鳥棲日本料理 (已結業)

觀塘工廈出名多嘢食，特別係駱駝漆大廈入面，今日收工就上左黎依間鳥棲食晚餐。串燒我就叫左鳥棲牛舌，兩樣都好食到一個點呀，牛味超級重，而且口感好好都唔會好韌☺燒雞翼 - 燒得啱啱好，唔油膩，雞肉好嫩滑😁😁芝士明太子蛋卷厚厚的蛋卷，蛋味香濃夠滑，再配上半溶芝士及明太子，添加咸香味，尤其明太子獨特鮮味，增加口感層次。😋😋鰻魚炒飯一上枱就好吸睛喇😙😙個炒飯真係好靚呀，鰻魚大大條，汁既份量岩岩好，雖然鰻魚大大條不過佢無咩細骨喎，炒飯粒粒分明炒得好好呀🥳🥳藍桔富士山 （$35）藍桔味道，外觀就💯。飲品入面放了燈泡會轉顏色，而富士山山頂以雪糕模仿，挺像真。☺☺

男朋友家住觀塘附近這晚便來到工廈覓食，這間鳥棲格局溫馨，周圍張貼的食物照片頗為吸引便決定進去試試🥰餐牌食物款式非常多，我和男朋友左選右選結果叫了好多食物來吃😂先上來的是川海老唐揚，蝦子能連皮整隻吃，炸的非常鬆脆香口，沾上美乃滋很快就被我和男朋友清光了😋接著是芝士明太子玉子燒，明太子非常足料👍🏻玉子燒蛋味足配上鹹香的明太子和芝士，是日最愛之一😎我看到圖片上的北海道帆立貝燒十分吸引也忍不住叫了一個來吃🙊在蟹籽和沙律醬底下的是大大的帆立貝和蟹柳，一口吞下肚絕對是大滿足🤤另一個被店面照片吸引而點的食物便是月見免治雞肉😚彈牙的雞肉餅配上生蛋黃，吃了一口後果斷叫了一碗白飯，絕對是配飯一流啊😉另一款主食我們則叫了鳥棲豚肉炒麵，用鐵板上熱騰騰，炒麵夠乾身不會太過油膩，配上日本的炒麵醬味道夠正宗！😗至於重頭戲就是這裏的自慢燒肉系列，因為不吃牛肉所以只點了鹽燒雞肉和七味豬頸肉，兩款肉只是備上少少的鹽和七味粉調味，口味較為清淡，不過勝在肉質不錯，而且是自己在一個小鐵板上慢慢地燒，和男朋友窩在沙發上，一邊聊天，一邊燒肉，確實有種自慢燒肉的溫馨感覺呢❤️最後結帳只是二百多元，以日本餐廳來說性價比不錯！來工廈這邊的

真的很久沒有去觀塘了，朋友和我一樣在灣仔上班，大家互相算是照應，下班偶爾也能約出來一起吃飯。想起了大家很久沒有吃日本菜，而且大家住的地方也跟聚集了不少美食的觀塘就近，下班便乘坐了一架往觀塘的特快線，只需半小時。不難找到門口，就是滿滿的草。裡面的環境恬靜舒適，燈光柔和，沙發也軟綿綿的。這裡比較特別的食物有自慢燒肉系列和日式火鍋系列，自慢燒肉系列原來是自己燒的燒肉，平時吃一份燒肉最基本的都要二百多元，這裡的竟然只需六十多元，真的十分便宜。每次去到日本餐廳、居酒屋都很喜歡吃炸物🤤先來的是飲品，點了百香果乳酸梳打，不曉得為何乳酸梳打上會有忌廉🤣挺特別的，百香果的味道還是有的，不過並不算很濃郁，淡淡的百香果清香，沒有很酸，飲品來說也算值得一點。原條鰻魚炒飯是這裡必吃的菜式，那麼當然得點來試試。鰻魚真的十分大條目測最少有15cm！口感都算嫩滑，只是有點燒焦的部分😅那麼就不能吃到整條鰻魚。米飯反而不錯，有大量的醬汁滲入在裡面，吃進口感覺像泰式炒飯哈哈。然後點了一份胡麻醬肩胛肉，這個方法真的頗為特別，把肩胛肉放在爐上燒，「喳喳」的聲音頓時傳到耳邊🤣不過會有少量的油彈出來，真的要小心。牛肩肉的質感很軟稔

