鳥棲日本料理 (已結業)

睇完個標題係咪有小小迷惘呢。 朋友係觀塘返工, 對觀塘食肆既認識真係比我深好多,所以又帶左我地一行四人上樓搵食,今次食日本料理,位置係觀塘嘅駱駝漆大廈, 去到四個人坐得舒服又寬敞, 食嘢方面, 有串燒 ,有小食,有主食。餐牌封面同現場環境一樣睇圖好吸引黎到一樣好好味韓式牛舌炸魷魚圈 兩件羊架 ,味道好味又juicy 牛肉烏冬, 呢個烏冬好特別好幼身嘅又煙韌, 可惜太細碟了呢個係焗帆立貝上面啲醬汁係帶有沙律味炸蝦天婦羅 ,即炸好新鮮嗌咗幾款串燒分別兩份雞翼,兩份雞腎 ,兩份和牛, 味道唔錯, 牛好夠油香最後由於唔夠飽叫多個壽喜燒, 係牛肉壽喜燒, 我本身就食到滯仔哋先嚟 所以份量方面,的而且確係細咗啲 但係味道方面 絕對係 對得住個價錢價錢唔平四個人食咗一千蚊 ,仲要唔係好飽 ,但係味道 一流

今日朋友同我慶祝生日，揀咗喺觀塘駱駝漆入面呢間日本野度食，鋪頭細細但係位置相當舒服全部都係梳化位呢。由於9:30最後落單我哋仲未到得一個朋友到咗所以就佢點餐先我哋嚟到嘅時候佢話已經將成個Menu嘅嘢食叫晒咁滯尼一個薄燒牛肩胛～冇任何嘅調味俾你放上去佢個石盤上面燒一燒即熟～好重牛味～好食牛油果蟹子沙律，細細碟不過四個人食都夠啲菜夠新鮮😻😻😻燒雞泡魚干好吹口後面有少少濃濃地～好香口好正淮山薯條夠特別感覺健康啲做冇咁油明太子雞翼，呢個我冇食朋友話好好味雞翼都夠香口芝士燒免之雞肉棒，食到入面有少少軟骨有咬口芝士味濃～正👍🏻洛神花梳打，唔會好甜入面仲擺咗個發光嘅冰影相一流👍🏻👍🏻仲叫咗個鰻魚炒飯條鰻魚勁大條一流👍🏻不過呢個唔記得影相好好食～尼會要推介呀👍🏻👍🏻仲有個明太子芝士蛋捲都好好食又係要推介👍🏻👍🏻

知觀塘又開左新餐廳，ot 同同事就去試下先🤤係工廈入面，環境唔錯，位夠闊坐得好舒服😌原條饅魚炒飯（$128）一大條饅魚超肥美啊～驚喜既係佢個炒飯底，平時食開都係白飯，炒飯底更唔錯，食落冇咁dry😚雙重芝士年糕（$45）大大粒，燒得脹卜卜，而且熱辣辣！面有塊芝士，一咬，裏面既芝士爆出來👍邪惡到呢～好味！係價錢費左少少藍桔富士山（$35）打卡一流🤩個樣十足十富士山啊，仲放左盞燈係入面會閃下閃下！面係雲泥拿味既雪糕，加埋柑味既梳打，都幾好飲啊

開心的一餐～🥰🥰叫左3串串燒，一個鍋物，燒茄子🍆，焗什菌～全部都好好食～👍🏼串燒燒得好好，唔會太乾身👍🏼什菇黑松露味夠濃👍🏼茄子好好味，好Juicy2杯飲品識發光，好鬼靚😁😁😁環境安靜舒服😌同朋友傾偈都好好～Service好好，值得一讚！

官塘除左apm同官塘廣場，其實工廠大廈入面都有好多餐廳同店鋪，今日行工廈順便食埋午餐，我地去左鳥棲日本料理食午餐，餐牌午餐定食有炸雞、烏冬、泡菜豚肉、原條蒲燒鰻魚、是日燒魚定食等等，除左定食，飲品款式都有好多款，而且夠特別午市定食奉送麵豉湯、沙律、飲品大蝦什錦鍋燒讚岐烏冬定食-什錦鍋燒有吉列蝦、青口、蝦柳、凡立貝，吉列蝦好大條，炸列金黃香脆，蝦肉爽口彈牙，烏冬煮得剛好，不會太淋鹽燒鯖魚定食-半條靖魚，已去骨，鯖魚燒得皮脆肉嫩，因為鹽燒關係，所以非常鹹香，送飯一流橙汁綠薄荷富士山賣相超吸睛，影相打卡一流，薄荷與梳打，調配得剛好，而且不會太甜

