鮨處松戶 (彩星集團大廈)

營業中

休息中

尖沙咀一向多好野食，淨係日本野都揀到眼花繚亂，今次試左一間，叫鮨處松戶，一聽就知道係主打刺身，形式裝修都似居酒屋。有獨立房有吧枱有卡位，無論一班人開party， 定三五知己都適合 嚟飯聚都適合餐牌好多頁，由壽司到炸物同麵都有，而且日本酒款式甚多，可以慢慢坐慢慢飲。先上一個刺身拼盤，擺得精緻，海膽新鮮，甜蝦同帶子都充滿水份，非常彈牙，吞拿魚口感一流，好滿足。炸蝦卷同炸海膽卷，海膽多到洋溢出黎，伴隨脆脆，入口鬆化，融化口中。最後黎一個鍋仔烏冬，份量十足，配料同炸蝦都大大件，飲啖湯，成個肚暖曬！鮨處松戶環境舒服，適合一班朋友叫小食，慢慢飲酒慢慢聚會，而且食物中上，各有千秋，鍋物足料，刺身鮮味，推介比大家！

難得男朋友可以早收工。就去左尖沙咀行街，再搵間餐廳食個飯享受下😝想食餐好嘅唸法，揀左呢間位於尖沙咀APPLE隔離嘅大廈內的日本餐廳。首次光顧，餐牌內有好多選擇，揀食咩都揀一大輪🤣餐廳坐位好鬆動，唔會同隔離枱迫埋一齊，坐得舒服。刺身類。一盤有六款種類！全部都新鮮，質素確實不錯！唔會切得薄一薄🤪沙律🥗海鮮沙律嘅菜好新鮮👍🏻👍🏻加上角切魚生，感覺好清新。味道有少少酸，令人胃口大開！煎牛扒-牛肉入口軟，唔會似香口膠咁un。點上店舖配上嘅牛肉汁味道更好。天婦羅🍤有蝦，魚，椒，豆，蕃薯🍠。一碟就可以試到咁多款式，超值！炸粉厚度剛好，吃落唔會油淋淋。蝦重好大隻😍絕無偷工減料！串燒。紫蘇葉雞肉棒配梅子醬。味道好夾😍酸酸嘅味道好開胃。熱烏冬鍋。清淡的湯底，配上有咬口的面條。配料都好多，以蔬菜為主。為完美嘅晚餐作結。整體感覺很好。食物質素，環境，服務都不錯！下次會再約啲朋友一齊食餐好嘅☺️

自從Apple 進駐尖沙咀，彩星集團大厦裝修之後，門口被Apple 霸佔了一大半，所以食客人流相對減少⋯⋯松户改名為鮨松户之後冇嚟過⋯⋯由於今日老闆和同事們一起進餐，於是就選這𥚃，因為這裡定食選擇多我們一行8人，所以包房，午餐時間包房Min charge 為$1000 相當抵包每日都有 daily special 選擇，不過今日唔多吸引，大家都沒有選擇定食包括有蛋、麵豉湯、主食和雪糕，如果唔要雪糕，可選咖啡或檸水同事選了銀鱈魚西京燒，條魚真係好細另外鰻魚飯定食，男同事食得很滿足我們加了兩個㕑師推介，新瀉特大炸豆腐，大家都覺得冇乜味道而另一個推介係海膽同心卷，看得出貴在個手工，但個人覺得，如果海膽這樣炸咗，反而突顯其腥味至於切碎魚生醬漬飯定食，廚師太重手了，醬漬比例過咸，下次都係選雜錦魚生飯會好些，反正都一樣價錢。男同事選了網燒牛排定食，味道可以，可惜牛排有根最後雪糕只得荔枝味道，感覺上食日本野，配綠茶、芝麻會較為理想

