鳥棲日本料理 (已結業)

難得可以岀街食，今次就黎番鳥棲encore 啦！前菜有帆立貝北海燒、醬燒茄子🍆大大粒帆立貝，而面頭嘅其實唔係芝士，係沙律醬，都幾開胃茄子🍆完全唔會乾身，加埋啲燒汁同木魚碎好夾架主菜叫得比較多，有🍅蕃茄豬骨豚肉鍋🍲、網燒安格斯牛扒🥩同埋滑蛋黑毛豬飯🐷因為上次食過壽喜燒牛肉鍋，對鍋類都好有信心，今次就試下🍅蕃茄豬骨豚肉鍋尼個鍋係強推！因為我差啲就清晒個鍋嘅湯底，好濃郁嘅蕃茄味加埋啲豚肉鮮味，個湯底真係好好飲鍋入面仲有薯粉，可以吸晒啲湯汁，跟埋個豚肉食真係好正呀！比較埋上次嘅壽喜燒牛肉鍋，尼個蕃茄湯底更加係我嘅心頭好🙈🐷滑蛋黑毛豬飯嘅炸皮唔會太厚，而且啲洋蔥同雞蛋入晒味，用黎送飯係一流🥩網燒安格斯牛扒熟得岩岩好，唔會太生有血水，亦唔會太老嚡口，醬汁就重黑椒味，都唔錯架！今次食得太飽都係冇叫到甜品，不過望個Menu其實都好吸引㗎🥺

今日同朋友嚟觀塘到食日本菜，同朋友過嚟行完街，朋友推介我過嚟依間樓上舖度食夜晚，估唔到比我想像中超級好食，果然係有驚喜！一嚟到，環境好闊落，而且服務員姐姐嘅態度非常之好，食得好開心，而且呢度嘅種類好多樣化，想食咩依度都有，價錢仲要好平🤟🏻🥳我哋首先叫咗稻庭烏冬依家天氣好凍，食返個熱辣辣嘅烏冬就啱啱好，而且整到好彈牙😚另外叫咗老唐揚（炸蝦🍤）外層炸到脆卜卜，比我想像中好食，仲可以點綴檸檬汁第三樣嘢叫做北海道帆立貝超級推薦！帆立貝勁新鮮，原隻勁大隻，而且上邊仲要用炭燒燒過，好香之後叫咗吉列廣島蠔蠔肉質勁鮮甜！勁香蠔味，勁多汁👏🏻🤟🏻最後叫咗杯百香果乳酸梳打我係乳酸梳打嘅頭號粉絲嚟，食完熱野飲番杯凍嘢飲啱啱好，完美嘅一餐

今日去駱駝漆食日本野，一入到去，個環境好舒服，座位全部都係梳化櫈，坐得好舒服！野食我地嗌左 壽喜燒牛肉鍋，和牛串燒，燒菠蘿，芝士年糕同埋豚肉炒面。壽喜燒份量好多，啲粉絲入晒味好好味！啲牛肉都好鮮嫩。和牛串燒比較有驚喜，燒得啱啱好，有濃濃既和牛味，正！燒菠蘿都好鮮甜，唔會燒到好乾！芝士年糕裏面啲芝士好濃郁，出面又炸得好香脆，超正！反而過豚肉炒麵不過不失，略嫌有少少乾身。整間舖頭串燒做得比較出色，可以一試。但記住一定要book位，都幾多人下。

餐廳限聚再鬆綁,聚會人數放寬,咁周圍既餐廳都明顯多返人出黎食飯啦~朋友今次約我去觀塘搵食,樓上鋪餐廳,以為好靜啦,但都坐得好多客好熱鬧,成間居酒屋咁款,好多人食鍋物~呢度有日式串燒,鍋物,麵,烏冬,小吃等等供應價位都合理,而且服務幾好,食物水準都唔錯最終拍板決定要一個鍋物,壽喜燒鍋,日式炸雞,滑蛋黑毛豬扒飯,兩杯飲品先上飲品,檸茶茶味偏輕,可樂都會配冰底,抵讚,飲住等上菜壽喜燒牛肉鍋, 放滿蔬菜,蔥等配料,醬汁湯底,面層放滿牛肉切片湯底偏濃,少左一分甜味,如果可以再甜返少少就更易入口,但整體味道不錯牛肉比得相當多,切得厚薄適中,燙煮一下就食得,牛肉味濃,少脂肪日式炸雞 大約有4件無骨炸雞,再加埋蛋黃醬沾黎食,即炸,香脆,肉厚有肉汁,好吃!最後上菜係滑蛋豬扒,用上黑毛豬扒,上炸粉炸脆,最後再放上墊左洋蔥同蛋汁既熱鍋中豬扒帶點脆又沾上了半熟滑蛋,口感豐富,帶點甜既醬汁好開胃配埋白飯食一流,一陣就掃清結尾: 服務好,食物有水準,賣相不錯,價位合理,可訂位,不用排隊

