鮨玥 (已結業)

位於蘇豪東的鮨玥，可乘坐地鐵由西灣河站步行前往。如果揸車就超方便，成條太康街都係錶位，任泊唔嬲！被安排在吧位，可以一邊等待食物，一邊欣賞師傅的手勢，也是個不錯的娛樂！店內用的是鮮磨Wasabi，無咁嗆喉之餘，感覺更Fresh！三得利生啤 $78啲泡又細又滑，極為順喉，係三得利生啤嘅最大賣點！所以要拿拿臨嘆咗層泡先！煙燻雞肉刺身沙律 $98排列整齊的煙燻雞肉刺身片，下面是厚切洋蔥條。雞肉超薄有質感，味道帶一點咸香，頗為特別的一道小吃！香蔥安格斯牛肉烏冬 $75被滿滿的牛肉完全覆蓋的一碗，賣相吸引！店家採用的是稻庭烏冬，口感細滑。安格斯牛肉份量多之餘，質素仲幾高，牛質細嫩而且味濃。還有些菇菌類提升香氣。湯底是清湯，由於選材上乘，齋靠食材的原味已經很好味！海三色丼定食 $195有三文魚、油甘魚和甜蝦的三拼丼飯，配沙律，湯和蒸蛋。甜蝦超巨型，而且劏得好乾淨，勁鮮甜！三文魚和油甘魚大大片之餘，仲好新鮮！麵豉湯和茶碗蒸同樣高質，呢個定食認真不錯！

帶著微風的晚上，沿著海邊悠哉地踱步到這餐廳。沿路走來的餐廳大多是吃西餐喝酒的，不過今晚我們的目標不是西餐，是這間和風味濃的日本餐廳。餐廳用上和風裝潢，全餐廳用上淺木色枱櫈，播著日本歌，感覺優悠。。辛辣吞拿魚 $38🤤🤤🤤🤤(5分滿分) 紅彤彤，切得大大粒的吞拿魚令人口水直流。辛辣味不重，少少辣。吞拿魚新鮮，紫菜爽脆，滿足！太好食我們之後又encore了一碟😂。芥辣八爪魚 $22 🤤🤤🤤🤤(5分滿分)芥辣八爪魚是必點的壽司之一。最享受那種芥辣的嗆鼻感，所以越辣的芥辣我們越愛。今日這碟的芥辣對我們來說還好，味道濃郁不過不算太辣。八爪魚彈牙新鮮。。汁燒海鰻 $28 🤤🤤🤤(5分滿分)大件厚身的海鰻，鮮甜美味。加上芝麻粒的香味和醬汁的甜味，層次更豐富。。蔥本鮪魚腩軍腩 $50 🤤🤤🤤🤤🤤 (5分滿分) 賣相極佳！Toro的嫩粉紅色顏色看起來非常誘人！入口toro口感嫩滑，軟綿綿的和舌頭纏綿著，難捨難離，捨不得吞下，好食！。左口魚裙邊 $35 🤤🤤🤤🤤🤤(5分滿分) 左口魚是近期我們的大愛。爽口彈牙，味道和口感獨特！油脂溢出，好食！。火炙三文魚 $20 🤤🤤🤤🤤🤤(5分滿分)三文魚油脂豐厚，火炙

第一次來這間鮨玥，餐廳走中高檔路線，有各式刺身壽司丼飯炸物和食定食，選擇豐富。我和友人分別點了花魚一夜干定食和淺漬本鮪赤身丼。另外還點了三得利生啤和本鮪壽司盛開心share。花魚一夜干採用日本花魚，咸味剛剛好能帶出魚的鮮味，肉質鮮嫩不會太乾身，而魚皮和魚骨就烤得非常香脆。赤身丼有5片本鮪赤身刺身，肉質新鮮，赤身經淺漬提升了味道的層次。除了刺身，丼飯中的吞拿魚蓉拌飯味道一流。作為重頭戲的本鮪壽司盛一客6件，赤身、中拖羅、大拖羅各兩件。店員建議由油份最少的赤身吃起。刺身都非常新鮮味美，赤身魚味濃郁，中拖羅入口即溶，至於大拖羅則充滿油香。值得一提的是餐廳的washabi是手磨的而絕非街邊行貨，抵讚。