位於尖沙咀的鮨處松戶，是一間受遊客歡迎的日本料理店。是日是星期六，放假休息的日子，休息過很，相約媽媽去吃日本菜吧。雜錦剌身$380大大盆刺身，份量十足，可供我和媽媽兩人分享哦。包括：赤身，油金魚，三文魚，帶子，甜蝦等等，每種刺身有三片哦。三文魚厚切大件，油份適中，油金魚魚肉爽口，甜蝦黏滑，不過刺身味道偏淡，若濃味一點就更好啦。日式炸雞$80懂我的朋友都知道，我很喜歡吃日式炸雞。每次到居酒屋或拉麵店，我都會選一份炸雞品嚐試試。炸雞數量頗多，外皮炸至脆硬，香脆可口，雞件脂肪不多，感覺上不會太肥膩。帶子牛油燒$85一客五件的燒帶子，可不是一般貨色。帶子肥美大隻，肉質彈牙，先燒後炸，最後放入牛油蘑菇醬汁中煮，很美味哦。紅豆年糕$48除了一人品嚐一球雪糕，我獨自追加一份紅豆年糕。燒年糕需時十五分鐘，外皮燒至脹卜卜，香脆微焦，內裡煙靭帶麵粉香，配上十勝紅豆，太美味啦。

已經有一段時間沒有吃日本菜,兩星期前,豬豬走到尖沙咀吃了一頓不錯的日本料理。 除了太古城和銅鑼灣之外,香港最多日本人出沒的地方就是尖沙咀。鮨處松戶開設在尖沙咀廣東道,絕對有它的原因。 這裏的裝潢比較簡單,給人一種踏實的感覺。 除了一般的座位,亦設有壽司 Bar。客人除了本地人之外,還有外國人及在香港工作的日本人,證明餐廳的水準備受推崇。 席間有一班日本人光顧,他們被安排在貴賓房內享用晚餐。看來這一班日本人也是這裏的常客呢。 餐牌日文、英文及中文也同時並存,方便不同顧客的需要。 首先出場的是這裏的招牌沙律 ~ 鮨處松戶海鮮沙律。大大碟的沙律,充滿各款魚生刺身,配合新鮮蔬菜及沙律專用醋,清甜爽口,引起食慾,是不錯的前菜。 什錦刺身(上) ~ 有吞拿魚、油甘魚、三文魚、帶子、甜蝦及立魚刺身各三片,再加上海膽。刺身新鮮好味,充滿光澤。當中以油甘魚最肥美好吃。帶子也是難得的鮮甜。 鹽燒雞翼被燒得香脆。原來雞翼背面已經被切開,讓燒烤時間縮短,雞翼燒得更香脆,吃的時候也更方便容易。 炒雜菜本來是一道非常平凡的菜色,但是加了木魚薄片之後,凸顯了蔬菜的清甜味,是不錯的點綴。 接着

今日忽然想食日本野，但又唔想食啲大型連鎖，街街行行下，就上左黎呢間日本餐廳。店員話通常都FULL BOOKING 但咁岩有張枱冇黎，我地先入到唯一一張，(真係好好彩^^)店面係走樸實既路線，枱面都算整潔。一坐低都會送埋一份漬物做前菜，今日係茄子，都幾好食。餐牌既圖片都幾精美。「出神入化」好彩我地兩個唔係太肚餓，叫得唔係好多，因為呢份海鮮沙律係超級大份，入面充滿左角切魚生、沙律菜、玉子等，最令我估唔到既，係竟然加左天婦羅脆粒落去，本身咬落全部都係菜既沙律，突然多左一份脆感，呢個係口感上加左唔少分！另一份都屬於冷盤既係刺身拼盤，拖羅油脂感好重，一啖放入口你會感覺到魚油係充滿哂你成個口腔。三文魚腩切得好厚，啖啖魚肉好滿足。海膽非常鮮甜，唔腥，佢係吞左落口之後，會再隱隱淡出小小甜味，好新鮮！「嘖嘖稱奇」串燒就點左雞翼、牛舌，呢兩樣係我係日本餐廳最愛點既野食，因為一食就知道師傅既能存力高低。但估唔到呢兩樣都係超水準！雞翼成功燒到雞皮好脆口，但又唔係炸過既脆，而係燒到微焦既脆口。咬落肉質好鮮甜，雞肉仲保持到肉汁同水份，入面唔柴，非常唔錯！而牛舌就燒到好爽口，食落係有嚼勁但唔韌，而且面頭既鹽味落得岩

