更多
2018-08-19
145 瀏覽
同朋友食生日飯,想食日本野,又唔想去元x,板x食,search下搵到呢間。去到搭lift以為自己去錯地方,因為見唔到8樓,原來要去到5樓轉lift。一出lift,係另一個世界,好似真係去咗一間好地道嘅日本餐廳咁,令人感覺很輕鬆,近門口係間包房,要換拖鞋先可以入去,如果一大班朋友黎,一定食得好盡興。啱啱6點去到冇乜人,去到七八點嘅時候,逐漸多人,有幾枱都係日本人。叫左雜錦刺身( 特上),有朋友鍾意食嘅海膽。另外有吞拿魚魚腩,牡丹海老,赤貝,油甘魚,三文魚,深海池魚。海膽十分鮮甜,唔苦,無出水,證明好新鮮。赤貝好爽口,而且唔腥。吞拿魚入口即溶,非常正!全部魚生都好新鮮,出面一般的真係比唔上。海鮮沙律,有魚生同啲三文魚子,加埋沙律菜同脆脆,幾種口感,好fresh,食完好開胃,2個人食晒一大盆。日式炸雞,旁邊放上椰菜可以一齊食,感覺冇咁滯,點埋沙律醬唔錯。炸得酥脆且不厚粉, 咬落去仲帶有啲肉汁。味醂魚乾,即係烤雞泡魚乾,燒得熱熱地,可以點沙律醬,不過覺得就算唔點醬都好好食。日本豬手,豬手炆得好入味,食完碗底d汁都杰杰地。鹽燒油甘魚鮫,烤得好香口,魚肉嫩滑,冇諗到可以烤得咁好食, 本身期望唔太大
一出lift,係另一個世界,好似真係去咗一間好地道嘅日本餐廳咁,令人感覺很輕鬆,近門口係間包房,要換拖鞋先可以入去,如果一大班朋友黎,一定食得好盡興。啱啱6點去到冇乜人,去到七八點嘅時候,逐漸多人,有幾枱都係日本人。
叫左雜錦刺身( 特上),有朋友鍾意食嘅海膽。另外有吞拿魚魚腩,牡丹海老,赤貝,油甘魚,三文魚,深海池魚。海膽十分鮮甜,唔苦,無出水,證明好新鮮。赤貝好爽口,而且唔腥。吞拿魚入口即溶,非常正!全部魚生都好新鮮,出面一般的真係比唔上。
海鮮沙律,有魚生同啲三文魚子,加埋沙律菜同脆脆,幾種口感,好fresh,食完好開胃,2個人食晒一大盆。
日式炸雞,旁邊放上椰菜可以一齊食,感覺冇咁滯,點埋沙律醬唔錯。炸得酥脆且不厚粉, 咬落去仲帶有啲肉汁。
味醂魚乾,即係烤雞泡魚乾,燒得熱熱地,可以點沙律醬,不過覺得就算唔點醬都好好食。
日本豬手,豬手炆得好入味,食完碗底d汁都杰杰地。
鹽燒油甘魚鮫,烤得好香口,魚肉嫩滑,冇諗到可以烤得咁好食, 本身期望唔太大。
最後食埋個綠茶雪糕作為終結,兩個人食食到捧住肚走。下次食飯又可以多個選擇🤣
張貼