚燒得啱啱好唔會太燶，沙律菜新鮮份量亦啱啱好，用鰻魚汁送飯十分開胃，差啲想嗌多碗🤩食完定食嗌左個拖肥蛋糕 $38 拖肥唔會甜到膩，上面仲有少少乾花，層次感豐富！伴碟十分用心，老闆仲話下次帶朋友嚟慶生可以寫埋Happy Birthday，十分體貼👍🏻😻下次再嚟觀塘食飯一定同朋友一齊上嚟食！環境亦企理衛生，侍應態度好好🤙🏽值得一讚🙆🏻‍♂️

下星期係小鬼嘅大日子，因為又踏入考試高峰期，要積極備戰，所以趁這晚 Happy Friday，約佢出嚟食餐飯輕鬆下，而今次開餐嘅地點就揀咗觀塘呢間新開嘅日本料理店——「鳥棲」。餐廳位於源道60號駱駝漆大廈3座5樓S舖，門面非常搶眼，門口以一大幅花草牆作裝飾，充滿清新氣息。至於室內裝潢亦甚具特色，設計光鮮簡潔，用餐區放滿梳化座位，氣氛很舒服，驟眼看還以為是一間 Café。打開餐牌 ，食物選項非常豐富，除了有前菜、沙律、天婦羅、串燒、揚物、燒物、一品料理、食事、甜品、特飲系列及飲品外，還有不少廚師推介菜式，例如自慢燒肉系列、日式火鍋系列等。先來兩款脆囗食物，揀咗大蝦天婦羅 ($72) 同南蠻炸雞籃。天婦羅選用大碼虎蝦，以薄薄炸衣包裹，香口又保留了蝦肉鮮味，配上是日精選野菜，口感豐富。至於南蠻炸雞籃 ($58) 亦做得很有水準，雞皮很脆，而雞肉亦鮮嫩多汁，應是用上了雞腿肉來製作，配酸酸甜甜的南蠻醋和他他醬吃，開胃又美味！接著是一客黑松露焗露筍雜菇 ($52)，成品選用了多款雜菇製作，包括有金針菇、冬菇、雞脾菇、秀珍菇等，另外再加入咗露筍，用料非常豐富，而且上檯時仍熱辣辣，充滿菇香。廚師控制火

觀塘工廈有不少隱世美食，今日又有機會去品嚐一吓，朋友約左我去樓上店《鳥棲》聚吓舊。餐廳燈光柔和，座位以梳化為主，坐得比較舒服。朋友極力推薦我試吓《原條鰻魚炒飯》，是每枱客人必点美食。原條燒鰻魚厚肉肥美， 賣相真係冇得頂，沾滿濃濃的鰻魚汁，鮮甜醇厚的，肉質彈牙肥美，而且冇細骨， 怕魚骨嘅人食都冇問題。飯亦係因為加左鰻魚汁同炒，所以特別香口惹味又夠鑊氣。《軟殼蟹天婦羅》外皮金黃酥脆不油膩， 份量足，香脆可口，一隻接一隻，食不停口！《他他魷魚圈》，魷魚圈即叫即炸，熱騰騰的，外層十分酥脆，魷魚圈肉質仲好軟熟，配他他醬更可提升味道， 非常推介！原味波子汽水， 忌廉， 都是唔少得嘅碳酸飲品～

價錢及份量合理的日本食物。食日式嘢，最緊要係唔會食滯，輕輕鬆鬆咁食。相對而家嘅茶餐廳，份量太巨而沒有機會品嚐其他類型的食物。踏入此餐廳，每桌一個鍋或慢煮煎pan，點都要二選一的。滾住海鮮火鍋，令到材料都好入味。不過，個湯底其實有少少似雞粉味，但唔肯定有冇估錯。繼續點筆者最喜歡的玉子，芝士最搶味蕾，蛋亦覺新鮮，顯得明太子稍弱點。再叫了四串串燒，慢火燒製，但又不覺滿口油，真材實料。最後係間餐廳坐得好舒服，大班似的，約埋一班好姊妹聚餐，是不錯的選擇。提提大家，於openrice收藏了此餐廳，仲有小食送。

喺觀塘等朋友收工，一行四人去咗呢間喺工廠大廈入邊嘅日本餐廳，餐廳入邊唔算太多人，個感覺都唔錯，我哋分別點咗唔同嘅嘢食炸魷魚圈，炸得啱啱好，唔錯嘅一款小食大蝦天婦羅，啲蝦算好大隻，食得出好新鮮串燒我哋就點左雞翼、雞腎同埋和牛，每一樣都燒得好入味，趁熱食就更加惹味韓風牛舌，味道少少酸又有少少辣，食完更加開胃帆立貝北海燒，醬汁加咗秘製過嘅沙律醬，非常吸引香草燒羊架，我覺得呢個係必食推介，羊架燒得唔會太老，而且一啲酥都冇原條鰻魚炒飯，飯炒得唔硬，鰻魚嘅味道亦唔錯牛肉稻庭烏冬，食得出全部都係真材實料最後我哋唔夠飽仲叫多咗個牛肉涮涮鍋，除咗有牛肉之外，都有唔少嘅配菜，食埋呢個就真係完美

