鳥棲日本料理 (已結業)

每逢下班時段, APM既食肆一定人頭湧,湧, 等位等到天方地老, 所以我地轉移陣地到附近翻新工廈---駱駝漆大廈。舊同事帶左我去3期其中一間餐廳, 餐廳面積不大, 勝在環境清潔, 有種舒服感覺。Menu上款式唔算好多, 但有幾款都幾有特色。【薰衣草波子汽水】HK$28 第一次飲, 味道好似加左少少提子汁既波子汽水, 都幾好飲, 唔係預期既伏!【他他醬魷魚圈】HK$58 魷魚圈炸後表面不油膩, 很香脆, 魷魚仲幾爽tim~ 有沙律醬吊一吊味, 呢個小食唔錯【芝士明太子蛋卷】HK$38 雖然蛋卷唔係好滑果種, 蛋香味唔太重, 不過微微蛋甜遇上鹹鹹地既芝士明太子, 味道balance配搭又幾match~【胡麻汁牛肩胛】HK$68 侍應送上小小鐵板, 點上火, 個爐幾精緻的式, 冇想像中既痴底牛肩胛為薄切, 色澤不是嫩紅般新鮮, 帶些少啡, 不過放上鐵板上燒幾燒, 入口質地都幾嫩, 點上芝麻醬, 感覺幾日式~【原條鰻魚炒飯】HK$128炒飯撈左鰻魚汁炒, 粒粒分明, 個汁好creamy, 好似食緊糊仔咁, 原條鰻魚已被去骨, 但我食到一兩條幼骨, 可接受啦! 質地偏林, 平均掃上鰻魚汁, 甜甜

今天約了客戶在觀塘食dinner, 他說有一間食鰻魚飯的餐廳好正，我當然要試下la咦！原來又是在駱駝漆工廠大厦，之前在同一層都幫襯過另外一間餐廳餐廳主打各種日式料理，串燒，炸物，一品料理，以至日式甜品和手調飲品。除了必吃鰻魚飯外，我當然要order番D串燒la鹽燒牛舌$35~牛舌不算很厚，但牛味濃，燒得好香好爽口，表面灑上pepper, 令牛舌有些微辣帆立貝北海燒$76(2隻)~帆立貝加了大量的沙律醬一起燒，加上蟹籽和蕃茜，酸酸甜甜非常開胃，好美味！帆立貝肉質也爽甜煙肉蝦卷$32~煙肉包住爽脆的蝦肉一起燒，不錯秋葵豚肉卷$32~秋葵和豚肉原來好match秋葵可解豚肉的膩，好正燒雞翼$30~雞翼表面燒得好香脆，內裏juicy, 肉質亦滑嫩原條鰻魚炒飯$128~鰻魚肉質非常新鲜和彈牙，鰻魚汁亦非常美味日本米飯加埋鰻魚汁，青紅椒粒一起炒，濕濕地又黏口，好好味果然名不虚傳爆谷咖啡$38~手打咖啡，有少許爆谷香味，咖啡味苦中帶甘，拉花亦非常漂亮

嗰日放工約咗同事食飯，返去觀塘工廈睇下有咩好嘢食，見到工廈上面有一間日式嘅好似唔錯，就去試吓啦！其實佢身處地方有少少難搵，不過依家工廈樓上嘅餐廳越開越多，要搵好嘢食都要付出少少代價💪入到去又係別有洞天，非常精緻嘅日式餐廳格局，清雅嘅擺設令我哋忘記咗呢度就係廈之内，店員亦都非常殷勤有禮，開放式廚房令我們可以看到煮食的情況。食物種類唔算很多，每樣食物都編上編號，有1號去到50幾號，所以我哋揀嘢食都非常之簡單直接清楚，亦都唔使選擇太久。前菜我們選擇了忌廉芝士豆腐沙律🥗（$52）賣相非常之「得」！除咗有芝士豆腐生菜等，仲有蕃茄同埋蟹子伴碟睇上去色彩繽紛已經好想食!味道都唔錯幾清新！呢個價錢有呢個份量真係抵!前菜仲有韓風牛舌（$22），小小的一碟已有十片八片牛舌，牛舌醃得入味而且嫩夾爽，韓式辣醬有啲很開胃！非常不錯的醒胃前菜！小食方面我哋仲揀咗月見免治雞肉（$58），睇上去細細一碟似係蒸肉餅上面有一顆生雞蛋，食落去非常之嫩滑而且順口，溝埋生雞蛋食滑不溜口！中間個仲加左一啲雞軟骨令口感更加豐富！味道亦都唔錯！ABC朋友都話呢個好味！另一道小食我哋揀咗北海道陶板腸（$108），其實係好似打咗蛇餅嘅香

