影片
更多
2019-06-29
35 瀏覽
下星期係小鬼嘅大日子，因為又踏入考試高峰期，要積極備戰，所以趁這晚 Happy Friday，約佢出嚟食餐飯輕鬆下，而今次開餐嘅地點就揀咗觀塘呢間新開嘅日本料理店——「鳥棲」。餐廳位於源道60號駱駝漆大廈3座5樓S舖，門面非常搶眼，門口以一大幅花草牆作裝飾，充滿清新氣息。至於室內裝潢亦甚具特色，設計光鮮簡潔，用餐區放滿梳化座位，氣氛很舒服，驟眼看還以為是一間 Café。打開餐牌 ，食物選項非常豐富，除了有前菜、沙律、天婦羅、串燒、揚物、燒物、一品料理、食事、甜品、特飲系列及飲品外，還有不少廚師推介菜式，例如自慢燒肉系列、日式火鍋系列等。先來兩款脆囗食物，揀咗大蝦天婦羅 ($72) 同南蠻炸雞籃。天婦羅選用大碼虎蝦，以薄薄炸衣包裹，香口又保留了蝦肉鮮味，配上是日精選野菜，口感豐富。至於南蠻炸雞籃 ($58) 亦做得很有水準，雞皮很脆，而雞肉亦鮮嫩多汁，應是用上了雞腿肉來製作，配酸酸甜甜的南蠻醋和他他醬吃，開胃又美味！接著是一客黑松露焗露筍雜菇 ($52)，成品選用了多款雜菇製作，包括有金針菇、冬菇、雞脾菇、秀珍菇等，另外再加入咗露筍，用料非常豐富，而且上檯時仍熱辣辣，充滿菇香。廚師控制火
下星期係小鬼嘅大日子，因為又踏入考試高峰期，要積極備戰，所以趁這晚 Happy Friday，約佢出嚟食餐飯輕鬆下，而今次開餐嘅地點就揀咗觀塘呢間新開嘅日本料理店——「鳥棲」。餐廳位於源道60號駱駝漆大廈3座5樓S舖，門面非常搶眼，門口以一大幅花草牆作裝飾，充滿清新氣息。
至於室內裝潢亦甚具特色，設計光鮮簡潔，用餐區放滿梳化座位，氣氛很舒服，驟眼看還以為是一間 Café。
打開餐牌 ，食物選項非常豐富，除了有前菜、沙律、天婦羅、串燒、揚物、燒物、一品料理、食事、甜品、特飲系列及飲品外，還有不少廚師推介菜式，例如自慢燒肉系列、日式火鍋系列等。
先來兩款脆囗食物，揀咗大蝦天婦羅 ($72) 同南蠻炸雞籃。天婦羅選用大碼虎蝦，以薄薄炸衣包裹，香口又保留了蝦肉鮮味，配上是日精選野菜，口感豐富。至於南蠻炸雞籃 ($58) 亦做得很有水準，雞皮很脆，而雞肉亦鮮嫩多汁，應是用上了雞腿肉來製作，配酸酸甜甜的南蠻醋和他他醬吃，開胃又美味！
接著是一客黑松露焗露筍雜菇 ($52)，成品選用了多款雜菇製作，包括有金針菇、冬菇、雞脾菇、秀珍菇等，另外再加入咗露筍，用料非常豐富，而且上檯時仍熱辣辣，充滿菇香。廚師控制火候和調味的功夫一流，入口菇汁豐富且芳香撲鼻，惹味非常。
至於主食方面，我哋揀咗滑蛋黑毛豬扒飯 ($82)，豬扒以爐具盛著上桌，鍋底墊滿洋蔥同壽喜燒汁。將蛋汁緩緩注入鍋內，豬扒外層很香脆，肉質鬆軟，配上嫩滑嘅蛋汁，食味一流。
壓尾嘅甜品揀咗綠茶大福 ($48)，大福面頭鋪了少量抹茶粉，外皮咬下略厚，但入口軟糯煙韌又不黏牙。餡料的綠茶味雖然不算很濃，但質感像豆蓉般綿滑，而且味道亦不太甜。至於伴吃的紅豆蓉亦非常美味，綿密而清香，質感幼滑，不甜不膩。整體來說，這裡的食物水準唔錯，加上環境舒服，價錢又不貴，絕對值得一試。
張貼