是日因工作關係來到港島區，即時約住附近嘅老友食飯飲返杯，於是到了西灣河海傍嘅「鮨玥」。可能因為到嘅時候已經八點幾，餐廳唔算太多人，我地揀左坐吧檯位，可以一路傾偈一路睇住師傅捏壽司。本鮪壽司盛 :朋友喜愛吞拿魚，一見到呢個壽司盛就話一定要叫，壽司盛有三款吞拿魚，分別係吞拿魚赤身、中吞拿魚腩及大吞拿魚腩，由味道最清爽嘅赤身，到味道較濃嘅中吞拿魚腩，再到最肥美飽滿嘅大吞魚腩，可以同時享受到吞拿魚唔同部位嘅口感同味道，感覺好滿足。松 壽司定食 :壽司拼盤有八款壽司，分別係海膽、象拔蚌、赤海蝦、油甘魚腩、赤貝、帆立貝、築地鮮魚及大吞拿魚腩，每款都好新鮮，當中海膽鮮甜唔苦，赤貝及帆立貝爽口唔腥，每款壽司都有唔同口味，但味道亦唔會太搶。定食除左有壽司外，仲有沙律，麵豉湯及吉列廣島蠔，沙律加入日式麻醬後好開胃，而廣島蠔亦炸得外脆內軟。食飯吹水點少得啤酒，一人一杯生啤真係無得頂。埋單每人三百蚊左右，壽司款式夠晒多選擇，而環境亦幾舒服，都算唔錯。

西灣河海傍果頭都有好多美食，除左對住海景果d餐廳之外，其實再行過少少都有好多特別嘅餐廳，而今日機緣巧合試到嘅就係「鮨玥」啦。餐廳面積唔大，座位有分卡位，普通座位同埋吧檯。坐吧檯可以睇住師傅為我地預備食物，又點可以錯過呢？兩個女仔食唔得多，又唔係太肚餓，所以都係叫左一份定食，一份壽司同埋一d小食share。溫泉玉子吉列三元豚丼:吉列豬扒份量算多，一大塊可以切開六舊，炸得香脆，咬落去外皮半硬半軟，肉質又鬆化又有口感。溫泉玉子同飯撈埋之後食好易入口，完全係天衣無縫嘅配合，令人一口一口咁食過不停。呢個定食除左有頗重海帶味嘅麵豉湯之外，仲有加左麻醬嘅沙律，非常豐富。本鮪壽司盛 ：本鮪壽司盛有三款吞拿魚，每款有2件。三款吞拿魚分別係赤身吞拿魚，中吞拿魚同埋大吞拿魚，唔同就在於各者嘅脂肪比例。每件魚生都厚實油潤，好有質感。中華沙律+味付螺肉 :自己一向都好喜歡食日式前菜，所以黎到都想試下。中華沙律食落好爽，非常開胃。螺肉方面帶微辣，味度唔錯。呢度食物雖然唔平，但係服務同埋食物質素都非常之高，間唔中黎食下，都算係一種享受。

平日我和老公都常在蘇豪東吃飯，沿著海旁的餐廳有不少都是我們的心水選擇，但我們卻甚少轉進內街。加上到蘇豪東多數都是吃西餐，西餐廳也較多，日本餐廳反而低調。鮨玥的位置不太顯眼，並非對著海，但因為這晚只有我一人吃飯，鮨玥的bar枱非常適合我。鮨玥重視食材的選用，強調使用日本直送鮮魚，因此，壽司、刺身、海鮮丼都是主打。今晚老公不在，可以放肆一下，點一客貴的北海丼定食😆😆😆這碗北海丼飯全用了貴價食材，磯煮鮑魚、海膽、帆立貝、中本鮪魚腩、特大赤海蝦、劍魚腩等等，份量不少，色澤鮮豔，一看也知道新鮮！磯煮鮑魚爽口彈牙，濃郁帶微甜的醬汁包裹著鮑魚，提升了鮑魚的鮮甜味。丼飯中還有拖羅魚腩蓉，把肥美的魚腩蓉、爽脆的三文魚子、鮮甜嫩滑的海膽和飯拌勻來吃，可謂一啖一享受。飯粒軟硬適中，亦頗為飽滿。特大赤海蝦大大隻，晶瑩剔透，蝦肉鮮甜，肉質爽滑。以這件拖羅的脂肪比例、油分看來該是中拖羅，油分適中，魚味也頗濃郁，入口柔軟。另外，劍魚腩也是相當肥美柔軟，肉質細膩。刺身海鮮丼應由最淺色的開始吃，因此先吃劍魚腩，之後才吃拖羅，就不會因拖羅的濃郁魚油而搶了劍魚腩的鮮味。定食還有沙律、麵豉湯和茶碗蒸，一個人的份量來說真是很豐