朋友以頭返工，當然朋友知道邊到工廈有好野食啦，今日朋友帶我黎鳥棲日本料理食lunch，鳥棲日本料理位於駱駝漆大廈，由官塘地鐵站B2出口步行5分鐘左右就到達啦。餐廳裝潢不是日式風格，而是西式風格，環境舒服，枱與枱之間不逼夾午市除了有定食還有午市廚師推介網燒安格斯牛扒（$118），有餐湯、沙律、飲品，另外可加錢轉其他特飲，手調咖啡安格斯牛扒5成熟，牛扒肉質軟腍，加上了黑椒汁，食牛扒當然配忌廉湯，但以到唔係，係配日式既麵鼓湯。薄荷朱古力咖啡薄荷味濃，而且不會蓋過生朱古力咖啡味，調配得剛剛好

觀塘駱駝漆工廠大廈出名有很多美食餐廳， 今次約了朋友到五樓的鳥棲日本料理吃晚餐， 電梯一上到五樓已經見到門口青綠色的花牆，非常搶眼，店內燈光柔和，梳化位置舒適， 餐廳採用半開放廚房設計， 客人可以看到食物製作過程。餐廳供應的食物款類有鐵板料理，日式串燒，鍋物， 小食等等。 當晚點的菜式有韓風牛舌$22， 芝士明太子蛋卷$38， 牛油果蟹籽沙律$48， 原條鰻魚炒飯$128， 鳥棲豚肉炒麵$82。牛油果蟹籽沙律～ 沙律菜新鮮，但牛油果份量比較少。韓風牛舌～ 薄薄的一片牛舌入口帶點微辣，惹味！芝士明太子蛋捲～ 蛋捲香滑又軟熟，明太子不會太鹹， 如果芝士味再濃厚一點就更加好。原條鰻魚炒飯～ 鰻魚肉質肥厚彈牙又新鮮，用日本米炒飯粒粒煙韌再配埋鰻魚汁， 味道好豐富。鳥棲豚肉炒麵～ 這一款稍為有點失色， 味道不太突出，豚肉有點硬， 唯一欣賞的就是用鐵板上，可以保持溫度。整體而言這間日本料理的食物質素中上， 價錢親民，店員們的服務也很好， 所以我幾喜歡到駱駝漆大廈找尋美食的。

今日去左觀塘呢間喺工廈入面嘅鳥棲日本料理🕊🇯🇵，一去到門口已經見到個好靚嘅花花草草打卡牆💐🌿，室內係暗暗嘅燈光同梳化位，感覺幾relaxing😌menu都有幾多選擇，有前菜，天婦羅🍤，串燒，燒物🍢，揚物，一品料理，食事🍛，鍋物🍲，甜品🍮等等我地就叫咗壽喜牛肉鍋🐂，麻醬牛肩胛燒🐮同埋鰻魚炒飯🐟壽喜牛肉鍋有7-8片牛肉🐂，入面仲有豆腐，菜，粗粉絲，冬菇🍄，金菇仲有隻生蛋俾你打落去添，啲菜去到最後索哂啲甜湯底正呀🤤麻醬牛肩胛燒就有塊陶板比你自己燒🔥，都係有7-8片牛肉🐂，牛肩胛肉質比較淋，牛肉味亦重，點埋麻醬好食架😋另外鰻魚炒飯條鰻魚都幾長🐟，飯底炒過，連埋鰻魚燒汁唔錯，不過個飯凍得好快呀，要快啲食呀🤭

舊同事相約聚舊，佢知我喜歡食鰻魚，就帶我去觀塘工厦一間叫鳥棲日本料理的餐廳食晚餐。餐廳門前設計精美，綠色的植物令人感到清新又舒服，餐廳地方不大，但座位寬敞舒適，燈光柔和。原條鰻魚炒飯：飯是加左鰻魚汁炒，所以飯炒得比較濕，但都粒粒分明，原條鰻魚夠大條又厚肉，可以蓋過飯面，而且是啖啖肉又冇骨，配埋炒飯食，十分惹味！滑蛋黑毛豬扒飯：厚切的吉列豬扒好大塊，放入煲內上枱，侍應用明火將煲仔燒熱，再將另上的雞蛋汁淋上，蛋香滑，黑毛豬扒外脆肉鮮嫩，味道香濃。大蝦天婦羅：即叫即做，外層粉漿不太厚，香脆可口，蝦肉爽口。可樂配埋冰上，特別冰凍解渴

睇網址內容見都頗多人讚，所以與家人一齊到上址嘗試一下，以前曾在駱駝漆大厦食過其他食巿，知道冷氣及抽氣足，今晚我地訂左七點晚膳，準時到達，一到達就發覺店內為開放式厨房，我地已坐離厨距離很遠，但都感覺有油煙味，至於食物尚可，但價錢頗貴，3個人叫了幾個燒物及一個鰻魚飯都400幾，性價比低！