餐廳環境幾別緻及闊落，有別於一般日式居酒屋的擠逼坐位，餐廳的所有位置都係用梳化椅子，而且沒有設用餐時限，好適合同朋友慢慢傾計食飯。雖然餐廳係主打串燒，但係作為飯桶的我係一定要有飯落肚。點左個餐廳推廳推薦的原條鰻魚飯。鰻魚唔會好淋，反而有少少咬口，口感不錯。醬汁咸度適中，不會過膩。飯底用上炒飯，每粒飯都炒得分明，大讚。雙重芝士年糕雙重芝士享受，難得地見到芝士年糕的面再加上一層燒過的芝士，所有燒物之中最喜歡這一道。芝士明太子蛋卷明太子分量好多，蛋中夾著芝士，餡料豐富。韓風牛舌平時食慣鹽燒牛舌，見到餐廳有個獨特煮法，用韓國辣汁作醬汁，重口味人士必定大愛！大蝦天婦羅惹味可口的天婦羅，相信沒有人會不愛吧！整體而言，如果想有一間坐得舒適，性價比高的日式串燒店不妨一試這家吧。

今日放工約左老友去觀塘交收，咁就係駱駝漆大廈搵食啦，見到呢間日本菜都幾好咁，門口裝修好清新，初頭唔知係日本料理，哈哈！Order左原條鰻魚炒飯，厚肉多汁，好味道!再叫左個壽喜牛肉火鍋🍲，小食叫左他他魷魚圈，呢個魷魚圈值得推薦，個他他醬好好味！雖然主菜選擇少咗啲啲，但係前菜、小食有好多選擇。特飲系列都幾特別，叫左一杯藍桔富士山，一杯洛神富士山，唔太甜，飲落又開胃👍🏻。甜品叫咗個玄餅，好似水晶包咁，幾精緻。環境都幾優雅，適合拍拖情侶💑

同朋友食飯傾下計，就揀左呢間試下，食物同環境都唔錯，唔會好嘈，點左鏝魚定食同泡菜豬頸肉定食，相當唔錯。串燒豬頸肉同牛舌好好食，豬頸肉勁juicy，牛舌唔會乾爭爭，值得推介!另外仲叫左個果凍嘅物體，呢個就差啲，無厘文味，淨係知入面有朵花，但無花香味的...最初以為工業大廈梗係用阿公廁所，點知原來店內係有洗手間，真係幾好！服務員好有禮貌，因為我先點飲品，但佢會提你跟定食就唔需要咁貴，真心係幫你慳返啲，值得一讚！

觀塘apm果頭一大堆嘢食，但其實觀塘廣場果頭都有唔少正嘢，好似今次呢間，係駱駝漆大廈，果邊有三座，每座都有啲得意嘢食，今次就試試呢間日本嘢。六點入到去，無book位，侍應勁客氣話要七點半前離座，可知有番啲人氣。先黎牛油果蟹子沙律，比想像中少，亦未算好正，不過以四十幾蚊黎講又係正常嘅。鳥棲豚肉炒麵，好重日式炒麵感，極濃味，我覺得過咗火...南蠻炸雞籃，呢個堅料。兩種醬分開點雞又正，一齊點雞都正。雞嫩而滑，係成晚嘅number 2!鳥棲和牛，未去到會嘩一聲嘅地方，但都好好食！軟殼蟹天婦羅，唔多，但整得幾好。無乜油，做到天婦羅而非炸物嘅標準！綠茶大福，全晚number 1! 先講佢出面皮十分煙韌好咬，裏面係綠茶雪糕，口感上嘅轉變實在難以形容咁正。配合埋圖中右邊嘅紅豆，可有另一番體會！我覺得呢個係必點，因為以佢為甜品成餐會好滿足居酒屋形式嘅呢間鋪，係一餐入面好難食好多款嘢，但呢間我可以為佢個大福再黎試其他

今次又來到觀塘工廈搵食，呢間餐廳位於駱駝漆大廈，佢嘅門口好精緻，青綠色嘅花牆好搶眼，裏面環境舒適，店內燈光柔和，座位夠晒寬敞，有一開放式廚房。壽喜牛肉鍋整個鍋物好豐富，除左必備嘅牛肉，仲有唔少蔬菜、粉絲丶冬菇、娃娃菜等材料。湯底非常濃郁，甜豉油湯底配以多款食材，吸收湯汁，好入味，加上雞蛋就更完美。牛肉份量唔少，唔韌，點埋芝麻醬就絕配。鳥棲豚肉炒麵炒麵係用鐵板上，可以保持溫度，店員亦提醒小心熱。上枱時已覺香氣撲鼻，炒麵有少少大阪燒嘅感覺，味道帶點鮮甜，炒麵軟硬適中，口感煙韌。而豚肉亦算嫩滑，味道唔錯。月見免治雞肉呢個幾特別，店員提醒至少等10至15分鐘，因為係即叫即整。放係鐵板上，雞肉上面仲有蛋黃。外形似肉餅，肉質好嫩滑，有口感，將蛋黃撈勻一齊食，好味，絕對值得一試。串燒燒雞軟骨好香脆，落點檸檬汁味道更佳。燒冬菇帶點少少辣，燒得幾入味。大葱雞肉串燒幾香口，大葱味道香甜，同雞肉一齊食口感一流。

