鱻潮手工私房鍋 (已結業)

其實我超鍾意食蟹架，見到呢間價錢平，又有咁多款蟹！口水流晒。唔食對唔住自己啦！ 呢度啲蟹菜式夠多！ 🦀潮式凍蟹，一人一隻，就咁食已經夠鮮甜。餐廳跟埋個泰式辣汁，鍾意食辣嘅朋友就啱晒啦！🦀大肉蟹，揀咗胡椒蟹做法。辣到適中，蟹肉質鮮甜，胡椒味香濃好惹味，但又唔會蓋過蟹嘅鮮甜味！推介！想要2碗白飯添😋😋🦀籠仔荷葉蒸蟹飯，老公大愛，好多蒜蓉喺面，蒜香味加埋啲蟹嘅鮮甜味好夾，而且個飯吸晒啲汁。香、鮮、甜！#識食一定係咁食法，將啲飯釀入蟹蓋，連蟹糕一齊食，嘩！正到冇朋友，好彩仲有老公🤣🤣🍻加叫左一枝肥妹2份飲，店員姐姐話$100/4枝抵好多...係好抵，好心動。但要返屋企湊女...不能任性，唯有一枝淺嚐。返屋企再補飛，🤣🤣🤣呢度價錢平，乾淨企理，有冷氣！👍🏻值得一提，呢度竟然細心到有提供乾/濕紙巾、膠手套，蟹鉗、較剪...真係唔係好多地方咁貼心。抵讚！食完隻手仲乾乾淨淨😊😊唔講唔知，呢度仲有 #任食火鍋、#蟹火鍋、#海鮮蒸鍋....見隔壁枱個任食火鍋嘅肥牛都好吸引，下次一定要去試下！

同好朋友黎試下這裡的全蟹宴二人餐，呢度係沙田圍馬鐵站，一出2分鐘就到，好方便。環境十分舒適，可以選擇坐冷氣房，衛生企理，食得舒舒服服。店員姐姐非常nice,有禮貌，讚👍。蟹宴超值又美味，蟹極新鮮，食得好開心。凍蟹鮮甜，點下餐廳自家製的泰式醬非常惹味。咖哩蟹辣辣地，令人胃口大開。蟹油菜心夠新鮮林甜，帶少少蟹的鮮味，但又不會太油膩。蟹粥我都好中意，夠綿密，吃得肚子很舒服。性價比高的套餐，朋友說下次會同家人黎幫襯!

朋友帶我來沙田圍食全蟹🦀宴， 蟹鮮。甜。惹味又多肉😋。鱻潮貼心準備了乾、濕紙巾及即棄手套， 唔怕整污糟手。如果可以提供碗檸檬茶洗洗手就更好。潮州凍蟹 推介👍🏻👍🏻👍🏻一人一隻凍花蟹， 肉味好鮮甜， 唔沾醋食都可以。 令我念念不忘，回味至今，有機會我要再去食。避風塘炒蟹炸蒜香脆，啖啖蟹肉連埋炸蒜食，好惹味。蟹油炒菜菜心又嫩又爽脆，不會食到成口渣。籠仔荷葉蟹飯飯盡吸蟹既精華，加上荷葉既清香，令你入口甘香而不膩。重口味既我再加入的炸蒜， 令整體口感升華。

一個好鍾意食蟹嘅朋友約我食飯，即刻諗起朋友食完讚不絕嘅鱻潮。馬鐵沙田圍落車過條馬路就到，大熱天氣都唔會行到身水身汗。經openrice 買咗個全蟹宴，好醒目咁訂埋枱確保有位兼有蟹。 雖然位置熟食中心入面，環境整潔有冷氣， 安排一張二人桌， 方便我哋傾計唔怕大聲嘈到人。枱面有齊紙巾、濕紙巾、手套供食蟹用，貼心程度爆燈。🥢潮州凍蟹一人一原隻唔洗爭， 仲見到隻🦀 張牙舞爪， 記得蘸點酸辣凍蟹汁👍🏻仲要有膏，勁驚喜🥢避風塘炒蟹脆味相投嘅我們，食完蟹都唔準收碟脆蒜辣椒，最後用埋嚟撈飯😎香口到呢…🥢蟹油炒菜菜嫩脆口，油份極為香口🥢籠仔荷葉蒸蟹飯炒飯底誠意分可加，荷香蟹味入飯，面層座蒜山淨返蒜甜味認真嚟個吃後總結，套餐openrice價$498，食足4隻蟹，隻隻都新鮮、有膏、實淨、多肉、咩煮法都美味嘅蟹，計劃嚟緊去食埋其他煮法嘅蟹。