Lunch繁忙時間, 駱駝漆樓下一定有條長長嘅等𨋢人龍, 今日由觀塘返工嘅朋友帶路, 上左位於5樓嘅鳥棲日本料理, 門口花牆sharp醒招牌好易認, 望入去, 好有cozy感, 全部梳化椅坐得好舒服, 午市定食menu有多款選擇: 豚肉, 炸雞, 海鮮, 烏冬, 鰻魚.... 食咩好呢🤤>所有午市定食都包括蛋花湯, 沙律>是日燒魚定食- 蒲燒潮鯛魚 (HKD88)其實係未食過蒲燒style嘅鯛魚所以叫, 蒲燒汁好好味, 每一片厚切鯛魚肉都塗滿美味蒲燒汁, 食落好似入口即溶咁, 肉質超滑der, 無揀錯! 正因為多汁, 配珍珠飯實在令人停不了口.>原條蒲燒鰻魚定食 (HKD98)Wow wow, 估唔到條鰻魚有成個碟咁長ga! 蒲燒汁嘅味道完全滲入鰻魚肉, OK厚嘅鰻魚燒到非常之moist, 吃得出食材高質+用心的料理. >見到手調系列咁多款冷熱飲都只不過加HKD10, 識飲一定揀手調嘅.>榛子🌰鮮奶 (+HKD10)食飽飽, 來杯棉密奶泡嘅榛子鮮奶, 自己再慢慢享受lunch hour人潮過後嘅寧靜.>鮮奶咖啡☕️ (+HKD10)>

一啲都唔抵食，你嘅租金已經平咗一大截，但係啲餐仲貴過出面啲街鋪，仲要我哋排隊排餐死，又唔係乜精彩特別嘅菜式，只係一般日式較低層次嘅味道，好難吸引人再次光顧，一次無回頭

身為港島人，真係好少去觀塘工廈搵嘢食，今日跟朋友第一次去觀塘工廈搵食。環境真係麻麻，但係原來柳暗花明又一村，行吓行吓，見到一間門口佈滿花花草草嘅小店頗為雅緻。內裏裝修簡約，燈光浪漫，都幾適合情侶進餐架。首先要讚下個牛肉道庭烏冬，牛肉肉嫩，烏冬彈牙，湯底清甜，比市面上很多有名氣嘅日式餐廳都要好吃。另外日式汁燒魷魚筒全隻上，燒得剛剛好，依然保持到魷魚嫩滑嘅肉質，醬汁濃郁。明太子芝士蛋卷簡直係一絕，軟綿綿非常好吃。

鍾意自己帶酒。成日都要周圍搵free corkage嘅餐廳。上次路過見到呢一間新開嘅餐廳大部份都係梳化位。想坐得舒服啲於是就嘗試問下。結果係free corkage。望一望個Menu。食物嘅價錢平。分量就細細份咁。絕對啱晒2個人黎又好想試好多唔同野嘅人。前菜叫左磯煮鮑魚。芝士明太子蛋卷。鮑魚彈牙入味。不過就冇乜鮮味。配埋嘅醬油過鹹可以唔用。蛋卷有驚喜。芝士蛋卷上面有一條明太子。明太子微辣又唔會過鹹。配搭一絕。串燒叫咗牛舌。雞腎。和牛。大蔥雞肉。牛肉雞肉麻麻。不過雞腎牛舌大讚。厚切爽口。調味亦足。茄子已經去皮。厚肉多汁。配上日式甜面醬。味道清甜。一夜干有驚喜。味道適中有鹹香味。雖然油脂唔夠。不過魚肉好厚。以呢個價錢質素非常高。同白酒十分配合。炸墨魚咀選用大粒墨魚嘴。所以入口時有汁又有咬口。不過略嫌俾七味粉搶晒啲味。同埋份量較少。天婦羅大讚。炸漿夠薄。南瓜夠甜。明顯炸嘅時候有再洒炸漿落天婦羅上面。所以天婦羅面有好多又散又脆嘅炸漿。以呢個價錢食咗咁多嘢真係性價比超高。開放式廚房亦冇令到餐廳有一陣油味。餐廳冇限時。2人都係坐4人枱。大讚。不過就只收現金。記得帶錢食飯。