雖然訂左位, 但人流不算多, 就算冇訂位應該都吾洗點等。入到去開頭侍應俾左門口位我地坐, 跟住有枱客走左之後可以俾我地掉去角落位。不過話有一邊梳化有問題叫我地吾好坐落去, 但系佢又話吾知系邊邊, 系另一個侍應同我地講番明太子芝士蛋卷 芝士味帶出左蛋卷既味道, 加埋塗上去既明太子, 辣辣地, 幾夾味洛神富士山 藍桔富士山  雖然邊飲邊搞, 但都比較淡, 系飲到底先有番D味燒牛舌 略為韌, 難咬開鳥棲和牛 口感似鴕鳥肉, 吾系和牛既質感燒帆立貝 要趁熱食, 沙律醬撈左椰菜, 幾有咬口原條鰻魚飯 好似大型壽司 鰻魚好食,  入口即溶, 同炒飯配合起黎非常夾。

今日黎到觀塘工廈食飯，平日夜晚呢度永遠大排長龍撘lift，因為呢度實在太多好野食喇!7點鐘去到見到呢間餐廳已經full house，仲有幾個人排緊隊，但因為好想食佢個sukiyaki所以就繼續等~店員都好貼心，有安排橷俾人係出面邊坐邊等~牛肉壽喜鍋呢個個人認為係必點之選，因為牛肉份量又夠多，牛肉下面墊滿蔬菜同粉絲，又有益又健康仲夠哂飽肚!另外仲有隻蛋可以自己加入去個鍋度或者當醬汁點黎食，我就鍾意加入湯度，增加個湯既濃稠感!最正都係金菇索哂d味真係好正! 滑蛋黑毛豬扒飯呢度既滑蛋黑毛豬扒飯係滑蛋黑毛豬扒同飯分開上，滑蛋黑毛豬扒就係鐵板上可以保持熱度，真係好貼心~黑毛豬扒炸得香脆，油脂充足，連埋滑蛋一齊食真係好夾~ 大蝦天婦羅大蝦天婦羅外層炸漿唔會太厚，蝦肉扎實唔霉，最緊要係新鮮炸起熱辣辣!最後飲埋杯檸樂就滿足哂~雖然呢度要等位，但上菜速度都算快，唔錯!

臨時決定係駱駝漆大廈三座食飯，所以隨便搵左間食日本野醫肚，點知有意外驚喜～首先係同行友人叫既鰻魚炒飯，佢係原條鰻魚鋪面，炒飯味道非常香，但又唔會太重口味之後係我叫既豚肉炒麵，佢係用鐵板上，所以要小心唔好掂到個邊位，超熱，麵唔錯，軟硬適中，味道似大阪燒汁味，唔會太濕唔太乾，幾好食再然後係佢哋杯招牌富士山特飲，佢上面一球雪糕，杯入面放在粒會變色既假冰，都幾特別要留意返既係，野食份量唔算多，係一人份量～

適逢友人生日 搵食店既話黃店當然要隨時隨地支持加上我係樓上訂蛋糕經過見到餐廳環境唔錯 於是就揀左鳥棲 果然無令人失望所有食物都好出色 必提：他他牛 必食富士山特飲最後想多謝一班員工 服務好好

