鮨玥 (已結業)

第二次黎西灣河呢個站，同樣係黎食日本菜。由西灣河地鐵站向海方向行約10分鐘就會到，比想像中方便👌🏻鋪面唔細，坐得幾舒服。我地兩人share黎食，叫左一個定食同散叫一堆小食。先講個壽司定食，每件刺身都相當新鮮，尤其帆立貝非常肥美、海膽十分鮮甜。定食包嘅沙律同麵豉湯都唔錯。小食方面，我極推介油甘魚鮫同餃子雞翼。油甘魚鮫油脂豐腴，魚皮燒得甘香薄脆，魚肉剛超級嫩滑。餃子雞翼餡夠哂多，睇落脆卜卜，好食！！😍我地亦share左枝300ml獺祭，邊飲邊食，食完再去碼頭吹下海風，好不悠然。