到落駝漆買開倉嘢順便上去搵嘢食見到間睇落好似幾好坐既日本料理裝修色調唔錯就入去試下啦牛油果蟹籽沙律牛油果沙律雖然價錢唔貴，但牛油果略嫌太少原條鰻魚炒飯鰻魚飯條魚幾長冇魚腥味，而且個飯汁味道十分豐富整體不錯北海道陶板腸特色野，配 芥末籽醬，表現正常魷魚鬚有切開多份可以share醬汁和咬口都唔錯巨峰富士山有得睇，又好玩極體不過不失食物不錯裝修色調柔和舒服坐椅 梳化幾好坐

觀塘駱駝漆大廈以前是工廈，現在已經番新，內隴非常多小店，活像一個小商場一樣，凍肉店，小賣店，手飾店都有。餐廳就比較少，而鳥棲是指什麼？或許就是像鳥居一樣，是鳥住的地方吧！採用全沙發的形式，燈光略暗，坐得非常舒適。午市套餐滿抵吃的。有沙律 湯 白飯 飲品跟主菜。自己點了個鰻魚飯，鰻魚骨少，照燒汁份量足但不會太多，甜度適中至於朋友的南蠻炸雞也是炸得juicy，沙律醬恰到好處。坐著聊天真的很舒適，餐廳也不吵雜，可以呆一個下午呢。

是日微雨，於觀塘區工作，自然不想行太遠，為左照顧一班同事們的happy friday lunch, 我呢個歡樂小姐又再周圍search揾野食！然後見駱駝漆大廈有新野可以試，今次俾我發現到呢間新開的日式cafe！餐牌都有八、九個選擇，算多選擇！價錢定價合理！門口都有一張大大張既中午飯餐牌，有埋相，我地成班人其實就係望住相黎叫！我地幾個人分別主要叫左呢四款！炸蠔有同事嫌未夠新鮮，但外面炸得幾好！花魚一夜干，就有人提話味道咸左些，以份量來說就好鬼大份既，不過要小心食，因細魚骨也不少！原條鰻魚以份量來說，都係足料，但就嫌上碟時熱度唔夠，涼左些！我自己選的，大蝦好脆，以中午價錢82蚊來說，我覺得我的餐不錯，不過我都覺個鍋唔夠熱，要扣下分數啦！希望小店可以加番熱食物既熱度，調味可以調番唔好咁重手！成個中午飯，店舖都不少人幫襯，睇黎開業無耐，仲有得再更上一層樓！

工廈嘅食肆越嚟越多選擇，因為住喺九龍灣所以經常都會去觀塘嘅工廈尋找美食。今晚就搵到呢一間叫漂漂亮亮嘅日式餐廳。全部座位都係sofa卡座，坐得都幾舒服而且地方好闊落。汁燒魷魚🦑筒 醬汁香濃，魷魚新鮮，煎得剛好。三文魚魚胶 新詩，外脆內軟，都幾香口。煙三文魚沙律 🥗 分量大，煙三文魚茄，沙律菜新鮮，醬汁亦都很多。原條鰻魚🐟飯 這是今晚是日推介，真係原條鰻魚上碟，非常抵食，醬汁甜甜的非常可口。價錢10分大眾化，一家大小食到飽飽都唔使$500。