有朋友講話廣東道有一間得過獎,樓上食日本嘢嘅叫鮨處松戶,一直都好想去試下 今日就book咗去試下 雖然喺樓上但係都好唔易搵到, 一入到入好似去到日本嗰啲居酒屋一樣 未食都心情愉快 好快就叫咗幾樣嘢食呢兩樣我必食嘅海鮮沙律同刺身,因為得兩個人所以叫咗個細嘅雜錦刺身盛因為都有幾多款 同每樣都有三件,海膽好鮮甜油甘魚同立魚又爽又甜帶子同蝦都好新鮮,跟住再食個沙律,都係有好多海鮮撈埋一齊食,啲味道好好夾再上小食枝豆同牛油燒帶子,真係估唔到枝豆咁簡單小食都可以整得咁好食,可能因為佢整得夠乾身同埋有落咗啲鹽花食到停唔到口 牛油燒帶子燒得啱啱熟好滑唔會韌,食日本嘢點可以唔食天婦羅所以又叫左天婦羅蕎麥麵,天婦羅炸得好乾身,啲蝦又 大隻蕎麥麵又爽口 配埋佢嘅汁真係好好味,同埋單嘅時候佢又話有雪糕送有芝麻味道綠茶味兩種,咁兩樣都試啦,仲有個日式炸雞都唔記得講 值得一讚係佢嘅炸嘢係好乾身得好滑飽住肚咁走返出門口

餐廳燈光好柔和，坐位舒適，適合靜靜地傾下計。一入到黎，見到隔離枱係日本人，無揀錯地方喇<鮨處松户海鮮沙律>呢個唔係沙律咁簡單，份量好多，2個人食都有d難道，入面有好多好多刺身，全部都好新鮮，加埋類似天婦羅脆脆同沙律菜，好開胃，正！<雜錦刺身(上)>海膽超鮮甜👍🏻仲有赤身、油甘魚、𩶘魚、三文魚、帆立貝、甜蝦！師傅睇黎刀功一流，切得好好，刺身全部好新鮮肥美，讚呀！<炸蝦卷>炸得香脆！餡料十足！點沙律醬開胃。<蒜片雞肉南蠻漬>呢道菜好有驚喜！個汁酸酸甜甜，我好有衝動撈飯呀！雞肉入面好juicy好嫩滑，推介！<蘿白煮鰤魚>煮得好入味，魚略嫌多骨。<牛肉烏冬>夠哂熱辣辣，烏冬質地好Q彈👍🏻總括黎講，呢間餐廳好有日本風味，煮法好地道、有心機，服務態度好好，亦坐得舒服，會再黎！

林生帶我食好西系列位於廣東道Apple store 附近餐廳在8樓 需要在5樓換另一部lift訂左座7點 6點半上到好多位餐廳得過不少獎項侍應有禮帶我們到內廳 內廳可自到海港城內廳與大廳有一間隔牆 但隔音實在太差 鄰檯那男人說話好大聲大聲到好似在我耳邊講野 好誇張首先上檯的是味噌煮魚比較少見的小食 味道不錯 不會太咸 林生滿意到我的主食 鰻魚飯出場有如一個寶盒 見到就開心了鰻魚和飯比例合適 鰻魚汁濃鰻魚是好食的 但沒有驚豔的感覺索價150元 是我期望太高嗎？林生的炒三文魚飯遲遲未上連我個鰻魚飯食完都未到 催左兩次單先到 普通炒飯 不過不失笑臉是給常常來加茶的可愛女侍應約朋友來傾下計 係唔錯

