鮨玥 (已結業)

Soho 東出名多餐廳，不過日本餐廳就真係比較少，行過見到鮨玥當然要試下，一行入餐廳，感覺幾舒服，幾適合本鮪壽司盛 $255分別有赤身，中拖羅同大拖羅，每樣有兩件，當然油分同口感有唔同，每一啖入口都好鮮味油脂豐富。松 壽司定食 $280食完吞拿魚壽司梗係唔夠喉，另外叫左八件壽司既定食，食材都好新鮮，處理過程亦做得好好，海膽鮮甜creamy，赤海蝦肥美肉質爽口彈牙，象拔蚌無腥味，油甘魚腩油脂豐富，帆立貝好鮮甜厚肉，炸蠔都係即叫即炸，上枱時仲熱辣辣，好滿足。

今日我哋去咗西灣河嘅魚鮨玥食海鮮丼飯同埋壽司💕💕作為日本菜愛好者既我哋，一行入餐廳已經覺得好有日式風格，而且仲有吧枱可以欣賞到師傅嘅手藝！首先我哋叫咗一個雞刺身沙律 $98雞刺身真係喺第二度好少有，好特別，原來雞都可以做刺身，味道好清新，食得多魚試吓雞都唔錯然後我哋叫咗一個主食，海三色丼 $195海三色丼一邊有油甘魚、三文魚、大赤蝦，全部刺身都係厚切，而且好濃魚味，好鮮好甜，另外大頭蝦嘅蝦頭仲有蝦膏！呢度嘅飯質比較硬身，比較有口感，唔錯！呢間日式餐廳都幾方便，下次會再嚟食

作為一名健身教練, 雞刺身都照食啦今日係西灣河做完野就過左黎食晚飯, 每次係西灣河上完堂依間日本餐廳都係我既首選。日本岩蠔新鮮鮮甜, 肉幾厚, 正。煙燻雞肉煙燻雞刺身, 用厚切洋蔥條墊底, 其他食落唔覺似雞肉, 煙燻味好突出, 食落咸咸地有d似煙肉, 咸香味咬咬下好想叫杯酒黎送, 叫做杯whisky soda, 酒味唔太濃, 少少地用黎送雞刺身不錯。海三色丼定食有三文魚, 油甘魚和牧丹蝦既丼飯, 另配沙律, 湯同蒸蛋。蒸蛋夠滑甜甜地, 沙律同湯就一般無乜特別, 主角刺身鋪滿飯面, 食落都好新鮮, 冇失望

首先呢間係朋友介紹我食，賣點係質素高而且價錢吸引。雖然位置比較遠，但係值得專程黎食。先睇下個環境，裝潢唔錯，menu 亦都精美，用既係日本米。首先叫左d小食先，分別係薄燒牛舌 同埋 明太子雞翼。明太子雞翼入面釀左明太子，然後拎去炸。其實都幾難去形容個口感，外面脆，入面少少鹹味同輕輕嘅辣味，而雞肉同明太子嘅比例幾好，十分滿足。而薄燒牛舌亦唔錯，牛舌本身軟軟地唔會好乾同埋柴，加上少少黑椒，餸酒一流。明太子雞翼 $60薄燒牛舌 $88跟然落黎就係主食，叫左一個 蔥本鮪魚腩海膽丼set，本鮪壽司盛，同埋稻庭手打烏冬。講講個海膽丼set，個set 會有埋沙律，麵鼓湯，日式蒸蛋。海膽鮮甜 無腥臭雪味，少量鹹味，睇返先知用左北海道海膽，其實食落同日本當地食有95％相似。吞拿魚口感幼滑，加埋飯食真係一流，好難想像到呢個價錢有咁高嘅質素。而沙律同麵鼓湯正常水準，日式蒸蛋有陣陣蛋香，入面有少量海鮮。跟住係本鮪壽司盛，有齊赤身，中拖，大拖，相信睇相都知道質素如何，魚生表面濕潤，應該係即叫即切，睇到赤身係血紅色就知道係好新鮮。而中／大拖個呢個部位亦切得好岩，中拖油花同肉比例足夠，而大拖入口即溶，非常滿足。最後

