鳥棲日本料理 (已結業)

好耐冇出過街，今日帶埋屋企人嚟觀塘依間餐廳度食夜晚飯，你都環境舒服闊落，服務員態度好友善，重點係嘢食好抵食，大大碟，而且味道好味！正宗日本菜，推介各位一定要嚟試😚三文魚沙律$62沙律加咗好多生菜，味道好fresh，而且煙三文魚大大塊，三大塊，抵食🤩仲要好香煙熏味，叫一個做前菜離開胃又健康，一流！👍🏻原條鰻魚炒飯$127鰻魚超大條，多肉好味，上邊仲加咗照燒汁，各位鰻魚控必食！推介推介！😍帆立貝北海燒$38帆立貝好大隻好鮮甜，食落去好Juicy😚上邊仲加咗芝士醬，好邪惡好正啊🥰八爪魚唐揚$58同我去日本食嘅味道一模一樣，上邊仲有好多燒汁，香口好味，口感豐富👍🏻富士山特飲$35依杯好飲又好玩，裏面有盞燈識轉色，特飲清涼解渴，上邊仲有雪糕可以食，各位嚟食飯都可以叫返杯😍

雖然係本著幫襯黃店的心情, 但因為有帶埋两老人家嘅關係, 食物嘅性價比都係concern.. err, 幾低 。鳥棲豚肉炒面, 係豉油王炒面嘅質地, 一個公仔麵嘅份量, $82;蕃茄豚肉鍋 $118, 個豚肉有d腥, 超薄, 好少其他料例如豆腐金菇;陶板燒腸/雞翼都無乜特別, 可以skip;沙律, 份量少得慘; 鰻魚飯+天婦羅+芝士條算係可推介;只有炸物比較出色(芝士條會想叫多round)。 支持黃店無問題, manage好個expectation就得。

雖然呢間開左好耐，但一路都無來試。原因:1. 餐牌唔係特別吸引。2. 性價比唔係好高。不過琴日個同事食完返來，話好食，咁就為有試下啦！我叫左南蠻炸雞。有5嚿雞左右，炸得幾juicy唔油膩個人覺得個甜sauce好味過個他他醬份量都幾足。我好少飲咖啡，但有一次飲過玫瑰咖啡，就愛上了。呢度有，就叫左杯來試。但唔係好得囉，無玫瑰味，唔知飲緊乜就咁睇個餐牌，都無乜其他set可以吸引到我再來。再者，呢間的裝潢同枱櫈唔係我杯茶

之前替朋友買的罐頭鮑魚一直未拿給他，直至昨晚他不用加班，我終於可以送到他手中。朋友拿到罐頭鮑魚和準時下班，他相當高興，說要請我吃飯賀一賀。他帶我去了駱駝漆大廈品嚐鳥棲日本料理，並娓娓道出他在鳥栖旅行的趣事。光聽南蠻炸雞籃的名字，就知它很厲害，炸雞的皮蠻酥脆，但吃起來不油膩，雞肉緊實鮮嫩，雞汁豐沛。炸雞單吃已很好吃，當然沾上他他醬吃又是另一種風味。他他醬魷魚圈從則面看得出魷魚生前身材挺高大威猛，魷魚圈外層炸至金黃香脆，內裡魷魚厚實彈牙，嚐出它的原有海味來，當然我超喜歡魷魚圈配他他醬，它們可謂最佳拍檔。老是吃稻庭烏冬太一成不變，真的會悶膩，這次來點新意吃鳥棲豚肉炒麵。炒麵在鐵板上滋滋作響的上桌，我們都在蠢蠢欲動，豚肉，紅椒，綠椒和炒麵等層層疊疊，香噴噴的。炒麵咬勁十足，豚肉嫩彈，菜蔬爽甜，使炒麵味道口感更有層次。網燒安格斯牛扒七分熟的咬感軟嫩適中，微微的牛扒油花感太棒了吧。牛扒上再撒滿芝麻，醮點特製醬汁，牛扒香上加香，非一般的安格斯牛扒滋味，教人回味無窮。朋友說鰻魚是鳥栖的名物，來到鳥棲怎麼不吃原條鰻魚炒飯。鰻魚用烤鎖住甜味，烤到冒出油脂，便是塗上醬汁之時，鰻魚要不停翻烤至微焦才美味。厚重

