246
6
5
港鐵上環站 A2 出口, 步行約4分鐘 繼續閱讀
所有分店 (2)
電話號碼
25671168
營業時間
今日營業
全日休息
星期一至六
12:00 - 14:00
18:00 - 22:00
星期日
全日休息
付款方式
Visa Master 現金 AE 銀聯
其他資料
電話訂座
加一服務費
食評 (267)
等級4 2022-01-26
2315 瀏覽
Lockdown前食到如此高質的omakase最後晚餐,實在太幸運了。師傅好專業,逐樣菜式詳細講解,真係一邊食一邊長知識。係港島區又咁高質,性價比唔錯呀,值得一試。另外特別想讚下師傅的漬物,醃蘿蔔、牛蒡(勁好食)、qui頭、麵豉醬醃蒜頭,全部都好好味,食唔停口。Omakase Dinner $1880pp前菜、7款刺身、2款和食、6款壽司、味增湯、甜品前菜有高野豆腐、沖繩水雲同秋田名物- 煙薰醃蘿蔔卷忌廉芝士,好有驚喜,鹹香好味又creamy又爽口。刺身:1/ 魴鮄魚刺身+ 富津針魚刺身-魴鮄魚加咗竹炭鹽撒喺面,魚身有啲甜味-針魚剛剛開始當造,魚肉比較爽身緊實2/ 北海道帆立貝刺身 + 響螺刺身- 帆立貝好鮮甜上面加了生嘅青海苔- 響螺好爽脆,先食無調味清爽的原味,然後試配醬油和青檸汁帶出更多鮮味3/ 天草池魚刺身細切-加咗博多嘅萬能蔥、日本京蔥、芝麻夾紫菜同紫蘇葉食勁香。4/ 北海道油甘魚刺身加了柚子胡椒帶微辣勁,輕輕火炙過,魚油較重。5/ 室津真蠔-海水味較均勻,冇咁膩滯,再加咗酸汁、辣椒蘿蔔蓉、萬能蔥食。6/ 鰆魚刺身(馬鮫魚)-油份比較重,加左海鹽燒脆左表面,迫到油香出黎,加左三升漬(北海道的特產,以份量各一公升的麵鼓、辣椒和米醃製而成)7/ 吞拿魚刺身半飼養吞拿魚會比野生的肥少啲筋,中拖羅就咁點醬油可以食返魚本身味道。大托羅燒完迫出油脂帶焦香就包紫蘇葉、wasabi 同京蔥壽司:1/ 手釣金目鯛是較高級的類別,經燙霜處理,魚皮較煙韌。2/ 北海道富山灣白蝦 - 本身蝦味唔濃所以配用蝦殼熬煮的醬油、柚子皮再加紫蘇花增味。口感較黏,漿口充滿膠質。3/ 北海道新鮮沙甸魚 - 第一次食到新鮮沙甸魚,佢魚骨好細好多,師傅密密地戒確保唔係有魚骨殘留,配薑蔥蓉減低鐵腥味,可能要再多點薑蔥蓉,仍是帶點腥味。4/疣鯛 - 係蒼魚bb,皮下脂肪較多,師傅輕輕燒過表皮迫出油份油香十足再配辣椒蘿蔔蓉、萬能蔥食。5/ 北海道白海膽壽司 - 今日才知道海膽有分白、黃、赤海膽,平時常常食到的係黃海膽,今次第一次試白海膽,係未受精的海膽,比一般黃海膽高級,味道係非一般的鮮甜,甜味很清雅,海膽新體驗!6/ 蝦夷鮑壽司 - 鮑魚同蘿蔔一齊煮,非常腍再帶蘿蔔香甜味,個鮑魚肝醬就咁配壽司飯都好食。7/ (追加)長崎縣新鮮鯖魚壽司 - 師傅介紹的,較少食到的新鮮鯖魚,配醃醋蘿蔔吊味,食到尾好重油香。和食方面有玻璃紙鍋,用上羽太魚、大蜆、舞茸菇、海帶做的湯,湯超清非常香濃,集海鮮的精華。另一款蒲燒太刀魚(牙帶魚),望落好似鰻魚不過佢肉質較腍,配上日本香草同wasabi一齊食,正😋味增用了白味增,赤味增,越前味增三種味增煮,比起坊間偏鹹嘅味增湯來說,鮨燐嘅味增湯會偏甘甜、香味濃。甜品係非一般的好食唔係hea貨。京都宇治抹茶奶凍好高質好好食,用上北海道3.6特濃牛乳做奶凍再有淡淡椰香,超級無敵滑溜 微甜配濃郁純抹茶醬超正,真心推介❗️當晚特別有食神,師傅送了一客鱈魚魚乾 - 超級香脆勁濃魚甘鹹香味,餸酒一流,勁上癮秒清😂 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-15