還記得第一次來的時候， 挺喜歡這裏舒適的環境， 今晚剛好要到駱駝漆大廈買點東西， 晚餐並在這裏吃吧。原條鰻魚炒飯($128) 確實沒有失望， 是真的整條鰻魚配搭用甜燒汁炒成的飯， 鰻魚肉香軟，炒飯甜甜的，還配有一些雜菜。牛肉稻庭烏冬($82) 簡單美味， 薄切的牛肉是半生熟， 有一點像越南生牛河的生牛肉， 所以一點也不老身。之前嚐過川海老唐揚($48)，覺得很好吃，所以今次便再點了， 小海蝦炸得很香脆， 一口一件，很快便吃光了。還有韓風牛舌，只是$28， 有很多片， 很重很香的麻油味， 口感煙韌。熱鮮奶朱古力($30) 作為飯後甜品。

來觀塘區的工廈大廈巡樓😆❨樓上舖行街❩，特意最後行這座，跟著老婆去另一樓層的日式餐廳，果然有計劃呀！【滑蛋黑毛豬扒飯】 $82蛋滑，有洋蔥條伴著炸吉列豬扒，豬扒又腍又易食，有汁係碟底，夠味道，鹹度適合送飯。【牛油果沙律】 $52混醬後，讓各青菜充滿沙律醬汁，牛油果熟透又腍，微微卜卜的飛魚子，開吓胃先。【一夜干~ 魚】$78魚的上半身略多骨，中間主骨一條過，很易挾走，少鹹，加了檸檬汁去除魚腥，蘸點白蘿蔔蓉汁，都唔錯。壽喜牛肉鍋 $128 牛肉片舖面，下面有些雜菇，冬菇，紹菜，上海菜，豆腐粒，粉絲，最重要湯頭味道，鹹中滲出濃甜味，我們把雞蛋加在湯中，食得衛生又安全，牛肉嫩腍，記得蘸點胡麻醬，好味。配菜份量多一點更好。😋加了烏冬$15早d 放落湯中，吸收壽喜燒湯的味道，無得輸。

鳥棲日本料理 又是工廈美食 哩間非常爆滿場既 鳥棲日本料理麵真係要book定位上去食飯由於佢係位置 觀塘出名既駱駝漆大廈內地段之選 加上價錢合理 吸引大批人去食飯當日晚餐時段 座無虛席 2人前套餐 （前菜 沙律 炸物 燒物 鍋物 食事 甜品）一個套餐食晒所有我想食既野 而且2選1 都有12項食品比我地揀前菜 （迷你磯煮鮑魚 vs 七味墨魚咀）鮑魚當選 鮑魚唔會過熟 有咬口 味就淡左少少不過整體可以沙律 （煙三文魚沙律 vs 蕃茄大蝦沙律）煙三文魚當選主要係我比較中意食煙三文魚而三文魚佢地解凍得好 無雪味 炸物 （ 他他魷魚圈 vs 八爪魚丸唐揚）情有獨鍾魷魚圈 因為好有細個食哈x斯既感覺脆口 又乾身 唔會太多炸粉 加埋他他醬出色既他他魷魚圈 燒物 網燒安格斯牛扒 網燒牛扒 火喉控制得唔錯 6-7成熟 剛剛好加上黑椒汁 完成鍋物 x 食事 (牛肉壽喜鍋 vs 蕃茄豚肉鍋 vs 飯 vs 鳥冬 ）牛肉壽鍋。主要係 覺得無揀錯上台 牛肉好靚 加埋鍋內其他配料 係食返日本風味 甜品 （ 櫻花水信玄餅 vs 木糠布甸） 去到日本料理店 當然為追食 玄餅既美一棵櫻花盛開既玄餅未食已經好開心 淡淡

本身唔係住觀塘，真係比較少黎工廈食野。冇得去日本旅行，就心血來潮想食日本野。帶左呀媽黎食，佢都話好食～而且係sofa凳，幾好坐，舒服。我地冇叫二人前餐，左散叫左好多野食～他他牛刺身：值得試下，薄身，入口即化咁，邊邊有燒過咁幾香，可能我少食牛刺身，都幾好食，不過份量較小，下面有冰鋪住保溫。串燒：和牛串燒唔記得影，好食，唔係好肥，唔會好膩口。煙肉蝦卷都唔錯，牛舌就細塊左少少。燒沙律貝同燒蠔：好好好食，兩樣都值得食，注意*如果係唔太鐘意沙律醬既人，會覺得膩。網燒牛：不過不失，正常牛排味。飲品：富士山果杯燈會變色，對於我呀媽黎講好新奇，佢鐘意，咖啡正常。甜品：個柚子雪葩好柚子味，我呀媽好鐘意食佢好欣賞。總括，好食，少少貴，有d試過可以下次試其他野。