同朋友食生日飯，想食日本野，又唔想去元x，板x食，search下搵到呢間。去到搭lift以為自己去錯地方，因為見唔到8樓，原來要去到5樓轉lift。一出lift，係另一個世界，好似真係去咗一間好地道嘅日本餐廳咁，令人感覺很輕鬆，近門口係間包房，要換拖鞋先可以入去，如果一大班朋友黎，一定食得好盡興。啱啱6點去到冇乜人，去到七八點嘅時候，逐漸多人，有幾枱都係日本人。叫左雜錦刺身( 特上)，有朋友鍾意食嘅海膽。另外有吞拿魚魚腩，牡丹海老，赤貝，油甘魚，三文魚，深海池魚。海膽十分鮮甜，唔苦，無出水，證明好新鮮。赤貝好爽口，而且唔腥。吞拿魚入口即溶，非常正！全部魚生都好新鮮，出面一般的真係比唔上。海鮮沙律，有魚生同啲三文魚子，加埋沙律菜同脆脆，幾種口感，好fresh，食完好開胃，2個人食晒一大盆。日式炸雞，旁邊放上椰菜可以一齊食，感覺冇咁滯，點埋沙律醬唔錯。炸得酥脆且不厚粉， 咬落去仲帶有啲肉汁。味醂魚乾，即係烤雞泡魚乾，燒得熱熱地，可以點沙律醬，不過覺得就算唔點醬都好好食。日本豬手，豬手炆得好入味，食完碗底d汁都杰杰地。鹽燒油甘魚鮫，烤得好香口，魚肉嫩滑，冇諗到可以烤得咁好食， 本身期望唔太大

今次去呢間日本料理品質非常好入邊裝修環境都好有日本嘅味道我仲見到有幾間房可以比客人一班人聚會👏🏻又看見到好多酒都留左客人嘅名應該經常有客人喺呢度聚會飲酒🥃鮨處松戶海鮮沙律，入邊有幾款刺身溝埋啲沙律雜菜非常之好味同平時食開沙律有啲唔同👍🏻雜錦壽司（特上）有海膽，油甘魚,三文魚,吞拿魚腩等等壽司入面仲加咗芥辣真係正宗日本做法壽司全部都好新鮮好肥美😋吞拿魚腩壽司真係好肥美好新鮮記住係無根㗎😂鹽燒雞翼，未到啱啱好唔會太鹹好香脆燒牛舌，唔會燒到太晏軟硬適中雜錦天婦羅，一貫作風好味👍🏻麵豉湯一啲都唔鹹喺香港飲過最好飲🙊豆腐皮煮菠菜仲有飯後甜品荔枝味雪糕真係好飽🤣😋😋

最近朋友生日，緊係要請佢食番餐好嘅黎慶祝，我地兩個都鍾意食嘅日本野當然就係首選，呢間鮨處松戶我第一次試，味道相當唔錯，值得推薦比大家。餐廳環境都算大同舒適，有唔少日本人幫襯，感覺夠正宗。一坐低就有熱毛巾、綠茶同前菜，服務令人滿意。我地2個人叫到成枱餸，準備大食一餐。個人非常鍾意呢個魚生沙律，上面加左特調嘅芝麻醬，味道非常清新開胃。沙律非常足料，入面加左好多唔同嘅魚生粒，例如帶子、三文魚等等，相當抵食。日式炸雞係我去日本餐廳必點嘅菜式之一，而呢度嘅日式炸雞亦令人非常滿意。炸雞岩岩炸起，外脆內軟，外層唔會太厚，雞肉嫩滑，肉汁得以保留。呢個菠菜蛋亦令人相當驚喜，雞蛋煮得相當creamy同有牛奶味，加埋非常嫩嘅菠菜，絕對值得一試。蕃茄芝士焗腸仔都幾好食，蕃茄味非常濃郁開胃，同腸仔又出奇地match,鍾意食腸仔嘅朋友唔好錯過!壓軸嘅當然係呢個刺身拼盤，非常值得推薦!成個拼盤有海膽、深海池魚、赤貝、油甘魚、甜蝦、拖羅等，每樣刺身都非常新鮮，價錢雖然唔平但絕對值得。總括而言係非常令人滿意嘅生日飯。

