鮨處松戶 (彩星集團大廈)

營業中

休息中

因是慶生飯局, 友人曾提議改期, 因大家心情也不見得有多好! 但, 即使這個多星期以來大家的心情也是處於低落位置, 但飯也總要吃, 畢竟要有力氣吧! 牛油果軟殼蟹卷 $88 ~ 職員表示是晚人大多, 飯要再煲………要等45分鐘! 唯一控訴是牛油果太少! 日式煎蛋卷 $78 ~ 蛋太老牛肉鍋 $150 ~ 牛肉份量頗多, 湯頭清甜! 海鮮沙律 $95 ~ 魚生刺身沙律, 魚生份量頗多, 沙律菜及青瓜亦清新! 醬汁唔會過酸, 不錯! 煮鰻魚 $100 ~ 滑蛋豬扒變奏版, 一般般, 有點腥! 唯一有食剩的一碟! 明太子炒意粉 $85 ~ 出奇地好味道! 明太子份量頗多, 有點微辣, 意粉軟硬適中, 全枱人一致推介! 牛肉生薑燒 $110 ~ 平常只見豚肉生薑燒, 難得有牛肉生薑燒所以一試! 無特別, 味道反而似一般日式醬汁炒牛肉! 巨峰汽酒 $55 ~ 好似好大杯, 但成杯都係冰, 仲要淡! 燒牛舌 $68/2串 ~ 忘記影相! :牛舌比厚切薄, 但燒得外脆肉軟! 註: 4個人8碟餸, 結賬 $912 (連加一)! 平價靚地方之選! 

💺 坐位舒適  👨‍👩‍👧‍👦   都岩帶小朋友黎------------------------------↓我朋友食呢個銀鱈魚$140, 朋友表示十分好味份糧足夠(另外有個蒸蛋, 在等待時間已經食左)  ↓我食呢個三色飯有魚子＋蟹肉+海膽$200我本身唔係太愛好食魚生既,面料既份量都好足夠, 好新鮮唔會腥HugHug 個海膽唔係十分甜口, 不過唔會話有苦味,而飯底份量唔會太多, 岩女仔食....蒸蛋好味佢將菜切細左, 食落口啖啖都有菜味無甘單調.

刺身食材OK，但份量就好少......而且與菜單介紹不相符，少佐點內容......海膽不夠新鮮......雞翼唔好食。餐前小食要收費都冇話我哋知......埋單人均四百幾蚊，完全冇飽...

友人請食飯, 好抵食的一家日本料理! (聽聞…因為唔係我比錢, 所以只能夠聽聞)…好幸福! 我哋坐卡位, 無得同師傅交流, 不過就方便我哋閨蜜談心! 刺身盛合 ~ 魚生新鮮, 種類多! 牡丹蝦, 海胆, 吞拿魚…全部都鮮甜味美, 蝦彈牙又大隻, 好好味! 吉列黑豚肉 ~ 食少少熱食! 豚肉肥瘦適中, 炸粉薄薄一層, 香脆唔油膩, 伴上爽脆生菜絲, 讚! 燒雞翼 ~ 皮脆, 燒得夠乾身, 略嫌細隻! 鹽漬魷魚 ~ 至愛, 唔太咸! 註: 對上一次光顧已是3年前! 難得食物仍保持高質素! 

朋友臨盆在即，怕遲d要坐月同唔到我食生日飯，所以特登提早一個月同我慶祝。朋友知我非常鐘意食日本嘢，所以揾咗間傳統日本餐廳食晚飯。餐廳係日式裝修，除咗有一排卡位同普通枱，仲有Bar枱及有間適合一大班人包房食飯嘅和室。想同師傅交流下傾下偈的話可以坐Bar枱前菜並不馬虎，每人一小碟味噌鯖魚，味噌味濃唔覺腥。「蟹子沙津」青瓜及蟹柳份量少，用咗紫椰菜同生菜墊底，味道一般。「牛油果軟殼蟹卷」軟殼蟹份量不少及炸得香脆，配上牛油果嘅香，味道不錯。「燒牛舌」一客有兩串，鹽及黑椒適中唔會過鹹，牛舌夠厚，燒得剛剛好好，加上少少檸檬汁外面香口內裡juice。「日式蟹肉燒薄餅」薄餅煎得香脆，但蟹肉份量非常少及過鹹，除咗燒汁味同沙津醬揾唔到其他味道。「天婦羅烏冬」天婦羅炸得出色，炸醬薄身，蝦、鮮冬菇及南瓜新鮮。可惜烏冬不彈牙，口感麻麻。