本身見到咁多好評，所以就book左呢間同朋友仔慶祝生日🎂 但食完成餐飯，發現呢間嘢真係唔係想像中咁好🙈.先講服務方面📝，6點半入座，入到去個陣，全場只有三檯客（包括我）。職員安排我地坐門口位，但因門口有兩部冷氣吹住，所以我地都想調去第到。點知職員話全場full曬，唔可以調☹️☹️ 一路吹住兩部冷氣，到走嗰陣，我都冇見到全場有full過嘅一刻☹️ .嘢食方面，我地叫咗雙重芝士年糕、牛肉烏冬、雞肉烏冬、四串串燒同埋網燒安格斯牛扒。除左個雙重芝士年糕外，其他真係麻麻地，好多佢、平過佢嘅餐廳真係大把，唔值得試。雙重芝士年糕$45 2件💛💛💛💛熱辣辣食係幾唔錯，有拉絲。不過芝士年糕應該都好難整到好難食(?) .牛肉$82、雞肉鳥冬$78💛💛💛份量較少，但整體味道不錯。.網燒安格斯牛扒$128💔💔💔我諗係真係因為兩部冷氣吹住，可能熱辣辣食會唔錯(?) 先講肉質先，見到其他comment 都話個牛燒到岩岩好，肉質鮮嫩，但嗰日真係冇呢個感覺☹️ 唔知佢燒左幾耐，一係頭同尾都極肥，一係中間個啲肉就好柴、冇嗰種咬落去有肉汁嘅感覺，食左兩塊已咬到攰🙈🙈 另外係個醬，個醬真係咸到一個極致☹️ 係夾嘅但真係重口味咗啲啲🤣

到附近工作，上網找到鳥棲，評價不錯所以一試。午餐要了兩客魚、一客牛舌。花魚一夜干一點不腥，很美味，份量相當夠。油甘魚較燒得很juicy, 完全不會干硬，味道亦調校得得合我個人口味。牛舌美味，只是份量少了點，牛舌成本可能較高，如果份量加多點，價錢略為提高我個人絕對接受。其他沙律，味噌湯，飯及烏冬全部附合水準。服務態度友善，員工都很有禮貌。以每人不到100元的午餐，十分十分抵。今次只試了熟食，有機會下次會試一下晚餐，可以吃到魚生、串燒、更多其他菜式。

餐廳燈光暗暗的，座位全部都係梳化位。所以坐得舒服。餐廳食物多元化，主打日本料理：有不同小食、燒肉、鍋物、飯類、串燒等等。先叫個小食，係炸蝦仔。份量夠多，新鮮炸起，都算幾脆。有檸檬汁及沙律醬。另外叫咗燒肉：叫咗牛肩肉及牛舌。價錢都係大概$70左右一碟，非常經濟。上枱時有個小爐子，慢慢烤肉。牛肩肉份量都算多，由於肉應該冇咩調味，所以主要係靠胡麻醬吊味。 牛舌我覺得幾好食，因為燒極都唔會太老，而且幾爽口。本身有醬汁，所以性價比幾高。仲叫咗個番茄豚肉鍋，蕃茄湯底幾香，入面都算足料。有菜、冬菇、豆腐、豚肉、粉絲、金菇。兩個人都係食咗$300多啲啲，坐得舒服，味道唔錯。

朋友帶我去駱駝漆食日本菜，呢間餐廳門面好靚好似去左花園甘，入到入面全部都係好舒適既梳化位，燈光都好柔和，可以好開心甘傾計，而且無限時，我地叫左個南蠻炸雞籃，雞肉炸到岩岩好，外脆內軟 ，即叫即炸，而且無骨，點埋沙律醬好好味。上菜速度都好快，仲叫左杯好靚既特飲叫藍桔富士山，雲呢拿雪糕加藍桔soda好好飲，牛肉他他牛用冰鎮的，牛肉經過輕輕調味，之後將牛肉薄片放在冰上，配以少少醬油一齊食就香d網燒安格斯牛扒好香，肉質鮮嫩，好淋，仲叫左一件帆立貝北海燒，帆立貝新鮮肉質爽口。全單更有九折。下次想傾計約朋友食飯又多一個新選擇了。