1897 瀏覽
同朋友黎食dinner叫左$1380 /set ,喺中上環黎講價錢唔算貴,質素亦都唔錯。一開始既前菜漬物都有驚喜 – 其中一款蘿蔔cream cheese放入口之前都有少許猶豫,但味道係出乎意料地夾,令我都幾期待之後唔同壽司既配搭。師傅一如既往詳細介紹每款既來源、特色同做法。第一款壽司叫膠原蛋白鯛,女士們至愛, 聽個名已經想即刻食落肚~加埋少少柚子皮成個感覺好清新; 第二款石媛貝,有少少青檸碎非常清甜同開胃; 之後既幾款壽司 –池魚、針魚、赤貝、金目鯛都好鮮甜。跟住落黎師傅就開始準備油份味道比較重既壽司,亦都係我覺得最好食既幾款: 首先係梭子魚,輕輕燒過再加上蒜香帶出左呢種魚既油份同焦香,真係令人想再食多一件~另外長崎半飼拖羅,油脂分佈平均,非常肥美,入口即融; 北海道牡丹蝦既蝦膏味道濃郁甘香,肉質綿滑帶彈性,絕對係齒頰留香! 師傅話呢款係期間限定,想試既要快! 最後甜品係黑豆抹茶奶凍,真心好好味,唔會太甜之餘,抹茶既甘同奶香味完美地融合一齊,為呢餐畫上完美既句號~ 成個flow由淡味到濃味次序安排得幾好,師傅同客人既互動亦都足夠,成個體驗絕對值回票價。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-14
1207 瀏覽
近排迷上咗omakase,於是就好想試下dinner。佢呢間餐廳dinner有三個set可以選擇,咁我哋就揀咗個中間價錢嘅1680試一試佢先。咁另外兩個分別係1380同埋1880嘅。咁1380嘅餐呢就分別有1個先付,14件嘅壽司,湯同埋甜品嘅。我同男朋友叫嘅係1680,就有先付,7款刺身,壽司六種,熱食,湯,甜品。而1880嗰個餐呢就比1680多咗一個熱食。咁首先第一個前菜就係呢個南瓜蓉脆片,水雲同埋蘿蔔漬包cream cheese。呢個配搭非常之新穎而且非常之好味。之後嘅刺身分別有1,彷彿魚配竹炭鹽柚子皮, 伊佐木配蔥酸汁辣椒蘿蔔用同紫蘇花2,北海道帆立貝配青海苔3,象拔蚌配青檸汁,火焰象拔蚌邊兩食4,火炙靜岡金目鯛配芥末薑蔥蓉5,針魚配萬能蔥6,室津真蚊蠔,配酸汁啫喱,萬能蔥,辣椒蘿蔔蓉7,秋刀魚兩食8,長崎中拖羅咁熱食天婦羅包括有蕃薯,青椒仔,目光魚(配咗咖哩鹽)。壽司方面分別有1,千草石垣鯛2,鰤魚3,北海道赤海膽4,北海道牡丹蝦配燒蝦膏5,幻星鰹6,火炙鰆魚7,火炙大拖羅甜品有抹茶奶凍成餐飯都食到非常啲飽,師父十分之nice。推薦 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-10
997 瀏覽