今天吃了迄今为止中最豪华的一顿日本菜。餐厅里最好最帅的寿司师傅，全程服务，连同前菜，鱼生，寿司，串烧，甜品，汤，水果，吃了二十几道菜。师傅边上菜边介绍鱼的来源，名称，教我们分辨左口鱼、右口鱼，这块肉对照哪里部位，哪里的最多油脂最好吃。 各种鱼多到记不住名字，光拖罗就吃了好几个不同的部位，油脂丰富，甘香美味。北海道的生蚝，还有珍贵的金目鲷是我最喜欢的。还有最后那个鱼汤真是鲜浓得舌头都要吞下去。吃足两个小时，最后真的扶墙今天好不容易在南丫岛消耗的卡路里，晚上一顿补回，还超标。

第一次去，一入到餐廳覺得裝修殘殘舊舊，仲有陣怪味，所以對餐飯都無乜期望係一個星期六下午，同朋友正想搵過地方靜靜地食lunch。一點幾去到，有幾枱客，地方都大，坐得都舒服。原來識坐就要坐吧枱，日本師傅好pro，睇佢整sushi 都係一種享受叫左set lunch -sushi ，好味，魚好新鮮，飯都剛剛好，呢個價錢真係扺食！完全無諗過呢間會食到個咁好食嘅sushi lunch ，個蒸蛋就不過不失，甜品係一片鮮橙下次試下晚餐先！

難得可以約到女朋友出黎食飯😍，聽閒依間餐廳環境、服務同食物質素都唔錯，所以今次帶左佢去試下依間日本餐廳，食完之後真係覺得實在係實至名歸。今晚我地食左雜錦壽司（特上）和鮨處松戶海鮮沙律。——————————————1. 雜錦壽司🍣（特上）：因為壽司由日本師傅製作，而且食物質素高🐟🦐，好似置身係日本咁。女朋友話：「海膽壽司好好食，好似係海邊用剛剛捉黎既新鮮海膽整咁。」2. 鮨處松戶海鮮沙律🥗：唔單止份量多，而且質素高，沙律裡面有好多新鮮嘅海鮮粒，加上天婦羅脆粒，真係食到停唔到口🤤😋！——————————————因為餐廳近星光大道，食完飯之後行左去個度拍拖睇維港夜景。

日本野居酒屋當中，呢一間係我時常都會去嘅，價錢中等，但食材一定新鮮好食，每次都覺得好味，一定冇失手的。今次叫了雜錦魚生角切沙律，魚生的鮮味加日本沙律醬汁配合得淋漓盡致， 跟住開始食炸物，就叫了日式炸薯餅， 香濃的日本薯仔用日式炊粉的做法去做，外脆內軟，但小心裏面極度高溫， 魚生煮菜 到了，我哋叫了什錦魚生B Set, 三文魚，中吞拿，仲有牡丹蝦，劍魚腩，帶子，樣樣都非常之鮮味，一個字 "正"!最後叫了三文魚燒飯團做結尾，食少量澱粉質已經足夠。真正大滿足!!

好耐無出動食好西了!! 今次帶朋友去尖沙咀食正野~~特上雜錦刺身牡丹、赤貝、吞拿魚腩、縞鰺、油甘魚、海膽、吞拿魚同深海池魚組成既刺身拼盤最吸引!!! 仲要有齊我本身想食既款式!!!! 全部都新鮮, 尤其是吞拿魚同埋深海池魚魚味非常突出, 平時我覺得judge刺身高唔高質其中一個位係睇相對淡味類既刺身 慢慢滲出既鮮魚味 就算唔點wasabi都可以好好味!! 至於赤貝同牡丹蝦亦我愛的, 清新鮮爽~ 正!!明太子蛋餅 蛋餅係朋友喜歡食既, 蛋餅size好長我同朋友兩個人食都好夠, 我諗4人分都無問題!! 平時我麻麻地明太子, 但奇怪地將佢combine左落去蛋餅又match!! 明太子既刺辣味中和左純蛋餅既單調感, 蛋亦唔會煎得過老, 質感不錯的~海苔包海膽山芋蓉天婦羅天婦羅食得多, 海膽做饀好似第一次食!!而配搭山芋蓉更加係新奇既mix and match! 山芋蓉比我感覺係淡淡的無味的~ 但配左相對地容易漏滯既海膽就變清新作用!!! 外型整齊! 即使內饀係蓉狀依然炸得靚仔, 唔會好油膩。鹽燒雞翼朋友一見到有雞翼就好開心~ 更開心既係呢個係懶人版:去骨雞翼!!! 除左食落方便之外, 去骨令