收工去觀塘搵舊同事聚下，跟佢帶路嚟到駱駝漆大廈呢間日式餐廳搵食。呢間餐廳係用梳化做座位，坐得好舒服。芝士明太子蛋卷 - 蛋卷上鋪滿明太子，入口除咗有明太子嘅鹹辣味外，仲帶淡淡嘅芝士味同蛋香味。日本松島魚餅 - 魚餅厚切口感紮實彈牙，味道帶少少甜唔錯。燒冬菇 - 燒得唔乾身，咬落軟彈仲有菇汁流水，好好食。燒雞翼 - 燒得啱啱好，唔油膩，雞肉好嫩滑。胡麻汁牛肩胛 - 牛肉油脂分佈均勻，肉質鮮嫩，牛味濃。不過火比較微弱，要多啲時間去燒。原條鰻魚炒飯 - 鰻魚肥美厚肉，魚肉嫩滑。炒飯粒粒分明，味道鹹中帶甜好好食。

🔹磯煮鮑魚濃郁既湯汁裹住鮑魚冰鎮後令鮑魚更有彈性更加爽口而且店家將鮑魚薄切成一片片可以一啖一口品味細嚐鮑魚既鮮甜.🔹煙三文魚沙律🥗一塊塊新鮮的羅馬生菜、苦菊、蕃茄、煙三文魚及蟹子配以蛋黃醬口感爽脆清新好開胃.🔹壽喜牛肉鍋🥘超足料牛肉火鍋入面有豆腐、冬菇、野菜、粉絲⋯D粉絲索曬d湯汁食到尾仲可以放埋個白飯做雜炊吸收牛肉湯既精華.🔹藍桔富士山🗻藍色梳打水配雲尼拿雪糕🍨以為佢只不過係一杯藍泡泡❓少年你太年青喇🤷🏻‍♀特飲入面放左粒會自動轉顏色既電子冰粒成件事超夢幻 💜少女心大爆發💕.🔹櫻花信玄餅🌸甜品方面一D都唔遜色繼續正面攻擊小編既少女心😍水晶球包住一朵正在盛放既櫻花叫人點捨得食落肚👉🏻👈🏻

難得嚟到觀塘呢邊番工，晚餐緊要搵番間工廈餐廳試試啦。鳥棲出面佈置得好靚，黎食嘢之前順便打打卡都唔錯。鹽燒牛舌 ($35) 燒牛舌必食!值得一讚係佢口感好彈，灑上鹽同七味粉令到個牛味好出。一個字: 正!醬燒茄子 ($42)燒茄子燒得好冧再加上燒汁，上面加左蔥同木耳，有兩種層次。而且茄子味又唔會比燒汁蓋左。香草燒羊架 ($52)羊架有微微羶，我食落就覺得岩岩好。如果怕羶的朋友，滴啲檸檬汁就可以。原條鰻魚炒飯 ($128)鰻魚係典型的日式鰻魚，食落唔錯。炒飯就用咗好幾種材料: 紅椒，青椒，蛋加上鰻魚汁，令到成個炒飯口感好豐富，而且都幾野味，仲配左沙律菜。壽喜牛肉鍋 ($128)壽喜燒配咗隻生蛋同芝麻醬。店員提醒我哋喺壽喜燒滾咗之後就可以落隻蛋落去。壽喜燒嘅牛肉好厚好大片， 亦都包咗正常壽喜燒會有嘅其他材料: 粉絲，豆腐，冬菇，菜。

