鮨處松戶 (彩星集團大廈)

營業中

休息中

早四日book二人枱星期五晚飯，當日冇人打電話俾我confirm booking。去到時候，帶咗我去吧枱坐，我話唔想坐吧枱，侍應生只係好冷漠咁不斷話今晚爆滿。我問點解我定位時冇通知我要坐吧枱，侍應生只係好冷漠咁不斷話今晚爆滿。我話我四日前已經book枱，可唔可以換去落普通枱，侍應生只係好冷漠咁不斷話今晚爆滿。朋友到達後，我哋立即離開。 本來我都幾鍾意呢個地方食飯，已經嚟過好幾次，今次佢哋比我嘅感覺非常之差，如果客人多，想二人枱客人轉到吧枱坐，點解吾俾個電話我通知？幾年前開始幫襯好幾次，星期五晚都係一半滿，近呢一年多咗客，服務差咗，佢哋唔憂做，我亦唔會再幫襯。

好耐食返餐好，應該及時對自己好D！有朋友介紹呢間日本料理，暫時未去日本旅行都止住渴先！位置有D唔起眼，係海港城對面Apple Store旁邊有入口搭電梯，係一幢玩具公司既大廈裡面，上5樓仲要再轉電梯，轉𨋢前會見到好大隻忍者龜！男朋友表示好靚呀！坐低飲杯熱茶，就開始我地晚餐既前菜，係日本凍蕃茄，咪以為都係蕃茄啫，好平凡，但原來係錯既！一食之下，蕃茄超甜！原來蕃茄屬於水果類唔屬於蔬菜，不過除非放入沙律或三文治，否則都好少係咁生食蕃茄，呢個就唔同！完全無草腥味無丁點酸味，第一次感覺到係食緊生果既味道！好正呀！可唔可以食多份😂開完個胃，黎呢度梗係要食刺身！呢個特上雜錦刺身，7款刺身，每款都有3件，所以3個人食先唔會爭😂呢度既深海池魚刺身好出色，味道好鮮味之餘，魚質非常有彈性而無筋！牡丹蝦亦非一般貨色，入口非常重膠質，而且蝦味好濃！諗返又回味🤤當中吞拿魚腩超級肥美，肥油甘香令口腔徘徊不散！赤貝口感好爽，證明新鮮度高，而油甘魚都唔錯，海膽尚算甜只係唔及日本即時食到咁新鮮，但已經算係咁～牡丹蝦個頭超大，諗起去日本食壽司，師傅會炸起蝦頭不另收費，即刻變到好香口又唔浪費！如果蝦頭都係炸起變做一個小食就更

Happy Friday約左係TST返工既閨蜜晚飯 想食得好d同可以坐耐少少 閨蜜就帶我去Gateway對面既大廈嘆高級日本料理眼見餐廳應該都不乏熟客仔幫襯 鄰座更坐住日藉同外藉既顧客 (小妹心諗..日本人都幫襯 應該有返咁上下質素)自從之前係東京食過大大個既蕃茄刺身後一直念念不忘 今次見到餐牌有即刻9秒9叫黎食點左個有拖羅,帶子,甜蝦,三文魚,油甘魚,魚等等既刺身盛係大!拖!羅!啊厚切得黎 入口即溶 Oishi desu食得正宗日本料理 燒魚一定係唔少得 點左最簡單既燒鯖魚 好厚肉手羽鹽燒 即係燒雞翼燒得夠香夠乾身而全晚最出色 小妹覺得係呢個雜錦天婦羅 粉薄之餘亦炸得剛剛好 無油膩感 仲要有3隻天婦羅蝦添最後怕唔夠飽 點多左個薯仔牛肉煮 味道都ok 幾入味飯後 職員主動送上香濃既芝麻雪糕 好滿足

本看facebook食評不錯，見價錢中價合理，滿心期待，但最後卻頗為失望。兩人叫了日式煎蛋卷，刺生（上）及串燒盛合。本想之後不夠再追加，但第一碟煎蛋一上，已知質素普通，十分乾身和鞋口，沒有高湯味道是必然的，蛋漿似乎未有調好味，時咸時淡。😅 刺生，雖然叫了最平的，但已經要近400蚊，份量和種類是足夠的，但味道和新鮮度最多只屬一般至普通的放題質素，三文魚及帶子都比較軟及淋身，油甘魚顏色暗淡冇味，海膽算是合格的。刺身盛合，雞皮雞腎雞軟骨，咩味都冇，一陣雪味。三碟，連兩客四季豆麻醬小食，700蚊🤦🏻‍♂️😅呢個價錢，尖沙咀大把選擇，食物烹調沒誠意。真心失望。