呢間上次朋友生日黎過，覺得質素好價錢合理，所以就同朋友再黎光顧！時間尚早既關係，大家都唔算好肚餓就叫左幾樣野食，叫左個刺身拼盤，海膽依然好新鮮，入口即溶唔猩 好鮮甜同creamy ！吞拿魚腩都係厚切，油份足，入口好軟糯 ！ 甜蝦刺身好大隻，入口爽甜！玉子燒煎得剛剛好，唔會過熟，蛋保持到好嫩滑唔會乾，蛋既上面有d柴魚碎，令到味道更出更惹味！日本雪菜炒飯，呢個係職員推介既，開頭心諗得雪菜會唔會無乜味，黎到又唔會wo! 反而更加食到日本雪菜既香味，飯粒炒到粒粒分明，非常唔錯！一段時間無黎，水準依然保持到，下次會再黎一定！

今日由東涌行去昂坪，行完無限樓梯之後梗係要搵啲好嘢食下啦。於是就搵咗啲間位於尖沙咀Apple Store隔離嘅樓上日式料理。前菜嘅茄子配木魚，茄子唔會太淋，調味啱啱好，作為前菜來講已經很不俗。蟹子沙律啲蟹子多到爆，配合爽脆嘅青瓜，絕對係令人開胃嘅前菜。雜錦刺身分別有海膽、甜蝦、三文魚、吞拿魚、油金魚同帶子。海膽鮮甜，略帶鹹水味，入口即溶。帶子厚切，鮮甜得來又有口咬感。其他刺身都好新鮮，三兩下就食完。帶子牛油燒，用上忌廉同牛油去煮帶子，每隻帶子都包住濃濃嘅醬汁，加上帶子肉厚，令人有好滿足嘅感覺。鹽燒雞翼皮脆肉嫩，加上少許檸檬汁，去咗本身少許嘅油膩感之後就更加清新，真係食多幾隻都唔過分。最後食埋個烏冬咁就飽住個肚咁走人。

晚上跟兩個團隊小夥伴一起聚餐，沒想到蘋果店樓上還有一家這麼正宗的日本料理。卡位坐的基本都是日本食客，高談闊論非常熱鬧。沙拉很好吃，刺身也新鮮，串燒比較一般有點烤糊了。總體上來說很不錯。

朋友相約在這餐廳飯聚，來到尖沙咀apple store旁邊，這座平日很少留意的大廈，原來樓上有幾間隱世餐廳，而且還要轉lift上去，幾有神秘感。今次來到這間日本菜，有一半是需要除鞋進去的日式座位，另外有正常的座位，我們被安排到了正常座位上。席間見到有一些日本人光顧，令人增加了信心。前菜:豆角 $25送上每人一碟的前菜是豆角似乎是生吃的, 非常爽脆及清甜, 配有少許麻醬, 從未吃過這麼美味的生豆角, 可能是日本貨。鮨處松戶海鮮沙律$95首先來了個雜錦魚生沙律，雜錦魚生配有新鮮的沙律菜、青瓜，及三文魚粒、油甘魚粒、八爪魚粒等，以微酸的沙律醬汁調味，還加上香口的脆脆粒，味道很新鮮清新，作為晚飯的開頭，非常不錯。鹽燒雞翼$58之後我們叫了一個燒雞翼，嘗試一下這裏的燒烤，燒雞翼的熟度剛好，不會燒得太老有燶，皮薄且脆香，巧妙的是雞翼打開了，這樣效果更好，肉質嫩滑多汁，配上檸檬汁，一絕。日式炸雞$80日式炸雞與平時我們吃的炸雞不一樣，這裏也不是很唐揚的感覺，外面的炸粉比較特別，軟軟的，雞則很有肉汁，夠滑。配上切得很細的椰菜絲，平衡了炸物的油膩感覺。日式雪菜炒飯$78最後是一個特別的雪菜炒飯，從未在日

海鮮沙律賣相雖然普通，但依份沙律好足料，魚生同菜都好多。沙律入面有啲類似天婦羅嘅脆脆，再加上飛魚籽、青瓜粒、少量蛋絲，撈埋一齊食口感好豐富！不過食到底就會覺得沙律醋多左少少，可以改善一下。雜錦刺身（特上）海膽好新鮮完全冇臭味，而且啲魚生件件都厚切！牛油帶子日式煎蛋卷淨食個蛋卷會有啲淡口，夾少少沾左豉油嘅蘿蔔蓉放埋一齊食會好味啲。鹽燒雞翼燒到脆邊嘅雞翼熱辣辣岀住煙咁上枱，正！牛肉烏冬烏冬唔單止好多牛肉，仲好有心機去處理烏冬麵條嘅長度，每下烏夾冬都唔需要拎到隻手好高就可以啱啱好夾到一束岀嚟放落細碗。講下個環境，一入門口就見到有間房而且有唔少鞋喺岀面，估計都係日式房亦可能唔細。雖然未見到入面咩樣，不過如果一大班友食嘢又想有私人空間，可以考慮下依度。有個當眼位置左客人存低嘅酒另一面盡頭有吧枱對住師傅另外值得一提，洗手間好乾淨，整淨又冇味，加分！