駱駝漆多餐廳就大家都知，但你地又知唔知呢到有間裝修係西餐格局但又係賣日本料理嘅《鳥棲》呢😌一入到去，感覺好似去咗cafe咁，坐低飲下咖啡又可以chill一日嗰種。估唔到呢到雖然係日本餐廳，但又真係有咖啡飲喎🤓藍桔富士山（$35）講到飲品，我哋就叫咗杯特色飲品，富士山。飲品入面放咗變色燈，所以出嚟效果好靚，仲一路飲一路轉色添。梳打面頭放咗一球雲呢拿雪糕，真係幾似富士山架🗻煙三文魚沙律（$62）沙律菜幾新鮮，配上煙三文魚、蟹籽、蕃茄，份量OK。月見免治雞肉（$58）日式串燒店都會有得嗌月見雞肉棒，呢到就直情成碟上😆用咗免治雞肉嘅關係，肉質較鮮嫩。點埋蛋黃同雞肉汁一齊食就最正☺️。原條鰻魚炒飯（$128）鰻魚原條上，肥美彈牙啖啖肉😛 淋上份量慷慨嘅鰻魚汁～炒飯絕對唔馬虎，加入唔同配料同炒，而且飯粒分明又煙韌，口感一流👍鍾意食鰻魚嘅朋友一定唔可以錯過呢個。櫻花水信玄餅（$38）最後叫咗呢個甜品。外表好靚，水信玄餅晶瑩剔透，中間見到幾片櫻花🌸。食落去係啫喱口感，配上黑糖汁，甜甜地，完滿結束呢晚嘅晚餐😊-Menu:

近依幾年工厦嘅飲食業做得越嚟越出色，唔係得個講字㗎，真係越整越好食，而且越來越多款式，觀塘嘅工厦真係好多，想食日本野可以揀呢間，其實我留意左好耐，每次上到去都要都座無虛席，派左一陣隊就入得去啦，入邊嘅店員服務態度真係好好，除咗有種親切咁，而且仲有一種責任心，做嘢好有條理，唔會得個忙字，我入座嘅時候大概係8:00食飯嘅黃金時段，真係完全感覺到店員佢哋個個都好忙，但係上菜嘅速度真係幾快，而且舉手店員都好快會嚟到！呢度嘅環境真係好有日本嘅感覺，雖然人好多但係唔係吵鬧嘅感覺，反而有一種溫馨嘅感覺，我幾鍾意！♪(´ε｀ )，餐碟同埋環境擺設都有一種好地道既日本感覺！價錢一啲都唔貴，咁嘅價錢有咁嘅份量而且真係好高質素！佢嘅炒麵份量原來都幾多，有肉絲同埋蔬果絲，食落去啲面嘅軟硬度適中，而且唔油膩，麵條本身光滑，易入口！佢嘅豬扒飯真係好得意，我最初以為只係一啲普通嘅豬扒飯，但係佢豬扒飯係鍋上，等個鍋燒熱咗再倒隻蛋落去，白飯係另上，咁樣食就我真係第一次食，我記得個價錢係$68，但係呢個食法真係好特別！之後真係要講一講佢嘅唐揚海老小蝦，海老本身已經係高級d既蝦，但係呢個價錢有咁多隻真係好好，食落去好香口而

一直都想帶老爸去食下好野，不過佢份人比較古板，食來食去都係個幾間餐廳，真係食到悶...所以今次就帶佢來到官塘工廈，呢到佢一定未來過, 相信佢自己都唔會來，因為有朋友介紹呢間鳥棲唔錯，所以就同佢來試下LA~樓下等LIFE時見到好多人，因為呢到真係好多野食，要在咁多食店之中仲生存我到, 一定有佢既突出吸引地方。一上到來，就覺得好開揚又舒服，D位好闊，空間感好足夠。之後我地就叫左應該係呢到既招牌，原條鰻魚炒飯，哇，真係未見過咁大片鰻魚，根本大到蓋住左成個炒飯。鰻魚好香，個汁味道剛好，肉質都好有口感。好正。另外湯烏冬都好味，呢個比較清，平衡番比較濃味既鰻魚飯。我地又叫左D小食，餃子好大只，入面好足料，而且煎得好香，皮脆香口。另外，小丸子都好好食，同出面個D好唔好，真係係高級版既丸子。老爸都難得主動講好食，哈哈真係太好了，下次又同下佢食D唔同既野先~~~

今次好朋友介紹，去了官塘工廈尋找美食，第一次去呢類食店，原來好多人而且在同一大廈內，有好多不同類型既餐廳，比起去大商場，真是多好多選擇。日本野我最愛魚曼魚飯，所以呢個原條大片鰻魚真是好啱食。飯底唔係好多，啱曬我。鰻魚汁好香，不會太咸，魚肉爽不會爛囇或碎，整體感覺很好，不會太膩。魚的脂肪比例也好，吃後不會滯住或脹胃。所以呢個餐，晚市120元，其實都抵食。加上呢到環境很好，安靜又舒服，呢個價錢真是物有所值。