尖沙咀呢間日本料理餐廳好容易搵，因為佢就正正响尖沙咀廣東道Apple store嘅樓上8樓。坐低之後侍應先將三道前菜逐樣逐樣上抬，第一道前菜喺漬物蘿蔔，第二道前菜喺支豆，第三道前菜鮮新鮮沙律(有日本蕃茄丶🍆丶北海道生粟米，蕃茄味道清甜，而其中嘅兩片粟米，入口清爽而甜)。跟著其他料理陸續送到枱上，有泡菜鍋，估唔到啲泡菜湯又酸又辣，幾好飲。個鮨處松户海鮮沙律，裡面有唔同種類嘅魚生切粒，夠晒fresh。呢個鹽燒油甘魚頭喺我嘅至愛之選，肉質鮮美滋味又嫩滑，充滿骨膠元之外仲非常香脆。最後個炸蝦飯更是意料之外好食，雖然外表黑漆漆唔吸引，入口先至發覺又幾好味，居功至偉應該喺佢甜甜哋嘅醤油，非常嘢味呢。

餐廳身處在廣東道100號彩星集團大厦8樓，同大厦有多間日本料理都頗有水準，這次就選了鮨處松户品嚐一下日式佳餚。餐廳裝潢感覺像居酒屋，而且是夜也看到有不少日本人來用餐哩，挺熱鬧的點好餐就先送上熱茶和前菜，前菜小食是漬蓮藕片，甜甜的味道討喜沙律選了日本涷蕃茄，外表明亮光滑，日本的蕃茄真的零舍清甜這道是炸物是炸池魚酥脆感十足，而且炸得乾爽毫不油膩是夜主角當然是這個特上雜錦刺身，刺身肥美新鮮，有拖羅、海膽、池魚、油甘魚、海老、赤貝和三文魚，放在盤子上相當有看頭不客氣了先吃海膽～滋味在口腔久久不散厚厚一片的拖羅脂肪豐富，入口即溶大大隻蝦～肉質紮實超彈牙燒物是鹽燒雞翼香噴噴的雞翼雞皮燒得焦香，入面的雞肉仍是嫩滑多汁，吃起來脆口美味最後以甘香幼滑的抹茶雪糕作結～

要知道一間餐廳係咪正宗既地道菜，從食客既種類可以略知一二，前兩日放工去完尖沙咀Shopping，跟住去左Apple Shop同一楝大廈8樓既“鮨處松屋”食日本料理，見到有好幾枱食客都係日本人，連日本人都離食既日本料理點都一定唔會差，高質既日本料理加舒適既環境，比到我地滿足既一個晚餐。日本凍蕃茄 $70首先離個日本凍蕃茄清新一下味蕾，蕃茄極度清甜，甜度適中，令到食欲增加，絕對係前菜最佳選擇。雜錦刺身 $560刺身盛有牡丹蝦、海胆、赤貝同埋其他魚類，樣樣都好新鮮，尤其是拖羅同埋油甘魚，拖羅夠肥美，入口油脂充滿成個口腔，絕對超值。日式炸雞 $80炸雞即點即炸，上碟熱辣辣，配合生菜絲同加少許檸檬汁，中和熱氣感覺，雞肉帶皮但唔肥，肉質嫩滑，抵食。牛肉網燒 $140網燒牛扒夠大塊，同樣即點即燒，牛扒質素雖然唔係和牛質素，但絕對可以接受，配合燒汁味道非常唔錯。串燒 (多款)點左幾款不同串燒，燒雞皮有驚喜，雞皮唔肥，燒到超級香脆，食完想再食；另外免治雞肉串又係叧一推介，免治雞肉表面燒得香脆，裡面軟滑，滿足既口感。日式雪糕 $38當晚雪糕有兩款味道，荔枝味同芝麻味，我地點左各一款試試，荔枝味清新，芝麻味

位於尖沙咀廣東道(鮨處松戶)裝修和風處處，有少見的日式榻榻米包廂，朋友聚會或見客商談皆合適不過。小碗中的汁煮豚角煮，乃是晚開胃小食。開放式的廚房讓其食客能雅賞各款新鮮，當然食慾大增，廚師即時奉上各時令刺身給客人品嘗。特上雜錦刺身$560，有海膽、油甘魚、牡丹蝦、赤貝、吞拿魚腩等等，皆是當天由日本各大漁市場直送到港，新鮮保證。厚切刺身極上滿足！厚切的大拖羅鮮味十足，就看其油脂滿溢，而動筷吧！鮨處松戶海鮮沙律$95，雜錦魚生切粒，配上新鮮蔬菜，賣相美觀吸引，價錢相當經濟。和風雪菜炒飯，每粒飯炒至乾爽，再加入雪菜，雪菜香令其更食滋味。稻庭海帶烏冬，海帶湯濃厚而不鹹，烏冬也夠嫩滑。