今晚約一個住西灣河嘅朋友佢嗰邊食晚餐。朋友介紹我嚟海邊一帶食嘢。原來呢度叫做Soho East，成條街都係大牌餐廳，簡直就係港島東版既Soho。我哋行行吓就揀咗一間日本餐廳。呢度個Menu超多選擇，燒物、炸物、壽司、魚生、丼飯等等，睇到眼花撩亂。<日本煙燻華美雞刺身沙律>（$98）真係長知識了，原來雞都可以生食。個雞刺身係薄切嘅，煙燻過之後，個口感同煙三文魚差唔多，都係鹹鹹地，仲保留着刺身嗰種彈性。<本鮪壽司盛>（$255）有三款吞拿魚，分別在於脂肪比例，每款有兩件。赤身吞拿魚、中吞拿魚、大吞拿魚。<彩虹壽司卷>（$120）呢個真係打卡一流，仲要大大份添。用咗高質食材牛油果同埋蟹柳一齊卷，每件個面都係唔同嘅魚生，分別有三文魚、吞拿魚、油金魚、左口魚群邊、凡立貝、象拔蚌。塊塊魚生都厚切，每件大到擺唔入口啊！<芝麻豆腐>（$18）正常係個前菜，但係我就當做一個健康飯後甜品。<自家低糖玉子燒>（$35）都幾多舊，上面仲有餐廳個名添。可以揀熱或者凍食，我就揀左熱食，暖暖胃。<Santory生啤> (

朋友說佢屋企樓下最近開咗間新餐廳好好食，係都要叫我過去一齊食返次，如此盛情邀請實在難推卻，於是一早訂咗週六中午兩位試味。店內裝修以木為主，餐具以黑色為主，卡位唔多，可以望出碼頭睇海景，有吧台，原來間餐廳有omakase ，全日價格一致，係嚐鮮嘅好機會。我哋係好奇怪嘅組合，唔鍾意食三文魚，所以朋友叫咗個特選壽司定食，冇三文魚之餘仲可以試下築地鮮魚，油甘魚同赤海蝦都好鮮，蝦好甜，赤貝爽口唔腥，燒左口魚啲油香出晒來，爽口得來又滿佈油脂，勁like！仲有最愛嘅吞拿魚，爆肚兼滿足。如果唔夠仲可以+10有個湯烏冬。我哋叫嘅定食都有埋味增湯、燉蛋同沙律，燉蛋最為出色，滑溜溜，不太鹹，又足料。朋友仲偏食，獨愛吞拿魚無誤，呢個大本鮪魚腩嘅雪花誇張到媲美頂級和牛，簡直可以魚目混珠，脂肪分佈均勻，我偷食咗一件，齒頰留香，難怪朋友如此積極力推薦呢家店。最後當然唔少得甜品，水蜜桃雪葩同原隻菠蘿雪葩，好好味，樣靚到單單用來打卡都抵。試過之後，對呢到嘅食物放心之餘，決定下次可以試omakase ，就當日所見，吧台啲客人坐低食omakase 都好滿意，更加穩固咗我哋嘅信心，不過都係記得訂檯好啲。

西灣河除咗太安樓之外，其實海傍嗰邊都好多美食。由西灣河地鐵站行去海傍，五短身材又行得慢嘅我大約七至八分鐘左右會到。除咗對住海景嘅一堆餐廳之外，其實行入少少都有幾間評價不錯嘅餐廳，其中一間就係鮨玥。入到餐廳見到雖然坐唔滿人，但晏晝嚟講人數並唔算少，如果係週末夜晚嚟食嘅話，可能book定位會穩陣啲。睇menu見到食物選擇都算幾多，而最最最最重要係有比較不常見但我又超級愛嘅炙燒左口魚裙邊丼！！！！！我見到嘅時候真係好開心，雖然並唔係咩超級罕有嘅食物，但喺香港真係唔係間間日本料理店都會有得食。上菜嗰一刻真係難掩我興奮之情，差啲就冇影到相(笑)，正所謂無圖無真相，雖然影得好求其(真係好肚餓，冇辦法)，但可以睇到玉子下面係鋪滿咗一塊塊炙燒左口魚裙邊，真係見到都垂涎三尺🤤。炙燒左口魚裙邊撈飯嘅魅力，在於佢本身充滿魚油，炙燒咗之後嘅魚香唔係一般魚可以媲美。但正正就係因為魚油多，就咁食有啲油膩，所以撈埋飯就啱啱好。每食一啖都會感受到裹上燒魚油香嘅飯粒同好滑嘅裙邊魚片，真係而家諗起都想去食返碗。跟餐嘅仲有一個日式蒸水蛋，味噌湯同沙律，配菜嚟講全部都合格。雖然無咩特別記憶點，但全部都係ok好食。成個餐性價比

