影片
更多
2021-06-18
2405 瀏覽
呢間都易book,唔洗等好耐，同埋佢呢度有兩層。我坐上面嗰層，好熱，佢冷氣開得唔夠；但我費事出聲話熱，因為同場嘅侍應，師傅，同埋同場另外六位都唔覺得熱🥲。綜合成餐感覺唔係太好：成餐飯熱熱地；食得耐，12點到2點15分左右，師傅一次過對七個人。四位一組同我一樣係14件餐，有位兩傾計同自帶酒再叫酒客，佢地又叫$1680既餐，攪到Lunch都食咁耐😂 ；同埋呢間野啲魚料真係唔算出彩，材料有啲鮮味一般。 咁樣嘅價錢我絕對會去返鮨野，今鮨同埋鮨㐂。但當然所有嘢都有兩面睇，有人就係鍾意咁慢節奏，慢慢食慢慢傾，咁樣去享受。但我自己偏向大路Lunch，師傅一位對最多四位，唔洗等食咁，食完一件，飲啖茶，等多一陣就有另一件。上既順序：同埋數黎數去，15件（咁益我🥲，好飽）；最後仲要唔係味噌湯，仲整碗素面俾你😵有雪糕我冇食到。睇人哋之前嘅食評，話有雪芭，雪芭我就有興趣好一般，無鮮味，化化軟軟咁，係超市質素😅呢件鮮甜正常，但炙....炙都唔係問題，但炙到帶唔起成件事，無謂既炙；我自己食落覺得無謂既炙北寄貝都炙🥲，仲要趙到後尾，可能係黐住壽司飯嗰邊嘅肉，少少腥赤身嘅表現竟然幾好中拖同大拖都係正路，但大拖炙到白烚
呢間都易book,唔洗等好耐，同埋佢呢度有兩層。我坐上面嗰層，好熱，佢冷氣開得唔夠；但我費事出聲話熱，因為同場嘅侍應，師傅，同埋同場另外六位都唔覺得熱🥲。
綜合成餐感覺唔係太好：成餐飯熱熱地；食得耐，12點到2點15分左右，師傅一次過對七個人。四位一組同我一樣係14件餐，有位兩傾計同自帶酒再叫酒客，佢地又叫$1680既餐，攪到Lunch都食咁耐😂 ；同埋呢間野啲魚料真係唔算出彩，材料有啲鮮味一般。 咁樣嘅價錢我絕對會去返鮨野，今鮨同埋鮨㐂。
但當然所有嘢都有兩面睇，有人就係鍾意咁慢節奏，慢慢食慢慢傾，咁樣去享受。
但我自己偏向大路Lunch，師傅一位對最多四位，唔洗等食咁，食完一件，飲啖茶，等多一陣就有另一件。
上既順序：
同埋數黎數去，15件（咁益我🥲，好飽）
；最後仲要唔係味噌湯，仲整碗素面俾你😵
有雪糕我冇食到。睇人哋之前嘅食評，話有雪芭，雪芭我就有興趣
好一般，無鮮味，化化軟軟咁，係超市質素😅
呢件鮮甜
正常，但炙....炙都唔係問題，但炙到帶唔起成件事，無謂既炙；我自己食落覺得
無謂既炙
北寄貝都炙🥲，仲要趙到後尾，可能係黐住壽司飯嗰邊嘅肉，少少腥
赤身嘅表現竟然幾好
中拖同大拖都係正路，但大拖炙到白烚咁，不如切到到靚靚仔仔就咁上算😅
但老實三件鮪既質素都唔錯
又炙，有筋
老實我個人一般般食omakase。
垃圾快餐、手拉麵、點心、辣既野先係我比較愛既野食😂；
但無得去旅行，探店呢種行為都覺得幾有趣。想試新既，但另一半仲講你試到好既，做咩仲要冒險做直升機機長
我之前同佢去鮨舍利，我話咁既你試唔到呢？佢又唔出聲😑。
你唔開下你眼界？真係逐間試，認真，食多啲自然有自己結論，仲後生，真係逐間食食食，開下眼界。
俾著我勁有米唔在意錢既一定只食最貴個（而家咁只留係香港）五六間：只需要最好，唔需要試手勢，唔洗俾機會、唔需要伏🥲
（最緊要咁樣必係熟客，熟客食邊間都一定好開心……..）
我第一間試既係sushi hana 因為睇開挨豬一對夫婦佢哋成日去嗰度，佢哋一定係熟客，咁我又好奇心，同埋啲圖片都表現得幾好。
就好似食東南亞菜，泰國菜越南菜咁樣，可能一年都冇食兩三次😬。但係愈試愈覺得omakase幾得意，師傅啦，一期一會啦、香港勁多啦，但每間到底係點，想base on 自己認知，睇下每間係自己心中到底係點
服務方面呢間去到中間有幫我成杯茶換，咁既價錢，O左。侍應服務都正正路路。師傅，每件都會介紹一兩句，中間問我會唔會趕時間：得一條友長期係度等食，話可以整左我個份先😂。點敢，雖然悶，但我唔趕時間，同埋點可以阻到人地既速度😅😅😅
食埋呢間既個人排名：（Lunch only)
志魂
鮨慎
Sushi zo
鮨.齋藤
鮨舍利（一訪，排名隨時落返中環去開既，同當次係龍師傅整，唔知其他師傅會唔會影響😅）
Sushi tokami
Sushi hana
鮨野（多訪）
鮨㐂（二次）
今鮨（三次）
志（一訪）
鮨瀨
粹
（排名只係我個人&一餐半餐既感想；同一間第一餐同第二餐體驗都會好唔同、整體感覺、非熟客。）
呢篇起：唔再提體驗唔好既，同唔再去既😂。做人厚道啲&同埋係我自己唔再去，點知第二餐點樣。
張貼