觀塘廠廈新開的日本料理，位置方便又幾好坐，味道唔錯的。舖位唔算太大，但全場均是沙發位，都幾舒服。壽喜牛肉鍋 $128牛肉靚，蔬菜甜，滿滿一整鍋的餸菜，再加上甜甜的醬油湯底，就是好味的壽喜燒。滾起之後加隻生雞蛋，撈兩撈，簡直就是完美呀！牛肉食得出係靚牛靚部位，不是一般的肥牛，都算重本。有三種菇，粒粒都肥肥白白，好有菇味。醬燒茄子 $42日式醬汁，加上木魚絲，茄子已去皮，略略燒過，很juicy ，很入味。汁燒魷魚筒 $88原隻燒魷魚，夠厚肉、幾彈牙又唔韌，唔會乾，有口感好好食。燒雞翼 $30雞翼皮燒得幾脆，加上檸檬汁，好香口十分美味。只可惜雞翼細左D，肉不多，未算過癮。菠蘿乳酸梳打 $34鮮忌廉乳酪加上菠蘿味梳打，幾夠氣，有果香又唔會太甜，大杯又好飲 藍桔富士山 $35一球雪到實一實的雲呢拿雪糕，放在藍桔梳打上冰鎮住。當球雪糕半溶之際，成杯飲品真係幾似座富士山。仲有粒會變色的冰閃吓閃吓，係幾靚架～～

我想介紹一間很特別的餐廳在kwuntong, 大概十分鐘路程。適合老人家一家大細去。鰻魚飯生熟度剛好,入口又嫩滑。濃濃的鰻魚汁及肉香慢慢滲出,野味不太辣。吃不了辣的朋友最啱不過。他們這間食店嘅鰻魚味鮮好彈牙，趁熱食最好。鰻魚飯亦有紫菜在旁邊， 新鮮有彈性。都係因為比較晚才去到， 菜式品種雖然不多，但絕不欺場。食物質量十分高分量也不少。另外我朋友點了雞軟骨， 他們的雞軟骨是即時燒非常香口。我自己比較喜歡雞腎。食店方面亦很貼心見客人想喝湯，就主動問客人是否需要加。😘

一間位於觀塘區的日本料理店，而附近有好多日本料理同日本食材公司，可想而知要脫穎而出一啲都唔容易.小妹當日被門口的裝修吸引入去一試，開放式廚房設計，環境清幽有格調，有大大張梳化，感覺就好似去左cafe咁，座得可為舒服，食品的骰，質素不錯，菜色很有日本風格，由於小妹當日唔係太餓，只係叫左啲輕食，有饑煮鮑魚，東風螺，燒安格斯牛，明太子芝士蛋卷同牛肉烏冬，而講到最抵食係鰻魚炒飯，128蚊有原條大大條鰻魚，唔係飽我實揀呢個🤤🤤.餐廳以觀塘區既價格算合理，適合帶朋友上去聯誼。

一間充滿日本裝修風味嘅日本料理店，位置於觀塘嘅工廠區，呢一區美食林立，要生存真的不容易，但係佢生存應該入去道理就係佢嘅食物質素十分之好，牛肉湯烏冬10分好味，佢嘅服務態度亦都唔錯，絕對值得大家去食

這天晚上約了朋友到觀塘吃晚餐，我們決定吃日本菜。觀塘的工廠大廈很多都開了餐廳，我們決定去尋找隱蔽的優質食物。店面：以植物作為背景，發光招牌很搶眼。裏面感覺很西式：每張椅子都非常寬敞，我們坐得很舒服：燈光柔和，雙眼很舒服。餐單印刷精美，上面有各種食物的圖片：蘆筍黑松露焗雜菇$52在外面吃飯一定要點蔬菜，為了身體健康！蔬菜非常新鮮，冬菇咬的時候有汁咇出來。黑松露份量足夠，每種蔬菜只要蘸上一點點，吃後齒頰留香。牛肉稻庭烏冬$82烏冬口感彈牙，湯底清甜，又有牛肉的香味。牛肉夠薄身，容易咀嚼。原條鰻魚炒飯$128鰻魚非常大條，肉質鮮嫩。飯香十足，加上鰻魚汁令人滿足。綠茶大福$48這是日本非常出名的甜品！大福質感柔軟，有濃濃的綠茶味，還有紅豆作配襯。埋單$341，平均每人$171，有加一服務費，以晚餐的價錢來說，算是可接受。餐廳氣氛、食物和服務員質素都很高，我們有機會還要再來！