在尖沙咀附近海港城行街想找找地方食飯，行到Apple store 旁見有間食店叫鮨處松戶是食日本料理,一入去見好大面積的日式裝修，人多可坐獨立廂房。日式蒸蛋很滑內裡有熱力, 裏面仲有不少配, 有我喜歡的香菇，是我食過數一數二的加分作。叫來廚司發辦之13 件壽司中, 火炙拖羅壽司又香又彈牙、 油甘魚腩壽司鮮甜肥美、北海道帶子壽司鮮甜, 甜蝦咬落質地鮮甜滋味、蟹膏軍艦及海膽軍艦, 味道濃郁, 而海膽軍艦及三文魚籽軍艦非常新鮮完全不覺有腥味, 海膽入口即溶, 三文魚籽很有口，今次完全滿足我的味蕾!再來三色飯定食（是海膽、北海道長腳蟹、三文魚籽），首先食左貴氣的海膽,果然海膽很鮮又似帶有海水味般甜美，長腳蟹肉多似布滿飯面好食，三文魚籽咬到好鮮味的汁出來。

雜錦刺身(上)拼盤好豐富，每樣刺身最少都有3切，有鯛魚，赤身，油甘魚，甜蝦，海膽，三文魚同埋帶子，7款唔同嘅海鮮帶來好不同嘅感覺鯛魚魚身較爽口彈牙，食落鮮味，感受到魚平時係海入面暢遊嘅活力油甘魚非一般嘅鮮甜甜蝦好大隻，肉都好多，蝦頭仲要有膏，醮醬汁食好甘味，醬汁更變得有蝦膏嘅鮮味呢！帶子係我最喜愛嘅刺身之一，因為呢種貝類總唔會令人失望清甜嘅帶子帶有獨特嘅香味，加上檸檬片嘅配襯，更係有一番清新壓軸嘅三文魚同赤身都好肥美，sashimi帶俾我哋嘅滿足真係好難令人忘懷不得不特別一提嘅係海膽，因為佢特別鮮味，甘甜唔腥，配上青瓜絲一齊食，連同行嘅朋友都讚口不絕感覺呢個嘅刺身拼盤零舍新鮮我哋食完一輪嘢食之後，店員幫我哋換碟(食呢餐都換咗三次碟呢之後就嚟咗呢個帶子牛油燒今次嘅帶子係原隻連綑邊咁煮，一食落去好creamy，甚至有啲似龍蝦湯嘅味道添？！帶子肉質爽口，大大隻食得好滿足，加上本菇一齊煮，有菇香更係錦上添花食完原味後加咗檸檬汁，有提鮮嘅效果，一直食落去都冇咁膩蝦春卷+沙律醬一齊上，睇落真係冇咩特別，點知原來佢內有乾坤！炸得香脆嘅春卷皮入面，除咗包住隻蝦，仲有滿滿嘅蟹籽同牛油果！炸熟咗嘅蟹籽脆卜

咁岩係樓下蘋果店整電話，搞掂見肚餓就諗住搵下附近有咩野食，點知一出門口就發現樓上呢間日本餐廳，口痕下就上左去樓下個水牌，望落好似幾高檔上到去發覺門面裝修好日本好地道，唔講以為真係飛左去日本入到去有一邊係卡位，一邊係bar枱，因為我冇book到枱既關係，店員安排左我去bar枱果邊坐，不過重好，可以望住師傅切魚生話咁快就黎左份前菜，日本凍蕃茄！蕃茄夠鮮甜，配埋下面既菜同醬汁一齊放入口，夠晒開胃之後黎左一份刺身，有海膽，三文魚，甜蝦，赤貝，油甘魚，左下唔知咩最重要係有拖羅！！！入口即溶既口感真係得靚拖羅先享受到之後黎既係味醂魚乾，食落似雞泡魚乾，乾身得黎又有d魚油係面之後叫左份腐皮菠菜落下格先，發覺腐皮同菠菜都幾夾之後叫左2份炸野，日式炸雞同忌廉薯餅，外脆內軟食完重係唔太夠飽，所以叫多份牛油果軟殼蟹卷食諗左好耐叫紅豆雪糕定芝麻味好，最尾決定全部都要