今日有移民左美國的舊同學來港旅行，我當然把握時間約她出來聚一聚，我帶她去尖沙咀名店shopping，之後去左廣東道的鮨處松戶食日本菜，尼間係女兒介紹，佢話好多日本遊客來香港都去食，因為店內的環境、裝修、擺設都好有日本Feel，食材又夠新鮮，而且還得過獎。所以我今天就帶舊同學去試試！首先是海鮮沙律，有三文魚、甜蝦、八爪魚、三文魚籽、沙律菜等，材料新鮮，加入用天婦羅粉炸成的脆脆，增加了口感，好味！刺身特上，有厚切、魚油豐富的三文魚、吞拿魚腩、油甘魚、深海池魚，鮮味的海膽、大隻又鮮甜的牡丹蝦、爽口的赤貝，所有刺身都是高級食材，新鮮美味。冲繩豬手，豬手炆得夠林又入味，皮滑肉嫩，食完口角有黏黏的感覺，就知骨膠原豐富。日式炸雞，外層酥脆，肉質鮮嫩。芝士年糕，芝士焗至金黃色，與年糕一齊食，口感煙靭又惹味！稻庭烏冬夠滑，湯底鮮味。最後甜品是荔枝雪糕，自家製的雪糕，口感特別滑，甜度適中。

鮨處松戶今日同朋友去尖沙咀行街，行完街，就準備食生日飯，揀咗一間喺廣東道嘅日式餐廳。餐廳設計好有心思，以木為裝修的主調，添上古樸嘅氛圍，帶點京都的味道。每一個卡位，也要一個高薪的椅背分隔，私隱度大大提高。而且一進門口，就望到一一個特大嘅日本酒櫃。入面排滿了各式各樣的日本酒。餐廳的最前端是壽司吧枱，同時間可容納10位客人，兩位師傅正在專注地準備刺身和各樣的壽司。前菜有青豆角配麻醬同日本凍番茄日本青豆角非常清甜爽口， 配以香濃的芝麻醬， 形成一個特別的對比。雜錦刺身（上）$560中拖羅、深海池魚、牡丹蝦、三文魚、赤貝、海膽刺身賣相絕對吸引，而且種類都很多，每一款刺身都很新鮮。拖羅係我最鍾意嘅刺身之一，油香四溢，入口即溶。牡丹蝦新鮮彈牙，非常特別。味醂魚乾$90魚乾不是很薄切，燒得不會太乾，有咬口，是佐酒必點的小吃。山賊燒雞翼＄58本身我不太喜歡吃雞翼，但是這個雞翼味道也不錯，四隻雞翼已去邊，方便食客進食，十分細心。雞翼的外皮燒得非常香脆，雞肉一點也不乾。花魚鹽燒＄88燒鯖魚就吃得多， 今次是第一次品嚐燒花魚， 花点同鯖魚的肉質完全不一樣， 青魚的肉質較實，但 花魚的肉質是較軟身， 而且魚味

今日黑色星期五果然係名不虛傳，放工除咗第一時間想即收工外，就係滿腦子諗今晚要食餐好，滿足一吓自己個胃，將今日嘅不快統統用美食帶走。老公就幫我安排落尖沙咀食我最愛嘅刺身，食飽飽後仲話同我飲杯嘢先再返屋企。初初以為佢帶我去壽司就算，點知佢帶我去一座新裝修嘅商業大廈嘅食，上到去有一種 relax感覺係俾人傾計邊飲邊食嘢嘅好地方。一坐底就有熱毛巾抹手，熱茶，同埋前菜，之後我哋揀咗一個特上刺身，個刺身一到見就賞心悅目令我第一時間我先食海膽好甜呀個拖羅肥美到不得了，油金魚好香，蝦跟三文魚，之後再落咗D下酒菜，燒雞泡魚肝上碟時係剛剛燒完暖暖地咁入口，燒茄子又甜，燒豆腐干係要讚面唔會燒濃但就好脆裏面就軟仲好香豆味，炸八爪魚，再叫多個壽司併盤件件都好出色最後就食埋個荔枝味雪糕，食到個雪糕應該係自家製嘅因為個荔枝味唔假之如仲食到新鮮嘅感覺食完餐飯成個人開心灑咩不快都掃走。