今晚黎到觀塘最出名既其中一個地方，駱駝漆大廈呢區好多工廈，而商廈都愈黎愈多🏭🏢🏬所以，都愈黎愈多隱身左喺唔同工廈既餐廳同鋪頭俾人發掘左出黎，去呢區搵好野食都變得好平常我地耐唔耐就會過黎觀塘食好野😋😋😋咁岩今晚得一部𨋢，條龍排到長一長其實平時兩部𨋢都要等，今次等左十幾分鐘先上到餐廳😂可能最近無得去旅行，特別想食日本野，所以我地揀左五樓既Tosu食日本料理，食左當去左😂門口位置一大片綠葉🍃牆好吸睛，為工廈帶黎一點綠可能因為有個工廈就地方大租金比較平既感覺，入到去餐廳冇想像中咁大，不過呢個都係駱駝漆大廈既特色店內裝潢都光潔明亮d位都坐得幾舒服，係梳化黎👍🏻餐牌選擇既野都應有盡有，前菜、小食、主食、串燒、甜品、飲品樣樣有齊坐低諗左陣，就一口氣order哂全部野食😆首先黎既係個壽喜燒份量唔錯都幾滿👍🏻上黎既時候牛肉仲係生既，跟埋一隻新解既生蛋同麻醬牛肉份量都多，味道唔錯，有幾塊口感特別好，夠林😋其他材料都好多款，有金菇、豆腐、菜、冬粉等等同個湯底都幾夾，值得一提係隻生蛋幾新鮮👍🏻跟住既係最搶眼既富士山🗻飲品藍色波子汽水加雲尼拿雪糕，真係好似富士山好IG-able😆😆😆好似細個食既角十棒咁樣既飲品

約咗朋友收工後係觀塘食飯，觀塘好多工廈美食，咁岩今日大家都想食日本料理，於是去咗呢間叫「鳥棲」嘅餐廳，主打熟食日本料理，食物款式同種類都算多（不過就冇魚生壽司呢啲啦），價錢合理、環境寧靜，整體都好滿意！餐廳外形同個名好夾啊，有成大幅草地牆！因應疫情，餐廳都已經做齊衛生配套，包括進入餐廳前要量體溫、提醒客人食物來到前要戴口罩、使用酒精搓手液等等，店內都幾大，座位寬闊，特別係張梳化好舒服！
牛油果蟹子沙津 $52唔算好特別，但都幾大碟，兩個人食剛剛好，個人認為牛油果可以加多幾塊，酸酸甜甜幾開胃！


原條鰻魚炒飯 $128
成餐飯最期待就係呢道菜，鰻魚好好味！大大條，超滿足！
留意返個炒飯係比較濕底的～
牛肉他他燒 $88第一次食，味道同賣相都唔錯！
鳥樸和牛 $36入口即溶的和牛，極度推薦！
洛神富士山 $35賣相好吸引嘅凍飲～
舖咗雲呢拿雪糕係杯面，真係好似冬天山頂上有積雪嘅富士山，入面仲有加燈，會不斷轉色，打卡一流！對富士山情有獨鍾的朋友一定要試下～

感恩香港沒新增本地肺炎個案，可以約朋友出街食飯。朋友提議來觀塘工廈覓食。今次他挑了鳥棲。到了餐廳，原來座位都幾爆滿，幸好早來。兩人點了明太子沙律，明太子雞翼，燒牛舌和網燒安格斯牛扒。明太子沙律清爽帶脆，呈方形，原來由魚仔整的，有新意。明太子雞翼到，兩隻，表層煎得幾香，咬一口，香辣，裡面🈶香辣的餡料架。主角到，牛扒份量十足，香味撲鼻。欣賞燒得吾焦但帶香味，已經切開細細份，擺入口，質感嫩，🈶口感，配合燒汁，味道更。整體而言，餐廳環境舒適，服務好，食物有水準。

鳥棲日本料理喺觀塘工廈之內，門面是一幅漂亮的主題牆，用黎影相打卡真係一流！店內座位不算多，有一定的棒場客，氣氛溫馨！藍桔富士山 $35上窄下闊的杯子，配上以 Blue Curacao 調配的桔味特飲和雲尼拿雪糕，整座富士山呈現於眼前！好看又好喝，粒冰仲曉轉色！燒菠蘿 $18燒雞軟骨 $20大蔥雞肉串 $30鹽燒牛舌 $35串燒是鳥棲的其中項主打，菠蘿香口多汁、雞軟骨香脆爽口、大蔥雞肉串份量十足、牛舌軟腍惹味，整體感覺不錯的！原條鰻魚炒飯 $128名符其實，真係原條，而且仲要好大條！醬汁香濃惹味！淨係個份量都值回票價！南瓜雪葩 $48雪葩塞滿了半邊的南瓜殻，光看也滿足了！