就黎新年個個都話要食團年飯，我部門人數唔多，加上老闆係外國人，所以團年唔一定食中餐；我地就梗係識揀識食啦！公司附近就係蘇豪東，食完團年飯仲可以過隔離chill番兩杯！講番先，話晒老板請當然唔會慳佢荷包，但亦唔會食左人地隻車。蘇豪東鮨玥就符合條件：魚生刺生；價錢適中唔太貴。 本鮪壽司盛。集合不同Tuna同部位，一次過品嚐赤身同肥肥魚腩，真係好滿足，Oishi~!!日本空運限定真蠔，$68隻。勁大隻生蠔+鮮味十足，$68一隻一d都唔貴。海鮮丼定食都幾抵食，我呢款係角切海鮮丼，仲有前菜沙律；茶碗蒸；麵豉湯，賣相相當吸引。另外仲點左燒油甘魚鮫！油甘魚既味道特別好味，而且啖啖肉；沾少少酸汁吊起魚既鮮味，超級正！

今晚又係OT日～做完已經8點幾～本身想去食美利登～但太夜了～所以係公司附近食🤪🤪因為上次食完basil & Mint發現西灣河有個小美食區決定再黎覓食～噢俾我地發現左佢！入到去雖然小店但都好好坐仲要我地個時間閒日都算full full地啊～其實佢好抵食～佢d set都有$200樓下～但我地覺得咁夜要食好d慰勞下自己所以散叫左☺️☺️☺️本鮪壽司盛（$255）有吞拿魚有拖羅～好新鮮好好味！5似擦膠！蟹膏壽司（$49）&加拿大海膽壽司（$76）好足料！多到跌出黎海膽未係甜但冇腥味啊！特大帆立貝（$68）好厚肉真係特大！甜ge！焦糖玉子燒（$38）燒左口魚壽司（$38）海佬壽司（$18@1）油甘魚壽司（$50）焦糖玉子燒好似甜品咁好得意啊！！我鍾意食！❤️至於其他就正常好味ge！！燒牛舌（$88）哇！好好味啊救命！勁野味！！一定要叫燒豬扒（$68）超鬆軟d豬扒！好香口！高質！成餐我地都覺得好高質！估5到又發現左樣好餐廳btw最近去會送利士封同做緊個app叫soho east啊食個度d餐廳有discount嫁！lee間有機會再encoreeeee！！

在西灣河鯉景灣一帶高級食肆林立、今天晚飯就在這家鮨玥用膳，明亮整潔的環境，熱誠的服務招呼、已經令人感到十分舒服，看餐牌介紹菜式，有多樣的選擇，刺身、壽司、定食，種類多樣！兩人點了一個燒油甘魚鮫（$120）生薑燒安格斯牛肉丼定食 （$150）本鮪壽司盛 （$255）燒油甘魚鮫份量頗大，肉質鮮美，味道調較適當，榨些鮮檸檬汁一起吃，味道更好！安格斯牛肉丼飯定食，有沙律前菜、海帶味噌湯，薄切牛肉舖蓋整個飯碗，肉質細嫩不靱，甚有口感，而飯粒是日本米，混在一起的牛肉汁、吃來可口之至，感覺這定食是十分之超值！本鮪壽司盛，共有六件，是鮪魚（吞拿魚）不同部位的肉質，肉色由淺而深排列，而且非常新鮮！看到已經令人垂涎欲滴！醮些醬油加上芥末！放入口𥚃感受那刺身甘膄肉質、十分之滿足！餐牌上還有很多心儀食品，要留待下次再來品嚐！

今日做完嘢喺西灣河碼頭附近搵嘢食, 碼頭旁都有一排餐廳, 見到呢間日本餐廳好似係新開嘅, 見到就好想食壽司所以就入咗去食晚飯~ 入面環境唔係太大, 半開放式嘅廚房可以見到師傅細心製作嘅食物, 呢度原來有omakase, 又或者可以散叫其他野食又得。松壽司定食吉列皮鬆脆香口唔厚, 入面隻蠔竟然好juicy, 而且仲有蠔鮮味, 有兩隻其中一隻放到凍左先食都一樣咁脆身另外仲有麵豉湯同沙律, 沙律菜好爽脆, 麵豉湯就不過不失。而主角壽司就真係好出色好新鮮! 師傅收到order即叫即做, 感覺功架都有番咁上下, 壽司飯鬆軟得嚟唔會鬆散, 其實每一件都真係好好食~ 壽司飯上嘅刺身全部都畀得好厚身大件, 如果真係要揀最鍾意嘅話, 就一定係大拖羅, 海膽同帆立貝! 拖羅入口即溶, 淨返嘅魚油味喺口腔久久不散, 海膽同勁厚身既帆立貝都好鮮甜整體嚟講呢間餐廳十分不錯, 環境似日本小店, 服務又好會主動收嘢同埋加茶, 最緊要係食材高質! 今晚食嘅每一樣食物都係非常新鮮, 有日本級水準