呢一間係位於尖沙咀嘅刺身壽司店 名叫鮨處松戶 係一間樓上舖嚟嘅 嚟地鐵站都唔係好遠嘅啫 好易搵到呢一間舖呢係會中斷有一個休息嘅時間 到夜晚六點先開番鋪 我就提早咗到啦 所以就喺出面觀賞下鋪面出面嘅環境入面嘅環境好靚一卡卡位咁樣 佢有啲座位呢係坐喺地下嘅 咁我做坐咗啲卡位喇可以見到有呢個壽司師傅喺度整緊壽司開放式咁畀客人觀賞呢個係餐牌店員幫我地舖好嘅仲有一條暖暖嘅毛巾畀你抹下手 好貼心呀佢首先睇相嘅係呢個前菜 酸酸甜甜 幾開胃然後呢就有呢個 雜錦刺身（ 特上）呢盤刺身相當吸引 有三文魚 吞拿魚其他兩種嘅魚刺身 仲有海膽同牡丹蝦 牡丹蝦吃蝦中之王 有高貴嘅營養價值 呢一隻牡丹蝦超級清甜超爽 一食就知係新鮮貨 超級好味 另外海膽 口感綿軟 而且好清甜 吞拿魚刺身 好肥美 入口即溶 其他嘅魚刺身都相當唔錯 好有水準呢個就係牡丹蝦喇食咗一半淨低嘅另一半真係超級好味 忍唔住一又影多次其實食完刺身都已經覺得好飽 因為真係好多 然後我哋仲叫咗呢個海鮮沙律 又係唔同嘅魚刺身同埋三文魚仔喇咁就配起沙律菜一齊進食 好好味然後呢就係呢個牛肉鍋物 唔好睇小呢個賣相普通嘅牛肉鍋物 亦都係超級好

今晚早收工，所以同男朋友嚟到tst食日本野！呢間餐廳由妹妹大力推薦，好彩一早bk左枱，唔係就要摸門釘啦~(≧▽≦)/~一坐低就會arrange位上前菜，今日係麻醬青豆🥗食落幾清新🌼 之後嗌左日本番茄🍅 好食嘅野真係唔需要過多調味，正如呢個温室番茄🍅非常清甜多汁，帶有番茄自身酸甜，好fresh! 我地叫左個刺身盤🤤🤤 5百幾蚊但物超所值！首先個拖羅好厚身，食落去魚油四溢，脂肪含量平均😘 另外珍寶甜蝦都係一絕！好大隻又彈牙，肉質鮮美爽口，蝦膏十分甜，帶d海水咸香🦐 海膽好新鮮所以食落係帶鮮甜又creamy 🐥炸雞好出色，皮薄肉厚又嫩滑！食落好多汁👻 另外都叫左份煎魚，魚骨一下就起到出嚟！魚肉幾滑，唔會腥。木魚炒雜菜🍅🥗 加左木魚炒食落特別有口感，味道小小甜，小朋友都會好中意！最後係芝麻雪糕🐖芝麻味十足，雪糕係帶d黏性個種 口感一流！

今日想食好d,就黎左呢度，之前食過幾次，次次都好有水準，今日叫左刺身壽司定食，真係無得輸！首先會有蒸蛋提供，好滑，但有一點略咸，可以接受的.可能壽司要師博做，所以都等了一段時間。黎到後真係好開心！好靚，每樣都好新鮮！鮮甜！望落好似好少，但食落真係都夠飽！男士可能差丁丁！但原來完餐後仲有甜單！就係雪榚！連個雪榚球都好好味！食完真係非常滿足！😊套餐140蚊，加左一都係154，係尖沙咀食，有呢個質素環境！真係值既！會再黎！！

是日公眾假期，晚上6點就黎到呢間日本料理等開門啦！ 好期待男友人揀的呢間店。我地係第一台客人，太早啦之後人愈黎愈多 成間店的風格都好日系，好似去左日本咁日本白粟米完全冇諗過粟米可以生食 但呢個好好食！ 好鮮甜，唔會再生澀味道，好特別的前菜刺生盛（特上）呢個真心推介，淨係食個吞拿魚腩、海膽同海老已經值晒！ 海膽同海老都好甜，一d都唔腥，食得出好新鮮。未食過咁肥美的吞拿魚，係入口即融呀鹽燒花魚呢條花魚好juicy! 好多魚汁，唔似靖魚咁乾身。牛油燒帶子有4粒帶子，熟度岩岩好 唔覺韌，牛油汁有點似龍蝦伊麵d味道咁， 附有檸檬，加少少檸檬汁仲好食雜錦天婦羅有3條海老、冬菇、茄子、南瓜、魚等等， 炸粉唔太厚，口感幾脆南瓜好甜厚燒玉子呢碟玉子係偏向有層次的甜蛋，雖然有層次感，但依然好滑牛肉蕎麥麵牛肉份量好多！！清湯得黎 唔會淡紅包年糕年糕是烤過的，熱辣辣。而紅豆係凍的， 加埋一齊真係經典配搭我最愛