觀塘工廈有好多樓上食店，參考左openrice既好評後，加上想食日本野就決定試，不過試完之後就有啲後悔。一入到去已經一大陣迷霧，原本工廈設計唔係開食肆，所以抽風系統可能就差啲，搞到成間餐廳都好大煙味，沙發椅，檯好細，環境迫。我地叫左個牛肉鍋，一般，雖然佢既價位真係唔算貴，但料唔算多，粉絲索到汁，不過整體味道就唔夠出色，牛肉唔太有牛味，無驚喜。而且佢唔係跟碗仔唔貼心，用碟仔食粉絲都幾唔方便。牛肉他他既賣相一般，完完全全唔值呢個價，主要係佢既牛味欠奉，入口味道係毫無驚喜。南蠻炸雞賣相幾好，醬汁多，可以每一舊炸雞都食到啲醬，但可惜外皮炸得好硬，好乾，入面雞肉雖然唔柴，但皮硬，已經影響左個口感同感覺了。墨魚咀幾惹味同香口，口感亦好得意好爽脆，雖然佢炸到有少少油，但全晚最滿意就係佢。我本身無留意餐廳內有廁所，我走左出去搵左全層都唔見，走返入去餐廳問先知餐廳有，但要穿過好濕好大煙既廚房。店員人手不足，舉左手好耐，飲品催左三次，食曬野先到。整體黎講無乜野值得我再黎。

觀塘既工廠大廈出名多隱世高質性價比高既樓上cafe，今次發掘到呢間日式設計，專食日本料理，環境又舒適嘅cafe，好岩二至四人嚟傾偈既好去處😍🌟七味墨魚咀 $58🌟口感方面嚼勁彈牙，味道就嫌太過油溢同雪味太濃烈，稍為扣分🥺🌟原條鰻魚炒飯 $128🌟絕對係為咗呢個而嚟，大大原條鰻魚送上，真係相當吸晴，食落肉質鮮嫩多汁，如果烹調方面略為燒一燒會更佳，炒飯底味道可以，配埋鰻魚的燒汁一流，係飯身濕咗少少，炒飯都係鐘意較為乾身啲😉🌟滑蛋黑毛豬扒飯 $82🌟原來朋友之前嚟食過，力推要試，果然不錯👍🏻炸粉不會過厚，豬扒入味軟腍🤤再配埋日本粒粒分明的珍珠米，正🥰🌟凍朱古力 $30🌟朱古力味香濃，味道恰好，不會過於甜，上面還有最喜愛的cream，肥肥都抵🤣冰底放耐咗，朱古力味都唔會因而變淡☺️

😍😍😍Fuji Mountain Special Drink💙💜..觀塘區工廈真係好多餐廳啊，今次食呢間日本料理都係朋友介紹，聽說不錯，相約朋友黎到吃個晚飯作戰行呢。.餐廳面積不算大，但卻挺有氣氛，佈置都有種和風感覺。而且食物選擇也不少：前菜🥗、天婦羅🍤、串燒🍢、一品料理🥘、燒物🥟、炸物🍘、主食🍙、特飲🍶、套餐🍱、甜品🍡，都一應俱全。.ll $20ll $58香口小食，燒物炸物真係好岩配啤酒。雞軟骨🐥 很脆口，細細粒一口一粒。魷魚圈🦑 炸至香酥不油膩，配上他他醬酸酸甜甜很配。.ll $42熱溶芝士🧀 加上帶有明太子咸香既蛋汁蛋卷🥚。趁熱食，半凝狀態還暖烘烘吃最滋味。.ll $128原條鰻魚🐟，真係好吸引。鰻魚算肥美，配上經炒過既飯底帶甜，一起吃是滿足的。.ll $35ll $35最後來2杯美美的特飲，美美的富士山🗻🗻，就在眼前呢。一粉藍💙、一粉紫💜，去唔到旅行，來一個望梅止渴吧。幻彩感覺，加上一球雪糕，配搭真美。..疫情呀疫情😷。。請問你何時完結。。通關又何期❓..×××××ש觀塘開源道60號駱駝漆大廈3座5樓S舖..