今日屋企懶得煮飯，就同daddy落左西灣河呢間鮨玥食飯！呢間之前都朋友黎過，食物高質價錢又合理！蚧籽青龍卷賣相好令既炸蝦卷，好大條，蝦肉炸完脆卜卜，入面既蝦肉好爽彈，外層既飯沾滿哂蚧籽，更有口感！海膽壽司海鮮好新鮮甜美，入口creamy 味道濃郁！甜蝦壽司甜蝦好新鮮又大隻，入口好爽又甜牛肉烏冬湯底好鮮甜有牛肉既香味，牛肉嫩滑又多，烏冬好彈牙入味，吸到湯汁既味道！呢度同我上次黎一樣咁高質，好味，下次會再黎呢

平時去西灣河都係去太安樓掃街 估唔到行遠小小就有居酒屋 環境清幽 坐得舒適火炙左口魚裙邊 $38好欣賞左口魚輕輕一燒之後嘅豐腴油脂 蒲燒鰻魚丼 $118舖得好靚 鰻魚無骨 醬汁唔錯 呢度啲丼最好就係飯份量剛好北海丼 $328一見到餐牌就俾佢吸引住 有帆立貝 海膽 吞拿魚蓉 三文魚 油甘魚 每樣都好新鮮 吞拿魚蓉愈食愈香 自家製低糖玉子燒 $35可以揀冷或熱 我覺得玉子凍食會口感實在啲 去居酒屋點少得叫返杯啤酒 辛苦工作完一日 食餐好 飲杯啤酒 人生一樂也

Meeting my long-lost friend for dinner tonight and he picked this Japanese restaurant in Sai Wan Ho. We ordered some sushi and fried dishes to share and all of them were pretty good!The sushi was very fresh, especially the uni and scallop. Super rich in fish oil and fresh, so I’ll probably be back for dinner omakase next time!The chicken wings were delicious too, with dumpling fillings inside. I also like the grilled fish head & neck and the fried oysters. The control of oil in making these dish

第二次黎西灣河呢個站，同樣係黎食日本菜。由西灣河地鐵站向海方向行約10分鐘就會到，比想像中方便👌🏻鋪面唔細，坐得幾舒服。我地兩人share黎食，叫左一個定食同散叫一堆小食。先講個壽司定食，每件刺身都相當新鮮，尤其帆立貝非常肥美、海膽十分鮮甜。定食包嘅沙律同麵豉湯都唔錯。小食方面，我極推介油甘魚鮫同餃子雞翼。油甘魚鮫油脂豐腴，魚皮燒得甘香薄脆，魚肉剛超級嫩滑。餃子雞翼餡夠哂多，睇落脆卜卜，好食！！😍我地亦share左枝300ml獺祭，邊飲邊食，食完再去碼頭吹下海風，好不悠然。

住嘉亨灣嘅朋友仔話屋企附近有好嘢食，原來佢指鯉景灣一列食肆，有西餐鋸扒又有東南亞越南泰國菜，全部有個港灣境色做背景。行咗一轉想傾吓計唔想太迫人，決定食日本嘢。燒物，花魚一夜干定食，除咗有長過手掌嘅花魚一整條，仲有沙律，麵鼓湯前菜同埋芝麻飯，望住條魚由烤爐燒好，熱辣辣小食燒牛舌片，比較有咬口好香，好適合送酒海三色丼，每件刺身都好肥美，仲有好好食嘅茶碗蒸，有好足料喺裏面，我見好多客人都有叫依個丼，果然無揀錯

約左朋友喺西灣河食晚飯，西灣河日本餐廳唔算多，於是試吓呢間餐廳。平日已經好多座位比客預訂左，所以如果要坐卡位，一定要提早預約。你間餐廳主要食刺身、壽司等，有日本吞拿魚，不同的部位都可以食到！也有晚市定食，價錢比較親民。⭐️溜溜牛蒡漬$38牛蒡每一節都很細小，入口爽脆可口。⭐️特大帆立貝$68帆立貝很厚身，口感特別軟腍。⭐️火炙左口魚裙邊$38炙燒後的左口魚裙邊魚味更加突出明顯，淡淡的餘香在口腔迴盪。⭐️野菜烏冬$50幾乎沒有添加任何調味料的清淡野菜烏冬，加了許多蔬菜，例如香菇、白菜、秋葵、蘿蔔等，配上口感軟滑有彈性的烏冬，可以飽腹。⭐️蘋果汁$22入口香甜▫️壽司好新鮮，而且有特別的壽司，味道不俗。