今年聖誕節都未能外遊,於是約定好友在本地盡情吃喝玩樂。今次我們的主題是要尋找日本美食,大家立即想到Omakase。我們聽聞這間位於上環蘇杭街地舖的「鮨燐」質素高、服務好,於是預訂了午市時間到來。中午時段座無虛席,廚師很有熱誠地和客人互動。我們點選了兩份壽司14貫定食的廚師發辦。茶碗蒸首先是茶碗蒸,蒸蛋口感嫩滑,與雲耳和蟹柳一起食用,非常滋味。鮮菜沙律沙律菜新鮮清爽,加上醋汁,令人開胃。壽司14貫定食廚師說會用上時令食材,食用時將會由淡至濃味。北海道帆立貝廚師說要先用刀拍打帆立貝數下,讓其神經收縮,食落肉質更爽口。鯛魚這款是愛媛縣養殖鯛魚,膠原蛋白高,比一般鯛魚營養價值還多,食落味道較淡。深海池魚表面經過炙燒,迫出魚油甘香,肉質爽口;放上柚子胡椒醬,加添微辣味道。赤貝廚師用刀把赤貝𠝹至八爪魚形狀,並在表面放上靜岡柚子皮,柚子味十分出眾,帶出清香口味,爽滑有嚼口。鰤魚即大條油甘魚,廚師解釋80 cm以上才叫鰤魚,口感柔滑細膩。池魚相對深海池魚,這種較細條,肉質較軟腍,魚味較濃,表面放上碎蔥,加添香味。北海道牡丹蝦爽口甜美彈牙,廚師把蝦膏拆出微燒,香氣撲鼻。秋刀魚表皮𠝹開放上蔥花,肉質較軟腍,肥美甘香。中吞拿魚腩肥美腍身,油脂味濃,入口即溶。馬糞海膽海膽味道非常鮮甜,鋪滿壽司面層,口感十分creamy,齒頰留香。日本梭子魚即竹籤魚,肉質清爽,炙燒表面將魚油逼出,食落更甘香。醬油漬赤身即瘦吞拿魚,經過醬油醃製,肉質較實,有嚼感。 鯖魚長崎縣養殖鯖魚油份較重,魚味香濃。卷物黃蘿蔔紫蘇葉吞拿魚茸卷:黃蘿蔔爽脆,紫蘇葉清香,加上軟綿吞拿魚茸,多了一份層次感。乾飄卷:即冬瓜乾卷,味道帶微鹹,還加添wasabi辣味。腐皮昆布絲麵栗子雪糕最後還有香滑腐皮昆布絲麵和栗子雪糕,非常豐富。值得一讚的是廚師細心講解每一道壽司,讓我們加深認識 ; 態度有禮,常與客人互動。店員亦不時加添熱茶和更換毛巾,得悉我不吃菇類,便通知廚師不要放在茶碗蒸內,非常貼心。食材新鮮,性價比高,這次享用Omakase的體驗真的不錯。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-09
817 瀏覽
約左朋友去上環朋友食Omakase,叫左個14件壽司餐,質素非常高!前菜漬物共三款,其中八爪魚煮得好入味,蘿蔔加cream cheese的配搭相當有驚喜!每上一件壽司前,師傅都會講解產地、特色同埋點食會味道最夾。壽司由淡味開始,逐步食濃味的魚,今次omakase一次過食左好唔同品種的魚,大開眼界,大飽口福!第一款壽司--膠原蛋白鯛魚,配合柚子蓉,感覺清新,鮮甜。第二款壽司--石媛貝,今次加左青檸汁,爽甜開胃。繼續食的幾款壽司包括池魚、汁魚、赤貝同金目鯛壽司都好鮮甜。其中,金目鯛經過火炙後有份焦香,油脂肥美!師傅再同我地講,會開始食濃味的壽司。梳子魚經火炙後香味十足,焦香味四散!然後就食重頭戲--拖羅壽司。產地長崎,油脂飽滿,入口即融!另外,仲有一件北海道牡丹蝦壽司,另一件食完會印象深刻的壽司,蝦配合濃郁蝦膏,甘香無比,令人再三回味!期間限定,一定要試!甜品—黑豆抹茶奶凍,不太甜,奶香味十足。完美食完整個omakase!今次師傅安排得好好,成個omakase值得呢個價錢,物有所 繼續閱讀
(以上食評乃用戶個人意見 , 並不代表OpenRice之觀點。)