西灣河一直都好多嘢食但講到日本居酒屋真係唔多只有一兩間☺️今日嚟到海邊 搵到呢間居酒屋之前未試過估唔到都幾好食 價錢亦都幾合理👍.我哋叫咗 壽司盛兩款都係二百幾蚊左右兩個人食其實叫咗兩個壽司盛已經飽曬刺身好新鮮 即叫即切份量亦都好多 全部都係厚切老公話好食 所以再encore咗散叫咗刺身同壽司價錢都唔貴 幾十蚊有找我哋叫咗兩杯啤酒傾下偈都幾寫意人流唔算少食完嘢飲完酒 我哋都讓畀其他客人職員好熱情 食物好新鮮仲有一樣就覺得餐廳好乾淨 非常放心👍👍👍

本身約咗朋友去太安樓掃街點知畀佢放飛機🙈老公就話不如食好啲。。去到呢間近海邊嘅日式餐廳🌅🌄裝修好低調 非常日式居酒屋嘅感覺⛩有吧檯 卡位 仲有大枱 坐得都幾舒服因為今日都冇食嘢所以我哋都叫得好多🥶刺身根本唔會肥 所以我哋叫咗兩個壽司盛😂.💟本鮪壽司盛 $255價錢非常之抵 有六個種類 每樣都二人份量非常之鮮甜 蝦又好爽 連三文魚都好好食呢個價錢真心超值！！全部厚切新鮮刺身！！好好J!💟六點壽司盛 $228兩個人可以食到一舊赤身中拖羅大拖赤身夠鮮 中拖味濃大拖真係返唔到轉頭 一咬就好似溶喺口勁滿足☺️☺️💟散叫刺身帶子刺身四粒($68) 完全冇雪味象拔蚌刺身($55) 好鮮味唔會好硬夠彈牙好鮮味有成七八嚿價錢仲要好抵🤩💟散叫壽司價錢全部都唔貴全部都係兩灌嘅價鰻魚壽司($35) 勁香 冇骨 鰻魚汁好香 鰻魚又大塊碟魚邊壽司($38) 好重蝶魚味 火炙埋更香蟹棒($25) 相對普通啲 不過價錢唔貴都值得一試☺️💟玉子燒 $38好大份 價錢又好平 重點係整到好滑甜甜地 性價比高💟吉列豚丼 $108豬扒喺新鮮炸所以好脆飛機係入面塊豬扒仲好滑 配埋吉列汁撈飯😳真心好好食 勁正 記得盡快食如果唔係豬扒就

最近家中老闆喜愛搭下隻三門仔船去對面蘇豪東食野，見到間壽司鋪就又被吸左入去。前前後後食左三次，覺得佢都算係咁囉。      最值得講其實係第二次去，入到坐吧台，叫左佢個「玥」既廚師發辦，家中老闆食個火灼左口魚飯。其實佢個D貨都應該算係咁，家中老闆話灼左之後，D魚油滲出飯度，令到碗飯好香好好食，我都忍唔住整左啖魚油飯，係確實幾好味。係睇住老闆佢好滋味咁啅啅啅緊既同時，我面前既師父已經準備好，先上左個沙津仔同蒸蛋，算係一個好既開始。跟手師父上左個刺身兩點，係白子同煙熏走地雞，由於老闆好唔食白子，所以好似冇影到相咁。跟手師父問我食唔食芥辣，家中老闆即刻話我都幾好，師父好FIRM咁點左一吓頭就整第一件油甘，我食左就被芥辣打低左。師父都好野，佢見我唔多掂就主動同我傾會輕手一點。大家笑左一笑，完全明白。第一第二件係 油甘同埋鯛，貸靚，師父手勢好。第三第四件係 喜之次同埋平政，兩款師父都有灼一灼個表皮，話如果唔係咁做個客會好難咬碎塊魚皮。講時講，佢地呢間壽司既師父灼野功夫幾好，好到位。第五第六件係 拖羅同埋吞拿魚醬油漬，拖羅就梗係好，但件醬油漬都唔錯，同舊飯好夾，魚味輕輕被醬油引左出黎，呢件係喜出望