今日同幾個朋友去左觀塘個邊，晚餐又係openrice個度search 下食咩，觀塘既工廈真係好多選擇，想食日本野既我地，我搵左呢間新開既日本野，見評語唔錯，就上黎試下食，大家想試可以早d bk，早d bk 原來可以有折！門面好靚，係舊工廈中有新鮮既感覺，有令我想快d入去食~餐牌選擇好多，主打日式料理、串燒、炸物、日式火鍋等，價錢望完係幾合理，唔貴，最後我地芝士明太子蛋捲玉子幾嫩滑，中間夾住芝士同明太子，幾有口感，明太子不會太鹹，芝士味再濃郁d就perfect !南瓜蕃薯天婦羅炸粉唔會太厚，南瓜蕃薯都幾新鮮，炸得幾香口菠蘿、雞翼、和牛、牛舌串燒燒得幾好，雞翼幾入味，牛舌牛味濃郁，表面仲有pepper，和牛入口即溶，菠蘿都好夠甜！鰻魚炒飯原條鏝魚好大條，成隻碟咁大！鰻魚肉質新鮮彈牙，唔多幼骨，鰻魚汁非常美味又唔會太鹹，濕濕地又帶少少黏口，幾好味！豚肉炒面呢個稍為有點矢色，味道同賣相都唔突出，豚肉有點太熟，唯一好既用鐵板熱住上牛肉壽喜燒冇諗過100蚊左右，可以有呢個份量同質素既壽喜燒，鍋物好豐富，除左好多新鮮牛肉片鋪滿上面，醬汁鹹甜適中，亦有唔同既蔬菜，加上有生蛋同胡麻醬，呢個價好扺食我地4

觀塘工廠大廈滿滿神秘感，有很多年輕的人也來發展所長，特別是食肆，形式不同了。日本食物是朋友必吃，故也選擇了到日本餐廳，門外的裝飾是必拍景點，打卡一流的。坐下後便奉上了冰水，有人情感，朋友立即叫了一個小吃及前菜呢，吃的時候聊聊天，慢慢看看主吃。炸墨魚嘴十分好吃，旁附有的菜也很新鮮。不得不說蟹籽沙拉，沒有太多沙津，材料很多很足，感覺新鮮也。主角出現~滑旦吉列豚肉飯，本來不認為有多特別，但它出現後，便發現之前之假定錯了喔~店員用心地在面前用小鍋煮熱旦，流在肥美的豚肉，很有層次的吃法，而日本飯也是很仔細地分開而上🥰🥰最要點的大大鰻魚炒飯，也是份量棒，味道好的選擇，喜歡吃鰻魚的朋友亦很快吃飽喔。肥美可口而且肉質棒呢，朋友立馬表示要再來一次。好的地方，對的人，充滿人情感之日本店。

呢個星期六又搵小店試下，駱駝漆耐唔耐就有新店開，不錯！今日黎呢間叫 鳥棲，食日本野！見佢午餐都好多款選擇，同隻佬睇岩就入座！環境好舒服，又有大梳化坐！我地再睇多次就決定食乜！我地叫左個 是日燒魚定食 - 花魚一夜乾 同埋 網燒安格斯牛扒！餐飲叫左兩杯凍既烏龍茶。個烏龍茶味濃，大愛呀！但唔係太大杯，要慳住飲，今日咁鬼熱都真係好快飲哂 🤣🤣網燒安格斯牛扒，個牛既質素都幾好！但如果個面燒香D就更好！熟度其實好好，入口牛味都夠，配燒汁都唔錯！仲有麵豉湯同沙律，都好大份下！花魚一夜乾，魚味香濃，都係覺得魚皮唔夠脆，同埋配既醬汁係酸汁就好喇！不過新店可以慢慢改善！我會再黎 😋😋

假日到觀塘工廈走一走，尋尋寶。最後寶沒有尋到，卻餓了肚皮，只好去醫醫肚。醫肚地，最後選擇了這間叫「鳥棲」的日式料理店。店內是暖黃色燈光與大大張的沙發椅，溫馨舒適。餐具都很和風。雖然是日式料理店，但手沖咖啡的餐牌有整整一版！建議餐廳推出蛋糕與甜品，這樣就能又做日式料理店又做日式咖啡店（喫茶店），應該引來不少下午茶客。Iced Mocha (凍朱古力咖啡）$38咖啡意外地是冷熱同價。朋友點的iced mocha, 很吸引的樣子。Rose latte (玫瑰咖啡）$38作為一個專業港女，選擇一杯熱玫瑰咖啡,很正常吧！玫瑰花香不止在杯面幾粒花瓣，咖啡本身也有玫瑰味。咖啡柔滑香濃。芝士明太子蛋卷 $38賣相吸引，味道美味，蛋卷很柔軟，所有食材的味道都互相配合。唯一的問題是我覺得4塊份量會比較合理。就像我們兩個人吃，基本不夠分啊！燒牛舌 $35/串牛舌很大塊，燒得也剛剛好，檸檬汁與鹽的簡單調味，更能帶出食物鮮味，推薦。原條燒鰻魚炒飯 $128見很多枱都有點這個，想必是招牌菜。上菜的時候，見到整條肥美的燒鰻魚就在眼前，難免心動。底下的炒飯有用三色椒炒，香噴噴，配合燒香的肥美鰻魚，的確讓人垂涎三尺。總