間唔中都會去觀塘睇下開倉睇到咁上下，就搵飯食呢間餐廳應該係近期新開既張沙發係舒服既但同張枱既高度有小小唔夾食既時候有小小辛苦原條鰻魚炒飯我地兩個人share 都夠，原條上夠哂肥美而且無骨不過我認為炒飯汁可以少一點南蠻炸雞，炸得幾香脆啖啖肉，而且炸粉唔多👍🏻👍🏻淋上沙律醬汁牛肉壽喜燒鍋但飯/烏冬就要另加錢牛肉味都夠濃最後仲試左杯latte😋😋呢間餐廳食下小食或者同朋友飲下咖啡唔錯嫁

芝士明太子蛋卷—蛋卷軟綿綿，淡淡的芝士味再配上明太子的辛辣，絕配牛油果蟹子沙律--牛油果好新鮮，夠晒熟，配上蟹子同青瓜感覺好清新南蠻炸雞籃--炸雞熱辣辣，南蠻雞醬嘅配搭剛剛好他他醬魷魚圈--魷魚圈都係熱辣辣，可以點他他醬，或者唔點就咁食已經好好味原條鰻魚炒飯--鰻魚真係原條上，炒飯好有鑊氣，加埋鰻魚汁仲有另一番風味櫻花水信玄餅--真係有櫻花㗎，水信玄餅個汁好夾巨峰富士山--好靚嘅紫色，甜到剛剛好藍桔富士山--神還原富士山，味道就係甘桔味

觀塘工廈有一大發現。 門口有一幅佈滿花花草草嘅特色牆，非常易認。小姐第一件事就order 左凍朱古力。 非常龍口朱古力味，唔會太甜，忌廉滑滑，小姐飲得非常開心。 另外都order 左幾樣啱小姐吃的： 芝士明太子蛋卷～ 因為小朋友唔食辣，請問店員可唔可以唔要明太子淨係要芝士蛋卷，店員都話可以，蛋都非常香滑，而且有滿滿嘅芝士，超級好吃。花海一夜干 ～呢一個一定要特別介紹，魚肉非常非常嫩滑，而且無乜骨，真係好啱小朋友食，小姐都食咗超過半條，媽媽表示非常安慰。牛肉道庭烏冬～湯底先甜龍尾，烏冬彈牙。。價格便宜，會再去。

觀塘駱駝漆除左多outlet，其實仲有幾間我成日幫襯嘅凍肉店，今日來附近買野就順便食埋個午飯先走。呢間鳥棲日本料理睇落幾新，環境夠大，而且全部梳化位，相對工廈餐廳都算幾舒服，加上價錢合理，一於試試。假日午市大約半滿座，燈光稍暗，廚房、水吧半開放。menu選擇都幾多，以日式為主，沙律、小食、炸物、串燒、燒物、定食等。午市價錢68蚊起，送餐湯、沙律、咖啡/果汁/茶，或者加錢升級特飲。定食有例如燒魚、牛肉豆腐鍋、原條鰻魚、海鮮烏冬等，款式多樣。咖喱吉列豬扒滑蛋定食：賣相唔錯，一大塊吉列豬扒淋上滿滿咖喱汁，白飯上蓋有滑蛋，伴沙律菜。咖喱汁日式口味，偏甜不帶辛辣，容易入口且十分下飯。吉列豬扒外層微脆，唔會太厚粉，只係肉質一般，偏多筋，而且稍肥。滑蛋名符其實十分滑溜，薄身，入口化開。定食附沙律同餐湯。原條蒲燒鰻魚定食：原條鰻魚都十分長，而家好多間餐廳都有做原條鰻魚飯，呢度質素中規中矩。蒲燒幾香，汁量適中，鰻魚本身質量還好，偏瘦唔夠厚，同超市買嘅差異不大，食落完全無骨。飲料方面升級左榛子咖啡，嗯，甜甜地，味道唔錯。呢杯真係打卡一流嘅藍桔特飲，面頭仲有球雪糕，一路著住燈，閃下閃下，隔離枱嘅小朋友都不知