有驚喜之全蟹宴🦀🦀🦀. 無得去日本食蟹宴心掛掛，其實香港都有架，今晚受朋友邀請去左位於沙田博康邨熟食中心既「鱻潮手工私房鍋」，在馬鐵沙田圍站B出口走幾分鐘就到，十分便捷。朋友安排潮極上2人全蟹宴，話明全蟹宴當然全部都係蟹啦，全部用上新鮮靚蟹，有肉又有膏，食過番尋味，下次可以試下佢蒸海鮮，有啲係逐位計，唔會食到over budget，正架！今晚食左以下幾款：🦀潮州凍蟹2隻🦀避風塘炒蟹🦀蟹油炒菜🦀籠仔荷葉蒸蟹飯

今日去了沙田鱻潮手工私房鍋食蒸海鮮自助餐，海鮮超級新鮮及好味，有蟹丶有蝦、有魚、有鮑魚、有花甲，仲又有小食贈送，加$20元仲有啤酒及汽水任飲。勁推介的新鮮炸魚皮，超級好味。

已經係第四次嚟呢度。非常望失望。次次都食佢$198海鮮蒸氣鍋。差唔多一年前第一次去覺得好多海鮮通常都有一隻正常龍蝦兩個人食加埋個粥底都好正，算抵食。尋晚再去佢竟然比兩隻大陸好興食嗰啲龍蝦仔即係一疊有幾十隻嗰啲，比兩隻我哋兩個人。一見到即刻都嚇咗一跳佢真係夠膽拎出嚟俾啲客搞到好嘢。最後要求更換，換返兩隻扇貝代替，雖然佢肯換但係已經失望。其餘啲開先條魚兩舊都好細根本成隻碟已經唔滿。因為太少份量海鮮又少，佢個粥底超多水食到最後諗住食粥飽，點知完全冇味不停加鹽食落去就好似白粥加鹽一樣。非常失望因為以後又少咗一個地方食飯

魚魚魚潮二十款醬料隨便搭配，自己燒烤，仲有手掌大既大澳魷魚干同魔鬼魚干（並未上鏡）魷魚干好難燒，燒到燶哈哈安格斯牛柳粒唔經任何調味都非常多汁鮮香，五花腩隨便燒都燒出彈牙既口感，一d都唔肥膩，不過五花腩size比YouTube介紹既細好多BBQ基本配置的棉花糖同麵包都有，仲有尖椒同秋葵等坊間不唔係點供應既食材🙈 還有隨便食既雀巢雪糕~不過可能因為太夜，d雪糕已經冇乜。八點去，燒到十點半時間到老闆都未催我地埋單，不過都係自動自覺埋左單哈哈各種工具：竹籤，剪刀，食物夾，醬汁掃，錫紙兜……$168+$10 醬料費，免加一，加$20任飲，好似啤酒都係任飲，唔任飲就$10罐，非常划算而且極易操作

招牌湯底（麻辣+鮮魚湯）麻辣湯底，較香和辣。鮮魚湯，多材料，有什菇和少量藥材。自製魚皮超大條，成隻筷子咁長，好脆～海鮮拼盤，都鮮甜，無沙。麻辣青瓜、皮蛋小食，味道唔錯牛頸脊，正常，普通任食配料區，因與BBQ Share,所以選擇唔算好多。整體而言，湯底、食物味都幾好的。

今日去咗沙田探朋友， 之後梗係食飯吹水啦， 好友知我係蟹痴， 所以專登訂咗個《蟹宴手工私房鍋》敍下舊。餐廳非常貼心，提供了膠手套同濕紙巾， 方便客人進食！ 首先來了2隻凍蟹， 真係好鮮甜， 肉質結實， 原汁原味， 實在太好味了! 第二道蟹， 客人可以選擇咖哩蟹或胡椒蟹， 而我哋揀咗《胡椒蟹》。鑊氣十足， 上枱時已經聞到好香， 炒得非常入味， 胡椒好惹味， 好食！ 食完蟹， 就可以上火鍋了。嘩， 又係蟹， 正！ 這個係花甲蟹鍋湯底， 味道清甜， 真係爆Like ! 肥牛口感好正，有濃郁嘅肉味，油脂分佈平均，香嫩又多汁，只要煮到半生熟， 再加上自製醬汁，美味至極！ 仲有其他限量火鍋食品， 例如八寸皇帝蟹棒、手工蟹子蟹肉珍寶珠同黑白墨魚𥖁等等。 我最鍾意就係《手工響鈴》，充滿香濃腐竹味，仲要脆卜卜， 即叫即炸， 真係好好食！ 除咗之前叫嘅嘢食之外，其實仲有任食火鍋料， 真係啱晒大胃王人事， 但每位只係$288， 價錢十分合理！  