某星期日，一家三口閒逛鯉景灣，順道一試這間評分甚高的日本餐廳。一進門，侍應便說沒有普通枱，要排第二張，問我們介不介意坐Bar枱，我小朋友只得三歲，當然不甚理想，但鑑於已是午飯時間，加上大家都餓了，所以便入坐，希望稍後有機會便轉往普通枱。安定下來，我們便點了一個魚生定食， 一個壽司定食和一碗熱牛肉烏冬，食物很快便到來， 味道也很不錯，魚生鮮甜，牛肉烏冬的湯底味道亦很清甜，很適合小朋友口味。吃了不久，我們看見有一張普通枱騰空了出來， 便詢問店員能否轉移，她居然不客氣地拋下一句 : "已有人訂了！"。 還記得入座時明明說排第二，怎麼一轉眼卻有人訂了？ 我和太太都覺得她們可能嫌麻煩，便作了此藉口。算了，我們也不再追究，只是我小朋友一路吃得很辛苦，難為了他。結帳時，回望那一張普通枱，居然只坐了兩人 ; 再看看另一邊有一對父子，小朋友跟我兒子差不多大，坐下時也同樣不能膊頭高過枱，這刻侍應們卻提供了一張BB坐墊給他，我真的有點驚訝，為什麼早半小時前妳們不拿給我呢？真的要開口問才有？我只能說，這餐廳食物質素是好的，但性價比卻不甚了了，同樣價錢在其他地方應該可以找到更好的，而服務卻是最差勁的一環，所以只

友人介紹蘇豪東有正嘅日本野食，趁着太古城中心提早關門，就走左去西灣河海旁食好西！店鋪座位不多，枱與枱距離尚算寬躺，我們一行4人試了晚市套餐。有關燒魚：平目魚好出色，鯖魚有些少乾口，但性價比好高，有關壽司：一黎到就流哂水口！日本象扙蚌同特大赤海蝦比想像中出色！推介啊！🤤肥仔波絕對會再幫襯！🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺肥仔波指數：4/5分

成日經過西灣河都搵下附近有無好西食今次唔例外行左去海旁想食下埠但好似好多人所以黎左鮨玥，叫左左口魚邊定食加牛舌。相當唔錯，燒得剛好，上菜速度快係位置差少少，其他都唔差BTW, 有無人覺得距同加賀屋好似。 Menu 好似但 food quality 高d..Highly recommended to have a supper here. IT costs ard 150 to 200 per person depends on what u order.

得兩個侍應，坐低之後頭果5分鐘，都冇人理我地又冇比餐牌(人客只有小量)唉，俾人冷漠對待後，已經對餐廳大打折扣，隔離枱仲不停落錯單添而且工作分配得好差。聽到隔離枱問侍應係咪有滿$500就有得送海膽壽司，先知有依個優惠，如果餐廳侍應可以主動同食客講有優惠嘅話，感覺會比較良好。兩個人既晚餐，叫左一個套餐，再散叫一啲小食。松壽司定食，前菜有沙律，麵豉湯，可惜冇我最愛嘅蛋碗蒸，仲有2隻炸蠔定食有八件壽司，不過不失，諗住個海膽壽司會比較鮮甜，點知唔及佢做緊優惠嘅兩件海膽壽司好食，有苦澀味。其他嘅壽司同連鎖壽司店嘅大毛小樣，放得入口，又未能滿足食蕾咁囉。牛肉烏冬，湯底係味精比較咸仲有好多洋蔥(日本餐少見咁煮法)，啲牛肉真係唔可以接受，鞋個鞋底呀，又無味，又鞋濕濕咁，真係食左兩舊後已經唔可以再放入口。燒三文魚頭價錢算平，雖然有手掌咁大，但係未算好多肉。仲叫左個平時比較小有既白子壽司，🐯一個食，食後感係無味道😨成餐飯最滿意嘅竟然係佢嘅wasabi,夠辣，唔係沖粉嘅Wasabi，有一絲絲既。雖然係SOHO東區既餐廳，難免有少少期望既，理應係依個地理位置既餐廳質素會比較高，可惜今晚嘅晚餐令我大失所望。其實餐