收工唔想煮飯就拉男朋友去公司附近度食晚餐🤓啲座位全部都係梳化坐得好舒服❣️入正題❣️🔺煙三文魚沙律🔺次次同男友食嘢只要有煙三文魚佢都例牌叫😑煙三文魚幾清甜連埋沙律醋食👍🏻🔺他他醬魷魚圈🔺魷魚圈炸得啱啱好再加埋啲他他醬食一啲都唔油膩❣️🔺胡麻汁牛肩胛🔺有塊鐵板仔俾我哋自己燒❣️食得又玩得👍🏻仲可以根據自己嘅口味落調味料👍🏻燒幾十秒就已經好夠❣️嫰滑😍🔺松葉蟹鉗海鮮鍋🔺蟹鉗好爽口彈牙👍🏻仲有青口、蝦🦐、帶子、豆腐、粉絲、冬菇同白菜仔🥬蝦好大隻而且好彈牙❣️豆腐超滑👍🏻🔺滑蛋黑毛豬扒飯🔺啲蛋超滑❣️黑毛豬口感好紮實❣️啲醬料甜甜地送飯一流👍🏻

觀塘駱駝漆大廈又多嘢買又多好嘢食。今日就去咗三座5樓，依一間好受食客歡迎嘅鳥棲日本料理食晚飯。餐廳環境舒適，座位都好寬落。食物方面，選擇都十分之多元化，而且價錢相宜，難怪咁多捧場客啦。韓風牛舌：睇落碟仔細細，其實份量都幾多。牛舌配上獨特醬汁，作為前菜小食，非常之惹味。雙重芝士年糕：日式料理其中款鐘意嘅食物就係芝士年糕。依個雙重芝士年糕，面頭有燒到熔咗嘅芝士，年糕入面又包住另一款芝士、一咬就流出嚟。年糕燒到軟棉棉，加埋兩種芝士帶嚟嘅雙重味覺衝激，好好味。大蔥雞肉稻庭烏冬：大蔥味超香，配上雞肉好夾。鳥棲所揀選嘅稻庭烏冬都好好食。牛肉他他燒：鳥棲以火炙刺身奉客，證明咗佢哋對食材嘅信心。牛肉他他油脂分布好靚配埋蘿蔔蓉醋汁吃，鮮香甜美、入口油香而唔膩。藍桔富士山、綠薄荷富士山：兩杯富士山主題嘅飲品、賣相一絕。當然、兩杯特飲都唔只得賣相、味道亦相當出色。特飲配上雲呢拿雪糕球，分開食亦得，撈勻落杯特飲亦得。

夜晚嚟食飯，叫咗個胡麻牛肩胛店員先將個爐放好，然後上牛肉，最後醬汁牛肉份量頗多睇落大約有 200克，厚薄適中本身個石爐上面已經抹了油，將牛肉片放上去，滋滋作響最後點埋胡麻醬，好似食緊打邊爐牛肉咁，但係多咗一份油香同燒烤味 他他醬魷魚圈新鮮炸好，外脆內軟面頭嘅他他醬俾得好慷慨！入面嘅魷魚圈都好肥美厚肉，爽口彈牙他他醬用咗沙律同埋切粒嘅蛋撈勻，加上小小香草，同吉列魷魚圈配搭出奇地夾 串燒即叫即燒，招牌嘅鳥棲和牛串，上面灑上的蔥花，食落入口嫩滑濃郁雞軟骨加檸檬汁，燒到又脆又夠juicy，酸酸甜甜好開胃 仲有一串串燒係大蔥雞肉，燒呢串要好有技巧，因為火候要拿捏得好，讓到大蔥同雞肉同時唔好dry out簡單嘅調味，日式嘅味道 最後嘅主食叫咗滑蛋黑毛豬扒飯，呢度嘅黑豚肉丼即係吉列豬扒滑蛋飯，豬扒厚切又嫩，半邊係脆嘅，啲蛋好嫩滑味道方面比起一般嘅日式料理冇咁甜，湯汁仍然好啱撈飯 燒到咁上下發現個火越嚟越細，可能因為開咗強勁嘅冷氣，店員幫我哋換咗下面嗰個 燃料，再繼續滋滋聲咁燒不過牛肉有啲較瘦，如何燒得耐咗會有少少韌