【中秋送大禮】上次擲骰仔，抽到黃金炸魚皮（正！），今趟肥佬出手，抽到凍蟹一隻好味道。海鮮一如既往的新鮮好味，尤其是「蝦」。不過，這裡設有卡啦OK房，食客可能要忍受噪音之苦。

本人住港島區 前排聽到朋友介紹呢間嘢 特登走過黎試 果然不負所望 雞煲味道好在個調味獨特 一般出面雞煲完全唔能夠相比 打邊爐湯底簡直鮮味十足 完全值得一試再試 👍👍👍👍👍

沙田圍食飯一般都首選河畔，响街坊指引下，今晚去左博康食新野，係魚魚魚私房菜。餐廳係冬菇亭改建，分室外同室內兩部份，平日晚上，加上時間尚早，人不多幾好坐。眼見眾食客分左兩批，一批係火鍋，另一批就蒸鍋。再望下餐牌原來都幾多選擇，有「蟹翅宴」$348、「私房蒸鍋」$198、「半放題蟹宴手工鍋」$238 及任食火鍋套餐 $198 or $248 兩種唔同級數。最後我地揀左蒸鍋，登凳.........每位加$20 任飲汽水同啤酒，當然要啦！點完餸，待應就以閃電的速度上左個蒸鍋，原來入面齋煮清水架咋。轉個頭，配料陸續送上。廚師發辦海鮮六款話明廚師發辦，即係冇得你揀，由廚房安排最時令的六款海鮮俾你。呢個moment 就真係要睇下師傅有冇良心同自己夠唔夠運啦⋯⋯鮮魷、白蜆、花甲、龍躉片、扇貝、膏蟹，膏蟹！係膏蟹呀！切開左都仲郁緊架！爆膏架！佢橙黃黃的爆膏程度，簡直同海鮮檔的 display 有得揮噃！跟住張時間表開始蒸了，海花蟹就5-6 分鐘，但呢隻係爆膏蟹，我地蒸耐少少，10 分鐘啦⋯⋯ 真係超新鮮，超好味，有食咸蛋黃的感覺，一試難忘。白蜆好滑，冇沙，正 ！扇貝配上特製蒜蓉汁，蒸4分鐘就得，緊緊熟，

今天走的有些遠來試這一家火鍋店，因為友人住附近，他說看見這家新開不久的店想試一下，他是不吃肉類，除了海鮮，而這一家店主打海鮮，而且是蟹！難得合他胃口，所以就來試試。位於熟食市場，但是位置在沙田圍站對面，而且第一家就是了，非常客易找分了室內跟室外有蒸海鮮、任食火鍋，我們當然是吃蟹宴！很貼心的提供了手套跟濕紙巾蟹宴手工私房鍋(半任食)  $288/位   ，  先是調味盤，醬油$10/位凍蟹一隻(約6両)蟹殼比較薄，好容易拆開，就算是拆蟹新手也絕對沒問題，蟹肉也挺扎實，蟹味比較清淡，做頭盤很合適星洲黑胡椒炒蟹半隻  或  咖喱蟹半隻(1隻約1斤)選了星洲黑胡椒炒蟹，上枱的時候還冒煙，同樣自己拆，這隻對比凍蟹就硬身很多，也比較難拆，幸好友人拆蟹有一手，很快就弄好。黑胡椒味道挺突出，醬汁也濃稠，但稍微不夠香，黑胡椒味可以再更濃味，而蟹肉就比較散，比起凍蟹沒那麼扎實，但沾了黑胡椒醬絕對可以用來佐飯。鱻潮花甲蟹窩  或  鱻潮招牌鍋(麻辣/鮮魚湯)身為海鮮迷，當然又選了花甲蟹鍋～比想像中清淡，湯料主要有什菜、什菌、粟米、花甲及蟹。湯能喝出沒有加味精，帶股很淡很淡的菜味和蟹鮮，這個湯需要愈滾才愈鮮，

上次來來， 今日有朋友生日， 我們再來博康的鱻潮， 水準跟上次一樣， 炸魚皮超鬆脆好味，響鈴香脆可口，胡椒蟹新鮮好味肉嫩多汁，起美味呀！火鍋料都幾多選擇，雖然火鍋配料都係平價貨。 我們的套餐價錢唔貴每人$248 。